屋喔 (已結業)

食咗一排日本放題，今日專登同老婆去搵間non-日本餐廳。之前朋友食過呢一間，評價甚好。由於鋪面不算大，所以嚟之前最好都係book定位。鋪面嘅裝修別緻，用酒吧風為主，但又不會有那些嘈吵的背景音樂，。如果一個人嚟食，可以同中間部大電視撐枱腳。基本台式夜市嘅熱門小食都應有盡有。我哋叫咗客鹽酥雞，48蚊有兩碟嘅份量，除咗地道原味之外，仲有黑松露味，辣味。想試下新口味嘅朋友們可以一戰。蜂蜜芥末烤雞也是一絕。一份有四塊，而且全部都係雞膇，啖啖肉，不會太“鞋”。醬料摻和的味道不會太辣，老少都啱。本來想叫個凱撒沙拉（保險啲），但由於廚房缺料，所以換了牛肉沙拉。本身並不喜歡吃醋，好彩這店的沙拉醋是偏甜，牛肉唔會有好大tenderizer味。主食叫咗個男人的浪漫，雜扒餐（話明食fushion 嗎），裏面有雞，豬，司華大腸，配以餐廳特製醬汁，不會覺得太行貨。埋單300-400，價錢適宜。

今日約咗朋友食飯，友人是中環上班一族，所以就揀咗中環了。入到去覺得餐廳裝修幾特別，氣氛浪漫有情調，有一排燈泡做裝飾，牆上亦掛有小圖畫點綴，特別喜歡那幅大大的鼓勵字句。餐牌有兩個，一個係套餐餐牌，揭後啲就有嘢飲，另一個係散叫。頭盤選擇了屋喔雜錦沙拉，話晒係同餐廳同名的，所以我們想一試。沙拉配有薄薄的西冷牛塊、滷水蛋、車厘茄、沙律菜、菇、火箭菜等等，醬汁是酸酸甜甜的，十分開胃。接着是鹽酥雞，上枱時熱、香，很有台灣夜市的感覺，脆醬沒有太厚，炸得十分鬆脆。這個蜂蜜芥末雞鎚也很不錯，honey mustard的醬汁好好味，雞鎚是細細隻的，小朋友一定很喜歡。我們都是食肉獸，主菜選了屋喔雜錦扒軍艦，有烤雞扒、烤豬扒、法蘭克福珍寶腸，配有薯條和蔬菜。烤雞很香口，豬扒一點也不un！飲品是蜂蜜紅棗桂圓玫瑰，好味又養生，足料滿分珍珠奶茶，有得選熱或者凍

今日同朋友嚟到中環行街 行返落黎嘅時候，喺條巷仔發現呢一間餐廳雖然係巷仔入面，間餐廳既裝潢仍然好有氣場，很優雅喔!  行咗成日街，我都有啲攰所以就叫咗個套餐，唔單止有沙律、餐湯，仲可以加錢要埋甜品我就揀咗 凱撒沙拉 沙律顏色亮麗，食落爽脆新鮮 而是日餐湯係黑松露餐湯雖然飲落味道不夠香味濃，咁反而唔會太膩，又幾OK喎主菜選擇咗辣肉腸明蝦茄茸義大利麵 意大利麵好香，而唔單止辣肉腸係辣，醬汁都是辣的係類近香辛料嘅味道，有種嗆喉感而麵條好滑煎香咗嘅辣肉腸同明蝦就伙味道帶嚟唔同嘅層次，相當有水準餐湯同埋意大利麵都咁有水準，雖然飽飽哋，都想加錢換個甜品抹茶蒙布朗 鋪滿咗雪凍咗嘅抹茶CREAM 入面有再鬆軟既cream同埋海綿蛋糕有3種唔同層次，而且唔會太甜

今日接朋友收工，就去咗附近搵間好餐廳，好好放鬆一下呢度嘅燈光較陰暗，高雅 而且坐位夠大，坐得相當舒服 雖然呢度嘅裝潢十足西餐廳，但原來都有中餐 我就揀咗一個晚餐系列，有前菜同埋魚湯時蔬麻麻醬油雞翼 雞翼斬開左兩邊，食得相當方便，而且凍食都咁夠味 蜜味臺灣香腸突然懷念台灣風味，就叫多咗個台灣香腸果然係皮脆、內嫩、多肉汁!冇令我失望而且超級熱辣辣，呢個都係精華之一沙茶京蔥牛肉 配 白飯主角黎啦~京蔥牛肉炒得好香，而且一啲都唔咸，只係惹味，送飯就岩岩好而且牛肉分量相當多，絕對唔會出現蔥多過牛肉嘅情況蜂蜜桂圓紅棗玫瑰差啲唔記得介紹呢杯飲品 呢度嘅蜂蜜桂圓紅棗，除左有淡淡嘅玫瑰香味、仲有蜂蜜、桂圓天然甜味仲有蠟燭係下面keep暖暖哋既溫度

叫左一set 西式晚餐!有沙律有湯有意粉同飲品！齊哂幾正啊！個沙律係凱薩沙律！菜好脆好爽！個粒粒麵包又好香好脆！加埋香到爆既煙肉粒真幾好幾開胃！伊個忌廉蘑菇湯真係無敵啊！勁勁勁濃啊！每一口都有蘑菇既香味同食到粒粒既蘑菇蓉！好香濃啊！個意粉都好好食啊！明太子粒粒咁令到個意粉好爆脆！個意粉好好食！唔會淋到過火！有口感！仲有好多煙肉片係入面！好食啊！飲品叫左水果茶！好香百香果味啊！仲有好多水果係入面！另外叫左個小食係蜜糖芥末雞膇！少少辣又甜甜地！幾好食！

跟朋友去了一家很好吃的餐廳吃晚餐，那裡的侍應很熱情地招待我們。叫了一個洋風滋味排餐(大概是這個名字了)，闊條麵很有口感，吃起來啖啖都是醬，很好吃。 飲料叫了一杯名字很好聽的飲料，叫冰藍蝶花青檸特調，酸酸甜甜的，挺開胃的。忍不住就多點了一個小吃和沙拉了。叫了一個黑松露薯條，黑松露份量有很多，幾乎每一條薯條都有，而且薯條外脆內軟，十分滋味。 還叫了一個 牛肉沙拉，第一次吃牛的沙拉，感覺好特別。這沙拉也 好有特色，牛肉煎得香香的，而且很煙韌。它還加了脆片，溏心雞蛋，所以有很多不同的口感。不過感覺沙拉有點肥膩，畢竟是牛肉做的嘛，所以只好多讓給朋友吃，自己不吃那麼多了。見不夠飽 還多叫了一客餃子煎得很香囗 而且很多汁

同媽咪去食飯，當然要就返返工附近的地方，就去咗呢間平時中午媽咪都成日去嘅餐廳，晚飯同午餐食嘅嘢唔同，有晚市套餐同埋單點食品。我就叫左一個抵食套餐，好有台灣風味的古早牛肉麵 $88 + 包埋餐飲 選擇咗珍珠奶茶牛肉麵個面先係精華，好似手切麵，質感特別厚！仲有個牛腩麵湯底，簡直無得輸，味道濃郁而且熱辣辣。話就話係牛肉，但係個感覺好似牛腩，其實就係經過特製的牛肉，所以樣子都特別唔同。原來裏面仲有一條菜，係小棠菜。珍珠奶茶小冰，比較健康，甜味十足，珍珠就冇咩彈性，不過勝在夠甜。野菌胡椒牛肉闊條麵$72今次嘅牛肉就真係滑牛肉，而且有好多其他菌，特別豐富。胡椒味都幾香，雖然佢唔係湯麵但係濕潤度高，不會很Dry。闊條麵有同之前個面有啲唔同，比較闊身同埋薄少少。玫瑰巧克力（冷）$32由於闊條麵係單點食品，所以另外叫嘢飲就要比正價，玫瑰朱古力都幾唔錯，唔係自己整嗰種朱古力嘅味道，仲有啲玫瑰花蕾係個底，勁～我哋好早嚟到食飯，當時冇咩人，但係去到七點幾就開始好多人，好熱鬧，不過個環境依然係好浪漫，因為燈光比較暗。

貓貓晚餐食好西。餐廳係個巷仔入邊，冇諗過餐廳野食會咁好味。餐廳裝飾好靚，好適合坐低慢慢吹水。貓貓食左台灣野，三杯雞。成個set好多野食。有麻辣牛舌，湯，三杯雞，返，同埋飲品。搞到貓貓好興奮。厚切牛舌。勁爽口，牛舌煮得啱啱好。一塊塊牛舌粒，少少辣，越食越開胃。三杯雞份量大，好多雞粒。食到正宗既台灣味道。勁香，同蒜粒一齊食，好好味。雞肉爆香過，口感脆，三杯雞既味道夠。飯係用好米黎煮，好香。連飯都高質，呢間野真係算係咁！食完飯已經好飽，不過都想食下台灣腸，身為港貓鍾意外國野食係基本啦。喵。台灣腸炸得香，口感彈牙，仲有蜜糖一齊食，好好味。台灣腸真係好過香港廚師腸。貓貓飲返杯蜂蜜綠茶，濕一濕自己既嘴，順便清走台灣腸既味。飲住綠茶，同兵仔聊聊天，吹吹水，吹下吹下，就咁吹出一個舒服既星期六夜晚。

平時喺中環食lunch 真係好高消費，但今日我同女朋友誤打誤撞入咗條小巷，見到呢間餐廳裝修好靚，望一望餐牌價錢都好合理，就入去試試佢！ 入面嘅環境好似coffee Shop，俾人一種好休閑嘅感覺，燈光適中，令我感覺好舒服。我同女朋友前後都叫咗三道菜同兩杯飲品。首先上菜嘅就係台灣牛肉麵，份量大，牛肉嫩，湯亦都唔係味精湯，我同女朋友差唔多飲晒成碗湯！第二道菜就係軟殼蟹蟹肉燉飯，燉飯同risotto嘅質感差不多，仲要冇咁油膩，唔會食兩三口就覺得好飽咁，蟹肉都好足料，我哋每一啖都食到鮮甜嘅蟹肉，軟殼蟹炸得金黃脆口，太捧啦！最後一道菜就係台式鹽酥雞，上面放左少少海苔，作為小食份量都算大，味道亦唔太鹹，外皮炸得好鬆脆。最後埋單都係$200頭左右，真係物超所值。今次叫嘅菜式全部都係台灣菜，但其實餐單裏仲有好多不同國家嘅菜式，所以下次嚟到中環一定要食多幾次！

老婆有局，所以，今晚就得一支公搵飯食，因為喺臨時臨急臨忙，所以，都費事約人，一條友收工過嚟機利文新街嘅「屋喔」回味吓佢個黑松露野菌蚵仔燉飯，因為年多前曾光顧過旺角店，對依個蚵仔燉飯印象幾深。再者，辛苦咗成日，都想食好少少嘅。上次到訪旺角屋喔，一來喺日頭，二來兩邊都喺大玻璃窗，三來店內有唔少植物裝飾，感覺充滿活力，一派悠閒嘅台式咖啡店。但今晚到訪嘅中環「屋喔」，地方同樣唔太大，但昏暗嘅燈光，天花嘅燈泡裝飾，又有啲酒櫃，感覺正正相反，喺家有氣氛嘅西餐廳。雖然嚟食晚餐，坐落都已經喺打算叫晚市套餐，不過，都會睇睇主餐牌，睇睇有無咩變化。對比番年幾前晌旺角店影嘅餐牌相，菜式都真喺好唔同，當然仍以台式為主打，加入唔少洋食，如沙律、意大利飯、意大利麵、牛扒……等等，但竟然仲有西班牙海鮮飯。不過，我都喺簡簡單單點客晚市套餐就算，兩版紙嘅晚餐，一面喺賣台式家常菜，另一面喺洋風滋味，兩者夾埋都有十多款選擇。小弟講明喺嚟重溫佢個蚵仔燉飯，就梗喺揀洋風晚餐，包沙律、餐湯、主菜及$32或以下飲品。雜菜沙律沙律2揀1，揀前者雜菜沙律，喺少少油醋配沙律菜，雖然喺普通啲，但啲沙律菜夠冷涼爽脆，喺唔知點解食到尾有少少辣

Lunch叫咗個豬軟骨麵，賣相已經極差……食落完全係粗糙嘅豬肉。本來都唔想浪費，但係真係好難食……不如叫豬肉算啦😑環境又嘈，好應聲……唉，見唔使排隊先入去，點知中哂伏。柸橙味綠茶都麻麻地，但都好過個豬軟骨。D麵尚可

平常來屋喔食晏，主要都是揀它的台式家常飯或台式麵的套餐，皆因其正宗的台食味道，份量足，價錢合理。今天轉轉口食選其他的來試試，點左個屋喔牛肉雜錦沙律。上枱時賣相已相當唔錯，味道及口感層次多。材料多樣，熟的有鮮牛，鮮菇，鹵過的溏心蛋，新鮮的有火箭菜，不知名的幾款沙律菜，車厘茄，還有小食的粟米片，食起來口感豐富，味道有肉味，淡鹵水蛋味，車厘茄酸甜味，火箭菜的微甘苦味，再加特别的醬汁，食了幾口才悟起那該是黑松露加克醋，友人食到有燒计味，總之配搭好fresh幾特别，這沙律下次可以encore再食。我們二人叫了－客鹽酥花枝餅，而主食就點了軟殼蟹蟹肉燉飯。花枝餅該是現炸的，好燙口，鹽酥做到剛好，流心芝士，水溜溜，唔錯。主食這燉飯與risotto相似但没有太重牛油及奶味，不太油膩。蟹肉，蟹子洒在飯面增加鮮味，内裏洋葱加添飯的香甜味，舆酥香，軟稔的炸軟殼蟹好匹配。掛住食忘記拍照與大家分享添，不過實物與餐牌相都差不太遠。因避開午飯高峰時段，所以與友人食得好暢快，談得好開心。

中環俾人嘅印象不嬲都係消費非常高嘅地方，當然食店都唔例外，今次好難得咁就搵到一間平價嘅台灣菜。名字叫「屋喔」，其實一間食店嘅名都幾重要，如果係新派啲嘅俾人嘅印象會更加深刻；其實之前都幫襯過旺角戈間，因為覺得好食所以都有興趣試試中環呢間。其實我有啲抗拒食墨汁😂因為食完啲牙一定會黑曬，不過係好味嘅就唔怕一試；所謂嘅花枝相信大家都知其實係墨魚，花枝爽口彈牙，墨魚汁飯則濃味，份量亦充足。本身系朱古力愛好者，多數去親cafe等地方都一定會叫朱古力；棉花糖朱古力好多棉花糖，但朱古力略嫌甜左少少。

聽同事講呢度幾抵食，一於嚟happy friday...yeah yeah💁🏼💁🏼先嚟沙律：凱薩沙拉，特地影埋menu張相，因為好少可，實物比圖片豐富👍🏻👍🏻$48，分量好多！而且用上新鮮羅馬生菜，食落清甜爽口、脆脆的。必食item啊⋯⋯煙三文魚明太子醬意粉 $88主菜有唔少選擇，偏西式，燴飯，西班牙鑊仔飯、意粉、pizza....等等，總有一款啱胃口，我就揀咗意粉🍝🍝煙三文魚好多下，味道唔錯，唔會過鹹。意粉都好味，本身用咗牛油先煮，淨意粉都好香口，配埋煙三文魚食，就一流😋irish coffee 愛爾蘭酒芯咖啡 $32呢度有唔少特別口味揀，有d選擇困難症上身，因為樣樣都想試，例如玫瑰奶茶、玫瑰朱古力、甚至玫瑰草莓拿鐵....另外仲有啤酒，正呀！my cup of choice，愛爾蘭酒芯咖啡，無酒精嘅，幾特別，好飲！入去嘅時候可能掛住講，竟然見唔到呢個happy corner👇🏻好正👍🏻👍🏻係餐廳外感受歐陸氣氛😍😍果真happy friday😎

我地叫左一客峰蜜芥末雞槌，軟殼蟹蟹肉燉飯同三重起司培根蛋黃燉飯首先，雞槌蜜糖味超濃郁而芥末味較少，果然係好適合小朋友食而且，雞槌熱辣辣，好惹味！之後，係兩個燉飯。前者係起司，後者係軟殼蟹。起司個個真係有3種吾同嘅芝士，味道超濃，我好愛芝士，所以好欣賞。但因為當中肉類只有培根，所以可能對男士們未夠飽肚。但對我而言已經足夠！如果有更多芝士粉會更加正而軟殼蟹飯，味道好香，內有啖啖蟹肉+蟹籽。軟殻蟹炸得好脆。一啖飯再咬一啖蟹，好match再加上少量芝士粉，味道更佳