屋棋 (已結業)

第一個感覺很不錯，地方很大，因當天朋友生日，我們帶個蛋糕上去，店員便很醒目走過來幫我們將蛋糕雪好，而且不用切餅費，Board Game選擇很多，很多連見都未見過，我們問店員有什麼Board Game適合我們，店員介紹了幾款遊戲給我們，而且很有耐性咁教我們，最喜歡玩那款小矮人掘金的遊戲，和企鵝搶魚等。飲品方面他們的元肉杞子花茶好飲和足料，是以壺盛裝的，不像一般的cafe一杯幾片花瓣就當是花茶，邊傾邊玩，我們過了差不多四小時。

今次gathering 係cheese house 到搞見d 相都ok 好食...所以就trytry~佢地話開4點..不過4:30 都未開...不過等下都冇咩所謂la...因為我地冇book 位...但係一入去都有位坐..坐低就拎下d 棋黎玩...種類都幾多...不過個個人唔識教..教極都唔明..自己睇說明書仲快...都算~之後就叫野食...只有一d 好好好普通既公仔面..仲要等超過45分鐘!!又算!!mk 咁熱都只係想飲d 凍野涼下姐但係杯凍飲真係一d都唔凍呀!!!=.=叫佢拎杯冰都等左好耐..(個到夾埋我地先得2圍ja)好..杯冰最後都有黎..再算...又話有免費wifi我地問佢佢又話可能冇..可能冇??即係冇la!野食唔得但服務都唔見得好...真係好失望!

星期三，同一班friend 去玩棋，一向都有去d 樓上cafe 玩的，不過 今次真的應該 寫一寫我的感受。對於boardgame cafe，我要求都幾高，第一野食要okay... 但屋棋的野食~ 個個 星期都一樣既。 味道.仲要係...... 好一般。 服務，唔可以話係好差，只可以說係唔周到，亦冇同客人打好關係。1. 每次到訪，都真係好少人，入到去，坐底左冇咩人理。 2. 我朋友唔小心倒瀉杯野飲... 老闆好快就過來抹台抹地，但冇問過我其他濕身的朋友有冇事。 最後係俾番杯水我朋友only. 唔係話應份要俾番杯野飲我地，係做生意同客人的關係方面，會唔會考慮下 應該 俾番杯佢呢？ 佢都唔小心倒瀉左。 我朋友最後都有出聲想要番杯野飲... 最好笑係 老闆娘 當聽唔到，我本人再出聲問多次，都係 當聽唔到。 好野，一絕。3. 另一樣野，都唔係關於食物既，係佢的boardgame ，有差唔多一半是 番版game... 好野wor ，開cafe ，夠膽用番版野，都好支持"知識產權"喎！其實仲有好多 佢的不足之處，不過我唔多詳細講了。總之今次，經驗差，只能說，佢係boardgame

今日第一次去因為Weekday，5點幾所以唔係好多人到6點人放工先有多兩檯聽講星期六日會爆~呢度啲臺好大張，都係4-6人檯我諗係方便一大班朋友玩坐得ok舒服，地方算闊落有成個櫃咁多棋選擇好多都係外國棋未見過不過老板都好友善教我地玩一試玩就試左4,5隻唔同棋玩到唔記得走我叫左個紅棗花茶飲好清甜~ 同埋叫一壺就有得refill一次都夠飲~下次會再搵啲friends黎成日唱K都悶啦

之前已經黎過幾次~有d棋玩玩~同空中棋園差唔多~唔識一樣有人教你玩~地方更大~唔會好迫~野飲都ok~只係食物選擇比較少~晏就去ge話就食小食喇!^^~

原本約左朋友去食晚飯但未夠鐘，走左去一間朋友之前去過的一間休閒咖啡鋪：屋棋 Chess House間野起彌敦道信和隔離間大夏20/F裡面好多棋類等遊戲玩，款式好多由好古老的飛行棋，康樂棋至一D好新的外國棋都有最好玩的要算係個：超級無敵開口中……真係超好玩！間野要幫襯一杯30蚊以上的飲品，可玩2個鐘因為班朋友上晒來，玩到唔捨得走結果起度食埋飯先走D野都幾好食，個冰極薄荷咖啡幾好飲值得一提店員好有善，好有奈性教我地玩D外國棋好多以前未見過D外國棋原來O甘好玩的見上便好多人起度上網飲咖啡，應該有WI-FI掛？如果有朋友聚會的話，呢度都係首選之一

第一次去這cafe是中秋節4 個人一早book 左 table 10:30pm, 去到既時間剛好已經 10:30pm 真係有reserve 到俾我地 (覺得好好呀...因為其實果晚間cafe 都幾 full)每人一定要飲一杯野 ($30 -40), 就可以玩2個鐘啦店內有好多棋, card game......任揀, 店員仲會教你玩架 (有禮貌及耐性)我覺得佢地幾有心搞好間cafe, good!!! 我地 12:30am 準時埋單離去 ~~~