山崎麵飽

營業中

休息中

還記得小時候經常吃山崎麵包的朱古力冬甩，那時才$4個，但現在百物騰貴，已經漲價至$10，所以我都唔捨得食佢嘅包。每次買山崎都係買袋裝麵包或者每月特價的麵包，今次買咗個吞拿魚包。包上面有少許沙律醬。吞拿魚餡與麵包的比例剛剛好，以$26 /3個來說，算幾抵食。

山崎麵包有品質保證，每一款都好想試，睇到你眼花繚亂。 最後是咗冬甩， 味道好好味，唔會太甜。 記憶中佢有美味棒係最出名的， 有黑糖，有原味， 不過唔係成日見到有得賣，有時會買曬，有時未出

自從懂得自製麵包後，已甚少購買山崎的出品. 因為價錢偏貴且麵包輕飄飄，吃一個也不夠飽肚. 不過這天早上，家人替我預備的早餐竟是山崎的出品，也就嚐嚐. 金文拔芝士千層 ($17/2件) 家人知我愛吃芝士，特意選了這款給我. 可惜除了外觀一般，內裡也完全沒內餡. 連面層也沒有烘到金黃，賣相都很一般. 咬開一看，麵包是頗鬆軟的，可惜內裡所謂的千層，就只有數層麵包，內裡再塗上薄到無可再薄的芝士醬，而且是塗得不均勻的，整體就是似吃無餡包一樣. 如果你喜歡吃芝士包，奉勸一句，千萬別選金文拔芝士千層，你是絕對會後悔的!!

每次經過Yamasaki買條美味棒但又想試下其他，其中有summer系列添！～今日就試香軟杏仁朱古力包、迷你蛋沙律包、迷你朱古力卷、迷你朱古力牛角酥、綠茶紅豆鍋餅。Nice stick 美味棒…口感好軟熟，入面d cream好滑，味道剛剛好Chocolate almond soft bun 香軟杏仁朱古力包…有少少失望，整體感覺比較乾身。無再買的衝動Mini egg salad bread 迷你蛋沙律包…芝士味好出，咸咸哋，好啱下午茶時間享用Mini chocolate danish 迷你朱古力卷…表面有一層糖霜，味道唔算太甜、口感軟熟。Mini chocolate croissant 迷你朱古力牛角酥…好軟熟，濃濃的朱古力味。推薦！Green tea red bean mochi 綠茶紅豆鍋餅…有咬口，口感煙靭，味道少咸有淡淡的綠茶味

未食早餐下兒先送小朋友返學，回程時又經過yamazaki,見入面啲人買麵包買得咁開心，自己麵都不知不覺咁又中埋入去。第一眼就午俾 丹麥扭紋冬甩 吸引住，冬甩就冬甩，做咩又右加 丹麥 二字落去？估計因為佢唔似傳統嗰啲圓碌碌一個，面而似丹麥條長型同又係扭紋。再買多個多數小朋友都鍾意嘅 朱古力扭扭酥 俾小朋友放學後做茶點，就走得了。急不及待試左我個 丹麥扭紋冬甩 ，冬甩唔似其他麵包咁焗熟，面而係用油炸，但又未至於炸到好似油炸鬼咁過火，所以每咬一啖都係個皮好煙up入面又軟軟地，表面嘅沙糖更加係增加左冬甩嘅美味，沙糖點到即止，唔會話唔夠，但同時亦麵都唔會話食完覺得好漏

送完小朋友返學經過Yamazaki麵包店，為左買第二朝自己同小朋友嘅早餐於是入左去買麵包，有幾款新鮮麵包$9.5一個，買2個會平少少，買3個又會再平少少；今次買左2款，一個吞拿魚包，另一款叫朱古力脆脆包。先請吞拿魚包:yamazaki嘅吞拿魚同其他麵包店嘅吞拿魚包有分別，其他麵包店係吞拿魚做餡，外形似一個太空館，但咬落多數會發現係“空氣包”但yamazaki嘅吞拿魚包以pizza方式登場，有幾多吞拿魚餡都一目了然，吞拿魚加份量唔少嘅洋蔥粒同少量粟米粒，令人每咬一啖都有吞拿魚香味又有洋蔥爽脆，洋蔥粒雖然唔少，但一啲都冇搶走吞拿魚的味道朱古力脆脆包:可能已經放左一晚再加上一直係用袋包住，今朝食時表面上的脆脆已經淋晒，令個包失色不少，當然，呢個係我個問題；切開個包見入面係朱古力醬，有啲驚喜，朱古力醬類似金沙嗰隻，幾好食，但個包太厚，唔係好推介

因本身鐘意杏仁茶陣味，見佢地有個杏仁茶餅，心恩恩想試下，於是就買返屋企做早晨。一試之下真係好失望，杏仁茶餅一啲杏仁茶嘅味道都冇，成個餅根本就係清蒸蛋糕 只係面頭上有少少杏仁片，當然不能夠望呢少少杏仁片可以帶到俾個蛋糕有杏仁味。總括黎講就係失望

是日早餐無著落，工人姐姐放假，老婆話想食麵包，我就落左樓下買，因為要禁錢行左去屯門站，唯一既麵包舖就係山崎，入去望望有咩包！最後買左"黑糖香軟包"，Total有九片，啡啡地色，每塊形狀似方包咁，但Size細啲。黑糖味非常足夠，甜甜地唔會過甜，麵包都好軟熟。我喜歡塊麵包皮，普遍都係硬的難入口，有時我直頭唔食但呢個唔錯，軟身易入口！香港真係乜都黑糖，甜品，黑糖薑茶，宜家連麵包都有！厲害

我每天都會坐西鐵返工 ,屯門站有3間麵包店,山崎是我其中一間常光顧,山崎是屯門站三間麵包店最旺一間 ,它的麵包種類算多,我覺得山崎麵包新鮮好味,萄式芝土球同牛角包最好吃，價錢16元/6個算平,早餐不用吃太飽,香港人生活忙碌，早上好難有時間慢慢吃早餐，另外，它的綠茶奶又是好好飲，味道不會太甜,我十分喜歡飲這個，買開早餐順便買埋啦