山田海韓國料理

營業中

休息中

同屋企人一共4人去食一入到去氣氛完全食韓國的食堂咁好有feel好local 老闆娘係韓國人見到我同妹妹即話 因為係小朋友所以送紫菜比我地食韓國阿豬媽好熱情！一叫完野食就送上好多碟配菜豐富過係韓國食有我最愛的甜燜薯仔仲refill 多次呢度配菜竟然有水果沙律而kimchi 就不大驚喜Main course 1. 拉麵年糕年糕略硬但魚糕好正不辣味道剛好 不濃不重岩香港人食2. 牛肋骨超正！超正！超正！呢個真係好好食好充料好多肉唔會得幾舊骨而且燜得好入味送飯一流佢有配一碗飯的呢樣必點！入面仲有冬菇3. 牛肉拌飯驚喜不大普普通通牛肉不多4. 海鮮餅海鮮腥味明顯餅底質感較水 軟個人比較中意乾身同脆d但味道不錯環境衛生服務態度十分良好Staff會拎野黎免費比你食下我都見佢地好勤力咁幫其他客人烤肉呢邊絕對會草到長期客而且好岩一大班人收工食飯gathering 整體黎講性價比高！會再來！推薦！

果日一行10人，因為舊同學生日，成班老友難得一聚，梗係要搵個好地方食餐好，其實每次老友聚會搵地方食飯都係由我呢個公認食神黎決定，不過今次生日果位話上次去過一間好好食，好正宗，又隐世既韓國菜，叫我地一家要去試一下。心諗：「又好﹗今次又比你話下事，吾好食係就知味道。」講真，吾係有朋友帶都吾會特登走入去工廠大廈搵食，不過之前透過open rice都睇過好多觀塘區既工廈餐廳既報導，今次有機會入到工廈搵食，的確係一個吾錯既飲食體驗，癈話少說，一於帶大家直入主題。首先一入到去地方整齊企理，雖然無豪華既裝修不過干淨光猛就已經吾錯，以前成日去開出面D韓國餐廳，D燈光昏昏暗暗咁，食到一半都想訓著。Zzz….成班友仔一坐底，個個都拿住個餐牌研究一番，好似樣樣都好正咁，樣樣都想試，吾知點好，唯有問下個店員有咩好推介，服務態度都尚算良好，佢推介左兩個套餐比我地，一個係套餐海鮮鍋，另一個係韓國拼盤套餐。我無問題，不過我比人叫得做食神，梗係要點番兩樣了能野先顯得我識食架﹗我係餐牌上面見到個醬油蟹套餐，二話不說又點埋。其中我地有幾個大男人話：「10個人食三個餐夠吾夠呀？」心諗又係喎，所以再追加個韓式炆豬手，點知……

星期六下午，觀塘商業區的人流較少，但照常營業的食肆也較少。幸好工廈內的山田海韓國料理也有午市套餐供應，只是沒隨餐附送汽水。歌利亞和同事們點了三款不同的牛肋骨料理。先來六小碟前菜。除泡菜較酸外，其餘五款味道不錯，特別是蛋餅，非常香口。歌利亞點的是鮑魚牛肋骨湯($90)，附白飯一碗，在蔥花蛋花湯內有大量白蘿蔔及牛肋骨，湯底味道清甜。牛肋骨亦不單是骨，牛肉量亦不少，而且又淋又有肉味，鮑魚size比想像中大，肉質彈牙，不錯。湯內也有大量韓式粉絲，非常飽肚。同事點的牛肋骨大醬湯，湯內有大量菜乾，味道出奇地夾。招牌炆牛肋骨，下飯一流，個子細小的同事竟吃光光。此餐共得三個印花，滿六個送韓式燒雞肉乙客。雖然食物美味，但價位較高，集印花是吸引回頭客(如歌利亞)的聰明方法。

觀塘工廠大廈內，由工廠大廈門口到店鋪門口，非常香港傳統工廠環境，貨物升降機，沒有任何裝修及空調的行人走廊，店主及廚師是韓國人，不懂廣東話，但店員是香港人，店鋪裝修都不錯及雖然沒有豪華但尚算舒適，金菇牛肉粉絲湯，比較普通，真係金菇牛肉粉絲，味道可以，但沒有可以大讚地方，招牌炆牛肋骨，比較甜了些，牛肋骨粉量都不少，但紅蘿蔔及白蘿蔔煮得不夠，感覺硬了點，朝鮮什錦拌飯，配料多樣，味道亦佳。以價錢計是抵食，但總結不可以話好好食。

完全無驚喜的韓國料理。不需說明，眼睛說亮，請猜猜相片中果兜器皿係咩？！用煮公仔麵嘅煲，杰身嘅湯底，啲菜完全吸哂啲湯，賣相奇差，完全無大醬味，一嚿牛肋骨。店員已經再更換，我不是投訴得一嚿牛肋骨，而第一次上枱，賣相令我吃不下，似食剩嘅一碗菜干湯。餘廚一樣。不是再換上，只是加多一點湯同一嚿肉。有分別嗎？店員只是說間間做法不同，我真孤陋寡聞，見所未見，面前確實一煲菜干湯。👎🏿完⋯吾會再幫襯，呢煲野八十蚊。頂。🤢

這間是韓國人主理的，食物都好正宗，雖然是觀塘區，但不會比尖沙咀韓國街的食店差。價錢亦比尖沙咀便宜，但不是平，我只是覺得食物和價錢都合理。味道不會得個辣字，已來過好多次了。

Usually Korean lunch places don't give you side dishes so it's nice here where they give you big servings of different side dishes. Had both the soup and the bimbimbap. Soup was just average but the bimbimbap was great.

逢星期五係一班同事外出食Lunch既日子由於人數不小 所以揀餐廳首要有得book位今早11am打去book時已經話好full 講明左六人要迫埋左四人枱，OK 呢間韓國餐廳食過幾次了以經驗來說，lunch time時間一去到就要盡快落order 尤其係石頭鍋飯，之前試過要等30分鐘 亦見過隔離枱等太耐都無食物要取消單呢樣係呢間餐廳缺點之一落左order之後 店員好快會送上小菜係免費既 我地今次有六個人 送多左碟中間既新鮮泡菜(呢個好好味啊)另外薯仔都好好食 好林好入味*平時兩至四人有都有六碟*今次都係搏一搏 叫左石頭鍋飯因為感覺只有呢個飯先最抵食入面有小量牛肉 有白/紅蘿蔔絲 脆肉瓜絲 冬菇絲 波菜 芽菜同泡菜配料都幾豐富 建議要加辣醬食先好味其實佢個辣醬都不太辣真係好熱 小心辣口！同事叫左呢個豬肉醬飯賣相真係一般 似茶餐廳既碟頭飯不過就承惠七十大元 值吾值就見人見智啦午市套票都會送汽水的同埋午市免加一

觀塘工廈一向出名多驚喜cafe，今日行街行完聞到好大陣燒烤味，原來係韓燒，雖然啱啱去完韓國，但係都仲好懷念韓國嘅鐵板燒，所以同男朋友決定來呢度食返餐好嘢。韓國菜咪叫餸先來6個小前菜，不過冇咩特出。然後我哋揀咗個燒烤拚盤->烤肉雜錦拼盤(豬,牛,雞)睇落呢就唔係好多嘢食，仲以為唔夠，不過唔貪心，食左唔夠再叫。嘩佢啲牛肉燒左都幾嫩囗多汁，雞肉有囗感，豬肉半肥瘦有質感但略嫌油膩，但整體來講材料質素唔算差，肉汁全部都鎖得着。另外辣泡菜豬肉湯幾濃郁微辣，不過卻掩蓋豬肉味道。呢度嘅服務態度都幾好，店員仲送咗我哋一個新鮮醃制泡菜，個味道都幾得意喎同普通傳統泡菜唔一樣，菜味新鮮爽口。

再臨觀塘工廈，上次已經嗅到好 juicy 嘅燒烤味就試呢間山田海未叫野食先黎6個小前菜再送多個新鮮醃制泡菜，呢個新鮮醃制泡菜又幾鮮味爽囗，出面買到的只有鹹同辣味。斜式燒烤盤目的是將食物啲油流出，唔會keep起個盤度，相對細心烤肉雜錦拼盤(豬,牛,雞)雖然只有一個雜錦拼盤睇落唔多野。但慢慢食已經可以好飽，牛肉燒到過左火位仍然嫩囗多汁，雞肉好juicy好有囗感，豬肉半肥瘦有質感但略嫌油膩。辣泡菜豬肉湯足料濃郁，單一辣味掩蓋豬肉味道。服務態度還可以，都有禮貌地收拾及換碟，另外食到一半店員給添加新鮮醃制泡菜

今晚與好朋友一起共進晚餐，想找一處可以促膝長談的地方，所以我們來了這家韓燒店，一邊燒一邊說八卦。我們點了烤海鮮拼盤，新鮮的海鮮用中度的爐溫去燒，鮮味十足。另外，我們點了炸雞，味道方面跟韓國是有點距離，但都幾大大件！韓式蒸雞蛋跟海鮮煎蔥餅卻一般般，蔥比較大條。辣醬烤魷魚味道不錯，我們一致好評是辣醬炒年糕！年糕煙煙韌韌配上刺激香辣的醬汁，超正！燒黃花魚都有點失望，不但多骨而且還有內臟⋯至於甜品則是雪米糍，還算滿足的一餐。

好少會去劣評一間餐廳，但今次真係嬲到唔可以唔打食評。媽媽話想食韓國野，觀塘又無咩選擇，就簡左呢間食午餐。叫左一個生牛肉伴飯，一個鮑魚牛肋骨湯，原本想叫多左年糕加紫菜飯捲，點知話買晒，單買一個年糕要成一百蚊咁我地就再簡多個韓式魚片烏冬。起初嚟左個生牛肉伴飯同鮑魚牛肋骨湯都正常，味道都算唔差。隔左無幾耐嚟左個烏冬，我地眼都突埋完全貨不對辦。 明明menu 係韓國一串串個種魚片，食過韓國野都知道唔係咁嘅樣，個幾粒係龍蝦丸同獅子狗呢碗野價值$70!我地見唔對路就問個店員，點知個店員走左去搵個講唔咸唔淡國語嘅韓國大媽嚟解釋，話魚片無晒所以換左d 貴d 嘅韓國魚丸比我地，又話係咩韓國烏冬...我地都費時嘈所以算數。食食下食到半塊魚片其實味道真係唔差，但咁樣欺騙顧客就好唔得，永久black list

兩個月前第一次去食石頭鍋飯都唔錯！伴菜都0k！直至第二次再去…😖😖D食物就…當晚order左海帶湯和醬油蟹(太咸)😕😕， 叫左牛肋骨燒(咬唔開)👎👎👎,五花腩又厚(難食)👎👎，攪到要逐件逐件(娘)番出嚟!!!!!🙇🙇再叫番石頭鍋飯點知(D飯煮到林哂，仲夠膽拎出嚟比人食)🙅🙅同佢哋反影番食物有問題時，净係識講唔好意思...佢哋冇諗住換其他食物比我和跟進呢件事。😾😾我對呢間韓食太失望喇…以後唔會再光顧。

星期五晚走到觀塘嘅工廠大廈見到呢間韓國嘢坐滿入於是就去一試，本來打算叫石鍋飯同紫菜卷但係老闆娘話石鍋要燒半個鐘所以建議我哋叫海鮮鍋，配菜有六種全部都可以自由任添，呢個海鮮鍋好似部隊鍋，不過全部都係海鮮，有三隻生猛嘅鮑魚一隻大花蟹三隻大蝦一條八爪魚有豆腐有菜有金菇，個鍋份量好足

這裡是我們幾個同事在觀塘少有再去食的地方。今日再到訪，佢地的menu 好像没有以前的多選擇，不過仍然吸引。前菜仍然有很多款！我們之前光顧，已有６個印花(－個午餐一個印)，所以送上－客燒雞肉。味道都幾好，熱辣辣係好開心的。由於店員說紫菜卷新鮮制成，我點了紫菜卷加牛肉粉絲，我覺得紫菜卷跟少時cookery的自製飯糰很像，有點普通！炒粉絲味道不俗。朋友吃海鮮辣麵，有很多海鮮，麵也多而不太淋。另一朋友食的韓式炒飯賣相很好，她也很喜歡。整體而言，仍然很滿意！