岡一拉麵 (已結業)

改左名叫東一拉麵，位置無變的d 猪頸肉好好味，有咬口，個燒汁都好好味，好夾個湯都濃味，又唔會太濃，剛剛好重緊要價錢唔貴，依個價錢食到拉麵好難揾了，又好食不過枱唔多，好多時要等位

好耐冇去屯門，當然要搵吓值得支持嘅餐廳啦。紅橋嗰邊有好多良心小店，呢間平民日式拉麵店就係其一，最平唔使四草嘢就有碗拉麵，真係邊度搵，而且質素絕對對得住個價錢有凸。叉燒拉麵（$42），湯底轉咗昆布魚湯（另外仲有地獄辣湯、咖哩湯、麵豉湯）。昆布魚湯好清但味濃，味道似用鰹魚粉開；麵底幼曲麵條，鹼水味唔重，有咬口；兩片叉燒望落以為好嚡，但食落又好淋又入味，唔錯；最搞笑有塊火腿；另外配菜好足，有半隻雞蛋、粟米粒、昆布片、蔥花。下午茶時段（3：00-5：00）仲送汽水。咁嘅價錢，味道、質素、份量合格，真係冇嘢可以投訴。吉列豬扒拉麵（$45），default係豬骨湯底，唔油膩，味道反而偏向似中式豬骨湯。吉豬即炸，味道正常。

工作忙碌 收工又冇時間煮飯想食碗麵 慰勞吓自己係屋企附近搵咗間拉麵食$50左右已經有一碗面同埋小食我同老公一人一碗麵，老公食炸雞烏冬加底，我就食鹽燒鯖魚烏冬不嬲都知依到既炸雞係好味就 啱哂口味雞好濃味 又熱 又即炸 油味唔重另外，我自己個靖魚烏冬就正常簡簡單單就慰勞一下辛苦嘅自己啦

餐廳唔算大，得4枱左右，每次去都要擔心會唔會食唔到🤣，不過我都好好彩次次~12:40pm去都有位價錢十分親民，$50都已經有個高質既拉麵/烏冬今次叫左個炸蟹鉗烏冬😍😍，加2蚊轉左個昆布魚湯底，唔好睇佢好似好清，但食落又好夠味bor$50有4隻炸蟹鉗，仲要隻隻都好足料，夠哂咬口!!咁平去邊到搵啊?! 男士們就可能要留意下，個份量就唔多，可能叫飯就會飽D，女士們就岩岩好!不過呢間餐廳就只適合快食，唔適宜同朋友坐好耐吹水gather，始終位唔太多，而且係圓櫈，坐得太耐都會唔舒服

無人講我講。紅橋餐廳雖多, 要不排長龍, 要不超出預算, 兩條友推住單車更難搵食。岡一在紅橋開張已久, 透過玻璃窗正好看守單車, 一於試試。家庭式經營的小店四五張枱, 臨近晚市陸續坐滿, 食客多隻身而來, 只為回家前吃上一頓價廉物美, 從奔波勞碌中解放, 大有深夜食堂的氣息。先端來煎茶, 然後是章魚丸, 還有咖喱豬扒飯和軟殼蟹拉麵, 可以加底, 沒有花巧的裝潢和擺盤, 一切簡單乾淨, 是很貼地的餐廳。主菜都是炸物, 香脆肉嫩, 調味恰到好處, 配菜諸如蔥花洋蔥適度點綴, 惹味得後悔沒有加底。

雖然係小店不過食物質素都好高質！同女朋友都嗌左炸物既拉麵炸豬排同吉烈蠔都做得好出息炸粉唔厚  皮又唔會同舊肉分離左又熱辣辣同脆卜卜 份量又唔少 都講緊只係4，50蚊既價錢吉烈蠔就要有5大粒 芽菜有少少生 如果唔鍾意食既朋友 記得走左佢啦！

朋友推介平靚正日式午餐叫左咖喱吉烈豬扒飯同埋照燒豬頸肉拉麵即叫即整，所以等左一陣先黎到微燶既豬頸肉配照燒汁都幾惹味吉豬外脆內軟，入面唔會太乾咖喱汁幾日式 唔會太辣 不過兩個冇跟野飲，要另外加錢

家庭式經營既日式小店, 價格比較親民, 所以味道同質素唔係走高檔路線。感覺似係去左日本學校既飯堂咁, 佢既炸物都唔錯, 推介炸蝦同炸雞。炸蝦係自家制, 有d似天婦羅, 唔係一般急凍炸蝦炸雞有d似日本食到既唐揚雞, 少少偏咸, 岩配飯/拉麵

雖然餐廳吾大，裝修普通，但價錢一啲都唔貴，而且食物質素都吾差。個人比較推介鰻魚飯，因為食過好多地放既鰻魚飯，講真質素非常參差，難食起上來都真係可以好難食，但呢間既鰻魚夠大碗之餘，鰻魚都夠大份，吾會過咸，脆脆地，剛剛好。而且價錢個人認為非常平民化，出面好多日式料理餐廳起碼要$100，仲要吾好食。而呢間個性價比相當高。其他既小食種類唔算太多，飲品方面都好平民化。另外想講講服務員既態度都好nice ,笑容好親切，對於我來講，一定會再去既餐廳。

一直知道呢道有間日式小店，但無時間去試，今日終於有時間去試啦始終係小店以為要等好耐，但一入去就有位啦！款式唔多，主要都係食拉麵同咖哩飯！我地叫左個炸雞拉麵、鰻魚飯、芝士年糕同大板燒！唔洗等好耐就黎哂d野食，上菜時間都算快！仲要全部係即叫即整，熱騰騰咁上！好香鰻魚飯條鰻魚好大條好惹味！炸雞同芝士年糕都係熱騰騰，好香口！大板燒係海鮮料，係好重海鮮！勁正！呢間小店既價錢都好平民，基本上$60至$70一個人，仲要無加一！一定會再幫襯🥰🥰

人人都話井財街有好多好嘢食，一直都好想試，就趁今日假期同男友出去逛逛呢間網評話抵食嘅拉麵。搵左一陣終於搵到呢間崗一，到門口見店內冇客人，我同男友猶豫左一陣入唔入去好呢，最後我都同男友入咗呢間店，跟住都有幾位食客入店內，廚師亦都入咗廚房準備了！男友叫咗炸雞拉麵，而我就叫咗帆立貝拉麵，仲有章魚燒（紫菜）, 呢度環境講真就麻麻哋，店內好細，有幾張枱，一個侍應一個廚師在廚房，不過好鍾意飲佢杯熱綠茶，几好飲的，不過每次飲完都要叫佢再添,如果可以放低壺茶俾我哋慢慢品嚐就更加好了!

OT完普通想食碗面.又唔想食米線同雲吞麵.咁就去左lee間岡一拉麵到食la.細細人情味小店一間加左個螺肉小食(我一向超愛食螺肉的)男友叫左日式叉燒拉麵皆因我好鍾意食獅子狗蛋旦卷的關係.所以我叫左lee個日式蛋旦拉麵.嘩.好多粒ar.講真岡一拉麵就真係唔算咩正宗日式豬骨拉麵la.只係一碗簡單家庭式日式拉麵黎的麵質彈牙的一碗拉麵.價錢又抵.當食太多米缐/雲吞麵想簡單食下碗其他麵都係唔錯的選擇.岡一拉麵平時都係會爆場的呵.所以家庭式拉麵都係有佢ge Fans !!

🍚屯門抵食好味午餐鯖魚飯即叫即燒，皮脆肉嫩多汁，成條魚肉厚少骨，只須$44，抵到爛👍🏻平時超多人，難得今日搵到位，yeah同行友人的軟殼蟹咖哩飯都好好味，蟹份量比預期多👍🏻👍🏻👍🏻鰻魚飯都好足料抵食👍🏻👍🏻👍🏻但小食，芝麻丸併南瓜餅👎🏻👎🏻👎🏻內餡係紅豆蓉，味道唔夾，外皮炸得好硬，所以不會encore本身已有綠茶，好好飲，唯一一個waitress 好友善，好好人，會自動自覺幫你加茶午餐可加錢加個菜，抵食又健康

依家出街食一個晚餐要幾多錢？如果仲要食得飽又要幾多錢？屯門這一間(拉)麵店，就可以滿足你喇！部份仲要係40元有找。吉烈豬扒拉麵首先係個豬扒，真係炸得好靚，當然就同樣地熱氣啦！配拉麵個湯底都預左係一般般，但好夠熱，成份都係40元，仲想點？不過份量好足夠！唔會渣留攤俾你，豬扒已經炸得咁好食，都已經係嬴晒。炸雞拉麵炸雞係好夠熱，仲要外脆內軟，難怪大部份人入到嚟都係叫炸雞飯/麵拉麵同上啦！嘻嘻最後，嚟岡一食野，真係要清楚佢個玩法，否則真係會令你怒火中燒。就係要等！某程度上，都真係等得太耐，出面已經等了十幾分鐘，原因都係人多姐……但堂食入到去，由坐低到有得食，最少要等20+分鐘，真係要有心理準備，得1個師父煮架咋……外賣的話，一定要落左單，再係周圍行下。仲有係食炸野，真係真係真係要問清楚或者睇清楚，如果唔係預設有醬的話，要求醬汁係要加錢。環境嚟講，係迫夾架，真係只可快食，但眼見坐耐D，都冇問題！總括嚟講，青年三五知己、一家大細嚟快食真係不二之選！

今時今日係香港地用到三十幾蚊食一餐真係唔易今次居然比我搵到內部裝修都貼新日本風格每人都會有一杯熱度剛好既綠茶店員不時都會主動添茶呢杯綠茶飲落仲有少少甘味好正男朋友今次點左個炸雞咖喱飯加左$1汁炸雞新鮮炸起所以都有啲熱外皮炸得脆卜卜 肉質唔硬撈埋咖哩一齊食真係令人食唔停口！而我就點左豬軟骨拉麵估唔到豬軟骨會咁林好易咬非常意外！湯底一般不算濃郁但係以$40都唔洗既價錢黎講覺得很不錯了！另外仲叫左八爪魚都幾大隻！不過就稍嫌凍左少少！夜晚都幾多人黎食上菜時間都要等耐少少因為廚房得一個人不過都有電視睇可以消磨時間