影片
開飯介紹
Dantotsu岡山一番店拉麵的一號店位於日本岡山縣岡山市，於2008年開業至今已有15年的歷史。
Dantotsu拉麵屬於二郎系，其特點是：
1， 拉麵使用太麵（粗麵）
2， 麵的上方放上大量的蔬菜及芽菜堆成山狀
3， 蒜及油脂的份量根據自己喜好自由選
樂富分店的主題為拉麵 x 關東煮（Ramen x Oden），除了為您提供拉麵外，店內還設有關東煮自助吧。
繼續閱讀
營業時間
今日營業
11:30 - 15:30
17:00 - 21:00
星期一至五
11:30 - 15:30
17:00 - 21:00
星期六至日
11:30 - 21:00
*最後落單時間: 21:00
以上資料只供參考, 請與餐廳確認詳情
相關文章
經過見到都有幾多人喺入面食，就試吓呢個可以加好多芽菜嘅拉麵，啲芽菜同平時食開啲芽菜唔同，點埋啲湯汁食幾好味，啲面都煙靭彈牙，糖心蛋就正常發揮，湯底方面可以揀濃淡度，我揀咗淡味，味道都比較濃郁，我建議揀返淡味啲，好似喺日本嗰度食咁樣，真係回味無窮！芽菜方面我食兩倍芽菜已經好夠超好味，推介咗俾朋友，下次再去食食食吓發現門口好多人排隊，睇嚟都係人氣店，整得好食先會咁多人幫襯，希望嚟緊開多啲分店喺唔同區，可以隨時都食到啦！
繼續閱讀
早前，我和我的家人一起到這間岡山一番店進食超多芽菜拉麵🍜，都有一個唔錯嘅用餐體驗。餐廳位於樂富，我們由屯門出發，乘搭259D到黃大仙轉車站過對面轉乘84M，直達樂富總站，前往這間餐廳10分方便。我胃口細啲，所以只係嗌咗半熟玉子拉麵（小盛），不過揀咗四杯芽菜，因為聽講呢度出名芽菜生，果然名不虛傳，有超多芽菜，叉燒都好好味，唔會太肥，而且佢啲面係自家製製造，係粗麵，確實幾好味我家人胃口大啲，所以嗌咗同一碗麵嘅中盛，佢都話非常好味，夠晒大碗， 10分飽肚。跟住我哋仲嗌咗個關東煮蘿蔔，只係$6 ，蘿蔔幾大嚿，關東煮味香濃，蘿蔔夠晒腍，味道不錯！整體嚟講，我同我家人都食得好開心，埋單都唔算貴，而且食到飽晒，推薦鍾意拉麵嘅人嚟食。但係我個人就唔係好鍾意食拉麵，所以下次都未必會再嚟食了。
繼續閱讀
見到日本人朋友post 社交平台 食而間拉麵重keep 著食keep 著讚多謝介紹 👏超級正事前了解下「二郎系」拉麵先湯底濃同粗麵同大量蔬菜⋯⋯正喎 我哋鐘意食芽菜兔哥隔離既係豚骨醬油沾麵二倍芽菜小八後面係岡山一番拉麵中盛三倍芽菜拉麵店揀既芽菜唔係香港街市買到既幼芽菜好粗身湯底好濃好多蒜蓉麵身好粗麵隔離一大堆蒜蓉要睇大家既口味蒜蓉+濃湯 同粗麵無咩味既芽菜好完美組合（我個人口味係超級鐘意）雖然我唔肯定麵係邊度造但好有麥味 食得出好有誠意大家就返自己對芽菜既需要揀返食得哂既芽菜量我一定會再嚟 試埋其他拉麵🙏另外一提價錢好吸引唷
繼續閱讀
開初知道呢間店，其實我內心相當之興奮，因為二郎系嘅拉麵本身屬小數眾，而响香港就更加係罕有，所以我滿心期待去食。我試嘅係 半熟玉子🥚拉麵 🍜（中盛），芽菜份量揀左2倍，蒜茸份量揀左多，碗麵係咁樣樣嘅：原本我出拉麵食評，會由香味，湯頭，麵條同配料4大個範疇去比分，不過，我諗今次唔駛啦，蒜茸份量異常地多，好唔好就見仁見智，我認為就嚴重地破壞左平衡。反正都影左相，都 po 吓啦。除左因為爆蒜嘅問題，另外都提吓另一 d 問題。有一塊叉燒好大鑊，未食過咁 un，柴到一個點。麵條用左太麵。我明白我係點左偏硬，但佢唔只係硬，係死實實，係要用好大力咬先咬得斷。蛋呢，嘩，完全冇味，冇滷過，冇蛋香，真係極品。整體 - 伏到爆。唯一一個例外你可以去試，就係你唔追求質量，只追求抵食同食得飽，一定啱你，因為真係好平同好大碗。另外，佢有關東煮食，自助式。我覺得係 7-11 質量，要唔要點就自己諗。
繼續閱讀
芽菜同芫荽愛好者必食 價錢又平又大碗😍🍜 岡山一番拉麵 （中盛） $63🍜 芫茜辛辣拉麵 （中盛） $83🍜 芫荽胡麻雞肉冷拌麵 （中盛） $73以上都係叫哂最多芽菜/芫蔬菜 同多蒜🙈岡山一番拉麵嘅芽菜真係超級澎湃 基本上一定要食左上面1/3嘅芽菜先可以撩到底嘅拉麵食🤣我叫左麵硬 加上粗拉麵 所以食落口會爽身+少少煙韌 我幾鍾意呢個口感😍 有嚼口不過建議湯底醬油濃度叫淡味好啲🤔 因為叫普通個湯底都偏咸芫茜辛辣拉麵 相信睇相就知道有幾多茜🙈呢2碗都有大約3大片嘅厚叉燒 正常普通啦 唔好特別期望🙈芫荽胡麻雞肉冷拌麵 啲麵食落會更加有咬口😍 而且夏天食凍野 正😝 蔬菜叫左3倍 變左蔬菜山🤭 雞肉咬落唔柴 幾嫩口🍲 關東煮係收銀處旁有關東煮夾 有豆腐$9 蘿蔔$9 福袋$9 獅子狗卷$12 牛筋$18 仲有丸整體味道好食 蘿蔔好入味 湯底亦都唔會好鹹 飲晒啲湯都冇口渴👍我食中盛拉麵覺得非常飽 麵份量都幾多🤣 芽菜都佔咗唔少胃 第一次食嘅朋友仔最好都係揀返小/中盛呢個份量同價錢真係非常高質 仲要喺樂富商場入面 近地鐵站👍 如果對日本拉麵要求高嘅唔好揀佢🤣 佢係比較港式要留意返座位數量唔算多 7點半後要等位 我2次食都係6點半入座 唔洗等位😆🖐️大力推介
繼續閱讀