岡山一番店 (樂富廣場)

營業中

休息中

經過見到都有幾多人喺入面食，就試吓呢個可以加好多芽菜嘅拉麵，啲芽菜同平時食開啲芽菜唔同，點埋啲湯汁食幾好味，啲面都煙靭彈牙，糖心蛋就正常發揮，湯底方面可以揀濃淡度，我揀咗淡味，味道都比較濃郁，我建議揀返淡味啲，好似喺日本嗰度食咁樣，真係回味無窮！芽菜方面我食兩倍芽菜已經好夠超好味，推介咗俾朋友，下次再去食食食吓發現門口好多人排隊，睇嚟都係人氣店，整得好食先會咁多人幫襯，希望嚟緊開多啲分店喺唔同區，可以隨時都食到啦！

早前，我和我的家人一起到這間岡山一番店進食超多芽菜拉麵🍜，都有一個唔錯嘅用餐體驗。餐廳位於樂富，我們由屯門出發，乘搭259D到黃大仙轉車站過對面轉乘84M，直達樂富總站，前往這間餐廳10分方便。我胃口細啲，所以只係嗌咗半熟玉子拉麵（小盛），不過揀咗四杯芽菜，因為聽講呢度出名芽菜生，果然名不虛傳，有超多芽菜，叉燒都好好味，唔會太肥，而且佢啲面係自家製製造，係粗麵，確實幾好味我家人胃口大啲，所以嗌咗同一碗麵嘅中盛，佢都話非常好味，夠晒大碗， 10分飽肚。跟住我哋仲嗌咗個關東煮蘿蔔，只係$6 ，蘿蔔幾大嚿，關東煮味香濃，蘿蔔夠晒腍，味道不錯！整體嚟講，我同我家人都食得好開心，埋單都唔算貴，而且食到飽晒，推薦鍾意拉麵嘅人嚟食。但係我個人就唔係好鍾意食拉麵，所以下次都未必會再嚟食了。

見到日本人朋友post 社交平台 食而間拉麵重keep 著食keep 著讚多謝介紹 👏超級正事前了解下「二郎系」拉麵先湯底濃同粗麵同大量蔬菜⋯⋯正喎 我哋鐘意食芽菜兔哥隔離既係豚骨醬油沾麵二倍芽菜小八後面係岡山一番拉麵中盛三倍芽菜拉麵店揀既芽菜唔係香港街市買到既幼芽菜好粗身湯底好濃好多蒜蓉麵身好粗麵隔離一大堆蒜蓉要睇大家既口味蒜蓉+濃湯 同粗麵無咩味既芽菜好完美組合（我個人口味係超級鐘意）雖然我唔肯定麵係邊度造但好有麥味 食得出好有誠意大家就返自己對芽菜既需要揀返食得哂既芽菜量我一定會再嚟 試埋其他拉麵🙏另外一提價錢好吸引唷

開初知道呢間店，其實我內心相當之興奮，因為二郎系嘅拉麵本身屬小數眾，而响香港就更加係罕有，所以我滿心期待去食。我試嘅係 半熟玉子🥚拉麵 🍜（中盛），芽菜份量揀左2倍，蒜茸份量揀左多，碗麵係咁樣樣嘅：原本我出拉麵食評，會由香味，湯頭，麵條同配料4大個範疇去比分，不過，我諗今次唔駛啦，蒜茸份量異常地多，好唔好就見仁見智，我認為就嚴重地破壞左平衡。反正都影左相，都 po 吓啦。除左因為爆蒜嘅問題，另外都提吓另一 d 問題。有一塊叉燒好大鑊，未食過咁 un，柴到一個點。麵條用左太麵。我明白我係點左偏硬，但佢唔只係硬，係死實實，係要用好大力咬先咬得斷。蛋呢，嘩，完全冇味，冇滷過，冇蛋香，真係極品。整體 - 伏到爆。唯一一個例外你可以去試，就係你唔追求質量，只追求抵食同食得飽，一定啱你，因為真係好平同好大碗。另外，佢有關東煮食，自助式。我覺得係 7-11 質量，要唔要點就自己諗。

芽菜同芫荽愛好者必食 價錢又平又大碗😍🍜 岡山一番拉麵 （中盛） $63🍜 芫茜辛辣拉麵 （中盛） $83🍜 芫荽胡麻雞肉冷拌麵 （中盛） $73以上都係叫哂最多芽菜/芫蔬菜 同多蒜🙈岡山一番拉麵嘅芽菜真係超級澎湃 基本上一定要食左上面1/3嘅芽菜先可以撩到底嘅拉麵食🤣我叫左麵硬 加上粗拉麵 所以食落口會爽身+少少煙韌 我幾鍾意呢個口感😍 有嚼口不過建議湯底醬油濃度叫淡味好啲🤔 因為叫普通個湯底都偏咸芫茜辛辣拉麵 相信睇相就知道有幾多茜🙈呢2碗都有大約3大片嘅厚叉燒 正常普通啦 唔好特別期望🙈芫荽胡麻雞肉冷拌麵 啲麵食落會更加有咬口😍 而且夏天食凍野 正😝 蔬菜叫左3倍 變左蔬菜山🤭 雞肉咬落唔柴 幾嫩口🍲 關東煮係收銀處旁有關東煮夾 有豆腐$9 蘿蔔$9 福袋$9 獅子狗卷$12 牛筋$18 仲有丸整體味道好食 蘿蔔好入味 湯底亦都唔會好鹹 飲晒啲湯都冇口渴👍我食中盛拉麵覺得非常飽 麵份量都幾多🤣 芽菜都佔咗唔少胃 第一次食嘅朋友仔最好都係揀返小/中盛呢個份量同價錢真係非常高質 仲要喺樂富商場入面 近地鐵站👍 如果對日本拉麵要求高嘅唔好揀佢🤣 佢係比較港式要留意返座位數量唔算多 7點

這次品嚐了芫茜辛辣拉麵和半熟玉子拉麵，兩款拉麵都令人印象深刻。芫茜辛辣拉麵的湯底香濃，辛辣味道適中，讓人一口接一口地想再來一碗。新鮮的芫茜增添了獨特的香氣，與麵條的彈性相得益彰。而半熟玉子拉麵則是另一番風味，滑嫩的半熟玉子在熱湯中輕輕一碰，蛋黃流出，讓湯底更加醇厚。特別要提的是，兩款拉麵中的芽菜份量十分豐富，脆爽的口感與麵條和湯底形成絕佳的搭配。整體來說，這是一頓令人滿足的拉麵體驗，無論是辣味還是清新的口感，都讓人回味無窮。非常推薦給喜愛拉麵的朋友們！

已經係常客，不過唔知係咪開咗分店嘅原因，人手不足，眼見廳面只得兩個店員，有吉檯都唔安排，客人走又冇時間執，出品太慢，排隊等入坐，再等超過二十分鐘先有得食，雖然排隊等係日本常態，希望之後可改善下，出品亦可以保持住

見OpenRice 冇人點評過特盛，所以膽粗粗咁叫咗，四倍牙菜，麵就450g份量好多，蒜味好重，拉麵係粗身嗰種，不過個人嚟講唔太鍾意雖然個拉麵份量真係好多，但係唔係幾值因為個湯實在係太咸，要飲勁多水，唔啱淡口味人士

位於樂富好出名岡山拉麵醬油拉麵黎講香港少有好食,大份又扺食👅我夜晚7點半左右去都要排一陣隊大概10分鐘,排隊期間店員會比點餐紙你先,寫完紙仔等到入座就可去到收銀處付款,攞左牌仔就可以係位等送餐我食岡山一番拉麵🍜🍜麵條粗身係我最鍾意既口感有咬口提一提 正常麵質都已經有咬口 唔洗揀硬都可以‼️另外拉麵份量相比其他同價錢既拉麵店份量為大,所以我除左第一次叫中盛,之後都叫小盛就夠🍜叉燒同玉子都係正常拉麵店嘅水準由於佢芽菜爽甜好食,我多數揀四倍量我比較鍾意蒜 我多數點多蒜🧄上餐時間比其他拉麵店較為慢，趕時間就最好食其他

坦白講😏 #小秘書 對 #日本拉麵 一向冇乜興趣😅 莫講喺香港，就算飛到日本都好少幫襯😅😅 不過呢晚因為大家知我趕時間，諗住近近地醫飽個肚🍜就走人… 誤打誤撞我哋走到嚟 樂富廣場Lok Fu Place 地下嘅「岡山一番店拉麵」幫襯😏 餐廳門面裝修得好有日本氣色，食物都以 #拉麵 為主🍜 食客可以根據自己嘅喜好，選擇 #湯麵、#油沾麵，仲有 #拌麵 三種。既然前者兩款我都試過，呢日就等我叫個 #溫泉蛋芝士叉燒拌麵，試吓過江龍嘅手勢😚餐廳服務以自助式為主，揀好食物同煮法，先要出去俾錢，大概等咗10分鐘左右，大大碗嘅拌麵終於嚟到我面前🤤 中盛嘅份量比我想像中多，加埋兩塊追加嘅叉燒，顯得更有份量🤭 不過我落單嘅時候，要求「走芽菜」，所以份量已經少咗啲😁 我有信心一定可以K.O.佢🤭 除咗 #叉燒 之外，#拉麵 上面鋪上 #芝士碎，仲有 溫泉蛋，睇落都幾豐富🤤 不過真心冇諗過碗底下面嘅醬汁咁濃味😅 配料連湯汁同拉麵攪拌埋一齊… 可以用齋一個字嚟形容「鹹」🙂‍↔️🙂‍↔️ 加上「岡山一番」嘅拉麵俾我認知嘅麵條粗壯，一下子索埋啲湯汁特別重口味😅 好在咁啱有部水機就係我隔籬，唯有一邊食麵、一邊飲水中和吓

Bookmarked this restaurant for a year and finally it’s my turn to devour this sumo size ramen bowl hahahahaa. Ramen can be chosen from 150g to 400g, with a small increment in price. Bean sprouts available at 1x to 4x times the standard portion, free of charge. They serve thick style ramen noodles and the smallest 150g is already very fulfilling. I chose the 4x bean sprouts and I managed to finish the entire bowl. You can customise every part of your bowl: noodle portion; noodle texture; bean spr

好少黎樂富, 咁岩黎開見到呢間拉麵店最平個拉麵只係五十幾蚊, 就睇下煮成點樣 😀 坐低揀好自己要食邊款, 湯既濃度, 油度, 辣度, 麵既硬度, 仲有芽菜份量, 芽菜我揀左兩倍, 出到黎都好多芽菜, 四倍唔敢想像 🤯 揀完就出去比錢, 好快個拉麵就黎左。半熟玉子拉麵 $67拉麵係粗身既, 小編我拉麵鍾意幼身, 食沾麵可能會合適啲, 個湯熱辣辣, 份量都幾多, 流心蛋個味醃得唔夠, 有兩舊叉燒, 唔係好大舊, 基本上未食完個麵已經食完舊叉燒 😖 叉燒同樣醃得唔夠入味正所謂一分錢一分貨, 個價比出面平, 味道得過且過, 所以計埋都唔太差 😅 除左拉麵, 佢仲有關東煮, 每件$9, 除非身處日本, 一般都好少食關東煮。

朋友推薦去食呢間餐廳，見到都幾多人排隊，我諗以拉麪黎講$60左右都算幾平。排緊嘅時候已經要用紙同筆寫定想食咩，排左五分鐘就入到去。要先卑$先再等食物，我叫左四倍芽葉，多到爆，完全食唔晒，而麪都見到係人手用機器做，所以幾抵食

朋友知我鐘意食芽菜所以帶左我黎～黎到發現有芫荽湯底揀，兩樣都係我favourite!!我嗰碗芫荽同芽菜份量揀左三倍，麵係中盛。重口味人士必食！超多芫荽同蒜，再加埋微辣湯抵，好正😆😆湯好味，麵彈牙，每碗有兩塊肉一肥有瘦，肉好有驚喜，肉味濃而且好入味，食落一啲都唔膩！😋個人覺得好食過好多連鎖拉麵店而且性價比高！會再訪Ps 對面嗰碗係大盛+4倍芽菜。女生/細食人士建議嗌小/中盛，芽菜2-3倍好了。現場見好多人都食唔哂🥲 好食但唔好眼闊肚窄浪費食物！

看了很多食評終於來吃啦首先是一碗關東煮，因為拉麵都係現煮，等待的時間可以食關東煮，多謝其他食客推薦這樣食，不過呢一碗嘅量最好兩個人share，因為後面嘅拉麵好多1. 關東煮🍢⭐️⭐️⭐️⭐️⭐️比較推薦 年糕福袋愛好者❤️非常鍾意呢個年糕福袋，入邊嘅年糕好大一塊，糯米香又夠黏。豆腐是白豆腐魚蛋能夠食到魚肉味，比較軟蘿蔔超大塊，兩個人可以從中間劈開兩塊啱啱好狗卷也不錯還很大塊2.拉麵我點的是59元小盛，partner點的是玉子拉麵63元小盛，全部吃完真係飽到唔得知道二郎系拉麵係比較重口味，油味和醬油都揀咗淡味，不過鹹味完全唔會覺得淡。食完嘅相可以睇出油確實會少一些。芽菜呢兩碗都係4倍，非常非常豐富嘅芽菜好評。拉麵偏粗，所以普通硬度嘅拉麵我覺得比幼d嘅拉麵要硬一度，咀嚼太耐變得少少攰加d乾辣椒碎末超級香叉燒肥瘦啱啱好，很香又不膩有一片醬油味的瘦肉非常香玉子溏心好靚 蛋都唔細個快要食完之前影低嘅可以見到我呢碗少油d，係明顯嘅最後全部食完！！特別特別多 超級滿足，下次會繼續來❤️