嵐屋

營業中

休息中

日式居酒屋風味小店🥺❣️Lunch set非常抵食 $5x已經有齊曬前菜主食小食甜品野飲🙊♥️特別推薦個吉列豬扒 真係好有豬味好香😂🤪食得出唔係果啲翻炸嘅隔夜豬扒🤣係好食嘅🥰照燒雞扒都好食嘅 但就比較甜聽講呢間野成日都full~好在今次去到仲有位😚服務都好好🥰仲會主動問我地洗唔洗幫手影相🤣好nice喔🥳

終於試埋晚市🥰 可以一次過寫評論～之前試午餐，無論照燒雞扒，定芝士雞柳都好味😋 雞扒煎得乾身香口，照燒汁唔會過甜～米飯軟硬度適中～可以看下圖👻至於晚餐，甜蝦同魷魚壽司：好新鮮🥳勁正炸雞軟骨：即叫即炸，夠味又香口😘鹽燒牛舌：唔會韌叉燒讚岐烏冬：烏冬滑身，頗彈牙，湯底正常發揮喇😀叫多碗讚岐烏冬，有好多海帶，佢仲加左麻油，香味提升，加晒分🤤🧡員工態度親切殷勤，會主動加茶💓好有禮貌。每枱唔單止有消毒搓手液，仲比埋酒精消毒紙巾，好貼心😚小店💕感受到佢嘅用心製作，食物整體都好好味，絕對值得比五星星🥰🌟

因為餐廳較細，而且係星期六食，所以要等一陣先有位。店員做野好快手同有禮貌，食物等大概10分鐘就有。店舖格居好有特色，牆物擺滿唔同日本酒品牌的盒，不規則咁排又幾靚。食物方面，如果冇記錯，Lunch set (定食)全部都係$53，有主菜、飯、麵豉湯同埋沙律。中間果個醬係專配芝士雞柳嘅，雞柳入面真係有好濃嘅芝士味，加醬同唔加係兩種完全唔同嘅味，建議大家兩個食法都試吓。不過唯一要改善嘅係飯量，略嫌少咗啲，一般男仔食量應該唔夠飽。

老闆好支持民主 嵐屋係好早期表態嘅黄店 店鋪以啡木色嘅佈置為主 燈光昏暗 營造到日本居酒屋個feel😋小本經營關係 夜晚嚟食一定要預早book枱！walk in有排等 而食物係即叫即整 慢工出細貨 服務態度都一致地好 會成日refill茶水 夠鐘交枱都叫你慢慢嚟唔洗急～.👉🏻加拿大海膽刺身($198)口感較其他國家海膽刺身肥厚 鮮甜 不過加拿大呢隻會有少少腥味將佢包入去紫菜食 唔會話太易散開🤤.👉🏻清酒煮蜆(小) ($88)份量叫左細 但食落好多 好滿足！蜆肉粒粒都平均地肥美 唔會話有殻係打唔開而且酒味都好濃郁💛.👉🏻什錦天婦羅($68)天婦羅就普普通通 粉漿厚度適中 最開心係有兩隻炸蝦 唔洗你眼望我眼 大家都有得食😂———————————嵐屋Arashi慈雲山蒲蕙里6-8號蒲蕙樓地下8號舖

今日約了朋友係蒲崗村道公園跑步做體能，做完7點左右...筋疲力盡，十分肚餓。以前係附近讀書，所以都知多食店。今次食呢間叫嵐屋既日式小台...餐廳就不算大，有4張枱左右。一坐低就梗係睇menu(又忘了影）...睇完後我地嗌左一個鰻魚飯、叉燒拉麵、豚肉生薑燒，之後叫左兩樣小食：炸軟殼蟹同炸雞軟骨...份量黎講，就偏少既，男仔未必夠食...味道黎講就正常水準，有應有既味道....所以就不加以品評。值得一提係店員服務好，我地食完時繼續吹水，店員都不厭其煩地幫我地refill茶水。比我感覺係就算食完都仲當你係客（有時食完飯，感覺係好似想催你走咁）...總括而言，味道水準之中，服務良好，埋單$345。

近排都係鍾意去小店食嘢，嚟到嵐屋就完全感受到日式小店嘅氣氛。嵐屋喺慈雲山一條唔算多人行嘅小巷轉角，位置不算太起眼。室內亦都唔算大，5張枱大約坐到廿個客人，但入面嘅裝修都好重日式味道，而且有好多酒包裝。因為已經過咗午飯嘅平日接近落場時間，舖頭比較少人，可以聽下舖頭播嘅日文歌。午飯時間有定食set 提供，52蚊一個set 價錢合理。咖喱吉列豬排定食上菜，同相片唯一不同嘅係咖喱分開上，唔會令咖喱浸淋吉列豬排，賣樣亦非常討好。吉列豬排有5大塊，咬落香脆唔油膩，而豬排鬆軟帶少許油脂香，雞蛋裡挑骨頭的話只係外層略唔夠鬆化，但整體吉列豬扒非常高質。咖喱汁唔係用粉或者磚開嘅普通貨式，而係有落埋其他材料嘅，沾上豬排唔會濃到搶咗豬排嘅香。抗疫時期小店都唔鬆懈，提供酒精搓手液同消毒濕紙巾，俾客人食飯前後同戴口罩用作為良心小店，宣傳品不會缺少。舖內黑板有寫上新鮮食材，想食咩好嘢就望下先。有好多酒包裝。估唔到特登走上嚟慈雲山食嘢會搵到間好嘢，而店員亦都非常有禮貌，真係「黃藍是政見，好食是良知」，呢間絕對係一間有良知嘅小店，值得多多支持。

Everything tastes good.  Eel bento, sushi, stir fry vegetables, ox tongue grill.Service was very good as well - they were full and super busy but still, they attended to us just fine.A nice find in this area of town!

第一次lunch set買依間嘅外賣 失望到極點 🙄啲嘢食完全唔好食 淡而無味 份量又少 價錢又貴拉麵淡而無味 只係靠嗰幾片叉燒去吊味 一碗咁細嘅拉麵 (碗拉麵嘅份量得個外賣紙碗嘅1/3) 加一碗 (個人認為甚至係杯size) 咁細嘅面豉湯竟然要$54 都唔知夠唔夠一個正常拉麵同一碗正常面豉湯嘅份量所謂嘅咩“隱世黃色小店(黃店)”又如何 我只會focus喺食物嘅“色澤/香味/味道” 依三者都完全做唔到 啲嘢食唔好味就係唔好味 🙄

入咗去冇幾耐，店員的招呼、服務已經令你覺得很貼心。給你到熱茶的時候會提醒你：啲水好熱，小心！食完個五色刺身新鮮好味，唔使5分鐘完全消失直頭好似返返去日本一樣！壽司炙燒三文魚🍣炙燒左口魚魷魚飯暖 新鮮有魚味 ，用心製作！見到我哋俾啲Wasabi，辣到流眼淚水，下一次再上壽司的時候提醒我們：內有Wasabi，要小心啊！鰻魚炒飯香口 鰻魚份量充足 不油膩 叉燒拉麵豬軟骨拉麵未食過咁好味嘅叉燒，拉麵都非常之好味。芝士雞柳芝士味濃 略嫌雞味不夠 但鬆脆好味😋日式芝士蛋糕食完正餐 燒熱送上外脆內軟 甜度適中由於每件食物，望落去也非常美味，所以我們來不及影相，食物已經被消化了！共銀：686（三人）整個感覺：用心製作服務態度貼心知道我們要紙巾不用出聲自動送上全單不收加一 ，非常抵食

間野係慈雲山斜路啲小路，樓梯旁邊嘅位，唔起眼👀平時行真係好易錯過。係IG見到老闆話生日，要賀佢_ _! 27/10全日淨係賣牛肉丼飯同豚肉丼飯，定價一樣，仲送枝水或者紙包飲品。當日所有收益全數平均捐去星火、612、立場。咁我梗係去賀賀佢啦，香港人真係好鬼熱情咁鍾意同人賀生日，我諗住我1120咁早到實冇乜人，點知未開門已經排緊隊，好彩我都仲係第一批入去嘅。牛肉丼飯 ($40)豚肉丼飯 ($40)兩款的調味相似，都是日式帶甜甜的那種，牛肉和豚肉都使用有油花的部分，所以一點都不柴而且很香。味道不會過重，洋蔥入味炒得夠軟，飯量女生而言剛好，男生可能會不夠，就多吃一碗吧😆整體不是很特別但就是吃起來很舒服的味道，肉和飯的份量比較剛好。當天人流那麼多，也沒有在隨便，每碗飯上都有紅薑裝飾。是好吃的丼。呢間居酒屋平時lunch set日式定食$50左右，幾抵，就算係夜晚都唔貴，值得試。

平時見間店日日都full booking，突登提早3日book定位食。個日去嵐屋過我爸爸60大壽，失望到無野好講。原本我哋係第一台入去坐低叫嘢食，但我哋啲野食仲耐過遲過我哋入黎嘅人，人哋都食曬走埋，我哋啲野食都仲未黎齊！好嬲！好明顯佢係做熟客生意，熟客遲過我哋好多到，啲野食都出得快好多，其他枱遲過我哋入遲過我哋落單都食晒走埋！佢並唔係落留單先會黎得咁遲，而係佢做左熟客個啲先！如果你唔招呼生客，唔該係店外貼翻張紙，寫明熟客優先招呼啦！

Friday night同公公婆婆到慈雲山搵食，見兩老都鐘意食鰻魚飯，就帶佢地黎嵐屋品嚐一下。不過小店好受歡迎，好早就full booking，幸好搵到個空檔位有枱🙏🏻。小店店內位置不多，但好有人情味，員工非常好。坐在近出菜位的我們仨，點了兩客鰻魚飯同一客拉麵。嵐屋的鰻魚飯飯質柔軟，正合不喜歡𡁻硬飯既兩老。而鰻魚質素甚佳，有別於一啲把超市急凍鰻魚翻熱上碟既餐廳。另外鰻魚份量都不少，如果同樣份量的鰻魚係其他餐廳食，至少賣過百元。全晚最有愛既，係廚房的靚靚姐姐見兩老食得津津有味，額外贈送了一小碟小野菜，氹得兩老開心至極。極力推介呢間咁有愛既香港人小店！💛💛

呢間嵐屋真巴閉，之前幾次夜晚經過，想walkin都話full booking無位，今日終於有機會試吓佢個LUNCH MENU。餐牌上面有五款選擇，原本想試照燒雞排，可惜賣晒，咁就轉做芝士雞柳(貪佢款式夠新鮮)等餐時望吓周圍環境，都幾日式居酒屋feel，唔似出面啲偽日式舖頭咁亂糟糟，約人食飯絕對唔失禮。個雞柳外脆內腍，配埋個秘制醬汁超開胃。白飯用秋田米，香噴噴。咁嘅價錢可以嘆到高質日本餐，一流。下次試吓Book夜晚位，試多啲其他嘢先。

#支持良心餐廳鹽燒鯖魚定食 $49一間好舒服嘅小店 店員都好好禮貌我覺得呢度嘅鯖魚幾唔錯 之前喺唔同餐廳都有試過但好多唔係太乾身就肉質太鞋 但呢度嘅反而唔會 皮夠脆 肉質食落有啲juicy嘅感覺 佢魚油都比普遍街食到嘅鯖魚多少少 所以食到最後一啖我都仲係享受緊🥰 食得出係心機之作🤤飯都係粒粒分明 雖然麵豉湯份量細啲 同埋比較少海帶（my fav xd) 但呢個價錢同食物質素 我表示完全收貨了💛 有機會一定會再嚟試其他款！Btw呢度位置比較偏 入到去食野唔算多人😢 住附近嘅街坊朋友記得要多多支持

今日特別想食日本野，同朋友行鑽石山之後上Openrice睇下附近有咩日本野～見到呢間係慈雲山既，就把心一橫行左上去都真係幾遠架喎！餐牌～選擇唔算多，加上星期六冇提供定食牆身仲貼左Ｄ壽司既選擇＃火炙三文魚腩三文魚腩夠肥美，魚腩表面燒到微微焦香好食！＃炭燒雞串燒到十分香既雞串，雞肉多汁啖啖肉＃鹽燒鯖魚魚味好重，表面燒到微焦，幾香口＃豚肉生薑燒呢個份量比想像中少，好快就食完不過個汁甜甜地又帶少少薑味，又幾特別＃鰻魚炒飯入面有好多鰻魚！夠足料不過如果個飯乾身少少就好喇呢度唯一缺點係座位比較少，我同朋友本身坐左係一張４人枱，之後搭多兩個人落黎就坐得好逼，野食都冇位擺～不過Ｄ野食既味道都唔錯，服務態度好