川亭 (電氣道)

營業中

休息中

今日朋友話想食米線帶我去試公司附近一間川菜！去到先發現原來唔係間舖唔係主打雲南米線🥲最後我哋叫咗麻辣米線加雞絲同牛肚涼麵麻辣米線加雞絲餐牌無寫但圖係有蔥所以唔食記得要嗌🥹本身配菜有咸菜肉碎雞絲算滑，但都有啲肥位，而且唔係想像中比較幼身嘅雞絲湯就一般感覺只係辣油加麻辣🥲牛肚涼麵都係辣汁底，而且牛肚切得幾薄，朋友話都幾好食🤣睇推介見佢招牌菜係雞有口水雞沙薑雞之類佢嘅雞絲算滑所以雞應該係唔錯嘅選擇！有機會再嚟就試試！😇

我覺得佢也不同辣度，微辣真係微辣，我可以都食到😍 微辣涼拌紅薯粉有驚喜！煙煙銀銀好有彈性，但又唔會好似橡筋咁咬唔到！不過個紅燒牛腩太咸🥲下次會揀其他餸！不過涼拌汁來講，我比較鍾意喺葵涌廣場3樓好多人排隊嗰間😂四川擔擔麵配例牌砂彊雞加豆漿抵食，擔擔面呢，我初初以為佢係上海嗰隻有花生醬嘅擔擔面，失望左1秒😂 不過以味道來講，覺得都唔錯，我朋友就好鍾意🤪最有驚喜就係個雞！超級滑，啱啱熟咁！不過呢就唔夠有沙彊味，佢有唔同味揀，例如口水雞等，不過個雞係一樣味，就擺唔同嘅汁上去🤪 最抵係個套餐，$68，有一碟例牌雞，有一支豆漿，同埋一碗擔擔面好足料！雖然開咗冷氣但舖頭超級熱，同埋可能店員太忙會有漏單嘅情況🤣

叫左口水雞涼麵中辣，麵同雞分開上，幾貼心。麵有肉碎、脆豆同青瓜絲，撈起黎食酸酸辣辣，幾好味。麵質都夠彈牙，唔錯。口水雞望落好多辣椒好似好夠辣，都有5 6 舊。食左頭一兩舊，味道正常，係有啲難咬，痴骨，雞本身冇咩味，係靠醬汁。中間有兩舊切唔斷，更加難食。重點黎啦：下層仲有三舊8 9 成都係皮同肥油，仲要全部未熟，啲肉林到生咁🤢🤢因為已經食得7788都唔好意思話要換，但食到底實係有啲生得過分。總括：整體味道可以，但招牌口水雞生到咁嘅程度，都唔會有下次。

叫咗個酸辣粉，大辣，今次好難食，米線好淋一d彈牙都冇，d湯又過酸，平時食好好食，經常叫但今次真係好難食，得個酸字，唔知係唔係每次都唔同人整，下次希望座席唔會係咁啦

假日唔知食咩好 就係OpenRice外賣自取見到呢間川辣菜感覺好吸引 一試完辣得好過癮 （第二日更加爽😝明既就明） 呢間既口水汁真係夠哂足料 辣椒紅油花椒辣椒...... 又麻又辣真係好過癮而家涼麵非常多伴料 芫茜豌豆蔥辣油青瓜絲肉碎...... 撈起黎好好食 其中一配涼麵我仲叫左中辣 食到我一路流鼻涕一路食得好爽😝肥腸口水雞都醃汁醃得好好食 特別係蒜泥青瓜真係完全解到麻辣 皮蛋晶瑩剔透做前菜都非常惹味 非常推薦❤️口水肥腸紅薯粉Pork Intestine with Chilli Sauce & Potato Noodles川亭口水雞涼麵Chicken with Chilli Sauce & Cold Noodles蒜泥青瓜Garlic Cucumber紅油皮蛋Preserved Egg with Chilli Sauce

最近屋企樓下開左呢一間新野有新野當然例牌試試佢上黎呢到見到仲要有外賣優惠 咁當然念都唔念就試試佢喇叫左個外賣特價酸菜魚 😵‍💫😵‍💫😵‍💫😵‍💫😵‍💫😵‍💫返到黎食 淨係飲淡湯已經鹹到食唔到 CLS 之後啲蘿蔔仲要燶曬 另外仲叫咗個沙薑雞腳 d汁又係鹹到爆 唔知係咪個廚師今日心情唔好 定我唔好彩 我決定以後都會black list 呢間野😡😡😡😡😡絕對冇可能可以食得落口！！！！！！！！！

同朋友去天后staycation 當然要周圍搵好西食啦 9點落街搵食 但原來有好多都關左門 我地是但入左間四川菜館香油鹽水雞 一般 d雞出奇地好難咬四川酸辣粉 本人非常愛食酸辣麵ge 但呢個湯有點兒太過酸 粉又略粗 我覺得一般般手拍青瓜 正正常常 有少少唔夠味津路加3蚊豆漿酸菜魚片米線 咁多樣野入面 呢個米線最出色 首先 個湯好好飲 酸度岩岩好 再加d胡椒味 另外 酸菜好好食 魚片又好鮮甜 好味到我成碗清晒埋單132蚊 雖然唔係樣樣都好好食 但價錢真係好抵食

之前試過口水雞，覺得幾好味，於是今晚叫咗個酸菜魚套餐自取。味道幾好，但係分量真係有啲細，得四塊魚片同埋少許配菜，個人覺得唔夠送飯如果外賣嘅分量可以大翻少少就好喇。

呢間川菜似乎係天后開左冇耐，店面係橫街唔太容易揾，但平時行開都會見到有人係出面等緊，所以今次決定試下叫左個口水肥腸飯($54)，肥腸煮得幾好，不過可能因為我用外賣apps叫，冇揀辣度，然後店鋪預設ge辣度稍嫌唔夠辣，下次可能會試下備註辣度但值得一贊ge係，店員冇係面頭落芫荽，對我呢個芫荽厭惡者黎講簡直係意外驚喜!而且肥腸數量都唔會話太少至於飯量係算多，對於一個大食ge女仔黎講係會食唔曬，下次應該會試下紅薯粉或者酸辣粉

天后開多咗間新既川菜， 店舖四四方方企理乾淨 地方實用， 我同我朋友都好鍾意食辣嘢嘅 ，梗係要嚟試下啦 泡椒鳳爪味道唔錯 辣辣地帶啲 ，又不是大辣呢隻鳳爪個肉質我鍾意呀 有啲咬口 但係又唔係太硬身重點推介 呢個水煮魚我唔知店舖用既係咩魚， 係可以咁滑咁嫩，又冇骨配料都算多 辣度亦啱曬我哋嘅口味， 唯一可惜係我覺得佢唔夠鹹， 即係好似落漏咗鹽或者豉油咁 ，感覺上係爭少少手拍青瓜 我估佢係即刻拍， 因為味道唔夠入味酸辣粉下午茶嘅酸辣粉都幾抵 可以晚飯再嚟試下其他

中午食飯唔知食乜，同同事行過呢間就被香氣吸引買左外賣。$46麻辣幼麵加紅燒肥腸👍🏻好耐冇食過咁好味嘅川菜，一試難忘👍🏻👍🏻同事食素就食擔擔面走肉碎，都話好好味，都會再返黎食。麻辣係食小辣，食完個頭頂係會出汗，慢慢愈食辣，愈辣就愈想食，真係難得的川菜

超級好食！肥腸很正！酸辣粉都幾好食！強推！朋友點咗酸菜魚，味道有小小淡。但是肥腸係川渝個種肥腸，十分好食！涼拌麵同酸辣粉都係正宗重慶口味！會再光顧同埋推薦給朋友嘅！

天后站對出的路，附近有電車路，有間好似新開的酸辣粉，主打川菜。亦都有担担麵，簡簡單單地鋪所以我選擇酸辣粉，老闆娘好好人，我中意多青，比左好多香菜我，大大碗。40元有找，下午茶填飽肚。街坊生意，好多食客都有幫襯。