川味美食

營業中

休息中

今日晚餐一行五人行左入川味美食，我之前食過一次。坐低叫野食，其實我隻耳經已好痛👂🏻因為落單呀姐真係好大聲講野🗣落左3碗之後呀姐走左去收錢，返嚟再落埋另外兩碗。Anyway, 第一碗到嘅suppose係撈米線已經錯左，咁就問呀姐係咪搞錯左，點知佢話無錯，仲想我朋友硬食碗湯米，仲話自己有覆單，我心諗，你講完要咩麵咩餸，你跟住講一次俾自己記住寫單個下都算覆單？真係你好野🙄 其間仲要話廚房唔見左張單，話係廚房問題。總之最後就無換到，朋友比較隨和就話算啦，佢照食。好啦，講返食物🍜我呢碗係秘製醬汁麻小辣撈米配豬紅大腸麻辣豬耳🌶我想講好好味，好惹味🤤🤤🤤大大碗$46。

碰巧出了九龍，又感覺很久沒有吃過川味，看到原來佐敦都有川味，就前去買下午茶，作為晚餐😏。撈米線，買外賣回到家，米線都已經完全林了；當然，紅薯粉就沒有那麼林，但是好像變粗了少許。腩肉亦是有點兒辣，但是這間川味的腩肉，比起平日吃的瘦得多，亦都比較乾。豬大腸屬於正正常常，豬頸肉亦都屬於正常，不會太乾太瘦，或者係太過細塊。米線來說，這間的小辣做得比出面辣雖然價錢好像比起以往在深水埗吃的時候比較貴，但是下午茶時段，還會免費贈送飲品，還可以接受。工作區域沒有這類撈米線的店舖，只有一間類似的撈米線、撈紅薯粉，但是兩餸已經要$60 ，因此川味的味道就更加令人懷念。

今日食家同事帶食午飯，讚呢間小店好味過譚仔，而且吾貴，最平30蚊有找。餐廳簡單清，仲有d圖睇下。手工麵28蚊，其他麵26蚊；撈同上湯同樣價錢；餸每款6或7蚊。紅薯粉好似係招牌，但聽同事講比較un，最近有d牙骹軟，所以吾敢揀。呢個時間聽d侍應阿姐講，手工拉麵好食所以先貴兩蚊。見個名有手片咁勁，決定一於一試。叫麵，可加6蚊要豆漿，成支過，感覺衛生。仲有餐廳少有既黑豆漿可揀，同樣叫麵加6蚊。麵份量係大食份量，有大量芽菜花生，少量蔥花及芫荽。炸醬同秘製佐料咸度恰當，幾惹味。蘿蔔6蚊有3大舊，而且無渣滓，煮得夠淋，幾抵食。

今日好多野做，去到4點先食Lunch，見到依間寫「川味美食」，自己鐘意食米線，所以諗都唔諗就行入去！喺超級肚餓既情況下，我叫左4個餸：大腸/腩肉/肥牛/紫菜，見到張相唔知大家感唔感受到個份量，真係超級大碗呀，仲要送埋炸醬！我食左一半要投降啦！份量就十足，味道就還可以，大腸都夠淋唔太肥，紫菜好食，不過我嘛嘛地個肥牛就咁用滾水滾熟冇乜味，而個腩肉唔夠薄身，太大舊肉有點「鞋」吖，湯都偏淡，而且我叫中辣都係唔辣咁，要自己再加辣！下午茶會送埋飲品，整體還可以啦，以份量黎講好抵食既！

呢間係朋友介紹黎食嘅 一入到去已經比鋪內紅薯粉嘅poster吸引住😍加上紅薯粉唔係成日到到都有得見 而唔食得辣嘅我就趁今次呢個機會嗌咗清湯2號炸醬幼紅薯粉 配肥牛 生菜 魚皮餃😆紅薯粉真係超好味 有咬口又有美感🤣紅薯粉好似波浪紋食落口又彈牙 拉到勁長都唔斷 份量又啱啱好！而且肥牛又唔薄 呢度簡直係一流！真係好想食完再食 啲薯粉一試難忘😍😍況且呢度咁大碗只係$45 喺市區嘅餐廳來講佢算係平靚正🤤👍🏽另外 佢加$6就可以有一大支豆漿 經過呢間店嘅朋友真係唔好錯過😋👍🏽

喺九龍公園打完比賽 跟住就搵地方食嘢 近近哋行落去就見到呢間川味美食 入到去嘢食嘅價錢相對便宜 叫完之後估唔到佢份量有好多 我身邊有男仔朋友都食唔曬 非常抵食 而味道亦都相當唔錯 我今次嗌嘅係 米線 咬落去都幾彈牙 熱中辣嘅湯底 亦都好吸引 好香 我下次都會再來

今日有要事要到佐敦那邊，估唔到都能找到好食處。原先想食譚仔，剛巧譚仔旁有間都是食酸辣的美食。看看門面，原來呢到只是其中一分店，不過沒想太多，就進入該店吧。基於過咗食飯時間，一入店就搵到位啦。翻開餐牌，只見到是一張雙面佈滿字數的A4過膠紙。咁看了一會兒，唔想食米線嘅情況下就揀了秘制醬汁撈紅薯幼粉，再加配腩肉（因見到其他食客都係叫薯粉，所以跟人食薯粉）。而辣度就揀了中辣。而且叫咗一支黑豆漿作解渴解辣。等了一會兒，薯粉到，不過要自己撈勻循，撈後就品嚐第一啖。都唔算太辣呀，但醬汁夠味，薯粉夠煙韌，口感很好。至於腩肉不是薄片，啖啖肉，又juicy。食後就諗，好彩過到食飯時間嚟食，唔係就有排等。有機會再到其他分店進食，希望同樣有驚喜啦。

今日有工事要到佐敦那邊，沒想到都能找到好嘅好食處。原先口痕想食點辣東西，剛途徑找東西吃的時間就遇見這間店舖。看看門面，原來該店有很多分店，不過沒想太多，就進入該店吧。眼見咁多人排隊，作為守紀律的我，唯有搵龍尾排隊啦。幸好一個人等位並非等太久，很快就有店員帶我進店內食東西。翻開餐牌，只見到是一張佈滿字數的A4過膠紙。雙面亦佈滿字數及圖片。咁看了一會兒，就揀了秘制醬汁撈京式手工拉麵。再加2款餸，分別是海帶及牛百葉。辣度就揀了中小辣。而亦加了錢換取一支黑豆漿。等了一會兒，麵到，想不到外觀咁靚。既然要撈，就撈底又撈底，撈到勻循後就品嚐第一啖。都唔算太辣呀，但醬汁夠味，麵夠煙韌，口感很好。當初很害怕配料是好少，想不到海帶是一整條，並非海帶絲。至於牛百葉也跟前者一樣。2者口感夾口，不錯。食後諗一諗，明白該店能夠有其他分店是依賴各店主及廚師的努力才能有今日的成果。

香辣肉碎及彈牙手工拉麵2018/06/21下雨天嘅日子，得一個鐘頭食晚飯，睇左下依間麵家門口嘅餐牌，被佢地嘅招牌拉麵吸引咗。店內位置闊落，地上冇一絲垃圾，點咗一碗炸醬京式拉麵（$28）加左兩個餸,腩肉（$6）,蘿蔔（$6）,等左唔夠兩分鐘就有得食👍。店內招牌京式拉麵👍，果然獨特，好似日式烏冬嘅粗度，但又有一仲厚實感，咬落彈牙，非常滿意😍。特地加嘅兩餸，蘿蔔清甜😌，夠淋但冇咩特別，($6)有三大舊真係超值。另外，腩肉就有啲失望😓，一啲肥肉都冇，四，五片瘦肉，但滷過也香口。其次值得一讚嘅係炸醬👍😍，係麵中嘅肉碎，帶有微少嘅香辣非常嘢味，令人忍不住口。整餐最抵食之處係加（$6）就可以有枝裝豆漿😉，滿足😊。

忽然之間紅薯粉引起，收工就自己一個人黎食！我叫左紅薯湯幼粉要中小辣🍠🍠，餸要左豬紅同腩肉！紅薯粉一如以往一樣好大碗，粉量好足，個人覺得男人都應該食得飽🤭中小辣湯底唔會太油，食到酸酸辣辣味，撈埋薯粉食勁夾！腩肉有少少辣既唔會太肥，份量亦唔少！豬紅都整得好入味呢！$40唔洗就可以食飽飽既一餐，係佐敦區好難做到！

今晚放學後，在佐敦附近川味美食用晚 ，價錢平易。HKD 26 至28就可以一碗麵，配菜有炸醬，生菜，花生，蔥花，酸菜，芽菜，芫茜等。每加一個菜，就另外加錢，加6元或7元。豆卜： 正常味道。生菜: 不會煮得太耐 。嚮鈴： 普通味道。炸醬 ： 味道有點重，覆蓋少少不新鮮的豬肉。湯底： 一碗清湯，味道有少少鮮甜味，不是難吃，不是好好味，不過不失 一碗是中少辣味，味道一般。龍蝦丸： 正常味道。唯一可取是特色手工拉麵，彈牙 ，有口感。

平時經過呢間鋪會，都有不少人客等位，需要等候大約5至10分鐘才能入座。下日炎炎便點了一碗米線和豆漿。米線方面揀咗麻辣小辣。另外餸菜揀咗大腸，雞翼，豬耳。米線湯底夠濃，米線硬度適中，會再光顧

中午經過見到呢間店有好多人食， 所以入去食個lunch, 麵加兩個送（豬腩肉同豬頸肉）都係37蚊。 本時唔多少撈麵 因為味道好鹹， 但呢間ge 一點都唔會， 粗好薯粉好滑好好味， 份量都多。 小辣唔會太辣， 帶甜味， 好野味

是日返中班，晚餐時間只有1小時所以只能在公司附近覓食。忽然好掛住薯粉所以就專程來到白加士街的<川味美食>。想不到水準下降令我失望而回。我選擇了＄24的酸辣炸醬紅薯幼粉，配蘿蔔，雲耳和大腸。明明同姐姐講走青，居然還有芫荽湯嘅份量非常之多，多到連麵都見唔到。薯粉嘅質地雖然無變，而且份量非常之多，多到差不多全碗都是，如果你係超大食嘅人可能會啱你心水。蘿蔔，隱約有一點酸味，所以吃了一啖已經放棄。雲耳，正正常常的不過不失，畢竟也很難會煮得不好吃吧。豬腸，比較偏向脂肪多，沒有異味算是值得一讚但是酸辣度絕對不合格，不酸也不辣，淡而無味的。而且價錢也不便宜要40多元，相信這個價錢去其他米線店食絕對有更好的味道喔！

做GYM前,到附近來食輕食就決定麵食。這店不大, 是普通麵店格局。因平時食得太多湯麵, 所以這次試下食下撈粉。點來(秘制醬汁撈紅薯幼粉 $24) 選少少辣選另加美食( 魚腐$5  及 豬頸肉$6)這大大碗紅薯粉沒湯, 是秘制醬汁撈來食的 。本身內配料有炸醬､牙菜､ 花生､蔥花､ 莞荽及秘制佐料 。這魚腐約有二件,是扁身的, 入口鬆軟嫩滑,似豆腐口感。此豬頸肉好夠味, 起來很有脆脆的,還很有彈性。不用多說紅薯幼粉具彈牙,並吸收秘制醬汁,好有四川風味,十分開胃。紅薯幼粉底部,有大量芽菜。