川味閣

營業中

休息中

食左$109， 比$110， 但找番2個$0.5，但明明餐牌冇$0.5野， 點解會找2個$0.5？？ 我叫個侍應呀姐唱番個$1比我...呀姐: 依2個咩黎呀！? 2個5毛加埋唔係$1咩， 關左部機拎唔到錢喎。我: 你一陣找錢，咪可以開番部機囉 （依個時候有個呀叔等緊比錢）個呀姐即刻冇聲出， 後面個呀叔就叫我同佢唱啦。 依間野服務態度超衰，以後blacklist依間野！！！如果間餐廳既餐牌有$0.5尾數既野， 你找$0.5比我都心服口服， 但係依間唔係囉！

川味閣米線一向都係中學嘅回憶， 除咗呢間去盈豐嘅分店之外喺啟豐亦都開咗另外一間分店， 好鍾意喺佢嘅酸辣米線入面有唔同嘅配料， 尤其是係啲豬肉粒好夠味， 送方面佢嘅豬頸肉嘅都做得唔錯，小食方面仲有口水雞等等， 加多杯凍嘢飲就perfect喇

自從中學開始，已經經常幫襯川味閣，充滿學生時代嘅回憶！每次都係會叫豬頸肉，生菜，魚皮餃米線，如果有朋友一齊食，仲會叫埋口水雞做小食米線質素唔錯，saap得岩岩好，豬頸肉嘅香味同湯底嘅配搭亦都幾好，最重要係生菜吸收晒湯嘅精華口水雞份量亦好足夠，夠兩個人分，又唔係太辣，岩晒想食辣但又唔食得太辣嘅朋友！

無飯主婦近期罷工，要自己落街搵食呢間比一般既鋪頭平十幾蚊首先揀左個湯底同麵底 ($23) 再揀餸，餸既價錢都好抵，只係$4/$5👍🏻👍🏻酸辣炸醬粗薯粉啲酸菜真係好好味👍🏻 叫左牛丸($4)同豬潤($5)份量都唔少，一個人食哂真係飽到上心口。牛丸有兩粒，豬潤都係五六塊，而且一啲都唔老🤤 如果開返間係樓下就好😝 其實佢會送外賣，不過唔知要夠幾錢先送呢🙈(因為公司同事成日叫，但我就一次都無跟過隊😂)

常常出外吃飯，總不能餐餐吃太貴不然辛苦上班的勞力都只能換吃了。所以平民美食絕對是必備的，不然會吃窮。這間於屯門天水圍元朗都有店的米線店，其中一大特色是除了米線河粉還有粗幼薯粉。有湯有撈就看大家口味與怕不怕熱了。朋友叫鴨胸豬大腸撈幼薯粉，兩配菜大約是33左右。不辣也很有味，肉碎不少，大腸也很入味不會腥，鴨胸又不會很粗。大碗飽肚又都是肉適合男性很寶惠。我叫的是響玲與滷水蛋，也是差不多價錢約$33，小辣的湯米線。湯底濃郁又不會太咸，配米線吃剛剛好。平民吃了也不會心痛又滿足的地道小店～

周街都係米線鋪，主打酸辣嘅有好多，不過都係比較鍾意呢間川味閣。間鋪頭雖然細細地，但係坐得都算舒服，侍應端上嘅麵大大碗，香噴噴，令人食指大動。豬頸肉酸辣炸醬米線，有大量炸醬、酸菜、芽菜，配香濃嘅豬骨湯底。豬頸肉淥得啱啱好，口感柔軟。炸醬同酸菜落足調味料炮製，散佈係湯裏面，每飲一啖湯，都可以咬下啲肉同菜，酸味辣味融為一體。朋友叫咗無湯嘅肥牛熱拌幼薯粉，都有一大堆炸醬、酸菜、芽菜，仲有埋花生。佢話花生好脆口，不過肥牛太多脂肪，食落比較韌。仲有好多配料任君選擇，都係$4或$5，抵！加$6仲有野飲。

話說今日叫外賣，聽電話個阿姐嘅態度已經唔好，未叫完就cut我線，要自己打返去同佢講未叫完，認真無奈，外賣送到黎7個餸變4個餸，錢又照收，咁你個外賣仔走左，打開左碗野先發覺少左餸，到時口同鼻呦，咁即係要我硬食啦，唔通要人係你面前打開碗野數下齊唔齊先俾錢？我肯係個門口打開個麵黎數，你都當我痴線啦，無左成半喎，過唔過分啲？阿姐仲要問多次係咪7個餸，唔係聽唔到啦下化，依家4個餸加2個野飲收68，個個外賣收貴十幾廿蚊，咁就成碗麵嘅錢啦，真係識揾錢

-肚仔餓又唔想出去,咁就叫左川味閣外賣。-因為喉嚨痛嘅關係,平時鍾意食辣嘅我就要忍忍口,叫左碗唔辣嘅蘿蔔雞翼豬耳米線。蘿蔔青甜,基本上次次都叫,雞翼大隻夠入味,豬耳微辣好味,而且配料(肉碎酸菜)足,湯底略嫌鹹了些少,所以建議唔好飲湯,飲完會好口渴。-屋企人叫左碗無湯熱拌撈米線,豬腸唔太肥,佢鍾意,貢丸大大粒,雞翼尖夠入味,配料足。夏天太熱,食撈米線都係一個唔錯嘅選擇。-三十幾蚊一碗足料米線,抵食。

川味，用呢兩個字命名嘅餐廳好多，估唔到喺屯門都有一間，我都係叫咗個撈米線食，配上腩肉及腐竹，佢呢間川味嘅撈米線同其他嘅分別在於佢嘅醬汁比較稠，味道較為清新，佢嘅米線亦都好夠份量，

這間是位於建生的平民米線店位置很方便，不過如一般小店店面很少所以我多數會選擇外賣。這店能選的配菜不少，麵底份量也多也有粗幼薯粉可選。湯底加的肉末也是切碎且很入味，配酸辣時必有的雪菜是很香口。唯一湯底有時掌控不夠好，會有過咸不想配湯吃的情況不過因湯底很重味道所以不配湯也是沒問題不會覺淡口或沒味。這間的滷水蛋或雞翼都不錯，不會覺得滷的時間過短。雞翼是挑大件的所以證明滷的時間不短。而這間店的粉算是不會煮久點就爛掉的便宜貨。雖然不會很好吃但以她價錢是正常水平。

係建生附近都有好幾間係食米線嘅，各有鞦韆，不過有個共通點，都係好好食。撞正食飯時間會好多人，所以我都係會揀啲少人嘅時間去。係其他米線店我通常都叫腩肉，但川味呢度我都係獨沽一味食蘿蔔。蘿蔔清甜夠淋冇渣，隻隻都大大舊，仲有好多，所以只可以叫一樣，因為米線分量都好多，叫多個餸就食唔哂。佢嘅酸茶都唔錯架，夠酸夠爽，分量都多，啱我呢個酸茶迷。跟湯亦都有啲肉碎，有提味提鮮效果。湯底以鮮味為底，不算好鹹，不過你話冇落師傅果啲都唔信啦～呢碗野26蚊，大大碗幾抵食。不過啦，舖就有啲舊，衛生就差啲，成日都油油地濕濕地咁，間唔中都有昆蟲飛過，未必人人都接受到。

入到去阿姐傾緊電話落單， 我唸住等佢傾完先落單， 嗰陣時間鋪得一兩個客，侍應企喺度冇咩嘢做。之後呀姐見到我，就叫咗個男仔同我落單。我一句嘢都未講，佢一行埋嚟就黑我面，好似我得罪咗佢咁，咩態度😡！？ 我企喺出面等外賣，之後男仔攞住我嘅外賣企喺門口，乜嘢都唔講，個樣勁串咁望住我，搞到好似我嗌外賣係做錯咗啲乜嘢咁， 真心火😠！ 咁勁抽有本事咪喺度做！間嘢d食物其實真心唔錯， 得閒都會去食， 平時啲態度已經一般， 但係今次侍應態度實在好差，去過食嘅都知道，俾錢食嘢仲要受佢脾氣， 真係嬲到唔想再去食。

呢間川味閣開左很久，喺屯門盈豐商場由於店內座位不多，裝修簡陋所以，假日通常要等位，但喺每每隔一段時間，唔知點解仍然好想吃豬腩肉、豬紅、生菜湯米缐，可以揀走辣或少辣，配菜有酸菜、肉碎及牙菜。豬腩肉唔肥，厚身，米缐軟梗度適中，湯底惹味，喺一碗好吃米線但是，有一個服務員阿姐，落單態度愈來愈差，我叫米線時要多蕃茜及蔥，她每一次都唔會寫喺張單到，結果呢，來到當然冇多到，唯有再同她講，她大聲地叫：只有蔥，要唔要，全餐廳都聽到，跟住重走埋其實，如果喺冇或且唔可以加青可以寫明冇必要咁勞氣大家要衡量下，好吃不過要忍下嗰位阿姐本人短期不會再惠顧

川味閣喺盈豐商場 雖然附近好多野食 但一眾既米線迷都難逃佢既魔掌😏今日又要去食一食 夜晚冇乜人食 可能係假日啦 平日都好多人食 可能要坐岀面 😩最鐘意食佢個豬肚 腩肉湯米線 中辣佢個湯又酸又辣 好鬼過癮除咗有酸菜 仲有令人又愛又恨既肥豬肉粒 好邪惡 但冇佢個湯又冇咁香大大碗 好易飽 大食鬼就啱哂雖然店面細細 但環境認真麻麻 地面濕濕地 所以大家食時要小心地滑🙊

位於盈豐商場地舖的川味閣 做咗好耐㗎啦 平日好多街坊同學生幫襯好好彩今日唔係好多人 去到唔洗坐岀面 今日叫咗酸辣米線加底配豬紅 豬肚 腐竹 蘿蔔 豬腩肉 墨魚丸 小辣加底要加$5 另外每個餸加$4 價錢都幾平民㗎😏啲餸其實各有特色 墨魚丸好爽 豬肚都好正 淨係得腐竹差啲 好似未煮夠咁 有啲硬 索唔到啲湯味但整體都幾好味嘅 如果唔知自己食幾辣既朋友 可以叫咗唔辣先 再自己加辣椒 辣度較易控制嘛✌🏼️