川壽司

營業中

休息中

外賣壽司🍣成日行過見到今日一於試試，打開見到某幾舊壽司裡面特別黑😂😂😂以為生咗野，應該燒得特別耐，有陣微微苦澀焦香味，喜歡就喜歡，不喜歡就不喜歡。本人就不喜歡的。😌壽司新鮮程度正常，紫菜位淋晒減咗少少分數，帆立貝就一粒開四🤪，其實唔抵食。🙂‍↔️另外醬汁的幾款，味道互相混合，已經不知道不清楚食緊咩味，建議中間加番塊草分隔下。壽司飯大小一致，一口食完，這間wasabi異常地辛辣，少少都十分刺鼻😵😵

魚生吾新鮮，壽司飯 勁硬下午先買既壽司 似系雪櫃放左成晚疑似隔夜壽司 第兩日仲拎出黎賣比人...食完肚痛買咗一盒放喺雪櫃嘅花之戀拼盤 果然放喺雪櫃應該真係放咗好耐下見平平哋$40 買試吓囉 點知中伏最慘老人家都食咗兩舊 齊齊肚痛見到老人家都肚痛 真係心到痛 嬲BTW 成日經過都見到冇乜人幫襯 但係三文魚刺身有九折就買埋 三文魚刺身就正正常常一大塊幫你切埋不過都唔太新鮮 共買咗百零蚊冇諗過差到咁 總之去百佳 惠康 仲好過....一句講晒冇下次

今晚收工，老婆話想壽司。咁就去左附近既壽司舖買壽司外賣。內裡有好多款式，我就揀左好幾款壽司三文魚sushi，帶子sushi，鰻魚sushi，赤貝sushi,呑拿魚sushi,炙三文魚sushi,京葱三文魚sushi象拔蚌sushi,希靈魚sushi,點完壽司後，就攞回家食。打開後…內裡店舖員工也預先放好足夠豉油，wasabi,兩對筷子。非常貼心。加上即叫即整…所以食落去既壽司，口感上都覺得 fresh.

今日基本上返工早上開會到收工無停過，Lunch 要去到成3點才食十分鐘左右…又繼續努力工作。所以親放工輕鬆一下食個外賣日本餐…去到深水埗，見到呢間之前還有堂食既壽司舖，今日就只限外賣自取…我就叫左 34 件壽司…等左約十分鐘…壽司就準備好…突然看一看…好似有 d 唔妥… 8件排一行…共 4行…就好似係 32 件…仲以為自己心算差了…好彩同店舖職員再講聲…原來佢哋漏左2件呑拿魚壽司俾我…當然佢哋補番俾我…返家食…keep 到水準

經過見到 d 相好正，而且價格又勁抵，三文魚手卷只需 $10, 海膽手卷只需 $18一入到去，竟然有位？原本以為係立食。見到佢有 d set, 勁抵食，睇相好吸引。晚餐時段就加 $5, A+B+C+D 都只係$73A 八爪魚，B 汁燒三文魚飯，C 加州卷 x 4 , 然後 D 四切三文魚片跟道地綠茶 / 可樂類 所以就轉食 set , 唔食手卷了但有 d 失望就係相明明擺得好好，同埋獨立大碟裝，或者普通碟裝住。不過上菜就乜都放埋一齊係在便當盒度，雖然都唔影響 d 乜，但係印象就差左少少。因為掃左街，唔餓，就同個朋友 share,份量如果女仔就會飽既，因為始終飯量都算 ok, 但男仔可能未必夠。八爪魚就正常水平，加州卷一般般啦。汁燒三文魚就幾香口，不過整得油左 d ..切片三文魚係最出色，味道好肥美色水都好靚，好亮麗咁，唔夠喉呀。本身想試火灸三文魚壽司，因為只需 $4件，但基於成肚食物好飽了，就放棄左。整體其實都 okay 既，成個 set 令我深刻印象就只有三文魚類，都值得一個好評既

門外貼滿壽司圖，我望左幾眼又好想食，就入去試下，價錢唔算貴可以買多幾件，但圖片永遠都靚，實物賣相睇落好乾，食落同大型廉價壽司鋪差唔多，完全冇分別，應該未必會再幫襯哩間。

Lunch time 時路過，見到牆上貼嘅圖幾吸引都想食下壽司就入座了。餐廳做外賣為主，得兩張枱同埋座位都比較迫坐得唔舒服。叫咗A餐，角切魚生飯定食，配螺肉同壽司。魚生主要係三文魚，魚生同壽司都好普通🙈唔太好食，但份量大，價錢唔貴就算係咁，呢個價錢都唔可以要求高，仲包埋嘢飲。

唔知點解依間冇食評既，明明行開深水埗既人，十居其六應該都會經過依間日本野門外有D相，之後見到SET勁吸引囉定食+壽司仲有款小食比你揀，仲要有埋汽水，如果晚市食就加$5，即$53，嘩嘩嘩，未食就咁聽落都好吸引，覺得超豐富囉真係怕食唔哂，叫個三文魚定食+四件壽司+螺肉SET一上枱同D相差咁遠既，我堂食，但個賣相似D外帶店餐盒，而且細到而味道正正常常啦，但感覺真係冇咩誠意去整咁，用料似係賣剩用剩料整出黎咁，最重要係食完係完全仲肚餓階段，雖知我明$53食日本野唔可以有要求，但未至於要我再食番碗面先飽肚囉，希望店主改善OR唔好再POST依D食物圖等人客咁高期望