川粵米線大王 (已結業)

I have been living in this area for more than 6 years. And this is definitely my favorite restaurant in Hung Hom. I come at least once a week, the rice noodles is perhaps the best taste you can have in HK. Feel so sad that it’s closing soon. Hopefully it can open again sometime.My recommendation: to add 雜醬 for whatever rice noodle you ordered. It will make the whole bowl much tasty.

好耐冇去過紅磡，是晚剛剛要到附近大酒店為長輩躬個躹，先行到附近想食返碗麵先，揾下揾下就見到呢間米缐大王，內裏裝修擺設都好舊啦，當晚見到佢地有牛腩米線做特價，所以就叫左碗牛腩薯粉，可選小，中，大辣，湯底有麻辣或者酸辣可以揀，有杯免費餐飲跟埋，味道唔錯，不過就差不多零服務，但係價錢經濟實惠.

米線真係可以話係香港人既至愛..............呢日下午茶時間路過紅磡，即刻醒起川粵呢間咁出色既米線！下午茶仲送野飲都真係幾抵！佢既口水雞米線係我既至愛，不過都真係食唔到太辣，小辣都已經係極限～～～佢既腩肉都好正，呢間米線都係紅磡好多年，每次黎都會想食佢！行經門口聞到d味已經知道佢就係附近，真係咪話我誇張，下午茶仲要咁抵食～～～佢d雞都真係幾多，都幾嫩口～抵讚！d質素都仲保持到真係唔錯！！

重慶口水雞米線|$37今日自己一個黎到呢間位於紅磡必嘉街嘅小舖，雖然舖頭睇落就唔係好起眼，不過朋友介紹話幾好食同正宗，所以就嚟咗試吓。正唔正宗我就唔識分，不過聽到舖頭入面有啲客講普通話（重慶人？）所以斷估應該都幾地道😂。叫咗個口水雞米線，米線好彈牙，微辣湯底啱晒我呢啲鍾意食辣但又唔係好頂得信嘅人。唯一美中不足嘅係啲雞冇咩肉食🙈不過$37連野飲都算係物超所值嘅，下次會叫多幾個朋友試埋唔同嘅小食。

女友由住hall果陣就好鐘意食呢間川粵米線大王，貪佢又平又好食。本來係想去Spice8食叻沙，但原來星期日同公眾假期係冇叻沙食，結果就嚟返佢大學時期嘅飯堂。叫咗一碗超級大王米線（酸辣，微），一碗炸醬魚鬆紅薯粉（豬骨湯）。超級大王係咩料都有，豬軟骨、腩肉夠淋夠入味。女友偷食晒我啲辣丸子，佢話啲香料味好正。佢話佢果碗炸醬魚鬆紅薯粉有啲辣，應該係因為炸醬，不過好食嘅。佢分咗少少炸醬俾我，食落確實唔係一般來貨。兩個人$75食得好滿足，女朋友食完心情即刻靚晒！

摘去鮮花，然後種出大廈？由於好多舊區都需要拆卸重建，紅磡那邊的老店一間間的迫遷或結業。今晚男朋友帶左我泥呢間川粵米線大王，裡面裝修已經很舊了，卻有一份人情味，老闆亦很細心給我們額外一張櫈仔放袋。麻辣無骨鳳爪醬汁冇想像中咁好味，沒有麻的感覺，入口微辣還帶點微酸，不過不失。水煮魚估唔到魚塊份量都幾多，好似食極都仲有咁，魚ge肉質好嫩滑，辣味夠哂刺激醒胃，忍唔住叫多碗白飯撈泥食！乾煸肉鬆四季豆四季豆乾炒，然後索哂肥豬肉ge油香，好惹味的一碟小炒！螞蟻上樹每次去吃川菜，男朋友必定會點螞蟻上樹，即是免治豬肉炒粉絲，肉粒掛在粉絲上的樣子就好似螞蟻爬上樹咁，因而得名。入口微辣，粉絲亦很飽肚，但個人略嫌有點油膩。

呢排食得韓國菜太多想轉食啲清淡啲嘅嘢但又搵唔到啲清淡啲嘅嘢 唯有搵返啲膿味嘅嘢食 然後我就去咗紅磡有間食四川嘢嘅餐廳 咁樣又去嗰度呢就叫咗個口水雞米線咁就當然係要用豬骨清湯唔大辣、唔太重口味 個味道都算ok嘅口水雞撈埋啲麻醬呢甜甜地鹹鹹地都幾好味然後仲叫咗個蒜泥白肉個蒜泥白肉好有蒜泥味個白肉 都算係fairy ok嘅 然後仲叫咗個青瓜添雖然嘅青瓜切得唔入味但係都算ok 我覺得值得再嚟食多幾次 黎到心點嘅口水雞米線大家一定要點

聽講呢度既口水雞米線好好食，滿心期待咁點左個，叫左中辣，發現呢度既中辣比其他地方既中辣辣一啲，落左好多辣椒籽，碗粉食落都幾辣，米線煮得略為硬左少少，分量對女仔黎講算係適中，男仔應該會唔夠飽。重點係個口水雞，雖然係口水雞但係唔辣既，味道方面尚可，幾香麻油味，都幾入味，唔知係咪自己唔好彩定呢度係咁，啲雞件得幾舊仲要冇咩肉，食左好似冇食過咁，亦都食唔出肉質滑唔滑。抵讚既係呢度既服務態度唔錯、幾親切，感覺係果種有人情味既小店，而且價錢亦都好抵，37蚊有個口水雞米線，仲連野飲。

星期日同朋友去紅磡睇演唱會，朋友特意帶我地幾個黎呢間食米線，話好好味要介紹比我地試下。朋友話佢每次必叫口水雞米線，於是老公叫左，我試夾左一舊食，堅好味，啲雞肉入晒味，又嫩😍😍🤤。我自己就叫左炸醬腩肉麻辣米線炸醬好少量，腩肉切得好厚，有小小鞋，相比下口水雞好食好多。另外朋友話呢度既蒜泥白肉又係必叫既，果然冇介紹錯，啲醬汁好好味，白肉連埋青瓜夾埋一齊食個味道十分之得呀😍😍😍可惜既話一碟分量好小，得8小片，我地食完唔夠喉再order多一碟😂

餃子如果配米線就$35有5隻，而我今次無配米線就$35有10隻 。細細隻可以一口一隻，如果女仔食既話10隻已經夠哂飽。一咬落去孜然粉味好重好香，羊有少少羊騷味但係係香而可接受既 。口感QQ又因爲有金菇帶點爽口。餃子皮雖然個人認為有啲厚但因為都幾QQ所以就無所謂啦 剩食餃子皮，孜然粉同羊既味都係到至於米線真係食完都無好口乾同上癮既感覺食之前經過幾間米線都聞到好重既香味，相反依間無乜，但食落辣味酸味都好足，真係會食到個身流汗feel到佢無落左化學味精

明明記得讀書時候很好吃的一家店，前兩天下班去吃，覺得變了很多，味道不好呀，豬軟骨一點不軟，肉末也不怎麼入味，總之很一般，下次不會再去啦，一碗用去70多，最主要還不怎麼好吃

呢間亦都係住hall時代既飯堂。佢最出名係口水雞米線，而我自己最鐘意食佢既牛腩😍😍唔痴牙，有肥位但唔會過多。另外米線既湯底超好味，濃得黎完全唔味噌感，一試難忘🤤

由於之前返兼職係紅磡嘅關係，成日都會同同事嚟食呢度嘅酸辣米線，個個同事都鍾意食辣，哈哈。我哋最鍾意叫口水雞米線餐，走芽菜，加凍檸茶，愈食得多辣就越食得辣，本身只係食小辣》中辣〉今次就係食大辣！值得紀念，其實中辣比大辣味道更好，食到佢嘅鹹味，唔係一味只有辣食唔到其他味，佢係辣得非常過癮👅佢嘅口水雞都好好食，但係就份量勁少，只有兩三舊，仲要成日都俾埋啲唔知咩部位，好多骨好少肉，10次先有一次係雞髀位勁黑仔，非常唔夠食，同埋切得好碎。不過佢價錢真係幾抵㗎！

去紅磡其中一條舊街，見到附近有好多鋪頭都已經落閘不再營業。這條街應該將會拆卸重建。 但其實在這一條街有很多不一樣的食肆， 川粵米線就是其中一間。 招牌是口水雞但是口水雞對於我來說太辣了所以叫了一個醬醋排骨紅薯粉， 選完餸之後可以選紅薯粉或米線，再選擇湯底辣或不辣，35元 送凍熱野飲。 價錢是非常吸引招牌口水雞米線37元。川粵米線的下午茶是兩點開始，所以到兩點的時候見到有不少學生和其他店員都會過嚟吃米線。

川粵米線一向都幾旺，經常行過都見到幾多人，今晚就自己一個人入去試下。叫左個重慶酸辣湯底米線配魚腐同墨魚丸，叫米線會配埋野飲，叫左杯檸檬茶，雙拼米線加野飲都係$33，真係好抵！個米線幾足料，芽菜同米線同d配菜都好多。本來以為酸辣湯底係會酸辣並重，點知即使我叫左小辣，食落都完全係得辣味，食唔到酸味，有d失望！配菜方面，墨魚丸口感幾彈牙，但味道好淡，無咩墨魚味，魚腐一粒粒咁，比較少有，個味道就ok。整體來講，覺得呢度嘅湯底比較o岩d鍾意食辣，尤其係麻辣嘅人，但如果好似我咁鐘意偏向酸味嘅湯底就可能唔太o岩啦。