川粵閣

營業中

休息中

在家抗疫期間突然好想食酸菜煮魚😖😖但自已又唔識煮🙈上網睇教學好似好容易⋯但實際是好難學的😫把心一橫就買外賣噃泥試吓先😋路過見泥間川菜應該新開咗冇幾耐，於是就買噃屋企慢慢嘆啦⋯⋯酸菜魚我選擇咗微酸辣與此同時用無骨魚（佢哋重有其它選擇⋯⋯例如係脆肉脘魚/生魚）魚質滑鮮甜冇骨正😋另外亦叫了手撕雞同埋腩肉炒萵筍，味美！下次可以試吓堂食先😌

餐廳環境：新北江商場間間餐廳都係又細又迫🤣，慣架喇慣架喇。通常去都要等位。啲菜式全部都有大中小辣可以選擇。佢新開嗰陣試過一次整得好好味，啲肥腸係外脆內軟又好入味，可惜之後食唔番。肥腸炸得太乾，成碟野偏咸。分量多，個底有青瓜絲，味道唔錯！冬天必叫！好味！夠酸夠辣，可以揀生魚、鯇魚或者無骨魚，懶人一定係揀無骨魚😗。呢碗本身有跟薯粉，所以可以選擇唔叫飯。冬天時分，建議先飲半碗湯暖暖胃先，真係好正架！溫馨提示：全部野都重口味，食完記得飲返多啲水啊！

你哋有冇試過等外賣等成九個字？我有試過！其實九個字 我已經講少左！企正喺佢舖頭等左九個字！望住佢入面原先食緊三枱客，又接左新三枱客都未到我！遲過我落單但堂食都上曬菜，都未到我。眼見外賣員ubxxxxx foodxxxxx 係咁入去催左幾次先有。但其實佢外賣自取係門口等嗌號碼拎，好多等唔到都會走入去問/催。本人自問好好耐性，我等左半個鐘，身邊其他同我一樣等外賣既客人已經忍唔住去催。但原來一早包好，而唔拎出黎，要等人行入去 又問又催，就即刻有！大家食野求開心，無人會想催你出單。我相信做餐廳都無人鍾意俾人催但原來你唔催，真係要企足九個字都未有！可能再耐啲添！因為我最後都忍唔住入去問聲”究竟仲要等幾耐？”結果我見到有幾袋外賣包好放係bar枱，問店員”係未一早有？”店員仲好意思話係”岩岩先裝好”一摸個熱度都知 唔係岩岩整好啦！仲兜可能間鋪啲人有怪癖 鍾意俾人催單如果唔係 你唔催佢起碼等九個字你嗌外賣app更加玩死個外賣員我都猶豫左好耐 打唔打呢個食評但唔打真係對唔住啲時間，大家啲時間唔係咁浪費！

新北江好介紹，呢排疫情冇得返大陸食最愛既川菜，試過一樓有間見都幾多人食咪去幫襯下，失望而回。今日本來想食刀削麵既，店家因疫情關係得5張枱，一家三口諗住等下位啦！問個阿姐點態度極差，又冇飛仔等，有D人係度等外賣有D人又係度等位，亂到咩咁，一陣有人走大家都話係佢等咪有排嘈，呢個阿姐超趕客。。好喇！走啦！同個仔剪頭髮先再算。見到呢間新開既川菜就試下啦！點了水煮魚，蒜泥白肉，口水雞，夫妻肺片，全部都覺得幾好，（全部冇影到相）香港咁平既價錢有呢個水準已經很好，走既時候便買了蒜泥白肉比大仔食，佢都話好食，食左幾塊我先影相，因為想讚下食物之餘，仲要讚下阿姐D態度非常好👍

一向好鐘意食辣野既我，呢排肺炎搞到返唔到大陸食辣野。點知有個朋友話佢屋企樓下有間食水煮魚好好食既川菜。我起初真係唔信，因為我對水煮魚好高要求既，不過見耐無食辣就跟佢去左試下。呢間係天水圍嘉湖山莊既平民店，鋪頭細細咁，但都好多人食，我朋友第一時間叫左個細既水煮魚，大辣。一尼到果然驚訝，原來好大盤既、放哂花椒、辣椒、好香。食落超好味呀，鯇魚質地一啲都唔鞋，薄薄地咁，但好入味好香，的確係正宗川菜既水準！川椒皮蛋就我朋友好鐘意食，夠哂多辣椒，好惹味，連埋青椒食，成碟都調味好好！不過乾煸肥腸唔多岩我口味，炸到好乾，好似食豬肉乾咁，味道就唔錯既，但相對較遜色。但呢間食完一定會再尼，好想試下其他菜式😋

其實去吓小店食都幾好呀，人又唔多坐又坐得舒服啲自在啲，又可以飲下酒。今日叫咗酸菜魚，味道唔係好醉，亦冇特別落辣椒，用嚟送飯就一流啦。口水雞用咗好多香料，花生味好濃，略嫌佢油左少少但係都可以呀。整多個夫妻肺片都係點綴一下味道普通，但係勝在整個過程冇人催你埋單走，已經好滿意。

意外地今日唔洗等位就試左呢間川菜平日行過見到賣相都幾吸引又多人食 應該中伏極有限果然不出所料佢有好多水煮魚/牛肉/肥牛或者叫酸菜魚都得，size有分細同大我就叫左個水煮牛肉（細）怕辣得太刺激，所以揀左bb辣雖然係細，但份量都算多啲牛肉仲好鮮嫩，佢地個水煮牛唔算話太多油咁浸住做到麻辣得黎又唔會太過油膩の效果入面有啲薯粉之外，仲有芽菜同木耳個人覺得bb辣都唔太勁下次可以試小辣應該辣得更過癮涼拌海帶絲呢個涼拌就一啲都唔辣有少少酸甜咁 特別開胃加上唔會有平時打邊爐個啲海帶咁有少少腥味酸辣土豆絲係我至愛酸酸辣辣咁加上啲薯仔好爽口可以食好多 又唔會太辣 好開胃又惹味加左白碗同檸檬茶兩個人食埋單188$ 都好飽 價錢合理味道都好好，值得再食

因為在天水圍睇戲。。所以約了老婆在天水圍新北江食飯。。今天選擇了吃川菜，新北江有兩間吃川菜的餐廳，一間在樓上一間在樓下，樓上的那間吃了很多次所以今次轉轉口味，今天叫了椒麻魚，魚方面有兩種給你選擇，一種是無骨魚和生魚，姐姐說無骨魚是類似臉魚柳，我們最後叫了生魚，上台後魚的份量很多，配菜除了有青花椒，還有芽菜和薯粉，萵筍等。還叫了手撕雞和蓮藕炒腩片同螞蟻上樹，手撕雞有青瓜墊底，味道不錯，但蓮藕炒腩片感覺偏咸，螞蟻上樹炒得很乾身不會有太多油

原本諗住上樓上個間川菜買外賣 點知佳節放假 咁唯有去樓下個間試吓去到坐低拎個menu睇吓先 嘻嘻 叫咗水煮魚 酸菜魚 手撕雞 麻辣牛肚實在太多人、等咗差唔多九個字先有得拎酸菜生魚（中辣、細份）:原來只叫咗水煮魚 但見到評語話酸菜魚比水煮魚好食 所以都叫黎試吓 但呢款酸菜魚係住家style 我就普通呢款 但就唔腥既水煮生魚（中辣多麻、細份）：呢個就岩我口味 好味過樓上個間 所以重口味人仕都係食返水煮魚啦 haha😁😁 不過建議堂食好d 外賣返到去d薯粉黏埋😣手撕雞：雞肉唔柴 ok幾好麻辣牛肚：er....下次叫返夫妻肺片😬總括 下次好想食辣野的話 應該會再食水煮魚😋

同好友都係去開新北江商場地下間「雅儷」做facial, 喺正隔離新開咗間川菜餐廳，一開就想試，但都好多人排。。。 前幾日等友人做完facial, 友人食過酸菜魚，話不如食呢間，我呢排又嗜辣，又唔算太多人等，就試下試咗水煮魚，都幾大碗，最好同人分享，經典四川辣味，辣度剛剛好，烷魚都算滑，友人話唔夠酸菜魚好味叫咗個例牌手撕雞，當小食咁送飯，都係微辣，雞肉夠嫩滑再叫咗碟菜 - 萵筍，炒埋腩肉都差唔多$，萵筍好爽脆，腩肉都入味，但份量唔算多呢間有啲似食開嘅渝痴漁醉 元朗區內多間川菜，多個辣炒選擇🌶

新店開張，多一間川菜選擇，行過都幾多人光顧，我都唔好錯過叫左（中辣）酸菜魚-鯇魚$69，外賣加$2分湯上，份量足，有薯粉，味道好，有下次個人建議：可以買生菜或芽菜回家，用呢碗酸菜湯來滾菜，咁就多一個餸