川記正宗手打牛丸大王

營業中

休息中

突然間想食米線就去咗呢間試吓，去到見到餐牌寫住正宗崩沙腩張圖片好正，俾佢吸引咗就嗌咗，平時隔離有間樂園都係食崩沙腩最出名，呢一間就平$18，同埋見佢有豆漿，咁就試吓啦，碟飯嚟到賣相係OK嘅，但係啲牛腩好韌好難先咬得爛同埋啲牛柳好凍既，味道一般般，啲飯食咗半個鐘先食得完😅終於知道平係冇好嘢，下一次都係食返樂園算數，呢間都係算啦，不過如果食雲吞麵嗰啲我諗應該穩陣過食我呢個崩沙腩飯😅😅所以大家食之前要諗諗

平時夜晚過左9點想食野，通常都會想搵間粉麵舖食返碗麵醫肚，今次就來到呢間正宗牛丸大王試一試佢地既粉麵大部分粉麵都係$33，同埋欣賞呢家店都幾多選擇，特別既就有墨魚鬚麵。我今次叫左一碗牛腩麵，腩汁湯底，牛腩份量適中，少許肥食落唔會好鞋同要𡁻好耐，幾好麵底少許彈牙，有一般麵檔水準，湯底亦唔會太鹹，食完唔會好口渴，整體都係正常發揮有機會都想試下佢既崩沙牛腩麵、豬手麵、手打牛丸麵希望其他食店如食過既可以分享下

今日中午自己一個人喺旺角, 隨便搵間粉麵舖食下, 揀咗呢一間 "川記正宗手打牛丸大王", 見好耐冇食豬手, 點咗碗豬手湯河, 河粉幼身滑溜, 湯底濃郁, 但豬手好韌, 明顯未夠火喉, 炆得唔夠入味, 港式粉麵點可以冇辣椒油, 試埋個辣椒油, 辣椒油夠曬辣, 唔錯！

味道普普通通，價錢一般，店員服務非常差，食咗30分鐘走埋黎問仲要唔要？但係我個碗明顯係仲有嘢食，然後每5分鐘都提我一次，非常想趕客走😅但係其實店內仲有空位！唔會再嚟食

呢間嘢真係垃圾到唔恨。唔係歧視大陸人，唔好話禮貌，只係普通溝通都有問題，直程係雞同鴨講。同佢嗌米粉，佢俾咗河粉，罐可樂結咗冰，我問佢點飲？佢話唔緊要啦仲有一次仲離譜，有隻老鼠經過我隻腳，我即刻大嗌，店員叫我即刻收聲，話我多事，我即即刻報警告食環，個店員仲話我會有報應，跟住每次經過門口，個店員都對住我窮追猛打。兩個女人真係傻得勻循。不知所謂。去？後面大把選擇好過佢！點解仲要去買間垃圾舖頭？大家係咪好鍾意食老鼠？

牛坑腩拼牛丸河🍜 💰45 雙拼+💰10 ❤️‍🔥8/10分 （粒雲吞係男友夾落嚟，唔洗理住🤣）坑腩肥瘦適中，牛味重，油脂分佈剛剛好，食落唔膩🤤牛丸咬落去會爆汁，但牛味唔算好重同埋有啲硬🤏🏻就咁叫坑腩會好啲〰️淨雲吞🦐 💰32 ❤️‍🔥6.5/10分雖然有蝦嗰入面但唔算好新鮮，豬肉味亦唔算好重💭豆漿🥛 💰10 ❤️‍🔥7.5/10分 幾有豆味🤩

約咗朋友又未夠鐘，快手食碗雲吞麵。旺角真係好多選擇，由於時間唔多，我哋都冇花太多時間去諗食邊間，見到一間都多人食就入咗去。我哋叫咗魚蛋河同埋雲吞麵。魚蛋河好大碗，入面有白魚蛋同埋魚片頭，好食。雲吞麵略嫌雲吞有啲少，得三粒，不過都食得出係傳統嘅味道。

繼續我的「通菜街窮人恩物」系列。這間川記，根據米紙製作的＜旺角粉麵大戰＞影片，食評家認為比起「潮成園」的粉麵，湯底較一般，性價比亦較低。在我眼中，「潮成園」雖然也便宜，但未至於是窮人恩物，因此我只有寫「港城粉麵」及「川記」。當然潮成園早餐也屬便宜，我下次再談。這個早上我吃了番茄豬潤麵，反蛋及多士走油，並涷奶茶少甜。早餐有豬潤食實在太好，番茄湯底也很美味。價錢竟然也是27塊，怎會不能稱為窮人恩物。這個價錢在香港應該沒有茶餐廳比它更便宜，怎樣也要向老闆說聲多謝。論餐廳的衞生程度，我認為「潮成園」最衞生，「川記」第二，「港城粉麵」可能空間較細，感覺上沒那麼衞生。「港城粉麵」的早餐只有大眾化的選擇，沒有豬潤及番茄湯底選擇，因此早餐上我認為「川記」是勝過「港城粉麵」的。

出菜出得耐,20分鐘都未有,叫cancel單,入面呀姐哦咗一聲當默認。人都出埋舖外面,收錢果個好惡咁追出嚟話未比錢,話入面伙記知咗,但仲唔認賬爆呭粗迫人比錢其實咩都冇食過

宵夜時段，外賣自取。淨牛丸，比坊間其他食肆的多汁及有牛味，咬落有少少爆汁。雲吞面，麵份量足，夠飽肚。魚皮薄脆。價錢比其他粉麵店平。性價比高，適合預算有限或糧尾人士。😆🤣

一直都有幫襯開呢間店，起碼都食過20次以上，知道依家市道唔好，明白好多野都未必做到最好，我亦都知茶餐廳衛生都一定唔係好，眼不見為乾淨就算。但食到一半，見到有蟲真係接受唔到，食唔落，雖然只係細隻但始終係昆蟲仲要有對翼，將心比己，我諗係任何人都唔會食到粒蟲落肚，個陣已經反胃，即刻埋單走人，幫襯左咁多次，我已經算好咁同收銀姐姐細聲講：「碗野有蟲，注意下。」真心失望亦不再會幫襯。