巧手製作

營業中

休息中

今時今日食點心，不一定要走上茶樓啊。原因，就是許多的點心專門店在港九新界各地區出現了，而且好多都做得比酒樓好。亦因為大部份的點心店出品都比較精緻，所以在價錢上也會比較貴。後來，再由《唐記》牽頭，把熱門的點心同蒸飯小食外賣化，令到港九新界各地區都出現了一系列專門是做蒸品的外賣小店。而在這一天，我因為要趕早機而到了大埔住一晚，晚上就同外父簡單地，在樓下的點心店，賣飯回家吃。而這一間《巧手蒸飯包點專門店》，也就是《唐記》的姊妹品牌店之一。主要做外賣的店，在平日的黃昏時段是人山人海的。設店在公屋邨內，完美地捕捉到大眾市民的生活習慣。老人家一早平平地買個蒸飯加點心回家做早餐，打工仔回家整盒飯加點心做晚餐，非常之方便。那天，我點了鳳爪排骨飯。一看飯粒，就知道是用生米蒸出來的盅頭飯。排骨入味，而且粒粒都多肉，鳳爪的豉香味也是十足的，再配上一個很甜美的醬油，很不錯。雖然，這是工廠式的蒸飯、蒸品出品，但感覺到廠內的廚師有用心去做的，值得加許。一盒飯，份量是剛剛好一成人的。但，每一次食這些外賣蒸飯，總是覺得差了少少野才感覺 perfect。所以，我都會多點一份點心，這樣才開心。那天我就試了他們的燒賣，味道

唐記包點係短短幾年間發展迅速，係香港開左好多分店，今日就幫襯佢集團旗下既「巧手制作」睇下有咩分別。包類款式同唐記包點大致一樣，但勝在有其他食品係唐記包點無既，例如多咗手工腸粉、肉夾饃、瓦煲蒸飯，甚至連粥都有埋，對消費者黎講幾好，多啲選擇起碼唔會咁快食厭，叫咗秘製叉燒腸、咖喱牛筋腩飯、黑芝麻豆漿。秘製叉燒腸 ($19) : 腸粉皮夠薄之剩重有勁多叉燒餡，而且重係即叫即整。咖喱牛筋腩飯 ($29) : 咖喱香濃之剩帶點辣相當惹味，牛筋牛腩份量合理，而且炆得軟腍入味。黑芝麻豆漿 ($9) : 自家出品既黑芝麻豆漿，雖然無其他牌子出嘅黑芝麻豆漿咁甜，但相對健康啲。

去完Event返嚟大埔，就係街市買啲點心、腸粉、粥品同屋企人開餐。原來廣福街市都有一間巧手製作，就根據家人的指示買了一些食物。餐牌非常清晰，分門別類列明食物及圖片，多款選擇。這裡竟然有番薯粟米粥，正好可以清一清腸胃。粥都幾軟綿綿，入面嘅粟米同番薯粒份量都幾多。沙嗲金錢肚好入味，質感爽口軟身，小小辣都幾滋味。還有一些煎得好香脆可口的鍋貼，外皮香脆、入面嘅豬肉餡料份量都幾多，食落去好有鮮味。豆漿還有兩款選擇，原味豆漿及黑芝麻豆漿，味道好Fresh好濃郁大豆味道！我們一口氣點了差不多$100的美食，非常豐富及飽肚！

放工想買點心返屋企食 原來巧手的點心同飯類都有好多選擇！！！！！今日買咗隻糯米雞 一拎上手嚇親 勁重！！！！！！！入面嘅料一啲都唔少！打開先知原來入面居然有隻雞翼  幾片叉燒同原隻冬菇 好大隻 仲有大量嘅肉碎 料好足！味道都非常入味！糯米飯勁入味 又有陣陣嘅荷葉味！最緊要嘅係好抵食！！！！！只係$22！！！！仲平過唐記！呢到D包好好好大隻 最重要係熱辣辣  好鬆軟雖然拎到回家有D硬左 但係好香 D料又唔會好甜 ～～～好好食 又好抵食！

依家食品嘅種類增多，連腸粉都有得賣，建議腸粉可以喺早上買，因為一到夜晚～腸粉已經變成漿嘅口感。點心嘅質素亦都同酒樓嘅差不多，感覺冇咁油膩同多油。粥品方面就味道比較淡同比較稀身。而蒸飯嘅質素同唐記差唔多，因為都係同一個集團，所以食物嘅質素都有保證。包點方面，依家有分煎同蒸，如果唔想咁熱氣嘅可以揀蒸，因為一早煎定，其實煎包都唔係太好味。服務方面，其實做街坊生意最緊要有禮貌，但呢間分店的大部分店員態度都偏差，有待改善。