巴打冰室

營業中

休息中

石蔭呢邊最近開咗間巴打冰室，一直都未有機會試，終於聽日的起心肝約埋同事Lunch一齊去食。午飯時間四圍都係人，呢條街嘅餐廳大部份都要等位，巴打冰室當然都唔例外。睇過價錢牌，價錢正常，同附近餐廳都差唔多，午餐都係包湯包飲品。餐湯有中湯西湯揀，是日西湯係羅宋湯，睇顏色都知道湯底比較濃郁，唔會溝水開浠哂，本來仲滿心歡喜，點知入口味道非常咸🙈似係可以攞嚟送飯嘅羅宋汁，唔係俾人齋飲嘅羅宋湯。海南雞飯，雖然雞肉有骨，肉質又唔夠嫩，但雞皮唔算肥，唔會有大舊肥膏，另外雞飯香味濃郁，唔油，都唔錯。熱奶茶不過不失，正常茶餐廳口味。📍衛生方面，可能因為午飯時間太多人，張枱未抹乾淨仲滿晒上手留落嚟嘅魚骨，店員就放餐具同茶水落嚟，感覺污糟核突。

叫左早餐 等左大約15分鐘 之後送黎的雪菜肉絲出前一丁 未煮熟 硬面 too bad ! 同個服務員講 無跟進！ totally disappointed ! Will never go again in future !

開了不久的茶餐廳，第一感覺多了個選擇都唔錯，外觀唔錯，感覺都乾淨，有位唔駛等就入去食了個下午茶餐。下午茶餐選擇唔算多，主要係炸 x 配薯條/沙律；要食粉麵就只有早餐款的2 餸麵；再加幾個炒粉麵飯。相對有幾款配搭的餐嚟講，可以選擇就無咩彈性可言。選擇了「乾炒豬扒意 + 熱杏箱」炒意粉都 ok, 可惜豬扒太炸了杏箱 👎👎👎，從未飲過一杯一點杏仁味都無嘅杏箱，比錢時比咗少少飲品嘅意見但感覺 😤總括嚟講，太失望了。

首次同老公來嘗新，叫咗個香芒大蝦沙律 ($88)、蜂蜜陳皮骨套餐 ($78)、蒜蓉炒菜心 ($48)、蝦多士伴沙律 ($35)，餐凍檸茶少甜 (+$3) 及餐特飲黑牛 (+$10)，全程最無得彈係杯黑牛同杯凍檸茶少甜，香芒大蝦沙律收 $88，份量少唔在講，半邊芒果睇到青 BB 未食都覺生，食落又硬又酸加埋 8 邊無味中蝦 (即 4 隻) 一絕！蜂蜜陳皮骨套餐，餸嘅份量尚可，只有蜜味全冇陳皮味，跟餐個飯得半碗，男士一定唔夠飽 (我老公就係喇！) ，蒜蓉炒菜心嚟到望落去，發現唔夠菜心搵白菜心搭夠都冇問題，最頂癮係個蝦多士伴沙律，沙律被件「炸蝦西多士」壓住變暖都算，請大家留意我上面寫住係「炸蝦西多士」呀！送到嚟放我面前真令我同老公儍眼，送此「炸蝦西多士」的侍應還問我們甜食定咸食？即係要糖槳嗎？我自問細細個已經食過不同食肆岀品嘅蝦多士，好似呢間冰室嘅成品都係咁大個女第一次試啫 … ！

差不多個個星期都返石蔭陪娘親晚餐，娘親又奄尖揀擇，之前食嚟食去都係嗰幾間，呢排仲要有間摺埋咗!前排開咗呢間新嘢，好似有幾多人讚，噚晚就去試吓啦 🤭未到 7 點去到差不多全場滿座，好彩啱啱有個卡位走 🤣 坐底覺得坐位有啲窄，好彩太后無投訴。我哋 3 個人叫咗 3 個餸，包例湯，白飯同餐飲，餐牌有錯漏，個魚印咗話要加 $10 先可以轉餐，原來已包 😅例湯咸咗小小，不過噚日咁熱出咗汗，啱啱好補充返啲鹽份。金銀蛋菜心苗清清哋，佢仲有肉碎同雞蛋喺面，蜜糖陳皮骨有啲驚喜，肉哋夠淋身，好味喎，清蒸䱽魚正正常常，唔會過火。太后話佢杯檸茶好香，而我杯奶茶都合格。餐飯坐咗一個鐘左右，見佢啲檯不停返客，經常滿座，下次可以再幫襯喔 👍👍

見呢間巴打冰室新開諗住試下野食的確係比附近既餐廳好食啲不過講到上餐速到就有好大既改善空間首先我自己就叫左份早餐豬柳福麵我女朋友就叫左份公司3文治當我食完成份早餐既時候都已經大概15分鐘有多，但份公司3文治仲未到，於是就問店員係未漏單，店員回答無漏單，話呢個係要等耐啲5分鐘左右過後，我地再同店員講有少少趕時間，大概要幾耐左右？店員就建議我哋轉餐會快啲於是就轉左一開頭我叫既個份早餐豬柳福麵，以為會快啲到啦點知，等左10分鐘，咩都無黎過，野飲～煎蛋火腿厚多士都無黎！咁就再追問，又話要等！公司3文治加豬柳福麵既時間總共係等左35分鐘以上，過程仲要左催右催先有個厚多士俾你食住先其實我地係黎食冰室，唔係黎坐係度飲茶嘆茶！基本野都做唔好，叫人如何再幫襯不可一可再

下午要到石蔭工作，先在附近吃午餐，在石蔭路恒生旁邊，以前東亞銀行的位置開了一間巴打冰室。食過其他分店都不錯，正好試一下。這店25張枱左右，設計上有點逼，中午時間好不容易找到位置。午餐幾個選擇，人太多，節奏急速，影唔到相。我們各點了蒸肉餅飯，肉鬆菠蘿炒飯，各一杯熱檸茶。蒸肉餅感覺油有點多，味道就沒有很鹹。肉鬆菠蘿炒飯感覺炒的乾身，如果配料多一點口感更佳。檸茶反而一般，好像有少許澀澀的。結賬時問收銀才知道剛開業不到一周，那難怪，真需要點時間理順，如果下次來了再試試。