巴打冰室

營業中

休息中

今天呢來到這一間茶餐廳從門口的招牌就好有親切感，當進去餐廳的時候裝潢也給人很舒服的感覺，跟着看一下餐牌上的早餐，我選擇了一個沙嗲牛肉麵，這個沙爹牛麵我給予一百分因為這個沙爹牛麵牛肉非常嫩滑沙嗲汁充滿香氣有一點辛辣味還有最特別就係有非常洋蔥粒令整個沙嗲湯充滿了新鮮感，讓我有非常新鮮的感覺，加一份加一份厚多士煎蛋，這份厚多士的多士非常之外脆煎蛋煎到剛剛好，真的很好味還有我最喜愛的鴛鴦，這杯鴛鴦茶同咖啡的比例相當配合沒有搶去對方的味道，所以這個早餐是我食過最好食的沙嗲牛麵，還有非常值得一題就是服務非常之好又細心。

難得星期六朝早唔使返工，就同屋企人落樓下食早餐。見最近屋企樓下開咗好多新嘅冰室，貪新鮮嘅我哋就想試下新野。不嬲都係鮮茄通粉嘅愛好者，見餐牌上面有鮮茄牛肉通粉就好不猶豫咁揀左。好可惜個湯真係好普通，牛肉嘅質素真係好差，軟林林有冇肉味。奶油豬仔包除咗焗over左算係唔錯，表面香脆，麵包尚算軟熟。不過另一份餐嘅奶油豬仔包竟然未落煉奶就上咗菜服務方面侍應態度麻麻地，其中一個傾計嘅時候勁多粗口。餐廳坐唔滿，上菜又慢。 來想叫菠蘿油又冇。呢一區同樣嘅價錢其實仲有好多選擇，所以應該唔會再幫襯。

見到呢間茶餐廳個名幾得意，就入黎試下四圍寫咗唔同菜式，好多嘢食。打開餐牌望下有咩啱食先見到呢個蜂蜜陳皮骨已經流晒口水，用陳皮炒骨，聽都未聽過，真係要試下！先上咗個湯，個湯味道淡，一般。萬眾期待嘅蜂蜜陳皮骨啲骨好入味，好甜，仲食到絲絲陳皮味，肉質好腍，送飯一流不過陳皮好硬，好難咬呢碟通菜夠驚喜，好夠火喉鑊氣菜通爽脆，鮮蝦彈牙呢兩個菜都非常適合送飯，食到唔停口一碗白飯好快就清晒呢度啲小菜好有水準，我同朋友都大讚好食食完飯飲返杯凍檸茶，大大杯凍檸茶，加$2都抵飲！兩個人食，埋單$133，兩個人食差不多啦。

一班朋友一共7人夜晚臨時醫肚，貢入去“巴打冰室”試下。叫咗6-7個小菜。之前有例湯，味道可以，唔係凈水，有材料嘅例湯。首先來個招牌“蜂蜜陳皮排骨”,有蜜味，排骨juicy而texture彈口，唔錯，係大舊咗D。然後，嚟個“泰式蒸烏頭”, 淨係賣相己經超值，唔單止青檸伴碟，仲有朵花添，味道酸酸甜甜，唔錯吖跟住有“土尤蒸肉餅”,D肉餅唔係淋bet bet,而係好似屋企嗰D口感，起碼冇落好多粉去蒸，推介再嚟個“麻辣口水雞”,可以吖，味道濃。亦叫咗“通菜炒鮮尤”同“蘿蔔支竹牛腩”,都係D大路口味。環境企理，價錢合理，小菜價錢由58-78不等。會再光顧嘅

這是冰室林立的年代，這是茶餐廳林立的年代，這是快餐店林立的年代，這是川湘滇客粵粉麵店林立的年代，這是日韓台越泰星食物店林立的年代，這是食物業的黃金年代，正如上世紀的廣東歌年代，值得我們自豪。曾說「現代冰室」是香港復古思潮的產物，是本土意識興起的結果。這半年之間，這區有1樓，巴打冰室開業。兩間均刻意製造懷舊氣氛，食物卻不「老餅」，但部份頗有水準。現用業界的茶餐廳術語，簡稱「茶語」，寫下食記，並加註腳。餐廳是全新的，術語才是香港本土語言，是母話，是廣東話的一部份，才是真正古舊的。店名為Buddy，巴打，有「兄弟」之意，營造街坊情懷。我在此區讀小，中學，很多舊同學，「兄弟」仍住在本區，他們「江湖」味重，說話粗鄙。我們在此店多次聚腳。此「現代冰室」頗為寛敞，比一般茶餐廳大兩倍，空調充足，光猛潔淨。☕飲品餐牌有唯一的懷舊情調元素，描繪舊區街景。此店飲品是較有「港味」，「60年代感」。上圖是「水鴨」，熱騰騰，入口有「啡」的豆甘，「T」的茶香，水準不俗。「brother」說新開的茶餐廳一定有專業「T」師傅坐鎮在水吧，調教本店的飲品。餐牌內有「白雪公主」（雲呢拿雪糕溝雪碧汽水）和「黑牛」（朱古力雪糕溝

晚飯不想在家煮，於是兩口子便到附近的茶記用膳，試試這間望落去都乾淨企理的巴打冰室。地方都算大，而具座位唔會太迫。可能平日晚市的關係，客人唔算多唔駛等位。叫了一個特餐D，白汁芝士豬扒撈公仔麵（配煙肉火腿炒蛋及迷你豬仔包）同埋 牛柳粒配肉醬意粉。火腿炒蛋、奶油豬都無正正常常無特別（睇番相同餐牌，先發覺無左煙肉）撈公仔麵就比較大鑊... 首先公仔麵比較濕同淋，唔夠爽；另外個汁相當一般，唔夠芝士味，亦都撈唔到入公仔麵同豬扒入面，比較失色。反而個牛柳粒肉醬意粉比較出色，牛柳粒剛剛好，香口惹味又夠淋身之餘，一D都唔韌，好評！肉醬意粉正常水位。整體黎講都滿意，可以再encore個牛柳粒意，同俾多次機會試下其他野食。

這裏不但環境清潔，而且還具高級和懷舊餐廳的特色。除此之外，食物好食，由其是這裏的特飲益力多沙冰，又甜又有口感，感覺難以描述。還有，這裏的串燒牛柳配比目魚扒可說是人間極品，天堂美食。無食過這裏的串燒牛柳配比目魚扒可以說是沒有食過美食。這種入口即溶和、厚厚的牛柳和美味的目魚扒，令人想起都興奮。

今天同朋友經過此冰室感覺新凈企理，入店試了鐡板套餐，黑椒牛柳，牛柳非常嫩滑，益力多沙冰好味，一般餐廳都未試過此沙冰很特別，真沒想到如此舊區能有這樣質素的鐡板黑椒牛柳，值得下次再試其他鐵板餐。

非常之差，食兩個普通晚飯小菜，差唔多190蚊，問佢送外賣佢初初又話送，之後又話唔知幾耐先送到上嚟，咁你當初就唔好話送外賣啦😡😡😡 之後兩個小菜餐又唔跟飯，要加十蚊先有個飯 ！！總結：貴又唔好食，絕對冇下次🤬🤬🤬

加6蚊飲即磨咖啡，結果跟一般茶餐廳無分別。本人長沙彎街坊食晚飯，服務一般，入左單係唔準改的。多蚊。食物偏咸，份量小，晚飯例湯非常難飲，跟咸水一樣。下次唔會再食。

話說係地鐵站行岀黎又唔想食平時食開果幾間，見到佢新開咪行入去試下囉。🤔🤔入去坐底揀左個特餐，有煙肉火腿炒旦+瑞士雞翼撈麵。一上枱煙肉同火腿係凍既，煎都冇煎過，炒旦只係微溫，但呢d都唔係重點，重點係瑞士汁果度！！😑外表真係瑞士汁既顏色，食落竟然有腩汁味，真係令我眼界大開又極之失望！最後只係食左半個麵就放棄左，一向有衣食既我都冇試過食剩野，但呢個瑞士腩汁麵真係點都呑唔落，仲要賣四十幾蚊，真心冇下次！！！🙄🙄🙄