巴蜀麻辣米線 (已結業)

本身好鐘意食米線，食開出名果幾間食到有D厭啦，咁岩見到呢間好似幾OK就試下~叫左碗微辣菜肉雲吞加腩肉米線原來都幾大碗，份量好多，配料都好多個湯底湯底好有麻辣味，同埋花椒八角既味，辣得黎好麻，勁香口!我鐘意呢個湯底多過TAMJAI HAHA菜肉雲吞都幾大粒，好好味~腩肉既份量都唔少食完成碗真係好飽!唔驚食唔飽OVERALL 真係覺得幾抵食，份量唔少味道方面又好好，真係CP值好高~鐘意食米線特別係麻辣既話一定要黎試下啦~~

老實講，我真係巴蜀忠實粉絲，由紅磡到大角咀，十幾年一直幫襯。之前一知道埃華街唔做即刻日日去幫襯，唔好講笑，真係唔厭之後老闆話會再搵鋪繼續做即時安心D，但依然等左足足五個月，先可以再嘗巴蜀米線既獨特風味。我係米線死忠粉，香港好多間米線都食過，無論譚仔景霖雲桂香米線陣，呢d都因為比較出名開曬連鎖鋪所以質素參差，A鋪同B鋪C鋪味道都唔同，所以個人麻麻。但巴蜀就係小鋪經營，老闆老闆娘甚至員工叔叔都有人情味，係熟客佢會請你飲野，甚至幫你加足料，碗野都大D(唔知係唔係我覺得係)而且可以傾下計，互相關心下近況，會覺得好warm。對大角咀街坊嚟講，新鋪依然開係大角咀真係好開心，繼續有口福，繼續可以日日幫襯希望可以保持水準，越做越好。p.s去到巴蜀必點烤雞翼！保證一試難忘。另外就推薦紅油抄手同沙薑雞腳，真係好好味

米線首選由紅磡開始幫襯到大角咀，用料新鮮，最愛佢嘅鮮牛肉、菜肉雲吞、炸醬、魚腐，湯底唔會好似出面咁鹹。而且一定要試烤雞翼，十級推介。大角咀米線首選。搵日再黎試其他食物