巴蜀麻辣米線 (已結業)

6月29日，我在這店巴蜀吃了30至50次，一直都唔捨得二間店舖同老闆，我講吓啲食材先啦，麻辣到適中，米線又順滑又好味,順便今晚試埋最後的晚餐，當晚排長龍，我希望快啲請返巴蜀嘅另外嘅人頂住，如果想食類似嘅嘢，你們可以去正宗四川景林麻辣米線店。 希望巴蜀可以繼續捱住

我是一位經常幫襯巴蜀嘅中學生，本來是在埃華街大間舖頭，我父母經常幫襯，點知搬到中耀樓附近之後我父母就覺得位置不好，不想幫襯😞我在大角咀住了幾年，我通常喺下午茶時間嗌，我嗌的下午茶餐是腩肉不辣米線，由於我不是吃得好辣的人，他的豬骨湯真的很濃郁，腩肉又順滑，還送了雞翼及飲品，超抵食😋！我在這間舖頭幫襯了20幾次，他老闆嘅服務態度良好，可惜他因退休而結業（做到六月尾）我真的想再有巴蜀麻辣米線喺香港經營，但不想舖頭在偏僻的地方😄

今日勁熱，氣溫38度去朝聖，今日由太子行咗17分鐘去到大角咀，好彩冇令我失望。我同朋友都係叫咗菜肉餃，豬潤，雞肉生菜米線餐，我叫左大麻辣，朋友食小酸辣。辣嘅程度比起出邊低半級。之前做咗功課，已經有心理準備係幼米線（我平時鐘意食開粗啲），估啦到食落嘅口感，出奇地好。豬潤唔係厚切，但係好食。菜肉餃重菜好味，雞肉略嫌普通，而且唔係太滑，亦冇乜口感，兩個湯底都好好味， 10分出色，完全唔口喝👍🏻不枉此行

一間大角咀好隱蔽的米線店，差唔多去到街嘅盡頭先會見到，唔係上網search/街坊真係留意唔到佢叫咗no.11餐，滑豬膶+鹹腩肉+燕肉餃+生菜，麻辣-BB辣，只係$53 連涷的紙包/罐裝飲品，都好抵食，包飽，聽到好多叫套餐的女士叫少米，自己可以衡量下首先個湯底雖然冇紅卜卜，都係偏向啡啡哋色，食落少少麻，偏向鹹，米線比起平時幼好多，所以好掛湯，唔會太冧啱啱好講吓豬潤，的確係滑豬潤，唔會「鞋」口，十分順滑，感覺亦都好新鮮👍🏻至於鹹腩肉，亦都名副其實，鹹味十足，但肉質唔會太老，半肥瘦，非常好👍🏻燕肉餃感覺似魚皮餃，外皮半透明，唔會太厚充分見到佢索湯，裏面只有豬肉餡，應該係冰鮮豬肉☺️生菜正正常常，淥得爽口

聽聞前身是在旺角營運後來移居至大角咀的小店地利位置不近地鐵站 不太便利由鐵路站前往需步行約5-10分鐘剛好當天我在附近工作才發現小店​小店環境企理衛生眼見數張台基本上可容納十幾餘人但地理因素，附近主要是民居和車房所以人流都適中，我可以慢慢享受食物​豬潤米線小辣米線本身已搭芽菜、韭菜、腐皮米線比平常連所集團的幼身咬口軟硬適中豬膶厚身 好有咬口是我十分喜愛的厚度辣度方面有分大中小同小小辣小辣已經令我鼻水湧出份量都十分滿足​價格大眾化小店經營 如有機會再到附近工作會再次到店光顧​巴蜀麻辣米線📍大角咀中匯街52號地下​

多數都係食佢嘅下午茶餐，等到兩點就有得嗌，$40就有一餸米線，兩隻燒雞翼同埋野飲，超抵食！佢嘅麻辣好出色，係好惹味嗰種，麻香好出味道比較刺激，同埋如果嗌外賣千祈唔好分湯！

之前唔知係邊個美食Blog見到有人評價尼間幾正 Sa妹咁岩係附近有野做 終於可以一試究竟！不過佢間鋪頭位置係比較夾攝同偏僻 唔近地鐵站 周圍D街比較黑同靜 好彩Sa妹唔係自己一個行🍜菜肉雲吞、豬潤、津白酸辣湯底米線 （微辣）第一啖即刻試Sa妹最重視嘅湯底先 但係幾令我失望😢湯底好淡（幾乎無味）無酸味無辣味 好彩隔離有兜辣醬可以加下叫左令碗米線香小小...D餸都只係不過不失 菜肉雲吞幾大粒足料 應該係自家製🍜雞肉、腐皮酸辣湯底米線（微辣）同樣都係一般水準嘅餸 Sa妹不多費口舌😂🐔蒙古香草（3隻）+巴蜀麻辣（3隻）雞翼反而尼個小食幾不錯 雞翼烤到剛好 香脆又滑嫩 上面嘅孜然粉同麻辣粉令雞翼更惹味Sa妹個人感想就係米線整體味道太淡 不夠香和有風味 下次Sa妹應該唔會專登再黎食推介指數：⭐️💫（總分為5⭐️，💫為半粒⭐️）

公司在大角咀附近，所以經常都會去中角咀附近食午餐，唔想成日都去南記同譚仔，今次搵左間大角嘴的米線小店，呢間應該無咩分店，朋友介紹我黎試的，餐廳唔算好大，大約20 個位左右，12 點半左右黎到都差唔多無位了，可以自選餸或者叫餐的米線，仲有可以加飲品，老闆好好禮貌，最後我地都叫左set,最初以為set的餸唔可以換，點知老闆俾我地換左一個餸，好好人，等左十分鐘個米線到左好大碗好足料。唔會好飲譚仔差孤寒得甘少餸，飲品都多選題，仲叫左外賣俾同事，一人都係50 幾左右又抵食又足料又飽肚。

我每星期都會來食一次午餐！店舖位於大角咀中匯街，小店式經營，大約有16個位。店舖非常整潔，也有張貼提示要求顧客進食時才可除口罩😷此店出名四川麻辣湯底，套餐有15款選擇，有4款是素食餐，每款有4個餸，及每碗米線已附有芽菜、韭菜、腐皮。辣度分微辣至勁辣，也有清湯底選擇。加$1可轉上海麵。餐包一罐飲品或鮮豆漿一杯。$48已經有一大碗米缐及飲品。當然也有自選配搭。而我今次想介紹此店的另一種食法！每次來我都是食素餐、素清湯底、上海麵！味道清淡得嚟還食到食材鮮味，麵身柔軟帶點煙韌！清清地的一碗麵或米缐，食完可令你心景平靜地迎接下午的工作。希望此食評可為素食者帶來多一個選擇

有日突然懷念，係OpenRice 一search, 竟然見到原來佢係中匯街有開返，幾年前係大角咀道食開，點知突然發現關左門，不知幾傷心…湯底依然係甘好味，我叫bb辣，同之前食開個辣度一樣，正丫豬膶分量比以前少左丁丁，薄切左，但鮮嫩左，老闆娘煮嘢功夫一流，剛剛好👍🏼👍🏼雞翼又係新鮮熱辣，香草味道又係無其他鋪路做到，食返以前嘅味道，真好反而米線幼左，仲好，比以往更掛汁豆漿又係足料，正員工依然係家庭式，笑容好好又殷勤，仲有有一個新成員，好似叫Tony仔，好靚😍😍

八月第四個星期六下午，大角咀。友人每個週末都會到他家樓下的米線店午餐，風雨不改，讓我好奇心都來了，甚麼米線會讓他這麼著迷呢，自此我就經常嚷著要他帶我去，一番折騰下他終於受不了，決定帶我去吃。一家很有街坊風味的小店，沒有多餘的裝修，裡外一切從簡。餐牌的選擇不少，湯底有清湯、麻辣和酸辣，辣度從微辣跟勁辣，我們就要了下午茶套餐。雞肉麻辣米線，雞肉份量不少，很大塊，而且非常滑嫩，湯底選了勁辣，一般的勁辣或大辣才是我正常的辣度，麻辣不嗆喉，味厚鮮香，果然沒有令人失望。重點是腐皮，其實我是從來不吃腐皮的，友人說一定要吃，吸收了麻辣湯底的腐皮香嫩入味，越吃越覺得不夠啊。麻辣烤雞翼，作為雞翼控，套餐有兩隻烤雞翼實在覺得貼心，雞翼煎到金黃色，灑上適量麻辣粉，惹味度立刻增加，雞肉軟滑到不行，放冷了也不會影響嫩度，真的很出色。豆漿，吃完了那麼多麻辣食物，最後喝一杯冰涼的豆漿，簡直就是爽。小店的質素，比起連鎖的雲南米線質素實在好上不知多少倍，生活上要擺脫大集團不難，至少在吃方面已經是入門級別了。

後知後覺。我一向都有啲路痴，以為自己去過大角咀，但最近先發現自己原來三十幾年黎都無去過大角咀！原來呢區勁多好野食！今日就突登係呢區行下，順便食下野。去左呢間朋友推薦既米線，叫左個餐，麻辣中辣。我錯了！中辣食到我一頭汗，仲要食左勁耐。配菜同餸都好多好好味，非常抵食。店內環境屬街坊小店類，雖然細但都好企理，老闆都好友善。如果大家黎食，可以試下酸辣。我直覺覺得酸辣應該唔錯，另外要食炸醬，味道同份量都非常好。

呢間米線做開街坊生意今次都係朋友食開帶我去佢話下午茶時間去係最抵！我就叫左個炸醬酸辣米線+香草雞翼跟餐仲有杯豆漿！唔敢食太辣所以試左bb辣 辣度同酸度都岩哂我口味🤤雞翼更加係我最愛！呢間小店位置雖然唔多但坐得幾舒服老板都好好人好親切🤤有機會一定要再去試！唯一唔好就係 佢用太多膠器皿啦..如果可以環保啲就好了！

巴蜀麻辣米線，會係我之後Lunch會常去既落腳點，返工落車見到有間新開食米線既鋪頭，新裝修，價錢合理，就決定lunch落去試下。1點左右，已經差唔多無位，好彩唔使等就有位，我就試左雞肉，墨丸，炸醬酸辣米線，對我常想米線黎講，米線比我食開既幼身，但一樣好爽口，雞肉絕對要係配料首選👍🏻👍🏻米線好大碗，我食量算大都差D食唔曬😂如果食唔多建議少米線，為要保出分力💪🏻

巴蜀麻辣米線，識的人，應該一早就知道它本身位處於紅磡，在一個商場地下的舖位，店子小小，廚房小小，但是人流不絕；然之後那邊關閉了，又轉了到大角咀的埃華街，店子大了很多，即使旁邊的店舖都已經轉變甚多，它仍然屹立。直到之前，在埃華街說要關閉，都未有物色到新的店舖位置，結果發現原來在中匯街這邊再次開張。因為之前我都不是會在放假的時候，尤其是閒時日吃下午茶，因為下午茶時間又可以吃到雞翼，又贈送一個餸，而且店內非常休閒，因此對於昔日的巴蜀 ，感覺特別濃。本身再去，都恐防會不會店子相當小，內裏環境又侷促，吃起熱湯麻辣米線會令人汗流浹背、面紅耳赤。但是事實竟然於想像中分別甚大，門面雖然比較小，但是內裏非常之光亮，最教人驚訝的，就是內裏顧客不太多，在店內大約1小時的期間，從來未試過坐滿人。現在的餐牌，看見有10多款它固定了的餐，包括有三款材料，以及一份生菜，但是都不算非常之合心水的配搭，因為這麼久才終於來得到巴蜀再開張，無謂節省幾元，於是就單點的，點了個鹹腩肉、鹹豬脷、炸醬另上米線，點了個微辣的。到麻辣米線店吃辣，都要有自知之明，向來知道巴蜀的麻辣偏向辣，於是就點了微辣，結果，味道也和之前的辣度差不多，