巴西燒烤餐廳 (已結業)

This restaurant has turned into crap. We went there for BBQ lunch buffet. All they served was BBQ vegetable and the occasional chicken wings. The price for meat must be too expensive they decide cheating their customers is a better way out.

跟一大班朋友去這裡慶功點知真係嚇死人...(1) 環境真係嚇死你...出去拿甜品時才發現很多蟻在桌上和甜品的碟上!是很多隻放水果的雪櫃很舊很髒，裝涼粉的花奶的瓶像十世無洗見到咁多蟻o係食物既檯真係唔開胃...(2) 食物燒得出黎既野超級少好耐先有野黎...而且最多就係腸...搵笨食左成兩三個鐵得兩round牛，然後就係瓜、腸之類好唔抵除左比20蚊有果汁先生叫做任飲之外都唔知有乜好自助餐方面野食好差......好多煮到勁重味就打算令人唔覺佢質素差e.g. 炒到勁"Lon"但又好肥少肉既魚...(3) 服務收碟勁配先比返個新既你...唔算好差但麻麻巴西燒本身已經唔多算抵呢間一定唔會再黎食90蚊出去好多地方食好好多

昨日情人節，同男朋友book左枱到巴西燒烤吃飯，諗住簡簡單吃餐好。我和男友食過巴西燒烤好多次，次次都覺得幾好。但今次真係好嬲，決定以後唔會再去，因為服務和食物都差得太離譜啦。我和男友7點到左，起初入去攞d前菜沙律吃下，打算吃多d燒烤野，點知等了又等，等到8點九，只得4樣燒烤野吃食黎過我地張枱。心諗乜事呀，平時我和男友係食到話：「唔要啦唔該」架嘛，今次要我主動叫個侍應埋黎(有好幾個見我叫佢地都無埋黎!!!!)，最後終於有一個行埋黎，先有幾雞翼食下…我等左好耐，都無野食，發覺問題有3個：一是那些拎燒烤野食的侍應唔多；二是每次侍應拎到黎我地枱只餘下一小塊，甚至無：三是多個侍應都行勻每張柗，係唔行埋黎我和隔離果張枱，真係激死，火都黎埋，搞錯呀。我仲聽到某個侍應話，我係比人迫出黎…我明白外面有點凍(我和男友坐出面)，但你唔係咁既服務態度呀，係咪做生意架!!!外面都有好多張枱架，大家唔洗食啦!!見無得食燒烤野，已經好唔開心，因為一心黎食依樣野架!!!!!!!!!!咁我咪入去食d熟食頂住先，點知無野好食，全部獨孤一味，7樣有5樣是雞，仲要好「鞋」…連意粉都要排長龍先有得食，搞乜呀，點解咁差架。甜品，

晚上到此食宵夜, 全程只食自助bar上的飯粉雞魚. 味道差和凍. 至於燒烤食品, 只有香腸, 香腸和香腸.... 仲有燒雞腎. 至於燒牛雞猪.... 唔見. 雖然最近肉價貴. 成本高. 但另願加價俾足料人食. 好過百無. 好一間巴西燒腸.

另加35元，紅酒任飲。最o岩食肉獸。我無機會試其他熱盤上的食物，因為一坐下，侍應便拿著燒烤食品過來，未食完，又拿另一樣來，問我要不要？食得好忙！見他咁殷勤，乜都要一些。食得三幾件，已經好飽。一百元左右任食，我覺得好合理。

食過呢間好多次,lunch, dinner,都超正, buffet野食好基本,但好味,包羅萬有,佢間唔中有個廚師拎d燒烤雞,豬,牛,羊,紅腸,蘿蔔,茄子,粟米...好味又多款式.有時佢係雜誌的coupon可以買4送1,仲抵. 試過節日流流有附加費, 都好合理既. ^_^

之前學校辦迎新食過, 我地係包場o既! 以咁o既價值來講自助餐的選擇算ok,中日都有, d三文魚生去得好快, 仲有細細隻的大頭蝦! 連老水乳鴿都有!不過d肉就好老下. 南亞香料煮的牛肉都唔錯,夠野味! 甜品就麻麻, 反而有炸香蕉, 但d朱古力漿就唔夠, 另外有大大銅雪糕食到我個口痺哂!燒烤都算唔錯, 每樣試小小都已經飽哂(可能係我細食啦),有d都幾特別如佗鳥肝!服務都係咁, 目口目面.

環境唔錯, 好靜, 露天座位幾好. 侍應態度真有待改善, 但冇黑面, 只係行得好快, 叫都叫唔住. (一俾完食物你, 他立刻轉身走到無雷公咁遠, 好搞笑..!)食物ok, 100蚊價錢食到咁多野都唔錯.侍應拿著燒烤周圍派, 都算好快手, 有燒牛肉, 羊肉, 波蘿, 腸, 雞扒... 好多款. 餐廳裡有自助餐, 有凍蟹(咸左少少), 炒菜, 火腿, 中西湯, 三文魚魚生(手快有手慢無), 壽司, 炒雞, 其他中西式小菜, 意粉白飯咁囉. 有甜品, 生果(你預左係最普通的, 例如西瓜, 橙) 我會再去.

原本對呢間餐廳平價都ok, 都食過幾次, 仲介紹過d fd去開生日party...點知, 好耐冇食, 直至尋日再食返, 簡直不知所謂, 食物質素差, 服務態度惡劣, 話明係食巴西燒, 坐足20分鐘都冇一樣燒野食黎...直頭感覺有d"搵笨"原本行完街, 諗住等到9:30可以去食buffet, 係好開心, 點知去到冇人理自己搵位, 都算la, 出去夾野食, 就好似肌民咁, 勁多人, 野食勁難食...諗住都係等食燒烤野, 點知仲衰, 坐室外中間位, 前排後排都有得食, 唯獨去到我前後個張檯就冇哂!又要等...如是者, 等左起馬有6串燒烤都未到我, 我朋友唯有同經理反映下, 但得出黎ga係, 態度惡劣答"得得得!!我去處理!!"(大家幻想下唔耐煩ga態度, 個經理係女人, 高瘦扎馬尾, 貌似老版何利秀)但最後都係...一樣...我地坐唔夠30分鐘, 已經忍無可忍, 決定埋單走人!所以我以後都唔會再黎呢間咁ga垃圾度食!奉勸各位去之前認真考慮...

I went there a couple of days ago for lunch and I have to say that all the waiters were so unfriendly. It took us about ten minutes to order our drinks just because they were ignoring us! On the other hand, the food wasn't bad, but there was a restricted selection. To conclude, For $58(+10%), I would recommend people who are looking for a bargain lunch.Total came up to $329 for 5 people

12月22號係冬至,一家大細梗係到出面食啦,今年揀咗食巴西燒烤,去到唔太多人實太好,食物無供不應求既情況出現<食物>燒物:雞翼、火雞腎、魷魚筒、雞脾菇、紅腸、羊肉、牛肉、粟米、菠蘿、雞、排骨、Pizza腸......熱食:豬脷、粗炒、羊腩、炒蟹、湯、意粉、班戟......冷食:沙律吧、三文魚、蝦、青口、雪糕、啫喱......<飲品>另費任飲橙汁($20)紅酒($35)十人共消費:1280

呢間我去過兩次架啦..巴西燒烤好少地方有得食..佢間野真係唔錯..我最鍾意就係栗米腸架啦..栗米好多..D腸仔肉又好吸栗米味..煮意粉果個人好友善..仲有好多好多甜品..有D會有少少D味好怪..最欣賞朱古力慕C..好濃香既朱古力味然後燒波羅都好好味..不過3文魚就少D啦..好快比人囉晒..仲有兩個人係度唱歌添..又唱又跳..^^但係侍應哥哥就目口目面唔笑囉..不過其實己經好過上次架啦..百幾蚊我都唔要求有酒店服務..一般黎講係好可以接受既..下次我會試下尖沙咀果間..我睇食評d相好似好靚..

之前食過依間野幾次，一直幾鍾意，今次返去，睇下有冇水準下降先說其實依間野食物係唔錯，百幾蚊既價錢，食到二百幾蚊既質素！不過那晚去，在食物以外的地方，有很多令我感到失望的地方．．１）當晚出現了一大班港隊青年軍入來食晚飯（為數約８０人），當晚的食物完全供不應求，那些拿著燒烤串的侍應又唔識做，一味比哂ｄ野食最近廚房果幾台人，我地嘗試過叫佢過黎（當我們見到想吃的東西），點知佢地越叫越走，而我地又唔近廚房，完全唔駛食燒烤野．．．２）當晚的碟非常不乾淨，有一層塵在上，叫人怎吃？一餐吃不到燒烤的餐廳，仲叫咩巴西燒烤？失望失望！唔會再去！

食肆應有的主要三樣嘢--包括食物, 衛生及服務. 佢\地全部都唔掂, 食正價時段, 以為食物會好啲, 但一樣咁失望! 食咗成個鍾出啲燒烤唔夠三款, 有時重要嚟到我地張枱時得返一,二舊...裏面啲熱盤更加唔駛講啦因為佢\地主打都係燒烤! 服務極差, 個個都黑口黑面(除左一個好似新手嘅女仔), 包括個女經理, 講多謝時都係公左化地黑住塊面嚟講. 講開服務, 佢\地真係不知所謂, 我地坐室外的, 明明前面大把枱, 因為根本就唔係好多枱客! 唔知點解係要帶我地坐到鐵閘後面最後一張枱, 坐正廚房門口! 個地濕淋淋, 又嘈..見到個環境都唔開胃. 我想換枱, 但係有朋友先到,已開始咗食嘢, 所以廢事麻煩冇換到.衛生情況都幾差吓, 啲用具全部都有漬嘅, 放係甜品度啲匙, 十隻有十隻都有漬又立黏黏! >_<我地唔會再去食!

嚟過三幾次食晚飯，最近星期日又嚟。每人98蚊加一食兩個鐘，飲嘢就一個價錢任飲。食個方面除咗bbq，重有一d其他嘅冷盤(三文魚都有不過我冇試)、熟食(有飯、炒米、菜膽雞、牛脷十零款)同甜品(雪糕、旦糕同生果)。燒烤款式頗多，有燒牛肉，羊肩、春雞、腸、菇、雞亦、豬寸骨、豬頸肉；肉質幾好，唔係雪到死實冇味個種，平心而論呢個價錢算幾抵食幾正。飲嘢我覺得重抵，叫咗紅酒三十五蚊一位，預咗唔會係乜正嘢，拎到嚟見到應該係意大利嘅，飲落唔太差，配燒烤幾夾；而且refill得幾密，一見到個杯冇乜酒就即刻斟；我自己飲咗成枝幾，值回票價。而且呢個天氣坐係室外d位幾舒服，飲飲食食兩個鐘真係唔錯。