常會面長今雞煲

營業中

休息中

好耐冇食雞煲⋯⋯間餐廳都好多人，好彩訂左枱。我地三個人，坐出面⋯不過如果係唔食煙既人，我建議坐室內⋯因爲出面都有好多人食煙。由於我地唔係好食得辣，所以就叫左個BB辣既雞煲，味道正常，不過感覺上就唔係好入味。另外再叫左個豬手小食，酸酸地，感覺就一般。本身想試個墨魚餅，不過就賣哂了。另外，就叫左普通肥牛，都幾好食⋯其他既打邊爐食物都唔錯。

每逢去講到都必定有朋友推介，當我嘗試了第一次，我就愛上了這裏的雞煲！每次去我都會吃大長今招牌雞煲，雞煲除了賣相吸引，味道香噴噴，分量充足，粒粒雞肉！ 吃完後，你更可以點算其他配料或食物。比較出名的，就是大部份人食雞煲的時候，都會同時叫大腸。因為當加入大腸後，雞煲的汁，完全深透至大腸，味道非常可口。環境較熱鬧，大多數都是街坊，充滿人情味。店內都是做了很多年的老夥計，有一位女士雖然表面很cool，可是她的為人很好。店員每次都會為你留意雞煲的火、雞煲是否夠熱、是否需要加水等等。非常細心的服務、

朋友推薦的餐廳！果然係掂呀！叫左招牌麻辣雞加豬腸😋 每煲雞都係老闆娘親自炒，同埋好有性格，要我地真係食哂啲雞先可以加湯打邊爐😜😜😜雞件份量多，又滑又入味！！麻辣得黎依然留有少少甜味，好好味😋😋😋豬腸係必加！超級入味！雞煲配薯粉係一流🖖🏾🖖🏾💓佢杯咸柑桔梳打都好正，罐裝飲品留番7仔飲啦，試下佢地既咸柑桔梳打！老闆娘都親自推薦嫁同埋店員會耐唔耐幫你搞下煲雞，等佢唔好痴底，幾貼心位置有啲難搵😜

趁天氣未係好熱，就去試一試常會面長今雞煲，我哋order左麻辣雞煲加大腸，同埋老闆娘推介嘅大蜆湯，單係食雞煲同蜆湯已經好足夠, 所以我哋冇再追家火鍋料，火鍋水準好足，花椒八角好香好惹味，蜆湯緊係鮮味濃郁，各人叫左碗白飯，送飯一流，小食我哋叫咗辣魷魚，呢個係值得推介之選。唯獨唔好嘅係抽風系統麻麻，餐廳部份位置好大油煙味而且好辣味攻鼻，座位尚算舒適，有內堂及露天位，但露天位位於後巷, 衛生環境亦有待改善。

星期五晚上到餐廳不用等位 馬上可入坐我和朋友點了個墨魚餅盒及bb辣雞煲。墨魚餅先上,味道沒有特別,並且比較油膩,不是很推薦。味道普通，但食到中間覺得味道偏鹹，建議配白飯。除了雞煲我們還叫了豬大腸，豬大腸在雞煲內吸入了不少醬汁，味道不俗，只是不可多吃，始終不是很健康。吃完雞煲還可打邊爐,我們叫了一個薯粉及烏冬,十分好吃。雖然食物沒有令人驚艷，但質素，味道還可以。加上價錢合理，每人大約百五元， 是聚會的一個選擇。

今日朋友嚟探我地，見天氣就快凍，就去食雞煲暖暖胃啦！由我拍板話事，叫咗個胡椒豬肚雞煲（全隻）$268今日就等得耐左少少啦！我哋六點鐘到等佢開門，到差不多要六點鐘九先出菜。等湯再滾起就食得啦。胡椒湯底一如以往夠辣！先飲一碗熱身先今日豬肚份量唔多，而且皮下脂肪頗多，煲出黎既油入亦都好多。雞肉都好多，不過D雞油又係一煲就浮晒出黎，建議去一去油先加其他料啦。我地叫左白蘿蔔、紅薯粉、響鈴。配料價錢同份量都不太合理，不過想食就食吧！

這店子在 筲箕灣 唔近地鐵站 已經夠僻， 仲要喺冷巷 入面， 好彩有人帶，如果唔係真係搵唔到 😁 今日帶住 唔食辣嘅小可愛, 叫個墨魚餅畀佢, 殊不知這個才是今晚的主角, 墨魚餅熱辣辣煎得香脆, 有墨魚粒粒喺入面 增加鮮味, 加上粟米甜甜哋有咬口, 真係忍唔住食埋小可愛嗰份。😋😋咸柑桔柚子蜜, 鹹鹹甜甜很潤喉。雞煲來了，雞肉嫩滑， 有花椒， 充滿各種香料的味道， 小辣對飢詩來說很適中。 大腸洗得乾淨而且很入味， 比雞更好😄😄😄。之後還點要響鈴來打邊爐， 響鈴貨色很普通，再脆啲會更加好。至於另一個小食，芥辣拍青瓜素鮑片 唔啱我食 😅, 徧鹹又很攻鼻。飢Point : 8/10#hungermarch #飢詩 #非飢詩

平時好少去到筲箕灣，適逢今日去探新居入夥嘅朋友，佢仲介紹大家食呢間麻辣雞煲。六個朋友都係食得辣之人，原本諗住係一個非常之好嘅選擇，但食完之後大家都係覺得好一般，特別係位置好吊腳同隱蔽，仲有佢廁所係冇廁紙供應，諗起啲員工唔知有冇洗手同用紙巾抹手，我下次都唔係好敢去，問咗夥計點解冇廁紙，佢話驚人整塞佢個廁所。呢個答案真係不知所謂！有朋友遲到，我哋叫住幾款涼菜同小吃，全部都係辣嘅小食，有一個辣味魷魚係朋友極力推介嘅，點知我哋食嘅時候覺得唔夠人味同唔夠辣，朋友都覺得今次食嘅味道同以前唔同，差左一大截！可能廚師心情唔好！另外一款馬麻辣蓮藕同麻辣豬肚絲就相當有水準！朋友到齊我哋開始食麻辣雞煲，個麻辣汁好明顯係用咗好多不同嘅配料炒製，又香又辣！雞肉都好爽口嫩滑！叫咗一隻雞六個人食，食咗好耐都食唔晒，加湯打邊爐，其他配料就一般水準！不過食麻辣雞煲一定要加嘅紅薯粉我哋都有叫到，的確係最夾嘅味道。呢度有多款啤酒選擇，不過全部細支裝，價錢都唔平！買單每人都要三百五！

由佢舊舖幫襯到而加 都有五年幾咁啱我又係住筲箕灣 所以成日都心思思想黎食 但通常晚餐時間都爆滿要等位 最好揀夜少少時間黎食或者打電話睇下有冇得訂位幫襯左咁耐 吾多吾少都同舖頭嘅老闆有兩句佢地好nice 好講得笑 有時候吾堂食 會買外賣翻去不過當然係兩睇啦係屋企食可以坐得舒舒服服舖就細d 坐得迫少少 同如果咁啱多人 都幾嘈下不過呢d就係食雞煲嘅風味招牌辣雞煲就必食嘅 我由食吾到bb辣到而加可以食到大辣都係喺呢度練返嚟嘅佢哋仲有個胡椒豬肚雞煲都真係非常正 你吾試一定走寶個湯超濃郁

由舊舖支持到新舖 總是全家總動員一齊食 因為咁先可以又食雞煲又食酸菜魚 本身自己超超超鐘意食雞煲 但試過幾十間 都係呢度最好味 酸菜魚亦一流 雞煲d汁夠濃 雞肉夠滑 小辣會岩一般人食 我地有時都會叫個中辣 真係好好好味 酸菜魚個湯每次都會飲晒 好鮮好好味 下面介有d薯粉 不過溶左就會好難夾咖喇 整體我會比4.5分 而扣左果0.5係雞煲太太太少洋蔥喇

位置於小斜坡上的小巷內，居然有多間小店林立。有個識食之人帶路上到黎，見到座無虛席，就知呢間係好野。食完一次之後得確翻尋味，好食到食完再食再食再食～唯一中伏既地方：星期三休息。話說我都摸過好多次門丁但摸極都要再返黎食：P通常我都會食呢個胡椒豬肚雞煲多胡椒！師傅係廚房整完再送上枱加熱～水滾時香氣四溢～啖啖湯都有好強烈既胡椒味。豬肚嫩滑，偶爾有少量肥膏痴住。雞就普普通通，雖然比惹味既胡椒煲住，但雞就冇乜入味。千里迢迢，都係為左呢碗胡椒湯

本人大力推介這店的招牌香辣雞煲加豬大腸堅 好食雞煲以瓦煲上，放在打邊爐用的石油氣爐上。雞件以醬油、花椒、八角、洋葱、辣椒粒等炒香至八、九成熟，待雞件煮沸確是香味誘人，只點了小辣，雞件沾了香香辣辣的醬汁十分冶味。雞味香滑，肉質嫩滑可口。豬大腸數量好多，好味道 。小店雖小，人客坐的很擠，但阿姐們友善好客，價格平宜『雞煲+大腸』絕碰 。又到冬天 可以成日黎食食物別有一番風味，也不枉我們來這一趟。

兩個月前黎食覺得招牌辣雞煲一流，就算服務非常一般都無所謂啦。而最重要既雞煲味道已大不如上次，味道過甜。這次跟上次一樣叫小辣，但卻一點辣味也沒有，當然啦，因爲要偷工減料嘛，所以辣椒也衹有上次給的6分1。味道水準不太穩定。今次再到此一遊，態度依舊高傲（串），而最重要既雞煲味道已大不如上次，係換左廚師定係今日心情唔好呢。咁都算喇。仲要order一隻雞一睇就知道得大半隻，我媽媽阿姨一個煮飯一輩子，一個以前開中餐廳，一眼就睇出黎啦，攞左3舊雞就得返咁既樣咁偷雞法點做生意啊  一定一定無下次。希望只係我們咁唔好彩啦。

      鸡是炒过后才放入锅内，锅一端上来就已经是香气四溢。肉质挺嫩，非常入味，辣中带点麻；而且别忘了底下的肥肠，爽滑咸香，好正。     古有闻鸡起舞的美谈，可如今我是“食鸡起舞”，虽然比较没志气，可却是非常非常非常快乐的哦~约吗？

星期日拍拖去完石澳沙灘 飢腸轆轆想到這個幾年前特地去吃雞煲的巷口大排檔 openrice一看已經換了企理店鋪 窗明几亮 菜品水準依舊 兩個人半隻雞 兩味小菜 加海帶片入砂鍋 雞肉良心選材 應該是小嫩子雞 雞肉緊實 入味香濃 海帶片吸收砂鍋調味 非常惹味 十個讚家庭式料理 街坊服务 自在倾谈 好快有下次！