常滿百家菜 (已結業)

整整半年冇０黎常滿飲茶，今日心引起就約朋友０黎飲下～朋友在早上叫我ＢＯＯＫ定位，咁我就ＢＯＯＫ左下午２點。朋友知道後說ＢＯＯＫ２點不如ＢＯＯＫ１點９(話會和2點下午茶d人潮撞期...)最後朋友怕要等位，於是早了點來到．不過早來都好似冇乜用，皆因我地被編排坐０既位子係響廚房出菜處旁，檯面油林林不單只，旁邊有ｄ未抹走０既食物．．．朋友話呢張係ＬＡＳＴ檯，唔要呢張就要響外面再等，冇辦法之下唯有眼不見為乾淨吧＞＜；終於如願以常食到ｙｕｍｍｙ蝦餃，發現點心款式都轉了很多哩，好似有三鮮炒年糕咁～今次漏單冇上次咁嚴重（１，２次都有０既）服務員唔醒目不過速度快！滿場飛呀飛（手上拎住幾廿籠點心度飛＝ｏ＝）過左２點半等位人仕已經冇哂，仲有ｄ正常吉位吉左出０黎添！下次０黎都係等下位好ｄ．．．我唔想再坐呢d’ｖｉｐ’位了＞＿＜

為左慶祝生日，約左朋友到呢間餐廳食自助小菜晚餐。睇雜誌明明寫住小菜$118,並無顯示要收茶芥及小食。點知食完埋單，就見佢位位多收$6茶芥+1個$6小食費。問職員點解要收又唔通知我地，佢就話"我地一向都收呀"，喂大佬!!我第一次來，鬼知你地要收咩？經過一輪爭論之後，佢依然話樓下派0個d宣傳單張有寫，我左睇右睇，先睇到單張後面0個頁(仲要係打邊爐0個版)，好細隻字寫住要收茶芥。但我地都唔係打邊爐，照理都應該係打邊爐先收茶芥啦!!仲有，我地由開始坐低直至埋單，都冇人比小食我地，我地問職員，佢就堅持話有比。咁樣屈人都有，咁你收$100小食費都得啦!開眼講大話同濫收費用係我對呢間餐廳第一次兼最後一次既評語!!大家上去食要小心d

去前打電話向清楚，回笘是今天有二時開始的３８元下午荼入口處有大廣告二時至五時下午茶３８元帶位時也說是下午茶order 點心也是下午茶點心結賬時常滿要收４８元午餐價，因為有一張小紙貼在不當眼的地方話只今天下午茶在二時半才開始經理的態度奇差請去常滿的客人小心

聖誕後都無同班死佬聚過，以往我們都以任食邊爐為主，今次搞搞新意思，去了常滿吃任食小菜。之前和女友吃過尖沙咀分店的$138任食，質素不錯，事隔半年，想不到水準和服務都全面下滑。在經理極力推介下，我們點了貴價的龍蝦伊麵任食餐，再加$10蚊任飲，加埋啲雜費，埋單每位要成$170蚊。小菜無邊款有水準，稍為好的只有薰蛋和小籠包。提提大家不要像我們笨，點了又貴又無肉的龍蝦set，伊麵唔入無味，龍蝦只得腳抓部位，肉質偏梅，非常掠水！Service極差，漏單唔在講，侍應對客不揪不採。食物、service、環境、價錢，都無樣好，又一blacklist食肆。

這裡也來過好幾次了,其中一次更加是一行三十多人的大型飯局,但也沒有一次是失望的。常來幫襯,一是貪其地點就腳,二是價格相宜,三是食品種類多。幾次都是晚上來,也試過吃宵夜,食品選擇實在多得很,從廣東點心到上海賽螃蟹,從水煮魚塊到京蔥爆牛肉都有,一下子可試到全國美食,而且是以一個價錢任食,實在化算。食品質素一直都保持得很好,試了幾次也沒什麼走樣,服務也尚算不錯,在那次我們三十多人的聚會,把那經理舞得眼花撩亂,但他仍保持良好態度,難得難得。其他員工也「跟得好足」,有什麼遺漏也會樂意為你跟進。美中不足的是環境有點太狹窄,而且也太嘈雜,吃一次晚飯,耳朵也要受點受罪。

男友仔想飲茶,就去左旺角睇0下邊度有得飲la,咁0岩經過呢間,就入左去lor... 兩個人叫左:蝦餃---d 蝦都算爽,味道唔錯燒賣---都有幾大隻蝦ga,男友仔就話覺得唔好味,我就覺得ok牛肉球---男友仔至愛0既牛肉球,都唔錯0既蘿蔔絲so餅---當然無利苑0既水準,不過都尚算鬆化又夠熱,比我想像中好bor花素餃---有少少似粉果咁,都唔錯ga 呢間野0既賣點擺明係"平",其中燒賣仲係特價$5 tim,點心0既水準當然唔可以同一級酒樓相比,但咁0既價錢,都好唔錯ga la.....另外,佢0既裝修都算不過不失,我地今次仲坐到卡位tim,舒服~埋單時仲送左張$15午市coupon!好!可以下次再黎飲過!!!

今晚同愛立信漫無目的咁周圍搵野食,俾我地搵到呢間,佢有分兩種野,一係任食火鍋,一係任食小菜,我地開頭向度諗點樣任食小菜呢,卒之我地都係揀左任食小菜其實係剔點心,小菜咁蒸點心類招牌小籠飽- 一羅起,全部汁穿哂,同埋d肉唔係咁好食,仲話係招牌菜,多油,瑤柱灌湯飽- 類似灌湯餃咁,但裡面都比較多小小肥豬肉鮮蝦燒賣皇- 預期中好,有蝦,不過覺得削左一些蒜香蒸排骨- 切得好大件薑蔥牛柏葉- 都幾爽蒙古流沙飽- 正情係奶黃飽,但比起茶樓黎講好味好多,同埋就算叫一個都照蒸,我地食左兩個添呀台式三杯雞- 味道都好野味,送飯一流香草雞球- 咸左d樟茶鴨- 味道唔錯,好似風乾左咁生炒排骨- 同茶樓差唔多翡翠炒蝦仁- d蝦用野整過,所以好爽,京式賽螃蟹- 用蛋白去煮,上面加隻蛋黃,覺得幾好味野菌浸時蔬- 好味常滿老火湯- 蓮偶湯,冇味精宮庭酸辣湯- 夠酸辣上海粗炒- 好味晚餐任食小菜,有分$118 同$138, $118有鮑魚送,雙皮奶, $138就有龍蝦伊面,兩個人有一磅環境普通,但勝在有電視睇,侍應都招呼唔錯,侍應向下面派傳單,有張可以即時減三十蚊的coupon使架

1. 環境: 一般酒家格局, 惟一可取係有大電視, 食飯都冇咁悶, 可惜係有畫面, 冇聲, ...2. 味道: 送的大閘蟿是霉的,丸類堆在一起, 生蠔熟後勁縮水, 肥牛完全唔肥,....3. 服務: okay 4. 抵食: 完全唔抵! Adult $78, Child $58 ,汁醬$5/位, 茶芥$9/位, 飲品任飲$10/位,....根本不是任飲任食,...太多額外收費.5. 乾淨: 一般

其實約於半年前因為睇雜誌介紹己經係尖沙咀那邊食過一次,可能剛剛上過雜誌,好多人,但D食物都OK,幾好食,而且每碟細細碟,咁樣可以方便我試多幾樣野.但就覺得個燕窩雙皮奶D燕窩好大菜糕feel,好假咁.之後知佢搬咗去旺角都食過一次,地方嚟講比以前細,但講方便,依邊就方便d,食物都可以保持水準,因為今次係食宵夜,所以就無得食個燕窩喇.但其實如果人少少,但又想食多d不同既中菜的話,依間都係可以一試的.

知道此餐廳有$38下午茶自助餐，加上以往在此餐聽的其他分店曾經用膳，水準不錯，所以與家人嚐嚐。雖然地方頗細，但感覺環境尚算舒適。由於位於高層，所以顧客不太多。以上提到的下午茶自助餐只有兩張點心紙。縱使選擇有限，但都已包括了餐聽不同種類的推介及特式食品-有主食、點心和甜品。各種食物都見心思，亦很有質素。當中本人較欣賞的是上海炒年糕(雖然本人不太喜歡吃年糕)及馬豆糕，覺得味道恰到好處。正因選擇不多，我們差不多嚐過全部可選食物，整體食物質素的確很好。最後，餐廳店員數目雖少，但他們都很友善和留意顧客的需要。

今日專登同老婆出旺角食佢地的lunch, 一上到去, 只有幾個客, 第一個感覺俾我就是地方細, 而且有點污漕, 算! 試下個$68 lunch, 有6張紙俾你選, 種類都ok多, 之不過佢地上菜的速度真的好慢呀, 坐了差唔多三個鐘, 食了都冇十碟, 仲要係我地已經不停追佢地, 嘩, 真係好唔掂呀, 咁都得, 點做生意ga, 最後埋單$16x兩個

見到咁特別既飲茶都可以任食，所以就去左，2點開始$38下午茶，比左兩張點心紙我地點野食，款式唔多，特別推介係流沙包同蘿蔔絲酥，睇佢咁平但依然咁好食，流沙包好流沙，熱辣辣！蘿蔔絲酥冇偷工減料，不過要落兩次單先黎，有漏單~~不過服務唔錯，收野好快手，都值得一讚，如果唔介意款式少既絕對係抵食

因見到雜誌的廣告見$68任叫任食所以去, 但坐底發覺$38的下午茶的款式都好四正, 所以只是花了$38便享受到很高質的味道. 極力推荐炸慢頭(心)即叫即炸, 外脆內軟, 滿分(大心)其他所叫的點心都十分之有水準, 三鮮炒年糕亦都十分好吃. 2人賣單只不過百零(因為要加一&茶錢), 員工服務態度幾好, 一定會再去食

今日去常滿,因為之前去過ok,所以同朋友再去。但今日比較人多,感覺上比上次抬與抬之間仲窄。多人自然嘈。上菜速度慢,常漏單,亂上食物,有D仲涼。味道比上次差。類似經理的人給我的感覺想我們食完快D埋單走。(想是在外仲有人等位)。今次後很定沒下次。

因為好耐都冇去常滿食佢地出既ｙｕｍｍｙ蝦餃，實在忍不住所以今日再黎過！朋友先去搵位，我一黎到第一ｒｏｕｎｄ既野食都到左。點知朋友講左個壞消息畀我知，就係蝦餃已經唔響任食既名單內＞＜（傷心呀～）燒賣超超超超好食！！另外炒腸粉﹑素燒鵝﹑小籠包﹑上海粗炒﹑雪菜肉絲炆米好掂呀＾＾ＬＯＶＥ！糕點一般不過個椰汁紫米露清清地唔錯。素餃﹑流沙包麻麻；灌湯餃（代替蝦餃）唔係幾得．．．不過今次有樣野唔好呀，就係叫左第２輪野食之後，第３－５輪等左半個鐘都未有野食到，追再１次再１次，先知佢地跟本冇入過單＞Ｏ＜０個陣已經３點幾喇，真係餓死我咁濟！叫左2次最後佢地先肯幫我地跟，拿拿臨叫多碟雪菜肉絲炆米同一Ｄ甜品就算數了．．．始終冇左蝦餃，真係差咁Ｄ野咁