影片
港鐵何文田站 A1 出口, 步行約7分鐘
繼續閱讀
電話號碼
36918336
營業時間
今日營業
07:00 - 18:00
星期一至五
07:00 - 18:00
星期六
全日休息
星期日
07:00 - 18:00
以上資料只供參考, 請與餐廳確認詳情
作為紅磡街坊，每天上班都會路過這家茶記，發現到這家茶記永遠都有人在排隊。一直很好奇，然後有次和老婆試了一下它家的下午茶奶油豬，感覺也就那樣，還是不很明白為什麼要排lol.看在天天都這麼多人排的份上，決定今早再吃一次早餐，點了它的招牌蕃茄鮮牛面，終於知道它家為什麼總在排隊。一個完全沒有茄膏的蕃茄清湯，每碗面都有近半隻蕃茄的量；鮮牛肉是平日火鍋店的那種鮮牛肉，不是給鬆肉粉弄得亳無肉味那種。配一碗大光面，簡單得很有住家味。另外，它家的茶走練奶偏少，平日喜歡走甜的我很喜歡。唯一美中不足的，是炒蛋真的是炒蛋，不是炒滑蛋，沒有什麼3.7牛奶的炒蛋。見很多人下單時都改煎雙蛋，有點後悔自己沒跟。紅磡的街坊小店都很拽，有串燒店周日不開，有車仔麵店你要看它社交平台當天開不開。這家還算"正常", 就下午5點半last order. 畢竟老板也是人，也要下班回家吃飯。錢也賺夠了，就留晚市給其他茶記吧。
繼續閱讀
平時見好多人排隊, 成日聽人講依間好好食~今日終於有機會試下呢間茶餐廳~ 因為平日所以唔洗等, 但現場都係滿座! 我哋叫咗兩個蕃茄濃湯早餐~ 一個鮮牛肉蕃茄湯米粉同一個紫菜墨魚餅米線! 鮮牛肉係唔鞋~ 唔係嗰啲乸到滑潺潺嘅牛肉! 牛肉嘅份量都幾多, 有5-6片, 但冇乜牛肉味~ 米粉就正正常常! 紫菜墨魚餅得兩舊, 比較較少~ 雖然唔係好抵, 但魚肉味好重, 真係好多紫菜喺入邊, 幾特別!但係蕃茄濃湯底有啲失望～ 好似滾水咁冇乜味道, 只係有啲蕃茄碎喺湯～而且滑蛋一啲都唔滑, 同腸仔都好普通, 完全冇咩特別, 唔明點解咁多人排隊…多士係一啲都唔脆, 同埋好薄, 個人認為敏華更加好食~ 好失望! 嘢飲方面兩杯嘢飲都好淡! 做唔到茶餐廳基本嘅奶茶同鴛鴦
繼續閱讀
已經好耐冇寫食評!今次一定要評一評!行过路过，有D餓，乾脆入去茶記食D野， 單看裝修 完全沒有期望， 諗住飽肚便算， 点知充滿驚喜!1.多士火腿炒蛋多士外脆內軟，非常鬆化，还厚塗了牛油煉奶，正!2.雜菌素菜麵今時今日居然可以在茶記吃到一碗多菜，有木耳，豆腐，雜菌麵太感人!而且麵底是爽身!正!雞湯底有鮮味5O元有埋凍飲而且吃得健康，一定会再回頭!
繼續閱讀
【九龍城區】【平記咖啡冰室】尋日係我生日，一起身玩咗一整日咁滯，分別有不同嘅 parties 各自同我慶祝。喺呢個以自利為終極打算配合以解決問題…吖唔係…以「清零」為目標嘅社會，格外珍貴。借呢度好好多謝每一位，多謝每一位嘅祝福。大家見我平時耐唔時會貼李克勤歌曲嘅歌詞就知我對於送禮同收禮都有一定嘅了解，過年都送咗啲禮出去，希望朋友唔好將其遺留在更衣室。而我自己都收到啲禮物，嘉頓什餅真係少不免，不過對方平時對我好好我就唔講咩。寫咗兩段同今日呢間餐廳完全冇關嘅嘢，都係時候強行將個話題拉返入正題。不過講呢間餐廳都要多謝某餐廳話事人，係佢介紹呢間餐廳畀我，話佢幾好食，不過以我嘅作息習慣好難喺六點前食到佢，因為佢係收六點嘅。適逢疫情之下嘅堂食限聚令，係唔係都要六點架啦，咁所以反而令我真係的起心肝咁去食。平時都係紅磡站行去嗰頭，原來何文田站行過去仲近，幾好喎，食完行去紅館都不遠，可以寫埋落 1am紅館 系列度喎，正，又一篇。我去到呢啲餐廳就忍唔住叫個「常餐」先，主菜「金菇鮮牛肉麵」又幾好食喎，清清哋又唔會好寡，幾好 feel。而配菜「火腿炒滑蛋」正常，「奶油厚多士」都唔錯，加埋杯「熱奶茶」收 $46 絕對有交待，幾好呀。因為第一次食嘅感覺唔錯，所以去多次，食個「西式扒意粉餐」，塊扒我揀「龍脷柳」，其實就係一塊茶記龍脷柳我估大家明。佢嘅技巧都係喺個汁，我揀咗嘅「香蒜蘑菇汁」真係幾好，我本身唔太食汁醬，都忍唔住。如果就咁一塊龍脷柳，加個汁意粉好似幾單調，偏偏佢加入咗「腸仔炒蛋」，成本低之餘提升咗成件事，係佢嘅致勝之道。加埋杯「凍奶茶」埋單 $52，我相當滿意。呢間嘢真係示範到茶記用心做，都可以做得好好。。。（地址：紅磡蕪湖街78號地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #1ambackup #1am0572 #foodpics #followforfollowback #love #eat #1am九龍城區 #1am紅館 #紅磡 #何文田 #平記咖啡冰室 #平記 #茶餐廳 #常餐 #金菇鮮牛肉麵 #西式扒意粉餐 #茶記
繼續閱讀
十年如一日冇裝潢做街坊生意都過得去略嫌有點吹捧過籠普通到唔普通既雞粉味精水配粉麵配料都只係d白淖既牛肉雞肉腩肉 魚旦墨魚柳純性價比黎講 你求其一間超市都買到煮到簡單d講就係俾佢呃過一次算數冇返頭
繼續閱讀