幸壽司

營業中

休息中

今日下午去百老滙電影中心睇戲，之前就係附近找食。一向喜歡幫襯小店的我，行過見到這店似乎也頗骨子，價錢又適合，於是便試吓。我係堂食，結果話攪錯出了外賣飯盒，當時只有我一張新單，咁都攪錯，心裡已有點不爽，因為我係好介意食飯盒嘅人。坦白講，這個日式牛肉飯，味道是不錯的，可惜敗筆於個飯底，點解可以咁難食架🤮唔知係啲珍珠米質素差還是煮到個飯太爛太濕，一啲口感都無，入口好似槳糊🤦🏻‍♀️很難食喔，真的吃不下多幾口。最後，臨離開前，我鼓起勇氣，話俾佢哋知個飯煮得好難食，希望他們對自己有要求，會改善啦！

明太子雞翼（3隻）新鮮熱辣出爐，好食唔貴（$40），亦係呢篇評論出現嘅原因😋叉燒拉麵味道就比較普通，唔似正宗日式拉麵，叉燒唔少，有四五塊，而且幾厚，但整體份量都係差少少，只係啱啱好夠飽，不過以45蚊連一包紙包飲品嚟講係抵食嘅佢鋪頭細細，座位唔多，出面望入去仲以為無堂食，但其實係有嘅。整體乾乾淨淨，坐得都算舒服，冷氣都好夠。

今日經朋友介紹來到呢間小店食晚飯. 店鋪不大,後生老闆斯文靚仔😀.首先看到的是價錢好親民. 我們都點了鹽燒鯖魚飯. 等不多一會, 二份鯖魚飯端上台面. 賣相相當不錯. 吃落魚肉帶有少許鹽味,配上檸檬汁,味道好. 珍珠米煮的飯軟硬適中,又夠熱. 好快食曬所有嘢😆. 最後老闆送上麵豉湯一碗. 下次再會幫襯這個良心小店👍

呢間之前食過一次堂食，印象中幾好食由於deliewoo本身有20%，用指定卡再有折，加埋八達通送既優惠券好底今次叫左deliewoo外賣自取鰻魚拉麵 ，本來賣相幾，不過加左D湯無甘靚，好湯麵分開放，取麵後返去食仲係熱，鰻魚鮮甜，份量足夠，不過就唔包飲品折扣後價錢41蚊幾底食

第一次來食野今日遲左食飯，就可以來食，原來呢到12點半開門好耐無食鰻魚，見到廚師推介好多野食，就叫左滑蛋鰻魚飯$65 ，包盒裝檸茶/菊花茶我就選左檸茶個飯好快就來左，都幾好味，係即叫即做價錢日本野都算合理，但鰻魚比較細間店得3張抬，店內位置唔多，不時有人來買外賣

都係忍唔住要食番日本嘢一個星期食三次台灣嘢唔使多講 叉燒拉麵 厚切正到爆最緊要就係佢個豬骨湯 真係可以 健康咁飲曬佢唔係味精嚟㗎真係新鮮餚製三文魚又滑又嫩最正最正都係鵝肝入口即溶嗰種感覺 再加上配上鰻魚汁火灼燒層次爆燈, 配上我最愛嘅海膽三文魚❤️海鮮 唔會有腥味 好鮮甜甘蝦, 帶子鰻魚 份量抵食到爆仲有甜蛋 玻璃蝦 中和番個種 腹飽 嘅感覺芝士焗廣島蠔 大大隻鮮甜 層層芝士一口甜蕃薯 作最後甜品 配上日本 海藻 味噌湯都係食完再食再食

这家店店面不是很大，只有两个桌，因为突然想吃寿司，就来这买了一份，因为买的时候时间比较晚了，就决定带回住处吃。这家店支持支付宝支付，可以用内地支付宝，也可以用港版支付宝，点了一份单人40港币的混拼寿司，店员小哥给的酱油量非常足，寿司的味道还可以，但还没有很惊艳的程度，之后会考虑尝尝他家的其他日料。

放工好攰經過油麻地，見到呢間壽司舖，見咁夜就入去食啦，都冇咩好多選擇，點知一入去，嘩！使唔使咁平呀， $4 1件壽司？然後一個拉麵40幾蚊，今時今日喺香港地晚市真係好難搵到咁嘅價錢，食落仲要質素唔差，我叫咗個豬軟骨烏冬，都係$48+$8，轉烏冬要加錢。仲要係幾好食。可惜今日太夜食嘢，唔想食飯咁肥，但真係好想睇吓究竟$4.1件壽司好唔好食，新唔新鮮。我覺得如果夜晚經過油麻地，想食平平哋一碗拉麵都可以入去呢間野。

中午時份，去完果欄，一路向佐敦方向，本想進發往駿發花園找紅煮意，但已座無虛席枱枱剛食，轉個彎經過這曾幫襯過一次的小店見還有二人枱有而且怕再找下去也是要等位就即進。舖仔細細，就得4張小枱子，不過餐選比以前更多，價錢中位數也是$58左右，附送紙包飲品或熱茶，適合一二人不怕地方屈就快閃吃。和友人同屬易上火熱氣體質，都不敢放肆點炸物或牛肉便當，既想吃三文魚子及海膽就爽性點個 三文魚親子海膽飯。等了約十分鐘，滿滿一刺身飯，而且魚生魚子新鮮度亦及格，甚至海膽雖小但狀態不錯沒腥味，以小小店質數來說是中上。

今次試下用food panda叫野食，咁夜都唔知食咩好，竟然有壽司店外賣店咁晏都有外賣送，好啦膽粗粗試一試佢啦，外賣到左，一打開紙袋見到個賣相已經好吸引，叫左四隻火炙蝦d蝦膏好香呀😱不過可能因為外賣既關係d壽司會移左位😂😂不過等左唔洗30分鐘就已經到左依樣野真心要讚下司機哥可同埋間壽司店壽司size岩岩好，食得出係用手握，唔同d某某連鎖集團既雪藏壽司,下次想落去試下即場食果種滋味👍🏿👍🏿

昨晚八點幾在送餐app搵食，最後搵嚟搵去選咗呢間幸壽司，之前未試過，就諗住試吓。叫左幾款壽司，蝦刺身及一盒芝麻八爪魚。Total $207, 價錢不算平，不過見有免運費，所以都ok喇。食物一送到，打開嚇死我，點解D壽司咁細粒嘅，比起其他連鎖店的就像縮水版本。先食三文魚，ok的，冇乜特別，接受得到。然後吃最左面的蟹膏壽司（$13/件），一入口，一陣嘔吐物味，我即刻吐了出來🤮🤮🤮🤮🤮, 極之難食，勁有明將風範。另一件都冇食了。跟住食中間件芝士蟹籽壽司，完全冇芝士味，只吃到沙律醬味，似乎壽司上的只是一pack橙色的沙律醬🤢右面那件普通蟹籽壽士，味道正常，但大家也見到，件壽司扁到，又係迷你版。最後吃那六件蝦刺生，味道有點腥但接受到。師傅幫忙把腸挑走了。原意是好的，但有兩隻挑到溶溶爛爛，有點倒胃口。總括來說，呢餐令人極之失望，價錢一般但壽司屬迷你版。那件蟹膏壽司上面堆不知名液體，真係食到我反胃... 一定冇下次

之前都係外賣同食下小食、中華沙律為主，但見佢多左d枱，睇戲前又有d時間，就試埋d主食啦，意外驚喜嗌左一個蒜香三文魚帶子炒飯（$52）、一個三文魚飯（$48）同小食牛油焗蕃薯仔（$28）。飯跟餐包湯或茶，個味噌湯係即沖湯包既，可能因為隻杯細，有d咸，但好在每枱都有保溫壺有暖水，可以自己加返d水調味。三文魚飯正常，但炒飯就非常有驚喜！（雖然咁講好衰，但真係好食過隔離某間d炒飯好多）份量好足好飽，最緊要係個飯唔濕！！三文魚同帶子偏少既，但勝在調味贏返。環保人士記得自備餐具，因為堂食都係用木筷。

同朋友行過路來去試過！😲平民價錢！好味水準！件件壽司🍣可以話好食！一般來說：我可以再揀選🤤🤤飯堂之一!🤡地方一般，坐得舒適！一試再試都得！🤭🤭店員的態度還滿意！師父用心的制作！衛生程度絕對乾淨！🤗😍😍😍😍😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😛😛😋😛😛😛😋🍣

之前有次行過試過外賣壽司返屋企都幾好食，今日有時間就同男朋友一齊去試下堂食啦，去到已經有位坐，而且環境都唔錯，餐牌有好多選擇，壽司，手卷，卷物，拉麵，都有好多種類，而且價錢公道，我地試左個叉燒拉麵，雖然賣相普通，但食落有驚喜，個湯底同叉燒都幾好食海膽手卷比想像中平，味道都幾好😋😋壽司質素都有返咁上下吉列蝦卷，可能因為即叫即整，所以食落都好脆，幾有口感不過呢間舖提供既wasabi都幾攻鼻，真係食到標眼水整體黎講，今次物有所值，會再幫襯

基本上，我算得上係呢間壽司店既常客。每個月都去幫親一兩次，因為近家，價錢又合理，食物質素都唔差，大大話話都幫親左成兩年。點知，今日買外賣赤海蝦，竟然令我對佢大打折扣。赤海蝦$45， 6隻。堂食，外賣價錢一樣。今日order完，收晒錢先同我講話唔夠貨，得5隻赤海蝦，問可否用一隻大甘蝦做代替。小甘蝦我知有幾大隻，約手指尾咁上下，斷估大甘蝦應該有倍增長，所以我應承左。點知，好失望，望住隻發育不良既大甘蝦，有種俾揾笨既感覺。😫😫😫排除左呢件揾笨事，其實佢隻赤海蝦真係好肥大肉厚，肉身結實，甜鮮味濃，醮上wasabi, 好好味。而且，佢地仲好細心地去左d蝦殼同條蝦腸，所以食起上黎好方便。呢款wasabi超嗆鼻，小量已經好足夠，唔食得wasabi既人要小心。