幸福堂 (已結業)

食完晚餐未夠飽，行過幸福堂見到人吾係好多，就決定同朋友去排隊買番杯。叫左杯招牌嘅黑糖珍珠鮮奶同埋一杯葡萄柚鮮榨茶。黑糖珍珠鮮奶好香，不過同埋鮮奶同珍珠就好漏，反而杯鮮柚茶有驚喜，好清新！

銅鑼灣出名多咩？係珍珠奶茶鋪啊！淨係呢條街都有三間黐住😂 老實講佢隔離嗰間呢我之前喺荃灣飲過實在係麻麻地(少少淡加珍珠唔好食)。今日兩點黎，但係竟然隔離嗰間超多人排隊，幸福堂今日竟然完全唔使排隊買，只係等左5-10分鐘就有。 好開心終於試到喇！之前太多人排都唔敢來試。望住出面有人炒黑糖緊珍珠已經流晒口水。就係呢杯鼎鼎大名嘅黑糖珍珠鮮奶！($30)入落去口感勁rich!! 鮮奶好厚身，奶味濃郁。同黑糖相輔相成，好味！ 飲完都覺得好飽。珍珠來講就覺得普通啦，有少少太硬唔夠彈性，但黑糖味都ok。哩間可以再飲😂

今日放假同女朋友去銅鑼灣買野，經過幸福堂諗起未試過依間，就決定排隊試下店外可以望到入面既職員炒黑糖珍珠當客人order時，店員就會放炒好既黑糖珍珠入杯$30 黑糖珍珠鮮奶依杯野既賣相係幾靚，未攪拌之前，幾種液體會呈現出如抽象派藝術畫既面貌。而由於黑糖珍珠係炒過的關係，拎上手感覺係上凍下熱，攪勻之後幾種味道加埋一齊就係等於好味道，15分鐘係值得等待。

今次係我第二次飲幸福堂！再飲嘅係因為太太好想飲黑糖珍珠奶茶，咁我唯有排隊買比佢啦😂但都無諗過會有咁差experience ！☹️珍珠幸福堂之所以受歡迎主要因為啲即炒嘅珍珠！好可惜，今次再已經飲唔番果股鍋氣、變返做平平無奇嘅珍珠口感亦無上次咁軟滑煙韌☹️茶味丁點兒嘅茶味都飲唔到！當一杯珍珠奶茶毫無茶味嘅時候，其實同飲糖水一樣！得過甜字☹️服務我order珍珠奶茶，但收銀卻聽了黑糖鮮奶。當我更正佢時，反而比佢黑我面兩三秒！感覺真係好差如果唔係太太想飲，我真心想取消張單！唔理佢同台灣代理傾成點，香港幸福堂質素下跌已經係不真嘅事實，無人排隊更加係客觀證據。

越黎越開得多台式飲品鋪頭閒日去既話要等既時間都比較少雖然買既時候都算排得短但意外地等拎都等得比較長時間終於拎到啦!!門口有個叔叔不斷係到炒黑糖呢一點都幾吸引比人感覺D珍珠係好新鮮炒出黎既佢係唔比人調較冰量同埋甜度既應該係轉左就唔會係佢地認為最美味既狀態先形容下佢既珍珠係比較軟身既但口感唔覺而奶底都係比較甜黑糖味都濃郁同埋成杯飲品係佈滿黑糖紋既用黎打卡就一流飲到最後都仲有珍珠證明珍珠既份量係好充足!!個人認為係唔錯既!!

2018年11月5日。晴。銅鑼灣。前兩日第一次飲老虎堂，驚為天人！食飲嘅時候同朋友講起，佢話鍾意幸福堂多啲仲話閒日應該唔洗排隊，於是食完飯就即刻過去呢個邪惡嘅變肥專區的確無乜人排隊，原來淨係星期六日先會有墟冚情況出現落單位隔離有店員即席炒黑糖珍珠，睇落好真材實料落單無需排隊（仲可以望下靚仔店員，呵呵～）幸福黑糖珍珠奶茶，$282分鐘左右就攞到杯嘢飲啦～同普通珍珠奶茶比較，唔覺特別出色，又唔會話特別遜色但質素唔應該會令人一窩蜂排隊奶茶味道偏淡，無乜茶味珍珠煙韌，要咬好耐亦感覺唔到黑糖味，有啲失望飲到最後無晒奶茶仲有好多珍珠我會俾多次機會佢，再試埋個黑糖珍珠鮮奶，唔掂先再將佢判死刑

今次係我第二次飲幸福堂，但係我都係覺得老虎堂好飲啲，朋友就覺得幸福堂好飲啲😂😂😂飲評: 唔知點解兩次飲幸福堂都飲唔曬😅😅😅，原因係我覺得佢啲鮮奶過份厚實，太rich 太濃， 去到最尾呢佢啲鮮奶直情係有好杰有少少鹹嘅味道，所以我個人口味比較傾向"老虎堂"😍😍😍 同埋， 同埋我鍾意老虎堂係真空包裝，反而幸福堂呢佢係純粹搵個膠蓋吸住，咁好容易整到成手都係黑糖醬🤔🤔🤔暫時我嘅排名係:台灣嘅良辰吉時>老虎堂>幸福堂>鹿角巷>珍煮丹(no more next time lol)

係灣仔行去銅鑼灣夜晚食左個粉面仲有少少胃口就決定揾下個排好出名既台灣手搖店點解講個排係因為老虎堂🐯同幸福堂係開係隔離老虎堂條隊排到出馬路我就唔中意排隊既就決定排幸福堂幸福堂有點好特別係收銀既隔離 係有個鐵鍋炒緊黑糖珍珠一有人落單 就會係鐵鍋到拎d黑糖珍珠所以杯野飲到手係上面凍下面熱d珍珠好彈牙 如果平時d珍珠放得太耐 會有d硬但幸福堂就完全冇事成杯都有好香既黑糖味好好飲呀！

聞名不如見面，見面不如聞名我還在英國時就已經聽到過幸福堂的名字，即炒焦糖黑珍珠，配合濃香的奶茶，在香港掀起新一股奶茶熱；所以當我在銅鑼灣看到幸福堂時，縱使長龍不斷，我還是抵擋不住那份誘惑，加入成為一份子。等了差不多半小時，我終於拿到我夢寐以求的原味珍珠奶茶，可是入口那刻我還是有點兒後悔為什麼等這麼久，不是不好喝，只是没有想像中好喝；奶茶入口綿滑，滿腔的奶味，但是卻没有紅茶的甘香，像是在喝純珍珠奶似的，略失望。

香港的飲食方面一直都是以速食文化為主，離開香港這兩年，最讓我感到最有興趣的，就是各式各店的黑糖厚鮮奶珍珠奶茶。相隔兩年後，終於可以一試刷爆我IG的幸福堂了！聽說這利害的地方，是他的黑糖珍珠是現場炒的，十分有看頭～而且人龍非常的多，讓人覺得很急不及待去試的感覺！結果等了快20分鐘，飲料來是蠻興奮的，因為覺得它面層真的有厚厚一層鮮奶，喝第一口覺得奶茶味較淡，而鮮奶味真的較濃郁～而黑糖珍珠，因為是現炒的關係，還是暖暖QQ的，不錯吃～但是不是有像網絡上所形容的驚艷，其實完全只屬普通珍珠奶茶。當我在兩年前喝珍珠奶茶15玩已經覺得貴的時候，現在平均也要用貴一倍的價錢喝，這跟我在英國喝是差不多的價錢，是貴的有點傻眼～

早幾日過嚟試完黑糖珍奶之後，一直心思思想再試埋另外一間，所以今日又晨早流流過咗嚟就係為咗買啲杯黑糖珍奶同上次一樣都係唔使點排隊嘅，所以我覺得如果想唔排隊就趁佢未開門就黎排定先，鋪頭係開11點嘅，我哋只不過1045嚟就已經可以係第一位啦由落單俾錢到飲杯野只係大約10分鐘時間，呢杯黑糖真奶同隔離呢個味道係有少少分別嘅，幸福堂會有個奶蓋喺上面，而且奶味亦都比較重啲，但相對就冇咁甜我個人就鍾意飲幸福堂多啲，可能聽到個名都覺得幸福啲咁解啦

朝早十一點半經過見到難得冇乜人排隊, 就心動試咗呢杯 $30 嘅黑糖珍珠鮮奶攞到杯嘢後 摸到啲黑糖珍珠仲係暖暖地, 應該係啱啱炒起嘅奶味好香濃, 應該係全脂奶, 所以都幾滯下😵黑糖味唔會太甜, 飲落有少少黑糖碎幾得意, 我覺得濃過去台灣間珍煮丹啲黑糖味, 比較啱香港人口味珍珠幾彈牙, 唔會好似香港某大型台式飲品店貢X咁, 咬到散開一細粒粒好奇怪😂🙈由於杯嘢實在太滯, 結果我係飲唔曬嘅, 掉嗰陣好肉痛😭 我下次飲嘅話應該會試 $28 嘅黑糖珍珠奶茶, 感覺應該冇咁濟30蚊貴唔貴就見仁見智啦, 不過我都覺得物有所值, 可以一試, 下次可能試埋隔離杯虎糖再比較下先

今日去到銅鑼灣，見唔需要排好長龍，所以就去咗飲幸福堂嘅黑糖珍珠鮮奶一入口，首先係飲到好厚好濃嘅奶！質感好滑，而佢嘅黑糖珍珠都好香。奶嘅表面再有炙過嘅表面，有一陣好似焦糖味道。如果唔使排好耐隊嘅話，我覺得係幾值得飲，尤其是一杯都只係$30，都幾抵架！

老虎堂之後，銅鑼灣又開一間黑糖手抄鮮奶店叫幸福堂。幸福堂的黑糖珍珠鮮奶 牛奶味一樣都幾濃下，吾會淡而無味。糖份都幾甜下，珍珠口感好在咬口不會好腍，整體黎講ok啦！

之前見有好多傳聞報到依間台式飲品店，睇到好吸引，心郁郁就黎試下佢嘅黑糖珍珠奶茶。🤔因為廣泛宣傳嘅關係，我黎到都要排好耐隊先買到。之後又要等多10幾分鐘先可以攞到杯嘢飲。同普通嘅台式飲品店一樣，幸福堂嘅黑糖珍珠奶茶無得調糖度同埋冰度。飲落去，我覺得幸福堂嘅真係麻麻地，無咩特別。奶茶無咩茶味，都無咩奶味，得個甜字🤦🏻‍♀️另外啲珍珠一開始都淋嘅，容易嘴嚼。但過左一段時間，例如10幾分鐘後，珍珠就會開始慢慢變硬😓總括黎講，我覺得唔值得晒咁多時間去排隊買佢嘅黑糖珍珠奶茶。