幸福茶餐廳

營業中

休息中

叫左個咸蛋肉餅飯, 不過上來的是梅菜肉餅, 叫佢再換但個餐包一碗湯同飲品, 才45蚊, 又幾抵GE。個湯係西洋菜煲雞, 幾清甜, 唔油。等左15分鐘, 咸蛋肉餅飯來了, 好大隻咸蛋, 但因為連埋D 蛋白蒸, 好似咸左D.... 同埋D 肉好實呀, 點解會咁.... D肉有肥又瘦, 但真是好實, 應該落左好多粉? D飯煮得乾左D, 個人喜歡軟少少。叫左杯茶走反而OK, 有茶味又夠甜, 我中意奶茶甜, HAHA

以前幫襯過幾次，覺得味道唔錯但自從換左老闆之後，每況愈下之前已經中過一次伏，打算俾多次機會佢，點知今日係大伏叫左碗牛肚河，成碗湯同粉都係紅色心諗碗野咩事，本身唔想浪費食物，點知食左一啖即刻吐出嚟，成陣膠味，大佬點食落肚呀，即刻無食就走人，咁就盛惠$28張相有色差，實物碗野係勁紅色唔信就去試，保証有驚喜

今朝放假，唸住到樓下吃個早餐，見佢人少少就揀左呢間，坐低左選擇不多，叫左個雙拼早餐，沙嗲牛肉配歺肉米粉，跟只煎蛋，熱丅，食品一陣就送到，見D沙嗲牛好似不錯，點知食落口就嚇死人，D牛肉梅過梅菜，淋pat pat 咁，沒有囗感可言，仲有塊午餐肉，硬到好似咕嚕肉咁，仲凍冰冰，真係吾知點放落口，食左1/3已經放棄左！ 仲要係大家落咁嘅價錢，希望佢地真係用少少心機去製造食物，免得浪費。 呢間野除非有改善，否則都應該吾會再去😡😡😡😡

同屋企求其落街去食茶記下午茶隨意入左呢間茶餐廳估唔到茶記都會跟得上潮流整紫薯牛奶同抹茶牛奶咁當然要叫杯試下味啦！隻色都幾靚，好重牛奶味，紫薯味都幾自然，雖然偏甜但唔係死甜既味主角就梗係炸脾啦！炸脾好有驚喜，用沙嗲醃左先然後再炸，所以會辣辣地炸脾外脆內軟，算幾高質👍🏻

牛池灣街巿地下其實都有好多唔同嘅餐廳，特別係茶餐廳，所以好難會有咩特別，好似任何一間食嘢都冇咩分別咁。但係呢間就唔同啦，喺呢間餐廳門口特別多人排隊嘅。一開始我都唔知佢地排緊咩，但後來我就見到原來佢地排隊買腸粉，仲要係即叫即整。一嚟當然好夠熱啦，因為真係喺你面前即刻整好就上碟/入盒，而且都好足料。你可以揀牛肉，豬肉，叉燒，雞蛋，等等，總之就有唔同嘅選擇。我就叫豬肉加雞蛋，搞搞新意思呀嘛。其實食落去又唔係好覺得食到雞蛋，但係你會覺得個腸粉皮厚身咗，然後加埋啲葱，不得了！btw, 睇住整膠粉同收錢嗰兩個阿姐嘅互動，會覺得好搞笑，好有活力同朝氣。

舊式茶餐廳，去食個下午茶，叫咗芝士牛扒漢堡包、薯餅加熱鴛鴦少甜，埋單＄32。個包嘅漢堡係自己整嘅，不是現成貨，好多汁，好味道！飲咖啡、奶茶都係去呢啲舊式茶餐廳好飲！支持小商戶經營！

牛池灣村喺牛池灣街市隔離, 有個好大嘅牌匾, 依家香港已經冇乜依類地方.牛池灣村入面有好多茶就, 其中幸福茶餐廳已經開咗好多年, 佢出品唔係突別好, 不過每次經過總會坐滿室內同室外.今日返老家後正值下午茶時間, 經過牛池灣村食番個茶餐. 唔係好肚餓叫個多士餐.本來叫奶油多變咗奶醬多, 錯咗都算數啦, 照食. 多士薄脆, 同新興厚多士風味唔同. 煉奶同果醬份量唔多, 嚟錯都冇乜影響.熱華田味道一般, 粉落得唔多唔夠濃香.一個多士餐二十蚊好難有要求, 喺牛池灣村食嘅其實係歷史同風味.

本身今日行過街市諗住揾啲嘢食下, 行過見到依間茶餐廳, 見到無咩人唔使排隊就入去食個靚港式早餐。叫一個早餐有沙嗲牛肉公仔麵,奄列, 多士,加杯嘢飲。個奄列唔錯,啲蛋幾滑,𥚃面火腿都幾多。個杯凍奶茶值得一讚, 帶有甘香, 甜味適中,係久違嘅一杯港式奶茶,唔錯!!!店外係主要賣麵包,有好多款式, 奶油包, 椰撻, 菠蘿包。依傢好少見到椰絲奶油包, 估唔到有得食。果然, 起舊式茶餐廳先揾到寶藏。 依啲茶餐廳買少見少 , 希望好好保留。

星期一，如平日一樣老早走到牛池灣村自修室準備DSE餘下的科目。路程中接下一張傳單，原來是茶餐廳宣傳單張，看一看原來也與自修室只有幾步距離，於是決定午餐就到這間茶餐廳一試。裡面裝修與其他舊或茶餐廳無異，不過衛生程度也能接受。老闆娘看我手中捧住教科書和筆記，便跟我說: 是學生嗎?可以看看學生餐，$25 凍飲也不加價。我看價錢也公道，便也叫了咖哩豬頸肉飯。我好奇問老闆娘為何知道我是學生，她便說出因由，並問我是否考DSE，對話之間感到她對我的關懷，原來她對其他客人也都關心。其他顧客也與她寒暄一番。除了食物的香氣外也能感到空氣中的人情味。回到正題，雖然這只是學生價錢的快餐，但速度快之餘也不乏吸引人的味道。咖哩汁不稀不稠，甜味較重，不過也足於刺激味蕾，讓人停不下繼續吃。飯的乾濕度也能很準確。豬頸肉肉汁豐富之餘也不會煎得太老，口感煙韌。整體而言這個咖哩豬頸肉飯水準高，物超所值。同時也有西洋菜湯跟餐，用料十足，整碗湯也是西洋菜，喝下去味度足夠也令人感到舒服，喝得出沒有味精。幸福茶餐廳，在菜市場裡的一點點幸福。

農曆新年，舅父從廣州來香港，相約出來吃午餐兼拜年。他最喜愛茶餐廳，所以去了附近的幸福茶餐廳。 這間茶餐廳已經很久沒有光顧了，對上一次已經是幾年前。茶餐廳裝修依舊，幾乎坐滿。我們坐在露天的摺枱摺椅位，風涼水冷。 一如以往，侍應沒甚招呼，就算點食物也要等。看看餐牌，一如所料，新年出了“特別餐牌”，所有食物都加價3~10元不等。因為剛吃早餐不久，不太餓，所以求其點了好些小食。奶油多 $12賣相一般，多士烘得香脆，煉奶和牛油都下得多，哪有不好吃的道理？公司三文治烘底 $38+1 同樣料多，有蛋，火腿，番茄.......加上烘脆麵包，說不上很美味，但合格有餘。熱奶茶 $15 茶味夠濃夠滑，黑白奶和茶葉比例剛好，不俗。好立克，阿華田 $15用粉開的，不會有甚麼要求，味道還算可以。農曆新年一年一次，加多一點點，也算合理。

路經彩虹，先前入左間九唔搭八茶記，假日冇下午茶即轉。 見到呢到好多選擇是但搵一間，選中幸福茶餐廳。點左個芝士漢堡牛扒包配薯餅，凍鴛鴦。女友就要腸仔五香肉丁米，配熱奶茶。佢個單我唔介紹，唔係我食冇食評。我個單就一句講哂，茶記食到呢個水準，冇得輸！！

份量不是特別多，價錢不是特別平，三十幾一個餐 , 豆得小小 ，奶茶麻麻 , 但比出面大杯, 味道也普通. best is the burger, it is tasty and juicy! 不值老遠來一試。

因為到牛池灣文娛中心看話劇，就早少少到牛池灣看看有什麼地方食晚餐。走過一串排檔和茶餐廳，見到這間幸福茶餐廳，印象中看過食評是笑多，就這間吧。凍檸茶 － 凍飲加$2，其中一杯是少甜少冰，非常慶幸真的是少甜少冰，真好沙爹牛餐肉通粉 $26 － 已經下午六點幾還可以叫下午茶餐！沙爹味道不錯～XO醬肥牛炒河 $44 － 幼身河粉，炒得很香，只有微辣，肥牛幾多

又過嚟彩虹探老友嘅時間，今次喺一齊食 lunch，其實依間茶記食過無數次，真喺情有獨鍾。點解？因為豬排好食，奶茶又好飲，而且老友喺到住，成日三五知己喺到聚舊！今次 lunch，我都喺叫咗午餐，香煎豬排，公仔麵，配火腿奄列，凍奶茶！先講凍奶茶，茶味十足，奶味香滑，真心好飲過其他茶記！所以就算天氣幾凍都好，怕肚痾都好，都一定要叫依到嘅奶茶！另外火腿奄列，唔算咩特別，又冇加埋咩牛奶，但勝左原汁原味，唔做作！熱辣辣嘅公仔麵，唔喺咩特別嘢，但勝左師傅喜愛，煮得七八成熟，食落比較有口感！雖然唔健康，但我自己個湯，有忌廉罐頭湯味，少少鹹，好飲！煎豬扒，香脆，有彈牙，用咗火少咖哩汁醃製，味道剛剛好！正！總括嚟講，茶記之中，依間嘅出品比較有誠意，36蚊，抵食！

行完山時間尚早，花了大半天的體力，當然要去找食來滿足下口慾。剛好坐車來到牛池灣下車，便決定來食下午茶，然後便找了這間茶餐廳坐下。這間茶餐廳也較多人食，難得有位而坐都算是幸運了。朋友要了這個豬扒包配炸薯餅，豬扒包味道尚可，薯餅也很脆，尚算不錯。我和另一位朋友shared了這份西多配炸薯餅。再配了一杯熱檸檬茶。熱檸檬茶是不能分別到茶味好不好，因為會被那檸檬的酸味影響了。當把西多切開之後，入口花生醬味不夠，或許我本人愛食濃一點的花生醬味。炸薯餅和朋友所食的一樣，夠脆。整體來餐時間也很快，價錢只是HK$22/份，真的又幾抵食，可惜味道不夠香濃，但愛食淡口的人，便會喜歡了。