幸福駅 (東廣場) (已結業)

Openrice 外賣自取56折購入，$10個幾抵食，買2個已經可以當lunch 食😍糧尾恩物味道方面，紫菜爽脆，米飯晶瑩飽滿，餡料包上照燒雞肉，唔柴口，而飯團無加沙律醬，相對較低脂，低脂選擇

某日恆常去做尖（食好野同時要還債，你懂的）有啲肚餓，經過東廣場就鼠入去睇下有咩小食啦！因為keep 住做運動，所以都不能食得太肥膩，而幸福駅的飯糰就好好啦！除外口味冇華店咁多之外，佢的好處就係可以一眼就睇得出你食緊的飯糰有幾多卡路里。今次揀左個蛋白質比較多的日式照燒雞肉，都係二百幾卡。食落紫菜脆口就基本啦！而入面的照燒雞都好惹味，雞肉的份量適中，味道偏咸，同白飯剛好中和。不過有個小缺點就係味精偏多，本人平時食野就唔覺多味精，但呢個食完就明顯感覺口乾要飲水。

東廣場上排開咗間幸福駅, 之前路過見佢開幕日老闆吳日言有黎做一日店長呢. 除咗飯團之外佢重有做外賣飯盒, 之前見到佢派傳單7月尾前有做抗疫優惠, whatsapp外賣可以有優惠價&送包裝飲品呢!! 不過我多數出去食所以未試到呢個優惠. 但今日突然要買外賣返去公司食就諗起不如試下呢間啦.佢既雪櫃整齊地放滿各款飯團&飯盒, 除咗冷凍既隔離重有個已經熱好咗既飯盒, 不過去俾錢時店員都會好貼心咁問你要唔要幫你翻熱, 讚!!👍🏻今次我揀咗照燒雞扒便當, 盒上貼咗便當既成份資料, 雞扒好大塊&厚身, 亦都煮得好入味, 肉汁夠唔會"乾爭爭". 😋 右下既醃青瓜唔錯, 唔會太酸夠醒胃. 不過左上既蔬菜們就只係白烚無加調味淡咗啲. 而佢既飯量都夠既, 食晒成盒飯都好飽!! 如果觀塘返工既7月尾前可以試下佢既外賣優惠呀!