幸運燒味冰室

營業中

休息中

朝早唔太餓，只想食個奶油薄多加熱奶茶，諗住就近去附近嘅茶餐廳。佢個餐牌嘅餐得果幾款，食簡單嘢要散嗌。咁我唔介意散嗌，同阿姐講話要奶油薄多加熱奶茶，阿姐望都唔望餐牌就話冇奶油薄多，然後我指住個奶油厚多士話餐牌話全日供應喎。呀姐先肯落。野食黎到，變左厚多，仲要係一塊厚方包嘅size，我同阿姐講話我要薄多嫁喎，阿姐話呢間餐廳冇，得呢啲多士，我話咁你當初落單時唔同我講？阿姐冇理我走咗。然後呢舊嘢要$22，加埋奶茶$40。薄多都冇學人開茶餐廳，得啖笑。

將軍澳站附近一直都比較少燒味店，新開嘅餐廳係popwalk2, 都係做街坊生意，開店第三日入去食已經人生人海，其實睇完餐牌同有幾位員工都認得佢地lol，係同區嘅燒味店姊妹店，不過冇所謂呀，另一間我都成日食果日我地2個人食晏，點左叉燒滑蛋飯（$58），蛋整得好食，係滑嘅，叉燒瘦左少少，但個醬汁好食，好好送飯，份量都大碟，會食得飽🤗同另一間都差不多，同區嚟講已經好食架啦👍香茅雞翼撈麵 $55雞翼好食，好香嘅香矛味，即食麵都夠咸，唔錯。鍾意佢地有沙律菜，而且會有葱油，另到個麵更加香，不錯喔～ 下次再嚟食下燒味瀨粉先