度小月 (海運大廈) (已結業)

其實我都好鍾意食台灣嘢,因為台灣人係好有禮貌,但我今日去到感覺可能暑期工小朋友係唔捱得或者唔話得亦都唔知道工作嘅辛苦我亦都唔會話佢哋嘅津白湯呀就搞到好似韓式泡菜咁樣,嗰個咩櫻花蝦炒飯呢就冇乜特別即係個賣相係有嘅但係個味就韓國feel囉,其實三個人二百零蚊就唔係貴嘅但係個賣相同埋個態度呢就真係爭啲㗎,即係可能五香肉丁炒飯加一個嗰啲叫咩胡椒豬肚湯,即嗰陣味呀即係對於人哋嚟講就茶餐廳feel,即係淨係個食物質素呢就真係個味濃咗啲我形容五香肉丁炒飯呢同埋呢個胡椒豬肚湯呢已經好貼切反映你哋嗰個質素希望你哋會有改進空間如果唔係好難喺呢個飲食業做落去

員工態度差服務差食物一般永不幫襯用餐態受：食客要滿足他們所謂last order 的規矩，落單只可以落一次。一聽就明白他們收工心切，我都好好咁遵從他們的遊戲規則，但奈何落完單之後，發現有兩個order滿漏單。可惜廚房員工們太有性格，拒絕因為樓面員工落漏單錯失負責。最後一句，唔好意思了事利害，祝他們工作繼續順利，生意興隆………………………………………………………………………………

未生🥟之前食過一兩次，去台北本店都食過，但🥟亦未去過台灣。所以今次帶🥟試吓台灣菜環境都舒適 海景位置聽到店長同啲遊客講要4人先有得坐不過我哋就冇乜所謂 同隔離座位唔太迫就夠叫左3款比🥟試下🤭 🔸度小月擔米粉🔹度小月擔仔麵🔸席小月肉燥飯最愛食米粉 可以索哂啲湯 蒜蓉味又好香肉燥飯都好香既 啲汁拌飯都幾好 不過一碗就夠🫣唔系就太油膩不過每碗份量比較少 大人食就未必會夠，小朋友食就會岩岩好 唔會太多又唔會太少下次有機會都可以再一食

早兩個月係台灣迪化街亂入食過度小月味道正服務仲要好好👍🏻☺️⤴️⤴️⤴️台灣😍😍⤴️好食到我係咁續碗見到香港尖沙咀海港城有分店😍一心諗住嚟回味。我平日下午2點半左右入座, 一人。去到門口冇招呼自己行入嚟有個男經理指示我坐埋卡位👌🏻見到佢有個午市套餐手快快我就同呢位男經理落單。$83 ( 飯麵套餐 ) +10% =$91.3其實我係想食米粉,呢個男經理入單之際，我就衝出去問佢可唔可以轉為米粉的?佢話唔得,套餐冇得改OK咁我話咁你等等先 Hold 住張單我想食米粉，我想再睇睇先呢個男經理話我入咗單啦喎。( 言下之意你係咪即係唔俾我改呢？你啱啱先按確認個掣送出我已經唔係叫你過嚟我衝出去搵你改單。 )我話咁你等等先啦，我想食米粉我而家想睇睇先係咪唔得呀？之後好快我搵另外一個妹妹仔侍應改為散叫、一個肉燥飯和一個肉燥米粉。( $38 x 2 ) +10% =$83.6食物質素好一般。。。台灣好食好多。佢個肉燥飯，一啲都唔香係乾嘅。啲飯又硬嘅。仲有未食嘢之前都食咗一肚氣。那男經理黑面冇笑容唔想煩嘅態度。😡我想問你哋憑咩收+1服務費？😡哈？香港下午茶時段、一啲都唔忙，得三四枱。呢間度小月係直營定係 加盟？搞唔掂

星期六晚見呢間有位唔洗等就試吓，因為附近大部份食肆都要等位，點知就係中伏嘅開始先講服務，除咗個經理之外，其他樓面後生女職員都真係犀利👍🏻自問唔係要求店員要賣笑嘅人，但係佢哋啲「禮貌」真係由心而發出嚟。事源我落完手寫單，等咗好耐都未有嘢食，至少都10-15分鐘，直到隔籬有檯新客坐低，一坐低無幾耐就有嘢食，之後我就問店員有無落單，然後就見到佢就咁擺咗張落單紙喺經理後面。我諗最基本都講聲「唔好意思落漏咗單」，點知一句都無講過就行開咗👍🏻另外仲有就係嗌咗個酸菜白肉鍋，相信個煲都有返咁上下熱力，然後個店員放喺一個2歲小朋友面前，叫佢放另一邊就西口西面😂之後就講食物，嗌咗五樣食物：擔仔麵、肉燥飯、蚵仔酥、台灣烤腸同埋酸菜白肉鍋擔仔麵係幾好食，台灣腸都正常水平肉燥飯，我諗大家都expect係甜甜地，但係嚟到個肉燥飯勁鹹而且有少少辣椒碎，我唔可以講話好難食，但係完全唔係大部份人心目中嘅肉燥飯蚵仔酥還可以，但我諗幾十粒入面得5,6粒係比較豐滿嘅size，其他細粒過花生至於個酸菜白肉鍋就真係經典，酸菜唔酸，白肉厚切之餘仲要無切走層皮，我諗叫做腩白菜鍋就差唔多總結：peak hour唔洗排隊係有佢嘅原因🤣

入面有個經理級嘅人物，講嘢勁晦氣、黑面！收起落單紙時仲界到我手臂，完全零歉意！而家咩態度⋯⋯ 基本禮貌都無！員工上菜時調亂咗幾張枱嘅嘢食，最後仲要喺垃圾桶度摷返張出菜紙先睇返係邊張枱order嘅小食，堅嘔心！（點解唔可以用電腦睇返？）湯米、湯麵都帶酸味，冇諗過浸味會咁奇怪！鹽酥雞 又乾 又無味唔點味粉真係淡如無味！花枝丸 又淋又削真係唔OK！滷豆腐算係咁嘅樣嚟講最正常雖然偏鹹，但係至少唔難食！嘢食唔得服務差真係一次就夠！本身呢間嘢想試好耐，但真係一次就怕！

📍度小月位於海港城，預左價錢定價不低。兩個人叫左一碗滷肉飯、擔仔麵、古早三杯雞煲。食完之後，試過一次就夠。度小月滷肉飯 $38起初都冇期望份量會多，但呢個份量未免太少，細食嘅女士應該會食得飽掛。滷肉份量勉強足以撈成碗白飯，滷肉係偏瘦嘅肉碎，只有醬油味道，水準偏低。度小月擔仔麵 $38擔仔麵有芽菜、少量滷肉、蒜泥、一隻蝦，麵嘅份量兩啖食完。古早三杯雞煲 $118賣相唔錯，有紅黃椒配色。雞肉份量都唔少，但每舊骨都多過肉。食落冇酒味，如果冇九層塔，食落似醬油雞。

不過不失，個menu都唔係好多選擇，價錢上就正常偏貴少少。有海景位置，不過就唔太多。食完一次之後，暫時未有衝動想去翻兜下一次。總之，可以一試既餐廳啦。最好就事前Book左位先，因為星期六日好似會超多人等。(而家熱潮應該已過，唔似以前咁要等咁耐...)

海港城內的台式餐廳位於尖沙咀，價錢定價一次高小小一碗滷肉飯，一碗麵🍜小食，滷水豆腐味道不錯，但份量略嫌細小人流已經冇新開嘅時候咁繁忙，不用排隊，可以慢慢坐慢慢食

過去几年我經常來吃度小月、欣賞佢嘅傳統台灣口味 、最近嘅品質越嚟越差、服務非常之唔好！肉燥飯又干又黑、只有醬油味道、炸墨魚丸也臭嘅，應該嚟到閉不會太遠！很可惜😰香港的服務態度真係走直線下坡😮‍💨

因為有商場coupon決定同朋友試下呢間台灣菜肉燥味道正正常常，不過冇咩香味鹽酥雞好多炸粉？雞肉份量唔算多滷蛋唔夠入味而且好似放左好耐咁有少少怪味擔擔麵偏淡蝦得一隻而且仲要冇味應該就唔會食第二次

夜晚坐完開蓬巴士 入到海港城搵食未食過度小月 我地即刻行入去試下台灣野先度小月祖傳肉燥飯細細碗 材料好夠 飯係珍珠米 個汁好味😋又唔會偏咸👍🏻度小月擔仔粿條賣相好靚 食落好有台灣地道風味 粿條質感好似河粉咁👍🏻鳳梨深海魚塊鳳梨甜酸度同魚塊好夾 比例恰到好處👍🏻鹽酥雞皮脆肉滑 外脆內juicy👍🏻脆皮炸大腸大腸炸得好脆，又唔酥，好香口👍🏻灸烤胡椒肉呢個肉可能好多人會覺得好肥，但正正係呢個肥肉我先覺得好味😋個汁無敵好食同好夾 一上檯最快手食哂👍🏻紅豆仙草珍珠 食完飯最後叫碗甜品 👍🏻一行6入行左入港城

上個月去咗台灣食度小月，今日喺海港城食多次。今日食咗佢哋嘅酒香雞、擔仔麵、安平鮮蚵湯同三杯野菌煲，只能講台灣嘢食嚟到香港賣得又貴又冇咁好食！酒香雞冇咩酒味，不過雞皮幾爽啲肉都唔會太軟，但就真係冇咩特別，唔建議咁貴係到食，份量就係一隻雞髀。台灣度小月嘅擔仔麵真係一絕！但係嚟到香港湯底就好唔同，即刻冇咁鮮。油麵口感幾好，有嚼勁又唔會太硬，雖然冇台灣咁好食，但係喺香港嚟講呢個台灣麵都算好食，不過都真係太貴。安平鮮蚵湯：鮮蚵湯份量好細，不過啲蠔幾新鮮，幾鮮甜，但呢個份量都真係好貴。雜菌煲：三杯野菌煲反而驚喜！九層塔嘅味好香加埋紅黃椒洋蔥同埋幾種雜菌，炒埋好香口，送飯就好正！

3年前食過一次，覺得好好食，見今日唔係好洗排隊就走入去食。因為食過覺得好食，所以一下子就叫咗好多野，點知真係大失所望啲炸物好似翻炸過十次咁，硬過隻碟，食落去成口油，一啲都唔脆。三杯雞應該係招牌（？），啲雞又乾又柴，又唔入味，淨係得豉油味同雪藏味。滷肉飯得個咸，汁同肉都唔夠，食完仲有成個白飯淨。香腸，就係普通台灣腸，冇咩特別。擔仔麵係成餐擺得落口嘅野食。成餐飯埋單要496蚊，寧願食譚仔好過。🤢🤢

星期日中午老婆想去行誠品順便食個lunch，一於用海港城泊車優惠食夠$300 有3+1個鐘免費泊車。停車場一落就見到度小月，之前都已經行過幾次見幾多人，唔想再周圍搵野食就入去試下今次叫咗: 擔仔米粉 - $38個樣好靚但食落略嫌唔夠味同唔夠湯肉燥飯 - $38唔錯，飯係珍珠米烤紹興香腸 - $63好食，同喺台灣食的係一樣，烤得好香蚵仔酥 - $86有點驚喜，唔會覺得好腥，蚵仔都幾大粒，粉唔太厚紅豆仙草珍珠 - $53 同想像中的味完全一樣，不過不失，不過都幾細碗整體嚟講食物質素唔差，但係份量整體都係偏細份，因為早餐食得晏所以都還好，下次會想試小菜