度小月 (海運大廈) (已結業)

上個月去咗台灣食度小月，今日喺海港城食多次。今日食咗佢哋嘅酒香雞、擔仔麵、安平鮮蚵湯同三杯野菌煲，只能講台灣嘢食嚟到香港賣得又貴又冇咁好食！酒香雞冇咩酒味，不過雞皮幾爽啲肉都唔會太軟，但就真係冇咩特別，唔建議咁貴係到食，份量就係一隻雞髀。台灣度小月嘅擔仔麵真係一絕！但係嚟到香港湯底就好唔同，即刻冇咁鮮。油麵口感幾好，有嚼勁又唔會太硬，雖然冇台灣咁好食，但係喺香港嚟講呢個台灣麵都算好食，不過都真係太貴。安平鮮蚵湯：鮮蚵湯份量好細，不過啲蠔幾新鮮，幾鮮甜，但呢個份量都真係好貴。雜菌煲：三杯野菌煲反而驚喜！九層塔嘅味好香加埋紅黃椒洋蔥同埋幾種雜菌，炒埋好香口，送飯就好正！