康姨咖啡室 (已搬遷) 新店位置

難得到海防博物館參觀, 天氣晴朗, 行完都覺得幾熱幾攰...好彩有間環境相當不俗的餐廳, 可以喺度唞唞, 嘆杯咖啡食個意粉...咖啡味香濃夠提神, 水準高過茶餐廳既咖啡, 加埋個環境, 簡直嘆過喺PC, SB飲..個司華力腸茄汁意粉夠多司華力腸, 材料足, 味道適中, 加埋沙律菜覺得更加抵食...當然再加多些沙律菜就更好啦 這裡環境清幽, 喺度坐下休息下感覺好悠閒, 一面欣賞海景, 一面傾下計, 悠然自得好舒服!最後, 值得一提既係原來呢間CAFE係由社企運作, 所以幫襯佢地可以直接令社會上有需要人士受惠, 一舉兩得, 可以去支持下!

當天我和老友們一同參觀海防博物館，到午膳的時候，我們一同前往這咖啡室。當進入內裡時，彷如進到一艘船中，所有的攞設都與船隻有關，甚至盛載主菜的器皿，也是一艘船，真是十分有心思。可惜忘了拍照室內的擺設。唯有下次再前往留下倩影。餐前麵包之後，送來巴黎牛油汁煙鴨胸意粉及卡邦尼煙肉意粉。老友較喜歡我的卡邦尼煙肉意粉，賣相精美之餘，醬汁杰身之餘又不會過膩, 火候適中, 意粉不會過稔, 沒有發脹或黏糊的情況, 而且掛汁能力不俗, 每一口都能口嘗到濃厚的cabonara風味。本店服務員友善，細心。值得前往品嚐。