康泰燒臘店 (已結業)

同老婆行完旺角諗住搵野食, 行過左朗豪坊, 旺角街市對面, 見到平日淨係開日抖既康泰燒臘原來做埋夜市, 平日佢D燒臘已經好食又抵食, 唔知夜市點呢? 見佢話即叫即整, 即管試試.由於得2個人關係, 淨係叫左椒鹽焗鮮魷, 魚香茄子煲同埋一碟菜, 阿姐話因為係即整, 要我地等十分鐘左右喎, 無所謂啦, 咪當睇下電視囉. 等左真係有十分鐘就上左個鮮魷, 嘩! 真係好香, 仲好大舊添!個鮮魷真係勁正, 最緊要襯熱食, 不過真係好大碟, 一男一女食晒已經好飽.....就享我地食咗一陣之後, 又係香噴噴既魚香茄子煲就出場啦!香而不膩, 雖然睇落唔大煲, 但係由於碟魷魚真係好飽, 都已經好夠食.另外要推介既, 當然係茶餐廳既標準飲品 - 凍奶茶, 香濃又唔會太甜, 必飲佢地似乎會開通宵, 之後玩得夜都可以有地方坐下吹水

星期一夜放工, 加上屋企又冇飯開. 便走來旺角街市呢頭, 睇睇有沒有一些鮮為人知既好味道. 行了去長旺道果頭, 係廣東道街市交界, 有間幾local 既燒臘店. 行到熱熱地, 唔想再行了, 就地食個燒臘飯算.一坐低, 二話不說的自動叫下叉鴨飯. 是日的叉燒肥瘦適中, 而鴨, 俾左隻鴨脾我食. 加上一碗冇乜味精既靚湯. 感覺上這間飯店仔係一個不錯既選擇.不過, 忘了叫師父加汁, 只給少許汁搞到味道不太夠. 食食下點都要加點豉油調調味. 不過, 臨收檔既野, 都有返咁上下質素, 早點來應該是不錯的. 而且, 成日都感覺, 呢D local 燒臘檔, 比起連鎖店, 更加好味. 我快快趣的食完, 伙記亦好開心地同我說, 真係好, 夠怏趣......哈哈! 唔阻人收工嘛.

本人在旺角工作，經常在附近搵食，而當中有不少平價燒臘飯，試過多間店舖後，還是這間最好。午餐時間$14一個雙併飯，有時候排隊的人龍會有十多人，負責落單及切燒臘的師傅手腳很快，所以不會等您很長時間。我喜歡叫叉燒燒肉飯，叉燒不會太乾也不會太韌，恰到好處。燒肉的皮有時候比較硬之外，也是不會韌。有兩點要注意︰1.午飯是他們"打仗"的時間，所以反應要快一點，慢一點點就可能被忙得一頭煙的員工話兩句。(於旺角街市附近的店舖，不要期望會有餐廳級的待遇了...)2.有時候外賣不會提供筷子，但只要您開聲，就會拿給您。

係朗豪坊睇完Batman之後黎左呢度食野下午茶時段$14一碗燒味米線,我要左叉燒米線, 媽咪要左切雞米線.份量都算足夠, 都幾多餸, 不過d味道就淡左d.間鋪雖然係街市, 不過都幾乾淨.

11蚊一大條叉燒唔韌有蜜味斬叉燒位叔叔又nice唔怪得成日咁多人幫襯