康瑞涼茶 (已搬遷) 新店位置

去完台灣仍然對芋圓念念不忘😢於是不斷尋訪好味既芋圓呢站黎到康瑞涼茶聽聞呢間鋪日頭係醫館 夜晚就賣中式糖水唔夠6點黎到 好彩啱啱有位唔洗等豪不猶豫叫左個最受歡迎既1號 - 特色仙草百配😜上枱時非常震憾 多料到唔識形容😂一共有8種材料芋圓 地瓜圓 仙草 珍珠 薏米 小丸子 西米 紅豆芋圓同地瓜圓非常有咬口 芋圓有好濃既芋頭味 愈愈香 可惜份量少過地瓜圓😟地瓜圓味道反而冇咁出仙草又係好正 滑嘟嘟又帶微微既甘草味 同花奶一齊擺入口 味道好夾 食落好順口好舒服😚其他配料一樣出色 份量又多每樣都恰如其份 唔會話邊樣搶左邊樣真係好正😍大滿足呀👍👍$25仲要大大碗可以去邊度搵呢??!!ps1 老闆員工好有禮貌🙆ps2 食完出黎6點幾已經好多人喺出面排隊😰

食完晚餐朋友帶我去食呢間糖水我食雪耳紅早加芋圓唔算太甜，剛剛好 芋圓好煙un 番薯圓咬咬下會有番薯味嫁真係！第2次去買外賣有好多人排隊，等左15分鐘左右，不過都值得等😁

終於去咗深水埗呢間醫館食糖水呢間野大名鼎鼎 去到嗰時出邊好多人排隊啲枱擺到去出面 我哋等左好耐終於到我哋叫咗個招牌同埋酒釀招牌嗰個係幾好食嘅，好甜，好彈牙酒釀嗰個呢就麻麻哋 仲因為佢係酒釀所以等左好耐先有得食兩個人埋單＄50 抵！好食！

你好耐冇寫食評，今次真是忍不住要寫下，見到甘多人話好食，但是食完發覺唔系果回事。芋圓地瓜圓： 冇芋頭味，冇地瓜味，唔彈牙，硬的仙草：熱的仙草只系暖，真正的熱仙草系燒仙草，不是暖的仙草凍加熱糖水。冷的同熱的口感應該唔同桂圓紅棗糖水：呢個最好味，認真煲的糖水我同大家都一樣鐘意食芋圓，這個味道同口感就只算好味走的時候，負責人問我們點解剩甘多，唔知點答好，只系話好飽。出到門口，見到好多人排隊，坐到外面，好想問真系覺得好味？

每次去台灣都幾乎一日一碗芋圓既我，睇Openrice知道深水埗開左間芋圓鋪！等左成個月終於有時間去一試！黎到先發現店面原來係中醫鋪既其一部分。睇黎店內空間唔大，仲以為一定要外賣。點知問有無得堂食後，店員好好人咁俾我地坐係中醫店d位食叫左個仙草配（$25）份量都夠大！地瓜圓味道濃郁Q軟。質素拍得上台灣！ 個糖水底不會太甜，無遮蓋d芋圓等既味道。不過自己唔太好仙草既味道，好d似龜苓膏下次會試下叫椰汁西米露底！整體以$25呢個價錢完全係物超所值的有機會一定會再黎！

白天是中醫店, 晚間是間糖水店. 雖然店鋪細細, 但食品都比較養生, 絕對不會有'死甜' 的感覺.豬仔友人先點了碗紅棗雪耳芋圓糖水, 相當清甜, 而且紅棗肉相當有咬口, 增加糖水既口感. 而雪耳爽滑, 為這個秋天帶來滋潤豬仔叫了腐竹蓮子芋圓糖水, 腐竹及蛋花既配搭, 使味道更豐富, 蓮子味道大足, 非常養生

被評為全港最好食芋圓❗️原來係深水埗隱世涼茶舖🙇🏻真材實料。性價比120%😍唔怪得知成日排哂長龍啦！🤑仙草百配 🍡 ($25)煙韌芋圓配上滑嘟嘟仙草凍😍▫️芋圓▫️地瓜圓▫️仙草凍▫️小丸子▫️珍珠▫️薏米▫️西米▫️紅豆足足8種配料夠哂豐富啦！🤘🏻芋圓同地瓜圓果然有台灣的味道😛煙韌軟糯。入口彈牙👄食落好有咬口帶點天然清香🍡小丸子滲出濃郁糯米香☺️嚼勁十足！好正呀！👏🏻仙草凍質感超級滑嘟嘟👻舀起都會sir番落個碗度架😳好似啫喱狀的涼粉咁！🍮一食就𠽌落喉嚨喇～😳重點係味道清甜天然🍃薏米加強口感層次👍🏻加埋淡奶同黑糖糖水🍼甜度啱啱好無過甜☺️好有屋企自家製的感覺！🏡食完感覺好養生🌴宵夜食多幾碗都唔會有罪惡感呀😈減肥就由呢碗開始啦！😂

我一直都係芋圓既FANS，去台北的話起碼會食幾餐，而係香港覺得好食既只有一兩間。見呢排人氣咁爆，呢次星期六又咁岩經過，一於去朝下聖，睇下呢間街坊涼茶店有咩特別之處。去到真係嚇左一跳，有成三十個人係店出面等緊。因為果晚好熱，而且等晚地方好逼，所以都幾辛苦。究竟等接近半個鐘食個外賣值唔值呢？當晚我點左個特式仙草百配（$25）。真係好好食。芋圓完全係又香又彈牙，薏米又多口感好好，而且糖水唔多，所以感覺好養身，食完無乜罪疚感。奶精係分開放既，我就只係落左少少，味道好夾。呢間都算係係香港食過水準比較高既芋圓。但如果要等多過十分鐘，都係唔獨值得架喇。或者如果下次再想食，就揀個平日晚上啦。

人在深水埗，想來個下午茶，於是走到這間名店。週日下午6時一個人，依然要等十分鐘才可入座，且是甜品店，可想而知這裡的人氣有多高。要了招牌的仙草百配，一條條仙草，配上大小不一的手工芋圓和地瓜圓，口感彈牙，加上珍珠，西米，意仁，紅豆，非常豐富。而且甜度輕微，健康之外味道亦足夠，吃得出各食材的原味，配上花奶，區區覺得更勝台灣不少出品。如此水準，且製作極費時，卻只收25元，比起不少本地索價50大洋的甜品，來到深水埗必吃之選。

康瑞涼茶 一直都好中意食好煙煙韌韌既野 😁糯米糍，蕨餅，年糕都全部係我既 all time favourite 當然更加少不了芋圓啦 自從食過台灣既芋圓之後更加係念念不忘 可惜係香港甜品鋪食芋圓 一向都係得好少粒 一啲都過唔足口癮 😪從instagram得知深水埗既康瑞涼茶 除左涼茶外更加做埋糖水 主打既更加係手工芋圓 而且重點仲係要份量足 錦小妹緊係當然有食錯無放過啦 ✋🏻所以有日去深水埗買電話卡 我當然要順便去試下啦 店鋪主要賣中式糖水 每一款都可以加配芋圓，地瓜圓同小丸子 由於小妹唔太好中式糖水 所以選擇左特式仙草百配 特式仙草百配果然好足料 👍🏻除左芋圓，小丸子同仙草，仲配有紅豆，綠豆、薏米同西米 仙草細滑，食落糖水不會太甜而且帶有陣陣仙草味 加上花奶令味道更豐富 係淡淡既夏日食實在是最好不過 係略嫌芋圓可以更再Q一點 不過糖水只售＄25絕對係值回票價 溫馨提示： 鋪頭四點先開門 因為係家庭式醫館               所以堂食坐位並唔多 等位時間亦較長               所以最好外賣又或者要做好立食既準備

香港地食到一檔有水準嘅芋圓真係難揾，多數太硬無味或太冧冇咬口。係深水埗揾野食，揾到呢間涼茶舖，馳名唔係涼茶，但正正係富有水準嘅芋圓。店內比較狹窄，不過想食好野冇辦法。叫了仙草百配和綠豆沙芋圓，芋圓軟硬適中有咬口，仲食到粉團絲絲嘅甜,可惜份量有d少,有啲唔夠喉XD

因為在附近返工，可以放工時黎食而不用排長龍。以為六點幾冇咩人，原來堂食都有三個人，等外賣有5個左右，果然大熱。我養生堂食點了熱薑汁芋圓，$25，即叫即煮 上台時嚇了一跳，因為蛋花很醜芋圓同地瓜圓都較淋，同事亦認同，芋圓幾乎吃不出芋頭味，地瓜則好少少。反而小丸子最「煙un」，但份量最少唔會encore。

之前見到網上咁多人話呢間野好味，咁我做完運動就等自己開心下食糖水，夜晚10點幾去，間野依然大排長龍，好多人等緊，見到咁就諗住叫外賣啦，叫左出名果個百草糖水，等左5分鐘到都算幾快有得拎，原來呢種甜品係涼粉加芋圓，番薯圓，紅豆，西米等等，涼粉係一片片，唔算好結實，但我中意呢種質感多d,芋圓同番薯圓都幾煙un,如果可以甜d就更好，加埋淡奶成個糖水更加錦上添花，做完運動食真係透心涼

康瑞涼茶雖然叫涼茶，除左賣涼茶之外，仲有糖水賣，最有趣既係原來佢仲係中醫館黎~想食呢度既糖水就要4點之後先黎，因為4點先開始賣~ 仙草百配就咁睇已經好吸引，望落去好似長頸鹿花紋咁靚，色彩十足。食既時候最好拎住黎食，唔好懶，唔係有排先食哂，啲仙草太滑身，成日都跣番落碗到😂仙草有住一股清幽既草藥味，食完之後透心涼之餘又可以去去濕毒，夏天健康好選擇。紅豆大大粒，冇煮爛但又夠軟身😍西米晶瑩剔透，薏米令糖水更有口感，而芋圓，小丸子，地瓜圓有意想不到既驚喜，煙韌不在話下，地瓜圓同芋圓竟然食到絲絲既地瓜肉，果然真材實料👍仲有呢度糖水唔會好甜，清清地，好岩大人細路食，可能因為呢度係中醫館關係，所以照顧哂所有食客需要，以健康為先食到最有益既甜品。就咁睇呢粒糖不甩平平無奇，以為只係普通無餡糖不甩，一咬之下原來裡面有花生糊，糯米皮鬆軟滑溜，花生餡更加係絲滑甜香，沾滿花生芝麻碎香口無比。

好 好 食!芋圓好qq! 仙草好滑好香!好 扺 食!仙草百配乜都有! 入面有芋圓 仙草 薏米 紅豆 黑珍珠配埋少少花奶好香 有趙口 仲好大碗!好 健 康!食得出係仙草芋圓都係自家制佢地既所有糖水都唔太甜 食得健康 舒服又安心!