康記粉麵

營業中

休息中

豬手好正，石塘咀可以講得上佢係數一數二果隻，可惜豬手切得太過大隻，口細的人會食得狼狽咗，其實佢啲豬手可以切細啲仲好。咖哩魚蛋，佢啲魚蛋真係超正好爽口，個人認為咖哩太辣加咗太多辣椒油。價錢方面其實都算ok合理。有種嘢真係要認真考慮，因為成間鋪頭最差的地方，就係空氣問題(異味)仲有好臭煙味，簡直就係挑戰你嘅容忍度，佢竟然畀人喺度食煙痴痴地

西區呢邊都有好多好野食， 分分鐘可以食返舊式的味道。講返呢一間餐廳先啦! 一望門面就唔係企理個種，行過你都未必會想入去食嘢。 好彩入到去都可以接受啦! 而且都有幾樣名物。豉油王雞翼撈麵個樣似瑞士雞翼，味道都有啲似瑞士雞翼，甜甜地，豉油王應該係鹹嘛? 肉質都嫩冇黏牙，麵係比平時食的幼麵幼身少少，但有少少鹼水味。葱粒好香。南乳豬手河粉有幾大舊，而且幾肥美，河粉都幾滑身。柱候牛腩撈麵牛腩都炆得幾腍，同樣係幼麵。蠔油芥蘭爽脆

不需要華麗的外貌， 鋪天蓋地既宣傳小店自有佢既吸引人之處。我係繁華既皇后大道西既走左兩轉， 再問一下老街坊們才找到這地方， 原來在屈地街轉入去後街， 真的有尋幽探秘既感覺一入到店就多老板係度準備緊應該係水餃既餡料， 我坐低後一看一看餐排， 就叫了豬手河， 豆支油王撈幼麵， 及叫番碗老板咁落心機準備材料既淨水餃啦先講豬手河， 夠哂月念， 但係味道唔夠濃， 可能剛開檔啦， 入口算係幾綿既。水餃湯頭有d驚喜， 當然呢個價錢我都唔會預佢有咩大地魚咩骨湯， 但呢種醬油味加上香蔥味係幾唔錯， 水餃唔係話包到好大粒， 一口一隻， 材料足， 都算爽脆既 (一時大意無影相Tim) 重點來了， 豆支油王撈麵， 一拎上黎我就了下個碟底睇下會唔會好多豆支油又或水溜溜， 係爽身的， 即時撈下佢， 個種麵既爽身同豆支油味幾夾， 20 元呢個價錢真係無得輸~~!!因重有地方要去食， 未能夠試下佢既咖哩牛腩及炸物， 真心可惜。 真心欣賞康記既良心制作， 食完我唔太口渴康記 ~I WILL BE BACK~~!!!

平時最鍾意黎食宵夜，佢嘅豬手麵簡直係出神入化，20幾蚊一碗真係唔算貴。豬手個皮煮到夠淋，肉質鬆軟，最正係個湯底鹹鹹地類似醬油咁，啲幼麵又索晒個湯底好入味。加埋個通菜都係30幾蚊啫

晚上7時左右獨自覓食，走進店鋪一個客人都沒有，還以為快要關門...坐下後點了個雲吞麵,本來只打算支持一下小店，對食物沒抱太大期望...但雲吞麵一上枱係意想唔到既好食😀麵身無好重梘水味...雲吞有5粒，而且彈牙!特別係湯底，好鮮甜，有d似用大地魚??!!!唔係重味精味😀 一碗麵都唔洗30蚊!超值!係進餐期間，有其他顧客陸續到黎都係點雲吞撈麵!下次要再黎試下😆

多年以來，本麵怪已光顧過康記粥麵無數次，某天突然癮起，特意登門造訪。牛腩魚蛋米牛腩煮得極腍入味，沒有筋， 魚蛋彈勁十足，米粉爽滑，而湯底也不差，喝後不會令人口渴，其味無窮。風味不改，情懷未變，正是「由細食到大，健康又愉快」。在康記，留著的都是美好的時光。

康記在屈地街已開業超過三十年，由屈地街公園下面搬左上一後行，座位多了，裝修靚左d記得細個跟老豆去幫襯阿嫂(即康媽)，轉眼間已經卅年，由小學食到大學再出黎做野一陣子，多年來風味不變豬手，康記多年來堅持定用新鮮豬手，多數都炆得好霖(間中一次也有失手)好入味，另外我亦鐘意牛筋同樣好入味。食康記d撈麵最正真係個汁，真係一流！如果多人再整多個炸魚皮仲正！再配冰凍啤酒，簡直一流出來做野後，反而叫多左朋友過來西環幫襯，希望將小店發揚一下，其實在石塘咀想食宵夜的地方已經不多，康記係碩果僅存肯營業到凌晨的小店了

康記由屈地街24號已於.2012年11月15日搬遷至西環皇后大道西425s地下後鋪':新鋪已開張接近半年時間了,生意總算穩定，首先一定要多謝街坊一直支持，因為店鋪處於內街,並不起眼,能一直支持我們的,真的十分感謝，我們亦會努力做好，希望系服務和食物質量下功夫，希望街坊們繼續支持同時俾意見我們。再次多次大家。康記其實已開張四十多年，但因為經歷某些原因亦搬遷了兩次'但都在屈地街附近，唔難穩到的o。其次康記的營業時間是下午三点到晚上三点,時間有點特殊，不過可以照顧到不同市民的需要。而且下午三點至七點(豬手、牛腩、牛肉除外)其餘粉麵即减$2元,優惠大家。康記用心堅持做好傳統美食的方法，例如，南乳豬手堅持用新鮮豬手,先過氷再次燒毛，再炆保證干凈又美味，手垛鮮肉手制傳統一囗雲吞,囗感好好的'滋味爆脆炸物'全部即點即炸…更多美味,需要你的發現同支持。