康記粉麵

營業中

休息中

今次行過西營盤，腦海裏閃過網絡上對康記粉麵嘅各種讚好，就即興決定行入去探個究竟。第一印象，檔口乾淨企理。叫咗碗豬手加酥扒湯麵，價錢實惠。彈指一揮間，一碟充滿燉肉香氣嘅麵面前誘惑緊我。先嚟一啖酥炸雞扒，外皮真係做到炸得脆卜卜，入口喊得出“卓越”兩字。啲豬手啊，嗰份腍滑同淋漓的味道，正！實在喺值得每個經過嘅食友試吓。湯底嘅話，無得輸，好飲到令人心花怒放🌺，可以話係熬得出時間嘅精華。雲吞麵嘅雲吞，充滿驚喜—薄皮包裹嘅鮮蝦，咬落去彈牙得滯。至於雲吞湯底，清甜得嚟不失鮮味，一啖啖都能喝到海鮮嘅自然甘香，絕對係補充靈魂嘅良藥。結實嚟講，呢家店嘅食物質素同服務，稱得上係“出晒色”。喺呢個鬧市中，飲一口醇香嘅湯，品一啖純樸嘅美味，唔單止係養膚，簡直養生養心。下次一定會再光顧，推介俾大家！👍👅🍜

康記今次想同大家介紹吓呢一間小眾街坊先識嘅美味小店超級好味嘅炸雞翼牛丸撈丁！ 💲48極度出色，唔係講笑首先係蒜香炸雞翼，外皮十分脆口，亦都有蒜香味，可以見到外皮充滿着炸蒜～就聞一聞已經聞到佢有濃郁嘅蒜頭味道😍無論係外皮定係裏面嘅肉都有味道並非虛有其表嘅普通炸雞翼！然後牛丸先係重點！真係爆汁牛丸啊！一咬落去牛味就充斥着整個口腔肉汁喺個口入面浪下浪下 一啲都唔乾身！真係好出色另一方面，佢個豉油王撈丁亦都唔會煮得太淋，有豉油王嘅香氣，有時識識吓覺得佢乾身嘅話我通常都會配埋佢上個碗湯，撈少少湯落個面度 增加濕度 加埋佢哋嘅秘製辣油😭成碗麵真係好好味的最後再飲下個湯，簡直Perfect不過由於佢都係一間街坊小店 而且處於後巷位置～所以食嘢嘅時候有時可能都會有烏蠅或者蚊滋仔飛來飛去大家就要自行衡量了大家去開西環都要食呢間嘢！

一直都係食開呢一碗超級好味嘅炸雞翼牛丸撈丁！ 超出色，唔係講笑😢💓首先係佢個炸雞翼，外皮勁脆卜卜，亦都有蒜香味，就咁聞吓佢都有濃郁嘅蒜頭味道😍然後牛丸先係重點！真係爆汁牛丸啊！勁有牛味，一啖咬落去就知道係正嘢！佢個豉油王撈丁亦都唔會煮得太淋，有豉油王嘅香氣，覺得太乾嘅話，我通常都會配埋佢上個碗湯，然後再加佢哋嘅秘製辣油😭真係好好食㗎，一碗雙拼咁好食嘅撈丁只係$48咋，強烈推薦大家快啲試吓！💓

想食下港式粉麵，見到google review rating 唔錯，特登搵。佢係一條巷仔入面，正常都未必經過。但！柱侯牛腩 is surprising good!! super tender and soft, and 好入味！！一上菜嗰陣嚇親，好大碟😂豉油王撈麵都好唔錯，不過個鮮牛肉唔知係咪因為冇水浸住，有啲乾。仲有墨丸都好有口感，墨魚味濃，太彈牙與太粉之間既口感拿捏得岩岩好。另外再嗌咗一碟油菜，正常水平，菜心爽口，加少少蠔油，香港麵店風味。個門面望落去一啲都唔靚仔，環境的確一般，而且係one man band, 唔好expect有service 。正常行過都可能未必會入去，但係真心推介！！

每當只有我一個人食飯的時候，我都一定諗起依間良心食店。可能因為住在附近方便的關係。另外，佢啲食物分量充足，味道不錯，值得回頭再去食。而且店主兩夫妻，是對不太說話的人，默默耕耘，好欣賞！每次去，我多數都會食雲吞麵或者牛腩河加個油菜，通常係腐乳通菜如果唔夠或者口痕，我會叫埋佢個咖喱魚蛋超級好食，佢唔係好辣但味道不錯👍🏻，不過每粒魚蛋都好大粒好滿足！良心食店，值得支持！

這間小店在小巷中，門面又不起眼，環境真係好一般，老實講行過我都唔會入，不過話好食良心小店就試吓。大家話豬手撈麵好食，咁又照跟。豬手大大件無斬，食得有點論盡；撈麵幾入味，仲大大碟食唔哂。$39真係好抵食，但見意外賣回家吃，會食得舒服啲。

#康記粉麵之前網上唔少網友都有介紹依間位於火井既小店麵館，特別推介豬手👍 雖然自己唔太情有獨鍾，但咁近屋企就一試無妨。店鋪12點開門，進店時只見女老闆一人在準備，不斷都聽到電話，外送單接單，都真係幾受歡迎。我叫咗豬手加酥炸雞扒湯麵，$39。今日唔趕時間可以慢慢等。依度係用外賣餐具，遲吓政府立法都唔知佢地會點處理🤔 碗麵真係好足料，雞扒真係酥炸唔係整定，肉質嫩滑，可惜因為放咗落湯度影響脆感，否則會更好食。雞扒大件之外，豬手同樣好大件，最少有三大件👍 佢未至於係入口即溶果種，但已經入晒味，又多肉，唔係求期斬到細細件比你，單拼$33都真係幾抵👍康記粉麵西環石塘咀皇后大道西425S永華大廈地下後舖@foodiehck2022 #港飲港食平靚正 #西營盤美食 #麵食 #豬手#酥炸雞扒#麵食 #小店 #火井

幾年冇嚟康記，一嚟到梗係叫返碗豬手撈麵啦！豬手麵真係堅好味!!!!😋😋好似仲好味過之前，性價比十分高，下次有機會要食咖喱同埋豉油雞翼！良心小店，值得我哋繼續支持！

一間用心做麵既小店，蛋蛋一定支持!本來蛋蛋已經收皮唔想再出新既食帖，但啱啱食完呢間好L好食，如果唔吹奏下個心有D唔舒服。**更新 佢而家每日開11：30am至淩晨1：30am牛腩極之入味神級好食，帶少少肥膏，豐富既油脂香，肉質偏淋一定唔柴。豬手爽爽地帶淋又好食，豐富骨膠原，肥肉參半。豉油皇撈粗係犯規級手藝，跟咩菜呀?係芥蘭呀!成碟好食到蛋蛋講哂粗口。找數時問女老闆幾錢，佢個眼神好優屈答46蚊，我O咗咀，心諗冇加到價，真係極之抵食。

樓下一間小餐廳，抵食夾大件，店員態度都很和氣。而且每天營業到凌晨3點，簡直是夜貓子的福利。豉油王系列應該是他們的招牌，帶甜味，和江浙一帶的滷味很類似。不過我最愛的是他們的港式咖喱

聽過不少街坊讚美此店的豬手，今日透過外賣App, 終於一試。店東好有交帶， 因為我於約定時間遲到未取食物， 他們會電話提醒我。。謝謝！今次叫了豬手雲吞撈粗， 非常十分好吃！ 豬手淋，論味道，我認為好過可可店和附近香港仔品牌粉麵，推薦 撈麵量大外， 汁也撈得均勻，每口均好美味，可見師父（老細）是非常用心烹調， 這份對食物的態度， 作為客人， 是福氣。另外，我們叫了咖哩牛筋撈伊麵。。。這是推介之二。現在有伊麵吃的麵店愈來愈少。。有機會， 一定要試。。咖哩不辣， 老少皆可吃， 下次都會叫。最後， 我們也叫了牛筋飯， 牛筋外也有牛腩， 這款， 男人一定喜歡。 飽肚， 肉多這小店由兩夫妻經營， 食物定價好街坊， 相信店主二人是想更多人可品嚐他們的美食。

🐾 康記粉麵 (西環) 🐾-南乳豬手撈粗$35-豬手炆到好入味，又好有咬口，豬手好肥😂😂撈面我轉左撈粗，同撈面醬超夾！同埋我想講！份量超大碟😂😂😂正👍🏻———————————————(非專業,完全跟據個人口味☺)食物:8/10環境:5/10服務:6/10人均消費:$50以下———————————————▪店舖名稱: 食記餐店 (鴨脷洲)▪店舖地址:🔸 西環石塘咀皇后大道西425S永華大廈地下後舖-----------------------

朋友知我怕食雲吞麵嗰啲，好怕有鹼水味，佢話呢間無，所以膽粗粗嘅心態走嚟試吓，呢度呢間小店喺橫街窄巷都幾難搵，用OpenRice嘅地圖搵咗都10分鐘先搵到（屈地街行到中段轉入小徑）。叫左個牛筋丸雲吞粗面，腐乳通菜湯底清甜，麵帶點苦（可能就是鹼水味），雲吞餡料有啲少，望落去唔係用新鮮蝦，成本問題吧，腐乳通菜，菜可以切短小小就更好，腐乳醬正常野。牛筋丸有肉汁正常野，如果可以放多小小蔥，應該可以提升賣相和味道，整體來講不過不失。

本身諗住頹頹地食個lunch，點知呢間係勁有驚喜😍😍！睇落門口有少少似舊舊地傳統茶餐廳，雖然裝修一般但入到去異常地發現好有home feel。再講下食物😋雖然價錢平，每樣都係大概$40幾蚊左右，但質素絕對唔馬虎。今次試咗牛腩飯和豬手飯，牛腩肥瘦均勻吸滿醬汁的味道，咬落去有少少油脂的香味和咸香混合，呢個價錢真係超值。🥳招牌豬手整得同樣出色，大大舊豬手都炆得好入味🤤調味料豐富仲食到少少腐乳的味道，但又不會遮蓋豬手的鮮😙好似屋企整咁足料。兩款都咁足料，老闆娘仲要好Nice🤣Home feeel式餐廳，超級滿足。

聽聞哩間店噶豬手面好正，雖然我唔系好中意食豬手，但系都系想去試試，果然無令我失望，豬手真的好正，燜豬手滴汁汁好好味，豬手好淋，啖啖膠原蛋白噶感覺，一個不是太喜歡食豬手噶人都中意食，份量都幾大下噶，如果可以切小塊滴，就更加好啦！