影片
港鐵中環站 D1 出口, 步行約3分鐘
繼續閱讀
電話號碼
28386629
開飯介紹
「廚魔」Alvin是餐廳負責人之一，主打高級粵菜，集傳統及新穎款式；其中式裝潢帶點神秘感，獨特且別樹一格。
繼續閱讀
獎項殊榮
米芝蓮一星餐廳 (2023-24)
營業時間
星期一至日
12:00 - 15:00
18:00 - 22:00
以上資料只供參考, 請與餐廳確認詳情
相關文章
11月初時到訪兩位米芝蓮二星級大廚 - 鄭錦富 (富哥) 及廚魔梁經倫 (Alvin Leung) 主理嘅廚魔名人坊，食左好多名菜，好滿足😍杏汁燉白肺湯 每位 $120豬肺煎香過，好足料，飲完好舒服好想encore😅燕窩釀鳳翼 每隻 $160本身麻麻哋食燕窩😅但佢係咁嘅配搭，影完相一陣先切都好脆皮，連雞翼尖都好脆，擺入口爆晒汁，每一啖都好幸福😍富哥咕嚕肉 $240份量超大，好爽口冇肥膏，有啲似食豬頸肉咁，伴碟嘅係新鮮菠蘿，真正嘅一絲不苟👍家鄉蒸龍躉腩 $380好香滑，重魚油，陳皮絲頭菜絲都好正好夾😋炸子雞半隻 $280超脆皮，嫩滑，爆晒雞油香🤩竹笙紅燒豆腐 $160蛋白杏仁茶 每位 $40杏仁fans, 飲完杏仁湯都要再飲杏仁糖水，蛋白清香嫩滑，杏仁味好正，超滋潤😍養顏棗皇膏 $56評分：最高為5分治癒度：👩⚕️👩⚕️👩⚕️👩⚕️👩⚕️抵食度：💉💉💉💉💉翻兜指數：🩺🩺🩺🩺🩺廚魔名人坊雲咸街1號南華大廈地庫📍中環港鐵站D1出口3分鐘路程#healingbobo #foodie #hkfoodie #foodiehk #香港 #美食 #中環 #Central #TheDemonCelebrity #廚魔名人坊
繼續閱讀
星級大廚聯名，質素自然超高，菜式亦很特別！仲有米芝蓮级別，質素有保証！兩位大廚的星級食府，服務好，環境靚！當晚試了名人大師的名菜：仙鶴神針，好特色！上湯水餃，鮮美吸引！豉汁蒸點魚頭，好入味，好少地方食到！炒飯都一樣特別吸睛，使人回味！
繼續閱讀
🌟XO醬炒腸粉XO醬幾重手 好入味作為腸粉控嘅我覺得必食😛🌟水晶鮮蝦餃蝦爽口 胡椒味適中 皮唔爛好靚仔嘅蝦餃 值得一試👍🌟蟹子燒賣大大粒 豬肉彈牙但相比起蝦餃 燒賣普通咗啲 無乜驚喜 鍾意食燒賣可以叫 否則可將quota留去試其他嘢🌟魔幻脆皮大腸呢道菜係廚魔同富哥同時推介 入面釀嘅係墨魚滑 咬落彈牙味道同大腸好夾 岀奇地好食😲🌟焗釀鮮蟹蓋有少少失望 蟹蓋偏細隻味道不過不失唯一好係即叫即焗熱辣辣🌟十年陳皮紅豆沙見佢話十年陳皮 好有期望 可惜味道偏淡可能想突出陳皮香味所以只落好少糖？🌟蛋白杏仁茶蛋白味夠濃 濃稠度啱啱好好有驚喜👏 比紅豆沙好食好多🌟養顏棗皇糕另外仲叫咗個紅棗糕紅棗味香濃得黎唔太甜 咬落非常煙韌食得岀係用心整👍總結: 埋單$999 國慶日都唔係太多人 環境靜靜地 啲枱隔得好梳 坐得幾舒服 食到一半富哥仲有岀嚟同客人傾吓偈 有機會都會考慮同朋友再嚟食
繼續閱讀
呢間餐廳嘅名令我去到嗰度有好大嘅期望 —— 可能唔公平，但係呢個係品牌化嗰陣要考慮嘅嘢。我整體印象係50/50分割。有一半嘅菜式都整得好好，有炸乳鴿、柚子皮、苦瓜，甚至係炒飯呢啲突出嘅菜式，全部都展現出出色嘅味道同技巧。不過，餐牌嘅另一半就跌咗落嚟。佢哋都幾平均，唔夠餐廳個名；呢啲菜式感覺上係標準嘅市場食物，喺其他地方好容易搵到。佢哋冇一個提供任何獨特或者難忘嘅嘢。總結嚟講，雖然我欣賞啲菜式嘅質素，但係呢個不一致令我想要更多。我希望佢哋可以將平均嘅祭品提升到符合佢哋更好嘅菜式所設定嘅高標準。
繼續閱讀
非常驚訝，呢度竟然係米芝蓮一星！先講服務，侍應表現出嚟好似係幾殷勤咁，但講出嚟嘅每一句「多謝哂」同「唔使客氣」，完全感受唔到嗰份誠意，反而好強烈感受到只係好生硬毫無情感咁回應客人，完全係貌合神離！原來米芝蓮覺得呢啲咁嘅服務都OK 㗎？講到食物，味道尚算唔錯，個別菜式都算精緻，但有啲就眼高手低，特別係嗰個白汁脆皮遼參！廣東菜嚟講，個炸皮要夠靚，唔使講都一定要炸兩次，第二次係大火翻炸逼返啲油出嚟，呢啲咁基本嘅技巧，真係唔使再多講啦！但睇吓條脆皮遼參！！嗰層炸皮朔滿晒油，根本啲油都冇逼到出嚟，只能夠話個廚師嘅功力真係好唔掂掂囉！另外，就係件琵琶豆腐，上碟嘅時候望落去洩哂氣咁，究竟係本身嘅用料令佢下榻無法漲起，定係廚房煮起擺得太耐先至上菜，的確係一個疑問！最後，就係個招牌炒飯，呢個招牌炒飯叫得招牌兩個字應該係好有信心之作，可惜飯粒太濕太軟，能夠唔係炒埋一舊，都算有返咁上下功力，但口感食落真係比一碟靚嘅炒飯濕得滯⋯⋯個燉湯同蒸龍躉腩，算幫佢加番少少分啦，燉湯各方面都合格，而條龍躉質素相當唔錯，可惜蒸嘅火候稍為有少少過熟，但都可以接受。整體嚟講，食完呢餐真係完全感受唔到佢係米芝蓮一星嘅工價，所以食完呢餐之後，印象只記得上面幾道出品比較差嘅菜式，其餘嘅菜式，都冇乜想返轉頭再食嘅衝動。
繼續閱讀