廣東茶居 (已結業)

見到這裡的食評都是讚賞, 一直都很想試試. 一向以為是中式酒樓, 原來有點像高級茶餐廳, 因為有咖啡奶茶焗飯供應, 但裝修都是以廣東酒樓式, 掛有雀籠(當然沒有雀鳥). 食物方面,款式不太多而價錢略貴, 點心大概要$20-35, 但以尖沙咀來說, 也可以接受. 流沙麻茸飽, 麻茸飽已是很少茶樓有供應, 這個還要是流沙, 真是"流"的, 味道不太甜, 極力推薦. 另外叫了楊州炒飯, 一個簡單的炒飯, 倒有驚喜, 有叉燒和蝦,有很多蛋和, 飯炒得很一粒粒的, 很好味.另外炸兩都不錯而燒賣則只是一般.

拿了假期而又還未起行，可以留港當特權分子，享受寧靜又抵食的美食時光。　第一站，來了曾經留有美好印象的廣東茶居。好喜歡這間茶居環境清幽，乾淨企理；懷舊風味是好，但以景論景，新式靚裝的茶居，確勝於擠逼的舊式茶樓。　還有更重要的，是這裡有令我流口水的菠蘿油餐。薄香甜脆的菠蘿皮搭上香甜鬆軟的麵包，其實菠蘿包本身都夠豐富了，然而美食家(還是餐廳?)卻想到再來多件肥美香郁的牛油。認了吧，菠蘿油確是香港美食中的一絕!撇開罪惡感不談，菠蘿油給人的滿足感真是無可比擬的。　茶餐包一杯飲料，揀了凍龍眼冰，味道十分清甜，感覺相當滋潤，好舒服。這頓美妙的茶餐，索價$20。跌眼鏡了吧?所以才說是特權享受啊~　香港真的很美妙的，如果人不是那麼多。你感覺到了嗎?

友人在港一日行，終點站是為尖沙咀。　未夠時間欣賞維港燦爛夜景，我們先在海港城逛街，以及解決晚餐。問及友人想試甚麼，她提出港式茶餐廳；噢，在海港城內可真沒有...嗯，慢著，廣東茶居或許都有部分茶記食物供應吧，當然是高級包裝。好啦，記得評語都不錯的，一於試試!　到達時間尚早，我們可以就坐寬敞卡位，十分舒服。開了一壺水仙，茶味清香，茶錢絕對俾得值。身處店內環境又優美，此環境下只嘆茶、傾計都可消磨數小時!當然，我們不會，也不好意思這樣做。由我拍版點了：　荔灣艇仔粥($30)-雖然不平，可份量大、料足，最緊要是粥底棉，味鮮甜，相當有水準。我想起，在澳努力找尋的水蟹粥，還不如這一鍋鮮；友人都讚說香港的粥好吃呢!　　蝦球炒麵($75)-最近得知蝦肉比魚肉更有益健康後，經常點蝦類菜式。這份粉麵，蝦球大大隻，味鮮肉爽很不錯；最緊要是，炒麵同時保存脆稔兩種口感，滋味又好，再次獲得友人讚許。　三餐之中，看來友人最受落是這餐，讓我慶幸無揀錯地方。縱然食物比街貴，考慮質素、環境、地段，實在仍是十分抵食的；這個笑臉，十分值!　看到食評的妳，希望妳是次香港之旅也留下了美好回憶啦!

女友第一日返新工，放工後相約於海港城食晚飯，以示友持。女友呢排個胃唔舒服，所以是晚只點了一個粥和一碟飯。$32元的蠔豉咸蛋瘦肉粥非常大碗，味道非常唔錯，沒下什麼味精，粥底夠滑夠綿，這價錢，超值。圖示的$58元粟米雞粒飯女友非常滿意，大讚其粟米獻夠薄，蛋花又夠多，雞粒嫩滑，飯又煲得靚，粒粒分明。兩人理單$100元有找，環境沒翡翠般迫夾，又不用排隊，是在海港城吃晚飯的上佳地方。

趁老友得閒,一齊聚聚順便試新店子。我比較喜歡點心,所以呢個成為主打:香菇燒賣:比一般賣無咁膩,真係加左冬菇,感覺上較健康,惟味精有少少重;帶子莧菜餃:找最鍾意呢個,一來因為出面少有,二來真係食到粒粒帶子,加埋莧菜可減少油膩感,同埋好似balanced一點,個皮唔厚,好味;叉燒腸粉:一般,叉燒唔肥,ok;馬拉糕:係我必點之選,夠熱夠軟熟,但係本人偏愛此點心,所以我話好味都未必能夠作準,哈哈;蟹肉瑤柱蛋白炒飯:好少係酒樓可以食到咁清咁唔油既炒飯,實屬佳作,我覺得好好味呀,真架,不過其實有點兒覺得佢貴;擂沙湯丸:呢個反而無乜特別,同出面其他食肆的差唔多。話時話,呢度好人多,如果可以少人d靜d,環境會更好呢!

剛剛同朋友在上星期六黎食午飯, 之前已經訂了位, 初初帶位既小姐帶我地去一處非卡位既地方坐, 我見卡位有位, 於是同個帶位講話調位, 佢之吾以對咁叫我地先坐低, 咁我就同另一個侍應講, 但佢竟然問我地有無訂位, 無就唔得, 禮貌欠奉, 當我正想出聲話有既時間, 其他侍應就"幫"我答左, 幸好呢個禮貌欠奉既侍應都識得講唔好意思, 否則, 我實會搵佢個上司"了解"下講番食野, 味道不錯, 款式都算多選擇, 價錢晌呢區尚算合理.......環境仲好舒適如果坐卡位既話...

今天跟友人在海港城吃午飯﹐才發現原來這裡開了很多不同的餐廳﹐讓人眼花瞭亂。後來聽友人的介紹﹐到了這家廣東摩登茶寮-- 大概有點像"正斗"吧﹐都是吃一些粥粉麵飯﹑有小菜﹑也有點心。因為要等她﹐所以兩點多吃﹐到場是還有半滿﹐走時就零星三數檯。 由於很肚餓﹐一來就先選了點心-- 先來了XO醬腸粉-- 之前已叫了走蔥﹐上時仍然有(算了﹐我自己隔夾開好了)﹐味道很好﹐帶點辣﹐但不過份 蘿蔔糕-- 蘿蔔很多﹐煎得很香 珍珠雞-- OK水準 等呀等﹐原來他們漏了落小食和粥的單﹐又等了好一會(其實也是好的﹐好讓我們回回氣)。。。到了小食﹐我們叫了炸茄子和椒鹽豆腐-- 為什麼兩碟賣相有點似的? 味道亦然﹐還很油(我們要另外叫了餐紙把多餘的油印走) 魚腩粥-- 入口覺得很好味﹐魚腩也很新鮮﹔但後來才知道﹐它有最多味精﹐我和MT吃完之後要立刻灌水。 最後有擂沙湯丸-- 最穩陣之作 兩個人吃不完﹐非常飽﹐埋單$220 (已加一)﹐不知還會不會來(被味精嚇怕了)。

一直都想試呢一間無論格局、裝修都似係翡翠拉麵集團又一出品嘅廣東菜，不過成日排長龍，所以一直冇機會，直到有晚同男朋友行海港城行到成九點，見唔使等位(呢個時候仲要等就驚...haha)就終於試咗。兩個人叫咗:蛋白蟹肉炒飯- 炒得乾身，唔油，好多蔥，好香好好味，不過唔好彩係佢有一大舊味精未炒碎...我唔好彩食到...鹹到苦... =p錦鹵雲吞- 因為勁肚餓叫咗呢味小食先，點知好遲先嚟...有五大隻，個汁唔錯，平平地都幾有料，有蝦有帶子仔有鮮魷，唯獨係啲雲吞竟然係淨皮，一啲料都冇...我初時唔信，因為出面食嗰啲幾少料都會有少少蝦或豬肉包喺入面，不過我同男朋友食哂五隻都覺得係冇料嘅。清炒豆苗- 味道好，唔算油，非常唔錯。啫啫雞煲- 個煲夠哂熱，嚟到枱仍然"吱吱聲"。味道ok，略為油咗啲，啲雞又唔夠多肉，不過勝在夠熱，所以啲豬潤就好好味。

週五跟太太撑吓枱腳，又以尖咀為目的地。前幾次行過海港城，望到開咗幾間新嘢，好有興趣試試...初初入嚟睇到D裝修，諗住又係嗰D騙鬼佬嘅地方，點知...搬咗出嚟住之後冇乜湯水。太太一見到湯就要點。馬上叫個川芎白芷魚雲湯再加老火例湯...湯足料，夠火喉，飲得不亦樂乎。連我呢個唔多鐘意飲湯嘅人都大灌幾碗。飲完後，撑得要死開始對佢哋嘅出品有信心，於是大叫特叫--- 白松露菌油西施帶子，查實即係蛋白炒帶子。蛋白唔算太滑，但帶子味鮮，配合白松露菌油嘅香味，送飯一流；鎮江骨又係另一"送飯王"。醋味濃，但又不過酸；肉係半肥瘦腩排，肉炸得皮脆內軟，相當不俗；金銀蛋豆苗嘅蛋黃粒落得份量足，菜碧綠，夠新鮮；意猶未盡，要整多個擂沙湯丸先夠--- 皮頗煙靱，芝蔴餡尚足，不錯...價錢不貴，可以encore...