彩薈軒 (iSQUARE國際廣場)

營業中

休息中

又係做24孝乖囡嘅時候啦，星期日一定要同屋企人去飲茶啦，今次就專登揀咗間有得睇維多利亞港景色嘅酒樓同屋企人嘆茶，佢位於iSquare25樓，所以維港係一覽無遺架流沙包係媽咪嘅至愛一咬開金黃色嘅奶黃餡一湧而出晶凝通透嘅蝦餃係必點嘅點心菜苗餃入邊除咗菜之外，仲有蝦肉㗎白飯魚炸粉非常少，而且炸得好乾身，真心推介俾大家唔好睇呢碟伊面平平無奇，師傅都炒得好乾身，入邊仲有唔少花枝片同大蝦，配埋XO醬果然夠晒惹味椰皇每日供應有限，建議大家一坐低就留定先

星期六唔使早起送返學，瞓到自然醒，就同囡囡去飲茶，非常休閒。今次想試下新嘢，就去咗國際廣場嘅彩薈軒，佢哋有唔少點心款式，係得到旅發局嘅獎項，例如我哋就點咗當中的鮑魚燒賣。每粒燒賣上都有一隻鮑魚，非常矜貴，而燒賣混合豬肉蝦肉，非常彈牙爽口。另外，我們還叫了瑤柱魚翅灌湯餃灌湯餃，餃大大隻，湯又有瑤柱同魚翅，湯頭濃郁甘香。當然唔少得囡囡最愛嘅小籠包同埋紅棗糕，小籠包裏湯汁非常多，皮薄餡靚。紅棗糕我就冇食，因為一籠四件，都畀我囡囡掃曬。最後還點了原個椰皇燉燕窩，好適合呢個季節潤一潤。呢度居高臨下，望住維港嘅景色，飲茶特別開心。坐得舒服，服務亦好，下次我帶埋全家嚟試下先。

午市$13茶位，平日都幾多人嚟飲。過左1330入都坐唔到窗口位添，望下近270度維景係重點，有落地窗感覺開揚多了。多種自選套餐同4-8人餐，得兩個散叫啦。原隻鮑魚燒賣皇 $35每次嚟每次都叫，必叫得獎點心。飲茶食鮑魚幾高貴，哈。講笑啦！鮑魚都有燒賣咁既高度，比燒賣硬身、比豬肉料鮮潤滋補，呵呵。鮮蝦菜苗餃 $26黑松露鳳眼餃賣曬，嗚嗚！晶瑩帶綠，菠菜配蝦，唔咸好新鮮！唔錯！好似兩件蝴蝶粉整成一個小金字塔，幾可愛。薑汁雞包仔 $17薑汁成個麵粉包都有。有驚喜有蝦仁既，無見過既。又ok喎，唔會突兀。海螺片滑雞扎 $26重點係取代左一般魚肚改成海螺片，海螺片比想像中遠，好似咬緊一塊鮑魚片。偽蟹柳代替左火腿條，各邊一件滑雞 痴住豆皮。香芋豉汁蒸排骨 $26芋頭細細舊但每舊都好軟好粉，入哂豬肉鮮味。未到好好食既芋頭，但係水準都好！ 排骨好易益味帶雪味，蟲草花素粉果 $22蟲草花、菇菌、芫茜香芹，仲有同蟲草花好似顏色既紅蘿蔔絲。蜜汁叉燒腸粉 $26外表豆腐磚咁，重點係咬入去。滿舊有肥多瘦蜜汁叉燒，實淨好味道。每人兩三件無一舊一舊叉燒咁罪惡，哈哈！滋潤桃膠燉紅蓮 $23秋風起潤下，適中既甜。紅棗去埋籽

幫襯百日宴package,有以下經歷:1) 一早落訂時，講明要加錢先會分餸，我地有加到錢。但當晚上第一道菜，無幫我分餸，要我老公出聲，結果第二度菜先開始分。2) 叫左幾次砌蛋糕同分蛋糕，同事都係應完我就算，攪到啲賓客都走晒，我個蛋糕仲響臺面原封不動。結果我地攞返屋企。3) 之前又要我地比cash找尾數,我同老公袋住幾萬蚊cash……跟住問攞車飛，又要我地簽卡先可以，仲要攪到啲寶客等到唔耐煩要走。咁細地方，又比捉錢比足利是，都可以攪成咁，唔係好知佢地點解做宴會既經驗係咁差!!!

好耐都冇嘆一盅兩件, 得知尖沙咀站上蓋iSquare開左間新酒樓, 交通方便。酒樓面積唔算大, 環境舒適, 有種高雅氣派感覺。近窗邊可以遠望維港景色, 嘆住美食+高高遠望, relax!~ Menu上有幾款點心曾經獲香港旅遊局頒獎為最受歡迎款式, 價錢亦唔會因而特別貴, 揀左其中一款【原隻鮑魚燒賣皇】HK$35鮑魚仔令整體賣相更為吸晴, 更顯氣派, 鮑魚仔沒有額外調味, 食到原汁原味。燒賣皇足料, 入面有鮮甜爽口蝦粒, 同埋鮮甜豬肉, 燒賣外皮唔會太乾, 不愧是人氣點心!【彩福蝦餃皇】HK$36每粒蝦餃脤卜卜, 皮薄餡靚, 入面有大大隻鮮甜爽口既蝦, 非常高質!【XO醬花姿片蝦球炆伊麵】HK$94夠大碟! Share食就最岩! 炒得好有穫氣, 配有韮菜, 增添香口。伊麵濕潤唔油, 呢款伊麵唔辣, 花姿片爽口, 蝦球鮮甜彈牙。 最後食埋甜品【金箔芝麻卷】HK$20賣相精緻, 口感好滑, 只係微甜, 入口細味先食到淡淡既芝麻味~ 食物質素高質又足料, 點心即叫即蒸, 等待需時, 但好食既野唔怕等, 食過就知值得! 遠望維港景色兼有高質美食, 價錢唔會特別貴, 值得ENCORN!

朋友喜歡食點心， 趁佢生日大日子，帶佢去尖沙咀isquare的「彩薈軒」，食得獎點心及嘆一下維港美景。打開餐牌見到連續五年勇奪香港旅發局美食之最大賞至高榮譽金獎，一定必點得獎點心。「 原隻鮑魚燒賣皇」，原隻鮑魚煙韌彈牙，燒賣有豬肉及蝦肉香。另一得獎點心「 旋風黃金流沙包」，賣相十分吸引，白底黑色旋風紋，撕開包面，真係好流沙，有蛋黃香味，滋味十足。彩福蝦餃皇， 蝦餃皮煙韌， 餡料十足。黑糖合桃馬拉糕，非常好食，夠健康加上粒粒合桃，美味又可口。超正~石鍋XO醬煎腸粉，腸粉煎得香脆， xo醬夠嘢未，加埋石鍋上腸粉，半小時都keep住熱，厲害! 極度推介，必吃!朋友生日梗係要有個祝福大壽包，大大隻壽包，即叫即蒸，裡面仲有原隻蛋黃，真係不得了。

新開冇幾耐的彩薈軒@iSquare，位處25樓有開揚景色。點心選擇幾多，亦有得獎推介。點心價錢 - 平日同週末有少少分別。叉燒腸粉（$31）： 腸粉熱辣辣，好滑，叉燒餡都幾多。鮑汁炆扣鳳爪（$49）：好大份呢！鳳爪炆得好淋好入味。XO醬炒蘿蔔糕（$49）：辣辣地好惹味。原隻鮑魚燒賣皇（$38）：鮑魚小巧精緻，志不在此，反而粒燒賣好實在，蝦同肉比例平衡，果然得獎點心係唔同啲。真功夫潮州蒸粉果（$31）：餡料好足，粉果尚算晶瑩，都幾好味。

去飲茶可以食到好味嘅嘢之餘仲可以欣賞維港景色？去邊度搵呢？帶大家去iSquare 26樓 一次過滿足晒你兩個願望呢度有我最愛的原粒瑤柱魚翅灌湯餃用上湯匙把大大粒瑤柱攪拌散落在湯中灌湯餃的餡料配上湯加上紅醋正合我胃口脆脆龍魷鬚也是我必點的項目廚師把魷魚鬚炸成金黃色 酥炸的外皮沒有用上多餘炸粉 吃下去時魷魚煙韌美味還有燒味雙拼飯 叫了燒腩仔及油雞雙併燒味排列得整整齊齊 不像一般茶餐廳 胡亂把燒味亂切一通毫無美感的排例 趕頭趕命交功課這裏的燒味飯還配上油菜 頓時真令人感覺心曠神怡😍還要誠意推介這個沙薑大雞腳給大家從來沒有吃過如此美味的沙薑雞腳😭😣雞腳上的肉和骨頭也入味非常 加上薑蔥味道真的與外面吃到的有著天淵之別！甜品方面 原個椰皇燉燕窩只是$4x元!熱度剛剛好之餘 燕窩更是滿滿的 椰皇與蛋白的味道非常均勻 令人驚嘆❗️最後還叫了香芋西米焗布甸 可惜我一口也沒有吃過就被朋友吃光了...心想是味道太美味了吧下次我一定要再來光顧 原來飲茶真是一件賞心樂事❣️😄

悠長假期相信好多人都選擇去飲茶誠意推介呢間新開嘅彩薈軒俾大家佢位於黃金地段尖沙咀國際廣場25樓坐擁180度尖沙咀高聳入雲嘅景觀🤩飲餐茶都會變得零舍開胃同興奮🥰而且佢嘅食物質素可以媲美米芝蓮其中有幾款更加係得獎嘅美食作品包括原隻鮑魚燒賣王、真功夫潮州蒸粉果港式街頭蝦米煎腸粉～味道果然名不虛傳價錢仲平到嚇死您🤭食埋鮑魚都只係$30而且燒賣大大粒😫隻蝦仔仲好彈牙潮州粉果晶凝通透 用料亦毫不馬虎 還有蝦米煎腸粉 本來以為平平無奇但光是賣相已經令人食慾大增😳🌟沒想過麻醬、甜醬及白芝麻竟能為雪白色腸粉作出美麗的點綴再點上一點點的豉油作調味 非常香口😋