彩薈軒 (iSQUARE國際廣場)

營業中

休息中

下午見客，見仲有大把時間，嘆一中盅兩件時間就啱啱好彩薈軒出名好坐，地方寬躺，連帶超大落地玻璃，十分開揚，枱和枱之間有一定距離，唔會搞到好似搭枱咁。我們是衝著 $1 籠蝦餃而來 只要用手機點餐就可以$1 食到特點「彩福蝦餃王 」一籠四粒，蝦餃皮略帶煙韌包着爽口彈牙蝦仁，確系新鮮好味。還有得奬點心像真度十足的黑天鵝🦢 一口咬下原來是炸芋角，網狀形炸皮十分酥脆，包著芋頭粒和豬肉粒，略帶鹹蛋黃鹹香，吃落也不會一口都係油。元粒瑤柱魚翅湯餃$57瑤柱原粒上，魚翅也不少，絕對真材實料，對得住這個價錢，湯餃皮很滑，湯底也鮮甜好味，值得一試。鮮薑汁雞包仔$33依家有得食雞包仔嘅酒樓唔多，所以見到一定會點。拎上手熱辣辣，外皮相當軟熟，吃得出薑汁味道，餡料有蝦、鷄肉，馅可以多啲就更好。牛肉腸粉$38腸粉皮夠曬滑，但系厚左啲，牛肉比例較少 ，小小失望。我就留返quota比甜品原個椰皇燉燕窩$57 一人獨享，一開蓋已經被燕窩絲吸引著，燉奶相當嫩滑，一呷已經直入嘴巴內，微甜嘅燉蛋以燕窩襯托，一個人食晒都唔會覺得溜，夠哂滋潤。

因為朋友係會員嘅緣故有食滿300減$100嘅優惠才來。見佢哋點環境好似唔錯，所以嚟光顧啦。我們當天11:30到，冇人等位，裏面都都唔多客.而門口待應便講只有90分鐘用餐. 當時都有少少打退堂鼓，因為飲茶係想傾吓偈嘆吓點心.如果得90分鐘真係好趕.拎咗飛之後發現窗口有位望海景,正常反應想坐。個侍應話你們已經有位啦。我們問個侍應俾唔俾我哋轉枱，佢話留咗位,我哋無奈照坐原位.大約坐咗5分鐘左右見到有枱賣單，所以我哋再要求換枱.個經理都接受所以在呢段時間我哋就用咗大約10-15分鐘時間去等執枱洗杯揀點心。點心一到我哋已經開始儘趕去食啦。首先講點心係唔掂，有一個點心叫魚肚鮮竹卷裏面個餡唔知入邊包啲乜嘢，𡁻不開，直程係難食到想嘔.因為要湊夠$300才有呢個優惠，所以我哋又再嗌多幾個點心。當食緊途中個女部長很不禮貌語氣：走嚟話：你哋夠鐘啦要埋單！我同個部長講可唔可以再加個甜品？佢登大隻眼同我講：你哋已經夠晒鐘冇得嗌！嘩，我俾錢仲要受罪？比生意你地仲甘惡？（一種好唔尊重客人兼責備客人個態度，完全唔休做）！當時佢已經唔理我啦，直接攞張單去要我哋俾錢，但個枱面第二輪點心都係食緊㗎！我哋就戇居居咁係咁搏命吞

外國親戚番黎香港最鐘意就係飲茶☕️ 週末擇咗尖沙咀isquare商場 25樓彩薈軒，係屬於彩褔集團。雖然安排坐到窗邊但今日天色好差，白濛濛一片， 就連對面灣仔會展中心都白到近乎睇唔到 🥲 浪費晒個維港海景🥲 Qr code落單 🕒 上菜速度都快，用餐時間限 90分鐘，全程冇催過我哋，可以慢慢坐慢慢食食！點心賣相同味道都好好，大家都好滿意，另外仲叫咗一個套餐好抵食（唔記得影相），有齊菜×炒飯×燒腩仔×豆腐煲，個炒飯真心好食，個個都讚👍

提前预定了i square楼上这家餐馆早茶，说实话环境确实不错，窗口位可以观海景，东西味道也还不错，但是…服务和卫生让我们大失所望……！首先说说服务，我们9:45到，餐厅前台告知10点才能入，我们有个推着轮椅90几岁的老人家，本想着会适当照顾，对不起，没有！然后结账半天没人来，我自己走去账台买单，服务员很不耐烦的说，你们坐回去（此时其他人已经离开），态度之差令我费解，买单叫不到人，我们就必须坐着干等浪费时间，然后等你来吗？岂有此理！其次说说卫生，筷子那些摸上去黏糊糊的，有2个人的餐盘上粘着没洗干净的东西。叫服务员换，也没见服务员有任何抱歉的言语，好像很正常似的！总之，再好的环境没有好的服务有什么用！不会再去…

十一人一起來這兒吃晚飯，結果一肚氣。首先，叫了十一個餸，結果只落得8個餸！最奇怪係佢只同你講沒有片皮鴨，張單應該還有10樣，再仔細看了一會兒，原來發現少了一個特價的雞和一個菜。跟著想加回半隻鵝，結果又話賣晒…當時只是晚上七時十分，一間這麼大的酒樓…我向侍應說…雞鴨鵝也沒有…她便說，還有雞（沒有特價的一款），最後也無奈地點了雞，另外，叫了四個白飯，侍應又唔知點解只落了3個，這樣的服務質素，連合格也說不上！

尖沙咀既呢間彩薈軒，有靚景，點心價錢同質素都唔錯，仲有連續攞左幾年香港旅發局美食金獎，趁住禮拜六日放假同屋企人去飲個茶。朝早有早市三寶，$74自選三款點心，都幾抵食～ 1️⃣旋風黃金流沙包（$37） 係滿滿既流沙餡🤤鹹蛋黃起沙，啱啱蒸出黎要即刻食！  2⃣️芝心海皇千絲春卷（$43） 呢個好正！賣相靚，面頭比好多炸好既一絲絲包住，好脆！入面有流心既芝士同埋蝦肉。  3⃣️龍皇野菌腸（$39） 外面係腸粉，中間係炸過既脆脆既，最中心係菇類，好食！  4⃣️黑松露鳳眼餃+魚肚高湯鮮竹卷+濃湯鮮蝦水餃皇（$74） 早市三寶幾抵食，而且都幾多選擇。呢度既餃子類都唔錯，唔會太厚皮，同埋入面既餡料都夠。  5⃣️鮮蝦菜苗餃+特色鮮蝦長春卷+生煎菜肉包（$74） 菜苗餃好多菜！感覺健康啲，而且佢地既包法同出面有啲唔同，幾精緻😄長春卷都唔錯。菜肉包就淋左啲，個底煎得唔夠脆。  6⃣️珍珠糯米雞+䜴汁蒸鳳爪+䜴汁香芋蒸排骨（$74） 幾抵食～蒸點都唔錯。

電話訂坐，問左一句會否有較靜位置，對方’主動‘ 安排單邊位，本來感覺服務不錯，但到達時再問係咪有單邊，門口‘服務員’ 無正面答，話只得一張枱啱就啱（態度並不友善），到枱位置，見到鄰近單邊位客人準備走，我隨意問一員工，佢話咩都唔知要問門口 ‘服務員’，呢位‘服務員‘態度異常強硬話’不得轉位！‘ 然後堅持有人已訂坐，其實我亦是訂坐客，點解你可安排比’其他客‘但我唔得？而且我先到達，佢無法解答，繼續橫蠻惡劣堅持，咁我唯有離場，反正樓上樓下好多酒樓。其實我剛坐底單都未落，想轉一個佢哋本來安排既位，唔知點解佢反應咁強烈，咁既’服務‘，此集團永不再考慮。

好一段日子沒和家人好好聚聚了，這一天，就約了他們到這間位於尖沙咀區的酒樓飲啖茶，食個包，相聚一刻。這間位於尖沙咀國際廣場 25樓的集團酒樓有海景可看，地方也頗闊落，環境都算不錯 。原來這裡有「午市四位套餐」（$388/優惠價），價錢不貴，內容也幾豐富，這天我們一行四人，這套餐正合我的心意。得獎點心各四件，可以一人一件，分別是「蟹籽燒賣皇」、「鮮蝦菜苗餃」、「真功夫蒸潮州粉果」和「芝心海皇千絲春卷」。四款點心中，我覺得較好的是「芝心海皇千絲春卷」和「鮮蝦菜苗餃」，前者味道最好，後者就菜苗甚多，既健康，也好味。明爐燒味可在「半隻當紅旺金南乳雞」與「蜜汁叉燒、明爐燒腩仔、滷水滑豆腐拼盆」兩款選擇中任擇其一，我就揀了南乳雞。這雞做得不錯，皮香脆，肉頗嫩滑和夠味道，即使不蘸南乳醬都幾好味。名廚粉麵飯同樣可在「瑤柱蛋白炒飯」（大碟）和「蔥香蝦球炒淮山麵」（大碟）兩款當中任擇其一，這次我就揀了「蔥香蝦球炒淮山麵」。這麵的確是幾大碟的，炒得也夠乾身，不會很油膩，不過有些麵條就可能炒得有點過火，帶點兒若隱若現的燶味，而且蝦球也不夠多，只兩三隻左右，整體來說未稱得上出色。還點了「蜜汁叉燒包」和「一口鮮蝦腐

尖沙咀不少餐廳酒家都要 11點才開始營業，彩薈軒是少數10點開始營業的酒樓，可以揾到位之餘，枱也比較接近窗邊位置，開心地可以享受著靚海景飲茶。避免浪費，一個人的早茶最多只可以點三個點心，於是跟著它的得獎點心系列去叫了兩個點心，包括原隻鮑魚燒賣皇及真功夫潮州粉果，另加一個自己想食的牛肉腸。牛肉腸先到，厨師花了心思上碟。腸粉皮及牛肉都夠滑，味道不俗。鮑魚燒賣皇的鮑魚味道濃郁，燒賣皇由於加了很多新鮮蝦肉，味道爽脆鮮味，果然是佳作。我很喜歡吃潮州粉果，這裡的粉果給我一個驚喜。沒有太多肥肉，粉果的餡料爽脆清甜，皮也不算厚，下次再來飲茶的話，一定會再叫這個點心。下次會帶人一齊來試其他點心及菜式。

11:45分左右去到揾位,平日這時間到達仍算不太多人。環境不錯,遠望到海景,位與位之間有些距離，地方也算寬敞。叫咗4碟點心。豉汁鳳爪有南瓜伴碟,雖然沒有柚皮那樣與鳳爪"匹配",但南瓜感覺上比較健康,作為食材比芋頭或柚皮可能更好。蝦米腸水準不錯,有蝦米,蔥花和適量的甜辣醬,加上腸粉的皮很薄滑,口感和味道很好!價錢上也不算太貴,4碟點心約二百多元。

一星期前打電話訂枱時說希望要窗邊風景位，服務員說不能指定要哪位置，到食飯當天拿枱時，接待員卻說窗邊位置已給人訂滿，跟她理論嗎卻說“不是我接你電話訂枱，我什麼都不知道”，自相矛盾，這是什麼服務態度！食物質素只是中等卻收上乘價錢，以為開關了就唔憂做？垃圾的酒樓！

昨晚抱著一試心態，打電話到彩薈軒訂今日午茶位，竟然不是叫我walk in拿位，而是幫我留位，俾一個訂位號，並講限時90分鐘。這酒樓在尖沙咀Isquare國際廣場 25樓，選在這裡與朋友茶聚是覺得地點方便。中午11點30分開市，己訂位的客人可優先由咨客劃位入內。酒樓的落地玻璃可望出外面維港海景，對著無敵海景飲茶感覺幾正。自助掃碼落單點食物，我點了蝦餃👍，菜苖餃👍👍👍。芝士春卷👍👍，牛肉腸👍👍，叉燒由于腸，鮑汁炆鳳爪👍👍👍，鹹菜胡椒豬肚，蟹籽蛋白炒飯👍👍👍，炸蝦卷，馬拉糕，紅棗糕，原只椰皇蛋白燉燕窩👍👍👍，椒鹽魷魚須等。點心小食材料新鮮，食得出是即做即上，口感大多數都不錯。6位消費共$1022.，即每位$170左右，在此地段來講。價錢不貴，己算抵食。環境舒適，有靚海景，服務也不錯，唯一不好是有限時90分鐘. 點心出品新鮮熱辣，推薦！

今天與男友的舊同學及老師聚會，坦白講，新年聚會一定是離不開飲茶的，第一次來彩薈軒，真係覺得有意想不到的驚喜。因為我們預先訂位，所以安排到有窗邊位置，望住個維港海景，真係覺得香港好靚。食物也相當美味，水準佳，侍應服務也很好，經理還會主動幫忙拍照。總括而言，值得再一次光顧的飲茶聚會好地方。

今日老友打黎約喺呢度飲茶，咁啱今日就係ISquare 工作，所以二話不說就黎個下午茶，二個人叫左6個點心，蝦餃，燒賣，叉燒包，蝦腸，山竹牛肉球，鳳爪，由於掛住同老友吹水，都無影到啲點心相，其實飲茶食親來來去去都係呢幾款，但老老實實呢度點心一啲都唔差，仲做得唔錯，味道亦好好，地方環境闊落乾淨，而家仲用埋自己手機落單，都幾方便好用，兩個人食左呢6款野埋單$246，一啲都唔貴，感覺仲好抵，比起同場其他食店，我覺得價錢更經濟，最主要出品一啲都唔失禮，仲有海景比你睇下，咁嘅價錢邊度搵？

平日放假去玩，路過I SQUARE又突然想飲茶，於是就試吓呢間茶樓。原本我們並沒有對這間酒樓抱住很大期望的，因為只打算在附近簡簡單單吃一餐，事前知道這間酒樓屬集團式經營，應有一定水準，便試一試，想不到這間酒樓的環境跟食物都很不錯。據了解，這間酒樓是跟樓上一層的彩福屬同一集團經營，兩間酒樓都是可清楚望到維港海景，應該主要是做婚宴的。食品價格在香港的酒樓來說大概屬於中上級數吧，但我認為這價錢合理，因為我們吃的點心及炒粉麵，味道及用料都相較一般酒樓好及精緻。加上又有商場高層靚海景，整體性價比很好，值得推介。唯海景枱不多，要望海景需要訂枱。