彩虹甜品屋 (已結業)

好耐無黎彩虹食糖水了, 估唔到今日咁多人爆哂場, 不過等左一陣就有位, 都算好彩!原來今日新出左綿綿冰, 之前去元朗食過都幾鍾意, 老公就試過旺角果間糖百府. 其實都係果類野, 不過彩虹始終係創意同誠意搭夠. 我地淨係睇佢張menu已經好想食, 什麼少女情懷呀, 熱情呀, 誘惑呀, 真係好搞笑. 不過最正就係槤珠爆發都比佢地諗到, 笑到我肚痛!我鍾意食藍莓, 所以叫左個藍莓誘惑, 老公就揀左芒果味, 不過唔記得左個名lu! 其實兩隻味都唔錯, 不過我覺得藍莓味果味重d. 配料都好特別架, 有爆珠啦, 星型椰果, 同埋一種黑糖條, 口感唔錯, 下次會試埋另外兩隻味.

rainbow曾經好好~價錢都合理,味道ok我果陣重係常客,經過就入去食!!now舖頭大左,價錢比初時貴!我媽最鍾情食嗰個彩虹,但質素愈黎愈差,連啲其他普通嘢都唔掂唉已經唔值得去食~

遍尋不著……佛教主題餐廳只能是素食嗎？希望有一天開一家佛教甜品和面包店即使沒有這個機緣也希望能夠用親手制作的甜品和面包供養十方一切眾生——————————————果壳苏三饕餮走四方 餐厅名称 香港彩虹甜品 餐厅地址 大埔安慈路4號昌運中心 84-85 號地下 交通 坐车到大埔中心巴士站，下车右手边就是昌运中心 餐厅电话 2667 6025 营业时间 "星期二至日：13:00-01:30 星期一休息" 就餐时间 2009 年 1 月 11 日 15 时第几次用餐 第 1 次可否刷卡、八达通 使用現金，有記分卡 如何知道该餐厅 約了人一起在大埔尋覓沒食，做大埔美食天后，通過openrice找了一些食店，一一吃過。 用餐目的 午餐加下午茶 菜名及价格 紫晴湯圓15元 愛心椰皇（杯裝）22元 黑糖芒果雪糕18元 评价 紫晴湯圓5顆15元，偏貴，皮使用紫薯和黑米加糯米粉做成，餡料一般，不值15元。愛心椰皇用杯裝顯得很廉價，里面愛心形狀的果凍很可愛，上面的冰淇凌糯米糍不錯，金雷說很容易做，同樣不值22元。黑糖芒果雪糕，沒有黑珍珠了，放了白珍珠，芒果雪糕味道很差，廉價雪糕，不值18元。 环境如何 干

早幾晚，甜品癮又發作，附近的芝麻豆腐花好似冇乜邊間好食，點攰都行遠去彩虹。結果，沒有白費我的腳骨力，芝麻糊保持水準，豆腐花滑但唔夠阿婆豆腐花香，不過加了芝麻糊無所謂啦！之不過有一樣好奇怪的，唔知點解D糖水越來越唔甜？加了好多糖漿先至夠甜。

我都去過Rainbow幾次~~我同friend都幾期待黎食~~佢幾平, 有好味~~最鍾意食佢既新rainbow~~因為我地成日都沒好休息~~ 食下水果補充下d 維他命C嗎~~ 新RAINBOW：有好多水果，有好多芒果汁，可以叫佢Ｄ奶分開上～YUMMY!!其他食物唔太記得~~ 只記得我食過既, 多數都OK~~ 哈~~因為我地次次去~~ 都係叫新RAINBOW~~

一月三十一日(星期六)吃完了晚飯後,老豆提議吃糖水,老公又和議,我就提議前往彩虹,一來很久沒有吃過,多了滿記,甜品工房等後起之秀,二來老公未吃過我看過雜誌,為什麼叫彩虹,原來是老闆的女朋友叫彩虹,背後有一個感人的故事呢當然!是日到來,有新嘗試,不吃一直吃開的彩虹,吃個新產品-豆腐雪花,有豆腐雪糕,腐竹糖水和豆腐花,味道很match,整個都很滑溜!老公要了鮮雜果豆腐花,有西瓜,奇異果(十分酸),芒果..水果不是當灶所以不太好吃,而豆腐花則香滑媽咪要了彩虹,珍珠彈牙,不過都是水果酸,老豆吃的紫米雪花都好味道,細佬吃黑糖雪糕,要呍呢嗱,是自製的吃滿一百元有九折卡一張!

呢晚我行0左個大運, 由觀塘 - 屯門 - 上水 - 大埔 - 黃大仙, 其實主要係去屯門接祖安收工, 然後一齊去食糖水, 因為我未食飯, 所以祖安陪我食碗車仔麵先. <Rainbow>之前都去過四五次, 不過次次都冇驚喜, 而且今次都無例外, 都係失望而回!!! 1.百合紅豆沙 + 湯丸 ($13+$3) ~ 加0左一粒湯丸, 竟然要$3, 真係好過去搶, 而且粒芝麻餡湯丸毫無特別. 至於紅豆沙味道比較淡, 百合太爽, 唔夠"淋", 完全冇可取之處!!!: 2. 白果腐竹薏米 ($10) ~ 味道勁普通, 加上白果係苦的, 祖安話她由出世到依家最難食的一次!!!.整體評價：彩虹再見了!!!

我阿媽成日話好食.... 試下啦叫左彩虹同新彩虹可能有比較, 我們食開旺角甜品哥哥的黑白配...覺得彩虹同新彩虹 都不及黑白配好食生果不夠多, 切得很大舊 用糖水開...只是糖水甜味, 黑白配用芒果汁的比較下d涼粉略大粒... 涼粉太多有點漏, 黑白配用傳統大菜糕一起撈...好清好夾價錢相同.... 我覺得黑白配好一些

天氣涼涼地, 原來想食個熱腐竹糖水暖下胃點知見到MENU個雪花系列 (雪糕+糖水+豆腐花)將我最鍾意嘅甜品組合埋一齊:豆腐雪糕+腐竹糖水+豆腐花3樣我都超鍾意, 所以即刻叫左呢個組合真係好夾, 認真推介!豆腐雪糕豆味好香同埋食得出個腐竹糖水本身係靚, D腐竹溶哂, 味道亦好好下次一定要齋叫個腐竹糖水試下男朋友叫左薄荷雪花: 薄荷朱古力雪糕+西米露+豆腐花薄荷朱古力雪糕好似Dryers果隻, 食開嘅人一定覺得OK西米露就比較淡, 但都OK, 因為要淡D先襯托到薄荷朱古力雪花系列仲有其他款組合, 好想試哂佢

踩單車入大埔 見到糖水店點都要停低幫襯下 個店好似有2邊咁.. 行入d個邊地板不同的?怪怪的?xd?我覺得呢間甜品店算是幾特別…有好多幾得意既甜品揀~ 睇到menu既相都覺得搞笑xp糖不甩有6粒 好味點點點花生食 夠香夠甜夠碎芒果雪花哈哈哈個名好特別?芒果雪花=芒果雪糕豆腐花成個甜品加面個層既芒果隻色配搭得好靚啊!唔單只配搭得靚~仲配搭得幾好味忝^^"彩虹(唔記得新定舊luuu)好多水果~好味! 有黑珍珠好味仲有大西米忝…好yin-un呢~~keke正*

每隔幾個月都會o黎呢到食下糖水 ~ 順便探下朋友之前每次都食 糖黐豆+忌廉奶 ~ 不過今次試下其他o野 order 芋頭味 + 豆腐味黑糖雪榚 ( 因為有 " 黑珍珠 " 係入面 ) 朋友就選擇畫上可愛樣子o既椰皇 ( 唔記得o左個全名 ) 朋友請左我食一粒荔枝味既雪榚糯米磁 ( 係椰皇入面o架~~) 都幾好味 !! 而我的甜品 ... 雪榚就當然好味... 之不過 d 黑珍珠呢 ... 好似硬o左 d .... 食食o下都無食落去 ... ... 不過相比剛剛開業時 .... 真係唔同o左 !!! 仍需努力 !!!

我成日覺得芒果西米露係芒果甜品中嘅極品,以前去大埔都會去彩虹食芒西,但係,前日外賣買咗碗番屋企食,真係失望!!!成碗嘢得個芒果有芒果味,d芒果汁無芒果味,得個甜字...希望店主有所改善啦!!!

第一次來只點了普通糖水,沒甚麼印象。不過看見餐牌上有一道很吸引的甜點, 打算下一次還會來試。結果不負所望, 忘了甜點的名字了。原盅燉椰皇, 裡面除了椰汁外還加了奶和5顆奶皇湯圓。湯圓其實有幾款可以選擇, 但我覺得奶皇的最對味。熱騰騰的有點燙口, 如果天氣再冷一點, 吃起來一定暖入心脾。椰汁清甜, 椰肉爽滑, 非常好吃! 一盅$35我覺得值得花生糖不甩也不錯, 下次試試杏味的糖不甩吧。

之前同D舊同學食過一次*D人成日都話RAINBOW好食, 所以就抱住呢個心態試一次*我叫個個係蜜瓜西米撈同我想像既簡直大相逕庭...佢只係用一D好難飲既糖溝水加D好難食既西米撈埋一齊...上面再加兩三粒完全冇味既蜜瓜...係完全難食到入唔到口...如果大家要食甜品既話我推薦大家去AFTER 5隔離既好好*個度又平過佢又好似過佢拍得住許留山同滿記個D嫁!!!

前幾日同朋友們去好耐冇食過咪去下點知差左都幾多我地叫左幾樣野其中有2個人叫左椰汁紫米露真係好差呢碗野我地兩個都唔liked紫米勁爛又冇紫米味,得個甜根本唔會係一間糖水鋪既糖水囉連普通up-dup酒樓都比唔上因為我周圍都有食開本身之後叫佢換佢唔肯俾左d椰汁同糖水我地好左d結果我地都冇食晒因為再強調真係難食之後俾$都有問題d阿姐唔記得收左人外賣$態度又差我地等好耐都未拎到個外賣就問先知收左$但未落單真係o晒咀可能佢地冇錯既可能only其中一樣糖水差卦同埋d員工....以前最初係d後生仔女而家all....阿媽而且價錢都高左好多同d朋友都認為間野應該唔會再去了因為大埔而家大把糖水店而佢既質素真係俾以前差好多以前間野係超級多人成日等位tim!