彩虹甜品屋 (已結業)

又係兩個人去食糖水...先在門口略略睇睇價錢,心想,今次唔可以叫生果野...入到去坐低,又睇睇食乜好...呀媽先叫左咋渣,自己叫紫米露+豆腐花...紫白皆半,差唔多滿瀉...豆腐花好滑,滑到入口即溶,惜豆味唔夠...紫米露要求加花奶,但出來卻淡而冇味,唔甜...雖然入面幾多紫米,但紫米露卻冇紫米香...一般食肆播的都係流行曲,呢度卻播基督教詩歌...「讓讚美飛揚」,唔係人人都鍾意詩歌...雖然味道一般,但卻感到快樂滿足...自從呀媽去左松記食甜品之後,佢覺得呢度食甜品好貴...不過呢度的生果野又真係比較貴...用愛心製作甜品,價錢應否都比較貴?

而家已經無以前初初開咁好食~ 可能出左名啦... 又貴~ 除左賣相OK之外... 真係唔知值係邊~waiters黑口黑面~ 由於D名改得好好聽~ 問佢個糖水入面有咩都好似好唔想答咁... 只係答到一句~ 都好好食~ 好好味...結論~ 「名符其實」糖水~ 係得個甜字...

對上個次去彩虹食野！諗番起都成幾個月前喇！琴日去發覺好ｄ野唔同左ｄ樓面愈來愈唔得．．．講番ｄ甜品先！！ｄ甜品都係個句愈來愈唔店叫左個幾樣野－椰紫湯圓　　：個椰子頭比上次黎食細隻左！　　　　　　　　ｄ芝麻湯圓有小小梅口！　　　　　　　　（唔知係唔係擺\過夜）　　　　　　　　ｄ水小左ｄ椰汁香味－新彩虹　　　：由上講起啦就　　　　　　　　芒果汁唔夠香　　　　　　　　大西米冇咬口　　　　　　　　蘆薈同椰果唔駛睇都知係觀頭冇咩講　　　　　　　　生果細粒左ｄ唔係幾新鮮－大芒果布甸　：布甸梅既！芒果都係梅梅地！聽ｄ樓面講ｄ野已經又貴又唔好食架啦！仲要加價！係我都唔黎食ｌｕ！ｄ客一走又唔係即汁台！叫極都冇人應！（寫野）

第一次去食,食咗個燉蛋白+白果係面的,但食過一次之後就無咗囉,名稱己忘了,因是冬天的特別推介,但之後食過佢哋既愛心甜品,因為俾佢既買相吸引咗,叫咗先至醒起本人唔係咁受到椰皇味,但都差不多食完,而另一值得推介係佢既"薑汁蕃薯糖水",糖水唔會話好甜,但啲糖水夠辣,好味,而我男友則推介"新彩虹" ,但總括黎講,價錢都幾貴吓

食過泰菜又是dessert time, 近近地在大埔揾食, 記得呢間糖水舖評價唔錯, 於是試試.叫左幾樣嘢share:1.紫晴湯圓–用椰皇裝住, 熱椰汁幾香, 紫米湯圓皮唔覺紫米味, 奶皇餡唔夠香滑但不太甜.2.哈哈笑椰皇- 椰皇水清甜, 有西米和心形摩芋, 再加上荔枝味雪糕糯米糍, 都幾透心涼.3.熱綠豆沙–無食, 但聞到幾香臭草味.4.擂沙湯圓–都幾煙勒.5.彩虹–有芒果, 西瓜, 奇異果, 哈密瓜, 涼粉, 黑珍珠, 大西米, 材料豐富.款式新鮮, 哈哈笑椰皇造型加分不少.

在家食完飯，同男友去大埔逛逛。對大埔的路不熟，行完連接的幾個商場，本著有緣走到的話便去試試彩虹甜品屋啦，話口未完轉彎便到了。看著menu，真是眼花撩亂，樣樣都想試。名為彩虹甜品屋就點了個"彩虹"加兩粒湯圓，好想試湯圓，叫了一粒芝麻，一粒紫晴，男友則點了個黑糖雪糕。彩虹有哈密瓜(兩件)、一片奇異果、西瓜、芒果(兩件)、涼粉、大西米同黑珍珠。整體生果好新鮮，好好味，芒果雖然得兩件，但都好鮮甜好香，唔似其他店的浸糖水(假味)芒果。奇異果有d酸，西瓜多汁但唔甜。涼粉是正宗一磚磚的臭草涼粉，非罐頭貨，正~~湯圓好正，在凍甜品的一旁仍是暖暖的。芝麻湯圓夠煙韌夠香，紫晴的紫糯米皮好香，奶黃餡好滑好正。真係好好味，下次要食一碗紫晴湯圓才行。男友的黑糖雪糕是薄荷朱古力，有d珍珠伴住，上面淋左黑糖醬。因為見佢個menu寫住自裝黑糖，以為係自家裝的雪糕，原來只是甜甜的黑糖醬。說實話，真的有點失望。普通的一個雪糕球，珍珠奶茶的珍珠，令男友對我的彩虹虎視眈眈~~最誇張是要排隊出門口俾錢，排左四、五個人，好彩好快就到。不過佢地以甜品屋黎講真係太大啦，d員工好忙，分分鐘俾人走數都唔知。

偶然機會下一試彩虹甜品屋,一嘗想試好耐既椰紫湯圓~首先D糖水好清甜,又唔會太甜,再連埋椰皇入面既肉一齊食,正!至於D湯圓都幾好,軟綿綿,好味~

啫喱咬落有點特別, 其實只是加入了蘆薈汁....但質感稍為鬆散, 不甚似啫喱的模樣...總算知道店主用心良苦, 創作新口味!!其實此店與其他的甜品店沒有太大分別, 只是知道店主經常會去做善事, 所以每次路經此地, 都會幫襯, 增加店主的收入而已..嘻嘻!!

1/9/06一向沒有特別食甜品之習慣, 所以雖知彩虹出名, 也一直提不起勁來光顧, 是日在大埔中心等人, 又未夠鐘, 故此就在彩虹歇歇腳。走入店內, 放工時段客人不多, 但有好幾張檯面還留有之前食客的碗碟, 要找張清潔一點的檯都要行多幾步, 坐下望望餐牌, 問店員這裡的椰汁紫米露多紫米乎, 因最不喜歡水汪汪的, 見店員回答正面, 就此order一客, 椰汁紫米露一到先攪一攪, 紫米甚多, 可惜入口略甜又不夠香且覺得紫米已煲得過久, 欠了紫米應有的煙韌感, 似紫米粥多D, 再者以專做甜品的店舖來講, 這個HK$13的紫米露煮得較為求其, 沒甚心思, 用料只得紫米、水、椰汁, 連某些食肆飯後送的紫米露也比這裡多料兼可口, 故減低再來的意欲。

rainbow 的糖不甩真是很好味!!其他糖水舖的糖不甩通常都是太"林"的淡而無味....只靠用來蘸點的椰糖花生碎吊味但是rainbow 的糖不甩卻與別不同!這裏的糖不甩十分煙韌好味!!!而且即使不蘸椰糖花生碎也十分清甜!!我每次去rainbow 都必叫!!!!!!

間野一開個陣...佢個到d甜品我都覺得幾特別...點知係出面食過之後..先知原來佢抄人ga wow~..以前食...十幾蚊..覺得都值gei~但係而家加哂價...d waitress d態度差..黑口黑面...又手腳慢...一d都唔值...

今次揀o左"彩虹甜品屋"，點解我因為好鍾意食甜品，我一坐低就有服務員主動來幫我"落單"，服務方便都唔楚，我叫o左"新彩虹"，碗食物來到，我看見Ｄ食物"買賞"都唔楚，仲有Ｄ黑一粒粒"黑珍珠"好有"咬口"！另外，同埋我真係好欣賞"彩虹甜品屋"佢地用心製作既甜品，我睇見甜品都設計得好有心思,好特別,好多款都係出面搵唔到o,我食完之後,我會好開心咁同朋友講返我o係"彩虹甜品屋"食過Ｄ乜o野！雖然我都知道上水"龍豐"有間叫"花果山"都係食甜品既甜品店～但係"花果山"Ｄ出品就冇乜要求咯,但如果做飲食行業對出品冇要求係真係好失敗！我希望"彩虹甜品屋"可以保持到水準！我有時間一定會再來！

唔知點解呢排天氣特別熱，口痕想食糖水，入大埔逛街但係水準都有番咁o下～自問我都試過好多間糖水鋪Ｄ傳統糖水都麻麻！但係呢間Ｄ傳統糖水都唔錯，我最鍾意食呢度既＜新彩虹＞同埋＜糖不甩＞！＜糖不甩＞入口"口感"唔楚！服務方便都唔錯！不過就真係貴o左Ｄ！

奇怪的糖不甩,有乜咁奇怪,糖不甩本應係一粒粒黏性很高的粉(湯圓),今日食0個D真奇怪,我將粒湯圓放在D沙禟同花生碎碌來碌去,D沙禟同花生碎全不黏着粒湯圓,一口咬下去粒湯圓外表平滑干爽兼夾好勒,比錢順口問一句收銀員,原來佢地用個pan坐住來保溫,可能因此干晒變左好勒另一個甜品新彩虹味道一般,外表可用一個字形容.............亂

講起就火，Ｄ服務員手腳慢，都算啦！Ｄ服務員都唔識笑，好似我叫野食阻住佢\甘！黎到D雪糕又溶哂，極度失望!!<br />續有Ｄ凍豆腐花，越黎越難食!