彩龍茶樓

營業中

休息中

行完山返落川龍，14:00左右趕得切嚟飲茶。2個人點了蝦餃，燒賣，雞扎，菜及馬蹄糕。蝦餃有4粒，爆涵，食得出同外面拎貨嘅茶樓唔同，個皮略厚但調味很好。燒賣同雞扎味道份量正常。特別想講講碟菜，個姐姐好好，俾我要2溝，西洋菜加通菜。 味道西洋菜略勝，好爽脆好甜無渣，下次要全碟西洋菜。沖茶是自助，我喜歡濃茶可以加多啲茶葉。另外都讚一讚呢度員工服務態度都好好，而且我地一人一支汽水，呢間酒樓無特別提供膠飲筒或即棄餐具，可以節省成本時，亦很愛地球。收費同出面茶樓差不多，下次會再幫襯。

川龍村呢間酒樓都頗有名氣。今日上大帽山行山。落山等車要成個鐘，忽然想起，走落川龍飲茶，起碼醫吓個肚先。茶具，水，器皿，甚至乎點心食物全部自助。蝦餃皮較厚，不太喜歡。鵪鶉燒賣不錯，大大粒，餡料豐富。鳯爪不過不失。山竹牛肉球，有馬蹄粒粒，ok。西洋菜必食，聴講自家種。可惜比較老，還有點苦澀味。基本上名氣大於一切，普通普通。

還以為川龍得一間茶樓，原來唔止，今次試埋呢間，一入門口就係點心位置，入去有幾張檯，有條窄窄嘅樓梯通往上層，上層有indoor 同outdoor ,今日天色唔穩定，所以我地都係坐indoor , 雖然有人執檯，不過之後自己都係再清潔一下比較穩陣，始終呢啲都係舊式茶樓對衞生無咁講究，茶水自助，落返地下攞點心都係自助，有即製腸粉，即炸鯪魚球，仲有最岀名嘅西洋菜，我地樣樣都攞啲，豉油都係自己加，俾張點心咭佢劃，最後先埋單。西洋菜好大碟，而家11月當造，好有菜味，不過無我預期中嫩口。其他野食整體偏油,。以下總數HKD200, 價錢同市區茶樓差唔多，環境就多一啲風味。食完岀發去影壁畫🐱

依家僅有既自助式茶樓🤣好多茶客都會假日行山+飲茶 茶客比較多要自己搵位！沖茶係自己沖 想飲咩茶都得😜😜我幾欣賞自助茶樓有得自己揀野食 同埋食物方面有教少見到既食物🤪🤪-沙翁 雖然入就未炸到脆 有少少淋🥲不過都好特別 外面鋪上好多沙糖 一咬就跌到成枱都係🥹🥹-炸鮮奶 炸到外脆內軟😝😝當甜品食都得-咖哩尤魚 香濃既咖喱汁 份量都多😜-鳳爪 比出面係大隻既 味道有特別調配😋-手摘西洋菜 當然少得呢個大帽山名物 非常脆嫩 尼到每枱都會叫一碟😜-鮮蝦腸粉 粉皮有dd 淋😣 不過蝦肉係新鮮既

行山前去飲茶星期六大概12點去到，超級多人。好彩有位。超級舊式飲茶地方😆😆香港已經冇乜咁樣嘅餐廳全程都係要自己拎食物~環境都好old school。攞咗成枱食物，坦白講食物質素一般，不過係個氣氛同埋有一個特別嘅Experience西洋菜係新鮮，聽聞係必叫。不過我覺得未去到好特別，不過都幾得意嘅food experience 總結就係，點心其實唔算好特別，價錢都唔係特別平。大概一百幾一個人頭。試過一次就算

今日行山前經過彩龍茶樓..見到好多美食👍🏽同男朋友就去試下..一入去上左2樓呢到係自助式茶樓黎…乜都係自己黎..好特別連拎點心都係要落去拎番上黎…一落到去見到好多煎炸野同點心…我地叫左..蝦餃..燒賣..鯪魚球..芋絲餅..西洋菜嘩…啲蝦餃..燒賣…對比起出面既酒樓大大粒個鯪魚球岩岩炸起..好靚好大粒👍🏽芋絲餅..好香口..食完仲想再食👍🏽西洋菜..姐姐介紹話好正..試完真係好好味😋值得一試👍🏽價錢唔算貴..抵食夾大件環境衛生乾淨

行山經過見到呢間茶樓👍🏽👍🏽環境清幽乾淨..第一次見自助式..要自己落去拎野食…食左個細鯪魚球👍🏽真係好好味蝦餃..燒賣..比出面茶樓大粒👍🏽仲有個芋絲餅..非食不可👍🏽👍🏽終於見識到西洋菜..一流👍🏽👍🏽腸粉係人手拉架👍🏽👍🏽好香滑總括嚟..低食夾大件..值得試試..茶香….水滾….慢慢食睇下景色真心值得推介…👍🏽👍🏽👏🏾👏🏾👏🏾👏🏾👏🏾👏🏾👏🏾

彩龍茶樓（Tsuen Wan)平時係荃灣行開山嘅朋友⛰總會知道呢間位於荃錦公路川龍村嘅茶樓☕️ 最特別之處一定係哩度嘅環境樣樣自助 好有地道風味 平時行完山後去哩度一盅兩件🥧 真係非常寫意🥰🥰 今次特別精選左幾款點心同大家介紹吓😛⌖ 蝦餃🦐💰頂點（$34）蝦夠大隻 皮厚度適中 性價比高😍😍⌖ 牛肉球🐂💰小點（$21）特別有地道風味的牛肉球🤔 大粒得黎又多汁💦💦⌖ 牛柏葉🐂💰特點（30）個汁惹味十足 爽口多汁😎⌖ 叉燒腸🐖💰腸粉點相比起其他點心來講呢個就中規中矩 比較普通啦🤫⌖ 奶皇包🥯💰中點（$24）雖然奶皇包嘅餡唔係流心嘅🥴 但味道完全係以前舊式茶樓嘅奶皇包 ☺️即刻好有懷舊feel💭⌖ 鳳爪排骨飯🐔🐷🍚💰大點（$28）都真係幾大一碗 特別欣賞鳳爪個汁 尤其惹味😋⌖ 鹹水角🫓💰小點（$21）哩款都係比較普通 外皮攤凍咗就會唔脆😢😢⌖ 腐乳通菜🌿💰$3x最令小編驚喜嘅菜式🤩🤩 腐乳係酒樓自家製嘅 聞落已經好香👃 特別有一浸酒味 口感濃醇 配埋通菜都好夾～😙☻ 回頭指數：7/ 10 #Fatshit_ami #Lunchtime #旺角美食 #港式美食 #食好西 #香港美食 #中式美食 #早

講明先彩龍茶樓系一個極舊式既茶樓，環境就一定唔似大茶樓咁乾淨，若果你系潔癖症嚴重既人就勸你別去。 講番茶樓先，尼間系正大帽山既沿線，好多登山客行完山就過黎飲茶，原來唔止老人家會黎，有d仲要系情侶、一家大細，甚至帶埋狗仔黎。可想而知，彩龍茶樓有佢獨有既吸引力。 成間茶樓分左幾部分，有露天位（適合有小動物既人士）、室內又會有風扇/冷氣、水吧位（自助洗碗筷、裝茶），當然唔少得點心位。點心位基本上都系排晒長龍⋯所以多數一個去嗌定一堆點心，一個就去洗碗筷，分工合作😬 點心款式都好多，都好傳統。我都好耐冇食過炸饅頭了，仲要有埋煉奶，超正！尼度都有鵪鶉蛋燒賣、牛肉球等太多了，介紹唔晒！下次再上黎既話再介紹點心啦！

.✿性價比指數: 🌕🌕🌕🌑🌑✿好味指數:🌕🌕🌑🌑🌑✿服務指數: 基本上係自助形式，要自己沖茶、拎食物、拎餐具，不過咁樣先過癮既😌✿環境指數：其實去呢啲茶樓飲茶主要都係食風味，對食物質素唔係話太大期望，室內環境都唔算好新淨，特別地下比較殘舊，二樓會感覺乾淨好多，天氣好果陣可以坐室外會更加舒服。.大帽山主要有兩間茶樓，之前去過另一間，今次就試下呢間。 比較特別既係，佢地標榜用山水沖茶，茶都幾香既，同埋佢地既菜應該係呢度既菜田新鮮採摘（鍾意可以去菜田買返屋企，睇上個Post).老實說，食物真係好一般，又冇乜懷舊點心，純粹食環境風味，不過唔梗要啦，我諗我耐唔耐都會想再黎既，因為天氣果陣好可以坐戶外係幾舒服😎.👉🏻注意假日都幾多人黎，有機會泊唔到車，早少少就容易搵位啲。.-✦埋單：$193/3ppl-✧豉汁蒸鳳☹️好多好多結撻撻既汁包住，我真係麻麻，放完入口就放返出黎，完全唔想食，sorry🥲.✧鵪鶉蛋燒賣😐個蛋乾到啲蛋白好似一層紙皮咁無左柔軟度，不過還好，唔好食但可以食.✧蒸排骨😐應該用左比較多既粉去醃啲肉，令啲肉質變到軟棉棉無左彈性，調味尚算正常.✧雞扎😐我淨係食左個芋頭，比較乾硬.✧腐乳西洋

十分失望！食咗鵪鶉蛋燒賣、蝦餃、牛柏葉、馬拉糕….夜晚回來又屙又嘔咗幾次。好明顯係食物中毒。我之前叫的雞札來了兩次也是不熟的退回。最後也是難逃一劫，以後不會再幫襯

其他人係行完山順便飲茶，我就專登為左飲茶順便附近行山🤣可以係荃灣站搭小巴80號/巴士51號入去，彩龍位置好方便，一落車就見到。星期五10點左右到，有好多位，唔洗自己搬檯凳，彩龍望出去風景一般，所以揀左坐樓下。除左食完唔洗自己執檯，搵位、沖茶、拎點心都係全自助，坐樓下會方便啲分左三個攤位，一個主要拎蒸籠點心、一個拎炸物/即煮菜、仲有一個拎腸粉，同職員講要咩就會mark係點心紙。無特定menu，我係想食咩就嗌咩，有就要😂total食左7款食物 $201全部食物都熱辣辣，不過一凍左就大打折扣，記得要趁熱食，最好每次拎少啲，食完再出去拎燒賣：好大粒，有大隻蝦夾雜肥豬肉，但食落唔會好肥膩叉燒腸：正常水準馬拉糕：啱啱拎返黎嗰下仲熱嘅時候ok，但一凍左就又乾又硬，建議趁熱食叉燒包：好大個，食完一個都飽飽地鮮竹卷：估唔到有蝦係入面，又係好足料西洋菜：聽講係附近農場新鮮採摘，菜即叫即煮，有大細兩個份量揀，我揀個細碗。可以配醬油同腐乳醬，其實食唔出比平時自己屋企煮新鮮啲😂😂無乜特別。蝦餃：又係好大粒，大約一粒有3隻蝦，餡料好豐富，不過皮就麻麻地，好易散食落好腍。👇🏻地下👇🏻1樓戶外位，望小巴站同巴士站。1

📍彩龍茶樓👀自助模式，自己沖茶，叫距開張卡之後自己拎點心👉炸雲吞，自己揀想要個碟之後幫你反炸，唔洗驚凍左😂幾好味，好脆😆👉炸豆腐，反炸都係，之後再加d蒜頭炸粒，幾好味😋不過如果鹹d更正（如果可以落淮鹽的話😍）👉個個菜唔記得叫咩名🤣聽講好似係自己種🤔菜幾新鮮，加埋d腐乳汁同豉油，唔錯唔錯😍🥰👉蝦餃，好鬼大粒，不過皮厚，好似粉粿皮，蝦都多，不過我覺得麻麻地😂👉燒賣，都幾大粒，好好食😍👉鳳爪，比起其他酒樓大份，味道差唔多👉馬拉糕，幾有黑糖味，都幾好食👉豆腐花，好滑👍👉芒果布丁，啫喱粉應該落多左，有d實，麻麻地😹💰人均100推薦指數：4分（5分最高）

當日朝早試山睇日出，睇完日出就落山搵野食經過彩龍就決定食呢間🥳🥳入店前記住要帶番口罩第一次嚟有小小大鄉里😂姐姐經過提我 沖茶要自己嚟茶葉都有幾款可以簡當日簡咗普洱，可以因應個人喜好我會洗茶葉先我鍾意比較濃就落多小小焗耐啲我哋一3個女仔叫咗幾碟姐姐推介炸牛奶（黃色個三條）個人覺得麻麻，好甜同凍咗個皮好林 怪怪地整體食物味道方面一般🙊🙊——————彩龍茶樓 (荃灣)荃灣荃錦公路川龍村2號——————

過年前同屋企人去大帽山碰碰運氣睇日出睇完白濛濛嘅天空就去彩龍飲早茶茶樓有好多款式嘅懷舊點心仲有唔同嘅茶葉可以自己沖濃啲淡啲或者溝茶葉都可以山水沖出黎嘅茶特別甜牛肉球大大粒牛肉球混有馬蹄同西洋菜味道啱啱好鵪鶉蛋燒賣已經係少見嘅舊式點心好足料， 食落好豐滿煎釀茄子熱辣辣嘅茄子，煎到金黃色味道係有驚喜奶皇包奶皇味相對流沙包較少口感一般鳳爪排骨飯排骨份量較鳳爪多，有豆豉香整體來說味道唔錯蟹子燒賣好大粒，口感扎實餡料充足沙嗲金錢肚沙爹味唔會太濃金錢肚入口軟嫩底層嘅沙葛吸盡湯汁精華馬蹄糕煎得好香，爽口彈牙四寶雞扎好大舊，有火腿、雞肉、芋頭同魚肚芋頭夠哂腍，味道唔錯係不錯嘅飲茶體驗，價錢又實惠黎到大帽山嘅朋友仔可以試下