彩aya

營業中

休息中

講起沾麵我都會諗起彩aya ，由日籍師傅主理，最大特色係定期推出創新口味嘅麵，有啲你真係完全估佢唔到!!!連伯爵茶味都出過🤣每次去都好期待有咩新口味！—— 豚骨湯叉燒沾麵 $103湯底同叉燒都用左西班牙嘅放遊豬隻，湯底濃郁，帶有醬油同鰹魚汁嘅香味；今次揀左黑胡椒麵，食得好過癮，每啖都食到啲辣勁但好快就過左，再食多啖麵又會有新嘅刺激感，麵條有嚼勁，好有口感，絕對係配上沾麵嘅最佳麵條。配埋隻流心溏心蛋perfect👍🏻

📌HKU站附近隱世小巷沾麵🍜💛香港大學站附近一個小巷裡面一直有一間受港大學生歡迎嘅沾麵店🍜最近陣間開埋拉麵店😍今次就試佢地嘅沾麵😚佢哋嘅沾麵麵條係自家製嘅😍其中一個特色就係沾麵麵條更加會有唔同嘅口味除咗普通小麥味 更有黑椒味 柚子味 紫菜味等等今次試到佢地較特別嘅伯爵茶味 比較新奇😆🍴蝦味噌湯 配 伯爵茶口味沾麵 ($93)首先沾麵湯底溫度好夠熱🔥放麵條入去嘅溫度啱啱好😉蝦味噌湯湯底非常濃厚 餐廳每日用新鮮蝦頭同蝦肉熬製 再配上來自北海道嘅蝦油 令湯底飲落更香濃🤤今次比較特別就係試伯爵茶味麵條 睇下佢伏唔伏🤫食落去有淡淡嘅茶葉味 唔會話過濃 亦唔係甜味 食落去幾得意😋再配埋蝦味湯底 幾好食👍🏻雖然因為蝦味湯底較濃味 中間唔會好食到好多伯爵茶味 但麵條口味係幾得意 可以一試😝餐廳係由一位日本老闆經營 見到老闆會毫無架子一齊同員工一齊送上沾麵時 即使客人唔識講日文 都會敬業樂業地介紹沾麵👍🏻餐廳除咗蝦味噌湯湯底 更有豚骨湯底同埋黑蒜油湯底 小妹試過都覺得唔錯 大家可以試下💯不過提提大家食午餐的話要早啲去排隊 因為好多人㗎😆🍽️ 食物：🌕🌕🌕🌕🌑🥂 飲品：NA👩🏻‍🍳 環境：🌕🌕🌕🌑🌑💯CP值

彩嘅沾麵就食左好多次啦，見佢出左雞白湯，今次專登黎試下，果然冇令我地失望😋充滿骨膠湯嘅雞湯每一啖都有濃郁香氣，口味清爽，飲曬d湯都唔會口渴！我地一個食豚叉燒拉麵，一個叫雞叉燒，兩樣都試下。雞叉燒特別有驚喜，唔肥又好滑！口感似食緊煙鴨胸咁😂 雞叉燒拉麵入面係有一隻好入味嘅冬菇😋like 社交平台就有冰凍梳打水送。天氣咁熱，我地梗係即刻like左啦！ 隻蛋真係好治癒🥹出色又有起泡嘅湯底😋😋服務好，好nice又好有禮貌。不過可能understaff又咁岩lunch time, 今次上菜比較耐。今次冇叫小食，留番下次試下！🐷🐤

🐷原味豚骨湯 $83拉麵揀作伯爵茶面😍😲，聼落已經好特別🧐食落去有一陣清新嘅感覺，中和拉麵嘅油膩感😃麵條粗身，咬落口偏硬🙆🏻‍♀️，有嚼勁，唔會太淋👍🏻個人比較鍾意硬身嘅面，哩個有加分😛🤤麵條夠挂汁☺，豚骨堂都幾濃鬱，有一陣豬肉濃湯味🐷配料仲有叉燒同竹筍同一塊紫菜😮😗叉燒都幾淋，好淋好入味😋🥰分量都夠一個人食💁🏻‍♀️，佢地d面嘅分量都幾多，食到好飽飽🙌🏻👌🏻評分：❣️❣️❣️❣️

今日我要同大家分享一個位於西環屈地街地下金陵大廈16號嘅沾麵天堂——「彩」！呢度嘅招牌菜係つけ麵，配上唔同嘅湯底，和自己揀選嘅麵，令人垂涎三尺！今次試咗「彩」嘅富士葱つけ麵同黑蒜油湯つけ麵！富士葱つけ麵嘅湯底鮮甜香濃，有濃厚嘅醬油味同富士蔥嘅香氣，令人嘴巴直流口水。黑蒜油湯つけ麵嘅湯底濃郁濕潤，蒜香勁濃，每啖湯都充滿整個口腔，令人回味無窮。喺「彩」雖然好細，但用餐環境亦都非常舒適，裝潢簡約而溫馨。員工服務態度親切有禮，令人感到賓至如歸。總括而言，「彩」係一個絕對值得一試嘅餐廳。#彩 #富士葱つけ麵 #黑蒜油湯つけ麵 #小麥麵 #紫菜麵 #西環美食 #屈地街地下金陵大廈

今次來到西環沾麵店，試下呢度嘅自家製既拉麵。我哋六點來到，不用排隊。拉麵有三款可以揀，小麥麵、黑胡椒麵同今日special 紫菜麵，我哋都揀咗要小麥麵。蝦味噌湯沾麵 - 小麥麵上枱時已經聞到好香蝦味，湯底蝦味濃郁，小麥麵有小麥香，煙韌好有咬口，小麥麵沾上蝦湯食，麵都幾掛湯，每啖麵食到香濃的蝦湯味。富士蔥原味豚骨湯沾麵 - 小麥麵豚骨湯底香濃而不膩，加了多蔥豚骨湯沾上小麥麵食，味道好夾。沾麵湯配料有糖心蛋同叉燒，叉燒好淋及入味這裏的沾麵味道不錯，值得一試

💨💨劣食！！⚡️⚡️話說朋友仔介紹西環有間沾麵小店裝修氣氛唔錯，最大賣點係設有+自家製麵機，做出黎既拉麵並非一般小店可媲美。可惜！晚上20:30入到店，見到只得1枱食客，異常清幽都唔緊要，因為大肚餓既關係，坐低用左10秒就鎖定左晚飯目標：原味豚骨湯沾麵（加底）🫣可能因為寧舍靜既環境，本身諗住好好欣賞日式拉麵小店既設計同放空一下。突然有幾聲「嘟嘟嘟嘟」刺激左我既思緒！！🥶🥶抬頭一望：唔係掛!? 微波爐！？心諗，呢個moment得我一張單點解要用微波爐呢？望左20秒之後見到出爐既竟然係我沾麵既湯底😱😱😱 我到底期待緊啲咩？「完」湯底。普通麵底。（黑胡椒麵）真心彈牙有蛋味，可惜凍上。糖沁蛋。好食豚肉。太老P.S. 碗沾麵食唔夠4分鐘已經變左冷麵。🧊🧊🤦🏻‍♂️🤦🏻‍♂️由天堂跌落地獄既結論係：「完」。完全唔想再多介紹任何野。人頭消費：$98味道：🐧價錢：🐧滿足：🐧🐧🐧鵝大大：絶不回頭 - 微波爐加熱沾麵。🙊🙊

西環嘅拉麵店彩專門賣沾麵。呢度嘅賣點係佢哋嘅拉麵都係自家製嘅，除咗原味之外，仲有黑椒同埋伯爵茶等其他口味可以揀。食個時會有淡淡的黑椒或茶香。湯底方面，有豬骨、黑蒜同埋蝦湯幾款，其中蝦湯最出色。麵條份量方面，正常係200克，如果你食唔夠，仲可以加大。叉燒片就係軟腍嘅質地，肥瘦適中。拉麵嘅溏心蛋都好食。呢度嘅沾麵真係幾好，麵條有嚼勁，湯底濃郁，麵同湯底嘅配搭都好啱。不過服務就普通。如果你係沾麵愛好者，又係住喺附近，值得一試。

首先，一如之前啲食評所講，確實係有一陣臭渠味，對氣味敏感嘅朋友應該幾難忍。其次店員態度同之前啲食評寫嘅一樣，都係咁差，尤其係埋單個陣，好似我還錢俾佢咁。不過，如果啲嘢食好好味，環境同店員態度我都可以忍，但問題係啲嘢唔好食！我係叫蝦湯沾麵，小麥麵，麵的確幾彈牙，但名係沾麵，其實係湯麵，啲湯又稀又唔夠熱又唔夠味，稀到完全掛唔到麵身，叉燒又薄，少得可憐。筍同紫菜無特別，唔好唔差。結論：大熱天時，冒名特登搭電車係中環過嚟，結果令人極度失望，唔會再食。

入到鋪頭，完全冇人招呼，得一個職員係度煮緊麵。見鋪頭入面仲有張枱（仲未執枱），就同男友坐低先。跟住見坐係度全部人都冇麵食，個個你眼望我眼咁，唔知係度做咩。超奇怪，完全冇人執枱，冇人招呼。同男友坐咗係度十分鐘，完全唔知間鋪攪乜，冇人招呼，黑人問號。跟住係冇人招呼嘅情況下，我地決定離開去第二間食。都唔會再黎幫襯。

拉麵時間😋 今次專登搭車加行路落去試呢間彩拉麵，由於擔心佢會好多人排隊，所以11:30去一開門已經去到啦。出奇地發現又唔算好多人，我係餐廳第一個客。由於本身都係慕名去試佢嘅手工拉麵，咁當然要試吓佢嘅每日Special 啦。今日嘅special係柚子味拉麵，叫咗個原味豬骨湯沾麵+300 g大盛嘅拉麵。麵質係我鍾意嘅質感比較硬身有咬口，雖然佢係沾麵湯底大亦都唔會太鹹，我覺得唔錯，但係就味道上冇乜好特別，其他配料例如蛋同埋筍都合格👍👍 咁嘅價錢配咁嘅份量我覺得非常抵食。食完出去先發現原來對面佢仲開咗另一間彩食雞白湯嘅下次去試😎埋單 $9x好味指數：⭐️⭐️⭐️⭐️性價比：⭐️⭐️⭐️⭐️

位於西環的沾麵店，位置都幾隱蔽，條巷仔有啲臭味。店鋪座位唔多。🍜蝦味噌湯叉燒沾麵 - 小麥麵 $113聞落同食落都好有蝦味，少油膩。小麥麵有麥香，口感質感煙韌，掛湯。兩碗沾麵湯都會有糖心蛋同叉燒，叉燒肥瘦適中唔會鞋。🍜黑蒜油湯叉燒沾麵 - 黑胡椒麵 $108比蝦味噌更重口味，十分濃郁嘅黑蒜油味，亦帶點燒焦嘅苦味，食得多會覺得有啲咸同會膩。黑胡椒麵可以見到有好多黑胡椒碎係入面，食落有黑胡椒嘅香同微辣，口感同小麥麵一樣煙韌掛湯。

夜晚7:30左右進店。店內密密麻麻接近坐滿顧客。一入店內有陣陣類似係坑渠味嘅怪味，或者同舖頭周圍環境有關。坐低叫左個蝦味噌沾麵(櫻花麵)，老婆叫左個黑蒜油沾麵(黑椒麵)。我老婆對手放左喺枱面，唔小心阻住左A店員上菜。A店員對住我老婆大大聲咁話：「手!」喂大佬鬼知你講乜咩....於是我問A店員：「手？即係咩意思？」跟住另一個B店員補充話我老婆隻手阻住上菜，A店員再狠狠地補充：「隻手唔好放枱上面呀，table manner!」跟住A店員就飛左碟麵喺我老婆前面，真係相當之有manner......蝦味噌沾麵(櫻花麵)蝦味濃郁，但沾汁真係偏稀，麵浸落去掛唔到湯，食下食下我變左拉麵咁食......櫻花麵粉紅色幾好睇，但其實無櫻花味。黑蒜油沾麵(黑椒麵)入口係明顯帶苦既，我諗係呢間店黑蒜油既特色？(雖然食過咁多間黑蒜油都冇佢咁苦) 黑椒麵味道ok的，好香嘅黑椒味，唔會辛辣嗆喉，同黑蒜油味道匹配。食物呢，相信有大把麵店比佢做得更好，我唔認為值得專程入去食，行開嘅一試無妨。環境呢，非常逼，幾乎同隔離枱膊頭貼膊頭，無咩空間，係快d食完就快d消失嘅格局，不過麵店普遍都係咁，不予置評。服務呢，見仁見智喇，有

彩係bookmark左好耐終於試左既隱世小店，位於石塘咀既巷仔入面，平日夜晚7點度去到，有幸坐到最後一張枱唔洗排隊😛餐牌選擇唔多，只有三款湯底供應，包括係豚骨湯，黑蒜油湯同埋蝦味噌湯，試左前2者😆豚骨湯都幾清新，食到入邊加咗柚子調味👍🏻黑蒜油就相對地重口味啲😂不過最特別都係佢哋嘅自家製麵🍜都係有三款揀，包括係小麥麵、黑胡椒麵同埋今日Special麵(黑芝麻)☺️黑胡椒麵夠特別，食到粒粒胡椒😆而且麵夠煙韌同掛湯，回頭率極高呀😍

因為佢個舖頭嘅位置同埋鋪面嘅裝修，以為係一啲隱世美食。原來，都不外如是。佔麵，最重要就係個湯底夠杰。但係佢個湯好浠，浠到好似拉麵。。。唯一加分係啲麵係佢地自己整，個麵質幾好。同埋佢唔會太咸，之前食過幾間沾麵都超咸。本身第一啖都滿意，但發現啲湯咁浠就開始有啲失望。黑蒜偏苦，所以我借左我同伴既原味豚骨湯嚟沾隻蛋幾好食，叉燒都夠淋既（但叉燒唔算inspiring)試一次就夠，住得好近都未必會再幫襯了。因為，有更好食既沾麵值得我哋去試。如果個湯杰啲真係會好好多。。。