很得輝 (金堂閣)

營業中

休息中

睇openrice食評話呢間啲沙薑雞髀好食，今日專程走去試吓，因為一家人都鍾意沙薑味，就買咗一隻沙薑雞髀同埋一份沙薑雞中翼外賣返屋企。等咗十五分鐘就出爐，即刻聞到好香濃沙薑味。返屋企試食後，家人同我都話啲雞好滑，沙薑味好濃，而且醃得好入味~好正。不過唯一美中不足嘅係店面比較陳舊，大熱天時34度都冇冷氣.......咁點做到堂食生意呀？如果淨做外賣生意都還可以嘅，想增加生意建議改善一下店面同埋空調，真係好熱呀....但沙薑雞髀同雞翼堅好食，平日好少寫食評都要上黎寫返。啲雞太香，自己食晒，所以相機冇得食先，冇相，但size同之前評語啲相類近

雞髀配印尼撈麵 $53雞髀配小食 — 陳皮魚蛋9粒 $47炸雞髀超大隻，皮脆肉嫩有多款調味粉可以選擇，試了蜂蜜牛油、芝士、海苔椒鹽、椒鹽，個人認為蜂蜜牛油有驚喜其他都很好吃。吃辣的還有幾款辣粉。雞髀配印尼撈麵是最邪惡的宵夜配搭。陳皮魚蛋有咬口，配沙嗲汁很好吃。套餐連飲品，叫了檸檬茶和檸檬水（只有凍），抵食！

「很得輝」嘅炸雞髀我一直都好想試，但屯門店個位有啲撠，之後知道大角咀開咗分店，又無的起心肝去幫襯。既然係去大角咀搵食，咁當然要去會一會佢啦。因為之後仲有嘢要去食，所以唔食套餐及其他嘢，淨係買一隻炸雞髀（$35）。落單後即時炸，需時七分鐘。炸好後，可以係側邊枱自助添加調味粉（有八款），最後加咗麻辣同蜜糖牛油（芝士無哂，可惜）。炸髀唔算好大隻，但炸得好靚（會用一支長竹籤打直插，撐起成隻雞髀），外層脆卜卜（表面唔多炸粉/炸漿，好薄薄一層），裡面肉質仍然嫩滑兼且有肉汁，而且一啲都唔油淋淋，配埋調味粉（麻辣+甜），味道不錯。

呢間小店嘅外表又舊又殘，但聽聞炸雞髀好味，就嚟試試。炎炎夏日走到入嚟，居然冇咩冷氣。環境就真係一般，不過為咗試美食都可以忍下嘅。炸雞髀皮脆肉嫩多汁！個皮唔係好似一般炸雞髀咁就咁炸個皮，而係有層麵包糠。雞髀肉唔會乾，幾多汁。雞髀肉除咗嫩滑多汁之外，亦都好入味。不過size 就唔算好大。佢仲有好多調味粉俾大家加落去玩吓。其實佢個雞髀本身就好夠味，唔使加粉都好好味。不過貪新鮮貪好玩，我哋都試咗加唔同嘅粉。個人覺得香草辣似乎係最夾。海苔味就唔多夾。沙薑雞髀本身嗌之前都驚有啲伏。但係食落去好驚喜！沙薑汁好濃味，雞髀亦都多汁嫩滑。就算食到最後，都仲有濃郁嘅沙薑汁係個盒到。鍾意沙薑味嘅朋友一定唔會失望，推介！👌🏼陳皮魚蛋 set $47都係預期中陳皮魚蛋嘅質感同味道，正正常常OK。椰汁芋圓 估唔到呢間整雞髀嘅小店，個甜品都整得okay好味。有仙草，芋圓，紅豆。芋圓都彈牙爽口。整體嚟講，呢間小店嘅食物試咗幾樣都高質，誠意推介！環境：★☆☆☆☆ 食物： ★★★★★ 推介度： ★★★★★

唔知係咪太耐無幫襯佢，加左價，雞脾細隻左個飯都細左，唔知係咪飯雞脾仔細隻左所以炸既時間要調教一下，今次比之前食既感覺乾左鞋左，不是佢都係無kfx咁乾既，不過2地2人餐80蚊都係有雞有飯有汽水仲多你葡撻，祝生意興隆

炸粉似茶餐廳會食到嘅口感同味道。肉質好滑同多汁。可惜啲雞肉冇雞味，而且醃得唔均勻，會突然有一啖好重酒味。味道方面需要靠自己落調味粉。 Size正常偏大。港式炸脾嚟講係唔錯，但個人嚟講會prefer Jollibee

Boyfriend was watching a youtube program where they were introducing various places that served really good fried chicken thigh. One place was Restaurant Awesome. It was located in Tuen Mun. Open very late at night, it had a huge following among motorbikers. But as Tuen Mun was very far, he filed it as a place that he'll probably never try.Much to his surprise when he found a branch in Tai Kwok Tsui.It's geared for takeaway but there is a lone table if you wish to dine in.Menu is in Chinese only

講炸脾，不得不提呢間，很得輝聽個名應該都估到似KFC😂佢成名地係屯門，佢食既野同KFC都係1樣但肯定既係好食好多，首先佢炸野可以落唔同既味粉，今次我落左海苔同椒鹽如果你鍾意食辣既都有-）雞脾新鮮炸呢樣野已經無得輸，平時既我都會諗鹵水脾但今日想邪惡少少，即炸香口再配埋啲粉無得輸，雞脾又唔係乾，講明先我影相影得衰，因為想快啲食，而家睇返影到好似魚柳咁😂😂-）磨菇飯，食到佢有洋蔥嘅甜味，足料唔係hea份量又足，絕對抵食連埋杯無糖茶(無入鏡未返到屋企已經飲晒) $52由於脾係即炸；-）我怕太悶重叫多左個陳皮魚蛋$12，佢個醬我又唔覺得話好驚喜，不過不失啦不過呢個價口痕既都可以叫既簡單講，唔駛諗啦一定要試🙃🙃🙃❤️❤️❤️

人氣炸脾🍗🍗T先生諗起大角咀一間小店食炸脾，去完深水埗食咁多野，要消化下，於是由深水埗行去大角咀呢間小店🚶🏻‍♂️🚶🏻‍♀️小店小小似快餐店外賣格局，當然可以堂食啦，就好似大牌檔要開張摺枱咁😆 📍柑桔檸檬梳打 (跟餐) $18由於小店沒有售賣可樂，我地揀選左呢款特飲。幾大杯，味道正常，同埋夠凍，配炸脾都夾。但我始終覺得配可樂夾啲，後來T先生到附近士多買一罐，我地叫店員比杯冰都肯比，讚👍🏻📍皇牌生炸脾 $34主角到啦～～即叫那炸，製作需時，大概10-15分鐘左右啦。小店有膠手套方便用手食，其實風味更佳😆 炸脾即上好盪好熱，用上日式吉列手法炸，粉漿調較適中，炸出來算薄身而且脆口，炸脾既肉算嫩口，整體黎講幾唔錯小店亦有其他調味粉任君選擇，我就試左麻辣椒鹽和香草辣粉。麻辣椒鹽似媽咪麵既味粉😅😅 而香草辣粉係食到herbs既味道。可能simple 還是the best 😉😉

今晚去大角咀搵嘢食，閒日夜晚發覺有好多舖頭都唔開，最後簡單食咗個快飯點知好快就肚餓🤤決定喺附近再搵啲小食🤣🤣誤打誤撞發現呢度竟然有一間良心小店係賣小食嘅，一行埋去已經聞到好香嘅炸物香氣🫢🫢見佢主要係sell雞髀，炸髀或者豉油雞髀都有得揀，就算出面熱辣辣，都係揀咗炸一出爐實在太惹味太吸引🤩佢係即叫即炸超級熱辣辣搣開個肉質好嫩勁爆汁，在場有好多種唔同嘅香料，俾大家自己揀食得辣吧可以試佢分咗五級唔同嘅辣粉🔥🔥香口惹味真係宵夜不二之選下次未食飯嘅話可以過嚟再嗌多其他小食或撈麵當一餐仲得‼️

食完多士又點會夠飽丫😏就黎到 很得輝屯門好出名既炸脾店今次係大角咀開業咁近就黎試下皇牌炸脾$34即叫即整等大概10分鐘皮係 薄酥脆🤩有粒既脆炸好像 灣仔 新景園 既炸豬咁🫡內有肉汁單係 肉本身係好食👍🏻另外 重有不同既 味粉有辣 有吳辣結: 個人覺得 好食既👍🏻😋不過地方吳太方便但都要$34睇反openrice上年都反$30-32如果呢個地點賣$28應該會更多人排隊#皇牌炸脾#很得輝

周不時都會嚟呢度叫炸雞髀外賣，呢間舖頭唔大，淨係會做外賣。今日叫咗個炸雞髀套餐，有生炸雞髀，印尼撈麵，再加一杯茉莉花茶，總共係$52。外賣都得幾耐，等我接近20分鐘先有，要買嘅建議早啲打電話嗌外賣。炸雞髀有七隻調味粉俾我哋落，有BBQ，海苔，仲有各式各樣嘅辣粉。我今次落左BBQ，海苔，仲有香草辣粉。炸雞髀外脆多汁，再加埋啲調味粉，好好食，係食到周圍都係有少少麻煩。撈麵有兩餅嘅份量，都幾多。茉莉花茶都大大杯，有一半珍珠奶茶舖嘅大細。總括嚟講，出餐比較耐，味道唔錯。

放工想食叻沙，但新年放假到依家仲未開鋪😌，行行下見這店，一睇個名就記得是屯門有名賣炸雞肶的，知在大角嘴有分店，但都沒有去試過，咁岩遇到一定要試啦😋平日8:00不多人，見有外賣平台來拿外賣，但買到返去都夠熱啦😑，店裡簡約整潔，有兩員工廚房，要有人買野佢就會出來，原本我叫一隻炸雞肶，打算要中辣，但個女說佢一隻唔辣的，所以買兩隻😅，10分鐘可以取了，熱騰騰的好吸引😃，調味料是自己加的，有辣有唔辣，辣味都有幾款，任君選擇🤤一咬一啖好脆啊😱，未食過咁脆的炸肶啊，粉不厚，不會咬到一口脆粉，味道不算濃，入口不會太油，都幾大隻，唔洗再食其他野了，下次可試其他

位於大角咀細街門面唔算好當眼 櫃枱係入面 有張bar枱企位叫得很得輝食字 當然要試下個炸雞🍗除咗螢光幕個menu 枱面同出面塊白板會有啲套餐選擇～我叫左 🍗炸雞髀 + 炸燒賣 ($45)朋友叫左 🍗滷水髀 + 磨菇飯 + 百香果綠茶 ($60)今日滷水髀要等二十分鐘先有～雞髀成隻手掌咁大 啖啖肉🍖🍗炸髀黑色果啲係海苔椒鹽枱面仲有魔鬼辣粉 蜜糖芥末粉等等自己落炸到金黃色 個皮好脆佢隻炸法係吉列炸 唔係好厚粉果啲 好正雞肉唔柴又多汁😋😋😋食左成隻都無好油膩嘅感覺磨茹飯汁量適中 唔會無哂啲汁都未食晒啲飯飽肚之選🍚炸燒賣不過不失

又黎到今日既下午茶時間啦行過大角咀有啲口痕 所以就黎呢間一齊試下☺一入門口店舖既侍應已經好好禮貌咁同我打招呼! 鋪頭既門口既冷氣都好夠力 所以就算冇位坐都唔會覺得唔舒服很德輝最出名就係雞髀 今次叫既係沙薑醬雞髀雞肉好嫩滑 食得出係新鮮雞 而唔係冰鮮急凍食物 醬汁方面都做到好出色 鹹度啱啱好 而佢地其中一個特色係裝修有Cyperpunk既感覺可以一路食一路影相打卡！！最後就叫咗杯提子梳打 店員都整得好靚 提子同梳打顏色層次分明 漸變色令到打卡相高級哂☺