御品美食坊

營業中

休息中

係葵涌一間戲院睇阿凡達 完場已經11點幾 夜晚無食飯 一路行去搭車個肚一路叫 以為葵涌咁夜應該已經無咩食 點知突然聞到一陣好香既孜然味同燒烤味 跟住香味行 見到好多人坐係路邊食緊串燒 就知道搵岩路由於客人較多 而且小店人手只有2個 等候時間都幾長 不過食完之後覺得等待係值得既 雞肉串燒大大件 外脆內嫩好juicy 雞腎脆而不靭主食揀左豉油王魷魚炒麵 炒得好有鑊氣 味道岩岩好唔會咸 而且夠晒大碟煨魷魚烤得好香脆 好似食緊薯片咁夜媽媽仲搵到咁既質素既宵夜真係好彩 以後夜晚係呢邊睇完戲都可以黎呢到食個宵夜

有日放工番屋企途中經過見到新開張，咁就打算買幾樣嘢食返去試吓。咁我就分別買咗一口牛、豬紅同乳鴿番屋企食，點知三樣嘢價錢買單就已經成舊水，對比其他小食店真係相對貴。咁叫完就等拎外賣，大概等左10分鐘左右就有齊三樣嘢食，速度上算做唔慢啦，咁搭埋車拎到返屋企都仲熱嘅有煙岀，咁都算唔錯啦。返到屋企一打開盒外賣，一口牛個份量大概有6舊左右，件件牛都比大量香料覆蓋住，同想像中嘅台式一口牛有衝突，食落同睇落一樣，香料完全覆蓋着牛，食唔岀本身牛嘅味道同質感，重要好乾身。重要38蚊一份，真心有啲貴。咁個豬紅呢，食落就正正常常冇乜怪味既，不過都唔入味，成碗裏面嗰啲就冇乜味道，底下嗰啲呢就非常之咸。麻辣嚟講呢，咁就係港式麻辣嘅程度，一般般啦。最後就剩返個乳鴿，冇乜期望咁食，食落我又覺得算係唔錯，一般正常水平，而且$48入面有四舊，性價比係我叫咁多樣來講算係最高。整體來講，如果下次經過見到，乳鴿都可以一試，其他就有待改善啦～

行過見到新開張 買黎試試 豬紅硬身唔會一夾就散辣味濃郁 雞翼有小小酒香 一口牛好入味 燒生蠔手掌咁大極力推薦 五花腩按表皮燒脆肉身軟熟一口一件 絕對值得一試 另有滋潤糖水下次試完再出報告