影片
電話號碼
26694726
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
唔講真係唔知，振萬廣場開咗御品千之味，唔係同事介紹都唔識得嚟呀。千之味不同分店都成日幫襯，貪佢啲日本嘢食好食又親民，是晚就同同事黎下振萬廣場分店先。⭐吞拿魚蓉飯睇完一輪餐牌，有幾款都想食，最後揀咗吞拿魚蓉飯，貪佢呢個餐配菜多😆一碗丼飯再配和風沙律、螺肉小食、薯仔沙律及味噌湯，抵！吞拿魚蓉厚厚一層，份量極多🤤魚蓉綿滑美味，配上少量青瓜絲帶來清爽口感，正。⭐鰻魚飯定食同事就叫咗鰻魚飯定食，定食同樣配和風沙律、螺肉小食、日式前菜及味噌湯，怕唔夠飽，同事仲叫咗多飯添，真係好大碗呀。鰻魚厚身肥美，加上甜甜嘅醬汁勁好餸飯，好好食🤤⭐明太子燒蠔淨係食兩個飯有啲寂寞，叫啲小食先，先來一份明太子燒蠔，上枱時香噴噴㗎。隻蠔又肥又大隻，上面係明太子沙律醬，鹹香鮮味，食到一滴都冇淨執到舐曬😋⭐鹽燒白鱔 & ⭐鹽燒豬腩肉仲叫咗四串串燒，一人兩串😆白鱔厚身，燒起上嚟皮脆肉嫩魚油甘香。另外仲有豬腩肉，呢啲肥嘟嘟嘅肉燒起上嚟一定冇得輸，啲油份必曬出嚟超正😍兩個飯餐唔揀味噌湯嘅話，可以用優惠價要果汁、汽水或啤酒，不過我同同事都好鍾意飲味噌湯，所以就唔轉啦。夜晚食客唔多，慢慢食慢慢傾計都唔怕阻人，心情輕鬆。
繼續閱讀
餐廳：御品·千之味 (觀塘)地址：觀塘榮業街2號振萬廣場地下G號舖香港人一定識嘅刺身壽司專門店——千之味 ，依家有6間分店，除咗出名在於佢哋嘅全港外送服務之外🥡，仲有佢哋嘅壽司蛋糕同與時並進嘅特色美食、新推優惠，就好似期間限定嘅九龍灣店任食放題優惠，同我今次去觀塘食嘅串燒同千仔大阪城盲盒咁，真喺聽到想去一試🤤✝️千仔大阪城盲盒 (創作攪笑版) $288呢個堂食限定嘅盲盒，淨喺賣相都已經夠晒吸引😍，頂層有5件刺身，中層同底層各有是日壽司4件同2款創作壽司，另外仲有一個小沙律🥗。刺身壽司相當豐富，最頂層入口即溶嘅拖羅好有驚喜🤩，另外仲有甜蝦同三文魚；中層嘅花之戀同帶子壽司喺我最愛，估唔到用料都幾上乘，仲有三文魚腩、油甘魚壽司等；底層就以火炙芝士壽司為主，充滿陣陣炙燒風味🔥，亦有細個成日食嘅搞鬼零食脆片軍艦同蟹籽三文魚腐皮壽司🍣✝️藍鰭吞拿魚赤身刺身 $783件赤身刺身溫度比較凍但不失新鮮嘅質感同味道😎，厚切大件嘅藍鰭赤身刺身一啖放入口，真材實料嘅滋味確實從來都唔會令人失望👍除咗刺身同壽司，又點少得觀塘店獨有嘅燒物同串燒🍢，叫咗1串雞肉軟骨棒($11)、1串汁燒帆立貝($22)同2件明太子燒蠔($33)，所有食物都喺即叫即製所以需時約20分鐘🕒，入口熱辣辣，價錢仲要唔貴，都幾值得一試😌
繼續閱讀
千之味外賣就試過，堂食就真係冇試過，咁啱朋友話見到觀塘有一間千之味，個位置又好似好偏僻，諗住談心一流，就諗住過去幫襯下。其實同朋友一路傾住計行過去又唔會覺得好遠，就真係近碼頭嗰邊，入座個時又真係冇乜人，希望我哋唔會講嘢太大聲嘈親人啦。呢一間千之味都唔淨止剩係得壽司，仲有串燒，見到都係十零廿幾蚊一串，見咁抵食就算遠都值得。‣ 火龍卷 $78佢嘅火龍卷賣相真係一流，好啱打卡。火龍卷好簡單粗暴，就係炸蝦、紫菜飯同蟹籽，我覺得佢個份量同壽司大細都啱啱好，食落都唔會覺得好膩，加上我又好鍾意食佢啲蟹籽，同朋友兩個人好快就清晒。‣ 海膽花之戀 $65雖然個份量比較細份啲，但係我覺得都幾好，可以慳返個位食多啲其他嘢，海膽唔腥呢點幾驚喜，而且都食到海膽嘅甜味，都唔錯。‣ 鰻魚忌廉芝士卷 $58呢一個份量就比較大份啲，入口嘅時候忌廉芝士嘅味道充斥住你成個口腔，我好鍾意忌廉芝士嗰種綿滑嘅口感，雖然有少少搶咗鰻魚嘅味道，但係我覺得整體配搭都好唔錯，自己都幾鍾意。‣ 帶子刺身 $68啲帶子幾鮮甜，而且唔會有雪味，餐廳都將啲帶子切得幾厚身，食落去都覺得幾滿足。‣ 炸雞軟骨粒 $30我自己本身就好鍾意食雞軟骨，本身諗住細細份嗌個半客試吓，點知佢嘅半客等同我想像中嘅一客。我幾鍾意佢啲軟骨，夠晒大粒，食落去嘅時候又唔會一大浸油味，佢係偏乾身少少，但係反而我又幾鍾意佢嘅口感。‣ 燒魷魚筒 $68佢嘅魷魚筒都係比我想像中大份，呢個價錢嚟講絕對係抵嗌，面頭上嘅照燒汁都係啱啱好，唔會令到個魷魚筒太重醬汁味，而照燒汁嘅味道唔會太甜又唔會太死鹹，如果聽日唔使返工就一定嗌酒飲，搭配魷魚筒真係一流。‣ 三文魚蟹籽沙律 $50佢拎上枱嘅時候，我俾佢嘅份量都嚇咗一跳，真係同poke bowl冇乜分別。舖頭都好貼心將沙律醬嘅份量另上，初時我仲心諗咁大兜沙律醬使唔使，點知道個沙律上枱嘅時候，我就知道真係需要咁多，食完個沙律都已經飽咗一半。‣ 厚燒玉子 $30個玉子嘅味道都幾好，入口會食到少少甜味，口感比較厚實。唯一比較可惜就係入面冇乜餡料，如果有嘅話味道就會更加豐富。‣ 雞泡魚乾 $33呢個就真係要趁熱食，凍咗嘅話就硬繃繃冇咁好食，平時喺啲餐廳到嗌都要五十以上，見到呢到只不過三十幾蚊就忍唔住嗌咗，我諗搭配酒嘅話應該一流。‣ 鹽燒雞中翼 $11平時啲燒雞翼都好貴，佢嘅雞翼都幾平。相對上燒得比較乾身，但係都食到啲雞油嘅香味，就咁食其實比較寡啲，要開胃啲嘅話就真係要飲酒。‣ 雞肉軟骨棒 $11 可能因為我真係好鍾意食軟骨類，所以我好鍾意呢一個雞肉軟骨棒，如果有雞蛋搭配就更加好啦，不過其實就咁食都幾好食，價錢又唔係好貴，都幾值得嗌嚟試吓。‣ 汁燒帆立貝 $22 & 翠玉瓜 $11帆立貝同翠玉瓜都係正常發揮，不過我覺得呢一個價錢都算係咁，最緊要係雖然好多嘢都係汁燒，但係你都唔會話食到好膩，或者淨係食到醬油嘅味道，完全冚過晒本身食材嘅味。
繼續閱讀
同朋友帶埋囝囝去食飯，一行四人去咗食千之味我食咗個迷你燒左口魚飯拌壽司套餐套餐有跟沙律，螺肉，刺身，迷你飯同壽司，仲有汽水，好豐富左口魚燒過後魚油滿滿，每啖都係勁香口，壽司都新鮮大件，不過我比較大食，如果個迷你飯再大份量啲就正！我叫咗個汁燒牛肉飯俾囝囝食佢個汁燒牛肉都好大碟，但係就略嫌佢有啲咸，同埋牛肉煮到好鞋口，囝囝食好多牛肉都咬唔到要吐出黎同行朋友有跟餐追加燒三文魚頭，份量都好大同埋朋友話好食整體黎講都抵食，刺身類好新鮮
繼續閱讀
食物推介：鹽燒雞中翼(2隻) $11，雞肉軟骨棒(一串) $11，鹽燒豬腩肉(一串) $18，燒汁牛肉烏冬套餐 $88，燒汁牛肉烏冬套$85,蟹籽沙律 $42今日去了觀塘區的千之味享用晚餐，晚上很少顧客，不用和其他顧客爭位，所以坐得非常舒適。另外價錢亦非常實惠，品質食物。最近千之味新出了串燒，也是不錯的選擇。日式串燒：鹽燒雞中翼:$11非常抵食，雞翼皮香脆，雞肉嫩滑👍👍雞肉軟骨棒:$11口感非常過癮，軟綿綿的雞串，咬落去有爽口的感覺，正👍👍鹽燒豬腩肉:$18大大串，豬腩肉，肥瘦適中，而且還有脆口，好味👍蟹籽沙律 $42份量十足，健康之選。吞拿魚蓉飯套餐配蝦 $88 + $20入口即溶，但魚脂豐腴又不膩口，魚味濃厚。吞拿魚蓉新鮮嫩滑，配合日本飯，非常合適。個人最愛❤️炸蝦脆卜卜，熱辣辣。燒汁牛肉烏冬套餐配三文魚壽司兩件：$85 + $20燒汁牛肉份量十足，足夠二人享用，另外，用特製的燒汁醃製，非常入味。火焰芝士熟蝦壽司 $20/2件熟蝦非常有蝦味，配上芝士後，非常有口感
繼續閱讀