御犇麵館 (村南道)

營業中

休息中

牛筋雲吞河粉真係一碗好味嘅美食！牛筋軟滑，雲吞餡料鮮美，配上滑溜溜嘅河粉，簡直係完美組合！再加上炸魚皮，外脆內嫩，咬落去有種滿足感，真係好過癮！每一口都充滿咸香味，食完仲想再來一碗！無論係早餐定係宵夜，呢碗牛筋雲吞河粉都係我心目中嘅首選，食完心情都好好，真係唔可以錯過！如果你鍾意食好味嘅嘢，呢個一定要試！

墨魚鬚米炸魚皮絕配佢哋嘅炸魚皮真係唔係間間咁好食，呢隻係又薄又脆，出面好多貨都係用厚身個隻，我自己比較鐘意食呢隻，墨魚鬚米粉真係好正！煮出嚟滑滑嘅，吸收咗湯汁好入味。有口感但係又唔會韌兩樣加埋簡直絕配。

今日自己一個食lunch，同一個陌生人搭枱，坐近門口位，食完米粉之際，飲緊熱咖啡，職員同外面等緊嘅食客講，我枱人就嚟走，仲要望住我呢台講咗三次，好趕客，杯咖啡仲熱，飲咗冇一半就走，今時今日仲係依個服務態度，真係要改變。

原鋪我同老公有去食過不過坐得比較迫見佢開左分店即刻去新鋪有二人卡位～啱晒係附近番工放飯嚟食崩沙腩+墨丸米米粉係滑身～唔鞋口～份量都多通常我會落埋浙醋+辣椒油（我好鍾意呷醋）崩沙脾半肥瘦，食落好有牛味唔太痴牙幾好要讚下呢間既墨丸~非常彈牙同事都係叫崩沙腩～凍豆漿加番個菜飽肚d～均衡飲食有時會幫同事買外賣多數都係牛腩飯、牛雜飯等等新鋪仲係只收現金唔知要等幾耐先好似舊鋪收alipay 同八達通，有時唔記得襟錢就唯有食其他

本身係金禧花園有一間，最近居然係村南道又開，兩間相隔非常近。裝修新舊鋪都好相近，光光猛猛環境配木傢俬為主，傳統粉面店格局。坐落中規中距，未至於好似麥文記咁迫夾。主打清湯腩，仲有爽腩，坑腩，同佢推介架溏心腩，可惜黎兩次都得坑腩，已經係lunch黎😑，咁好賣?定從來都無？已不可考究。 最後要牛丸牛腩河，係百物騰貴下，牛價奇高。呢個價錢食到清湯腩已經相當不錯。牛丸有兩大粒，非常彈牙，仲會有少少肉汁滲出，個肉應該不錯。牛腩都有十舊左右，份量上都唔少，當然無法同以前大埔群記仲有油麻地新仙相比，但食到係鬆化不黏牙，連住小小肥膏都幾正，肉味就未算濃。湯底同粉面普普通通，未能有好深印象。但服務就絕對係壞印象，先係有個待應落落下單中途行開左，等佢返黎等等下又自己走去Epos機大大聲離遠問人要乜。。。感覺勁差另一個較年輕待應做野時對答好似係唸經咁，得佢自己一個聽到。。。食完收野已經係枱上執好簡單架啦，都彈到我成身湯，又連一句唔好意思都無，直至我出聲至會講，然後勁快閃走。大佬呀比張紙或布人抹都識掛，咁架服務真係幾平幾好食都無用，真係唔再黎。

星期六晚上九時多，在大圍火車站附近，心想這裏很多食店，不難找到餐廳吃大餐吧，可是原來好多間都說快打烊，不做我們生意了！唯有退而求其次去連鎖集團式的茶餐廳，竟然也說快打烊！最後便來到了這間麵店，吃碗麵算了吧！踏進這間麵店，應該是全新裝修，光猛乾淨，也坐滿好多台客，可能就是附近的餐廳快關門的原因吧，我點了炸醬麵配雲吞，冇幾耐，鄰座的情侶也想吃炸醬麵，職員說沒有了，原來我的就是最後一碗，物以罕為貴，心裏暗暗覺得都幾好味！總括來說，這間麵店不失為宵夜之選的地方！