御茶 (昌華街) (已結業)

💛黃店🔱今次要介紹嘅食物就係位於長沙灣 ！📜”御茶 (長沙灣)📌 地址: 長沙灣昌華街昌暉大廈地下9A號舖🕐營業時間: 1230-2100🍽分店地區: 長沙灣 慈雲山📝評價💬📢 1️⃣芒果芝士奶蓋 $35大杯到仲長過我塊面！好靚呀💛💛💛💛飲得又影得☺️☺️☺️開心‼️‼️芝士奶蓋又多好厚😍😍正呀👅👅👅芒果又吾酸吾係水果汁的味道😋😋重點係出面三十幾蚊都只得呢杯一半🤭呢度咁大杯 抵！店內仲有好多🐷💛KS評分 5分最高🏵環境指數:⭐️⭐️⭐️⭐️🏵味道指數:👅👅👅 👅👅🏵抵食指數：💰💰💰💰💰🏵回購指數:❤️❤️❤️❤️❤️

漫漫長路 還需繼續撐💛🍃.黑糖珍珠奶茶 掛杯紋路好靚標榜不用奶精 奶茶入口順滑 黑糖味夠濃略嫌珍珠太黏 唔夠粒粒分眀不過整體都好好飲 同埋性價比好高而且小店好值得支持下

今日同朋友覓食途中見到啲豬豬好可愛，見口渴試下飲下你杯茶啦cute piggies...第一次試呢間御茶，仲要見到有得用connect card終於有機會試下啦Order左一杯中size, 芝士奶蓋炭焙烏龍茶，少甜..奶蓋冇得調冰量好啦，為你破下戒啦超級冰凍，奶蓋唔會太漏，第一次試嘅炭焙烏龍茶，都果然有啲感覺，又唔係燒焦味lol總之就個個方向..但係正面嘅感覺，係好tough嘅感覺，少甜嘅佢令到成件事冇咁evil, hahahaaa

芒果芝士奶蓋同想像唔一樣，開頭以為下面會係芒果汁，上面有芝士奶蓋。成杯野嘅構成係奶多過芒果。其實感覺唔到芝士奶蓋嗰種鹹味。至於芒果，佢下面係有少少汁，而隻汁食落其實有啲似以前金拱門出嘅芒果雪糕，上面嘅芒果汁。而入面係有果粒，係粒粒分明，唔太似新鮮果肉。不過係幾好飲，夠解渴。

呢間台式飲品店強調唔用奶精、奶粉、果糖，而用鮮奶同原蔗糖，飲落味道更加天然～🥢芝士奶蓋炭燒烏龍茶 + 珍珠 (少甜 少冰) $36芝士奶蓋幾香而且打得好滑，有淡淡嘅芝士味，而且奶蓋嘅份量都唔少😋不過奶蓋打得唔夠厚身，倒住飲嘅時候都比較難飲到，因為浮晒面😬炭燒烏龍茶嘅味都好香濃，炭燒味都幾出，不過我個人就覺得少甜都有啲太甜，可能因為加埋黑糖珍珠嘅甜味，所以如果茶底有得揀「半糖」應該就啱啱好～煙韌控飲台式飲品當然要試埋珍珠～😆呢到嘅珍珠一律係黑糖珍珠，一接到飲品嘅時候，杯底嘅珍珠係暖嘅～珍珠比平時出面飲開嘅細粒，食落口感都算煙韌Q彈，而且有淡淡嘅黑糖味🤤•🥢 百香果多多紅茶 (少甜 少冰) $28一開始揀呢杯係見到餐牌要圖好似幾吸引咁 但實際原來有啲出入喎 體現到圖片只供參考🤣 即使少甜 第一啖飲落都好甜 但底有啲百香果肉 所以百香果同茶味好濃 而多多就要之後飲落先出味 好彩慢慢溶左冰就冇咁甜

平常在喝的茶飲店外買時段已經完結，見到這間茶店的茶飲選擇頗適合我和朋友的口味，就決定試一下～芝士奶蓋炭培烏龍茶 $33喜歡烘烤感覺的朋友一定要點這一杯！從顏色來看已經看出它特別濃郁，入口感受到烏龍茶強烈的茶香卻沒有絲毫澀味，奶蓋雖然不算太有芝士的鹹香味，但奶味足夠豐富茶飲味道。芝士奶蓋桂花烏龍茶 $33桂花味要突出其實很困難，特別是在濃郁的烏龍茶存在下，但這杯茶會讓你有層次地喝到桂花和烏龍茶的味道，所以更加清怡解渴，奶蓋和茶的比例也很適中。芒果芝士奶蓋 $35有時候我覺得名字真的有很多意思，這間店茶系飲品確實是出色，其實這個芒果芝士奶蓋不是不好喝，但有點too much，芒果味很濃郁，奶蓋很稠又有咸香，感覺有點沒有椰西的芒椰奶西，喝一半還好，再喝會覺得太甜了。

心血來潮 想飲肥仔水🌝搵到呢間係長沙灣既黃店💛遠處已經見到連儂牆 貼到兩邊牆都係有一款茶飲會優惠價比真香港人 每買滿3杯又會有野送👍🏻———🥤Oreo鮮奶茶 ($27/M, $30/L)加左$3 加珍珠😛飲落似Oreo朱古力 茶味就唔太飲到開頭以為會有啲oreo碎 雖然冇, 但好香oreo味😍 珍珠都手幾好”趙”😋 成杯野唯一唔好係呢款冇得揀少甜😖甜左少少🤏🥤百香果紅茶 ($22/M, $25/L)

去到長沙灣特別多小店早兩日去到明愛醫院附近突然間好想飲杯台式飲品就係我見到依間御茶見到餐廳寫住醫護半價即刻覺得依間舖頭好有心咁我就叫咗一杯 芝士奶蓋宇治抹茶店員好細心咁幫我製作飲品頂頭嘅奶蓋唔算太甜而抹茶味都夠濃試完依杯覺得非常唔錯會令我更加想試吓其他推薦大家嚟試一試支持下小店

芒果多多綠茶$26有捐錢又有連儂牆嘅小黃店💛因為食完嗰麵包有啲頸渴 所以就搵咗呢一間舖頭 見到佢有多多系列 我即刻心心眼左😍🤤佢呢個係話冇另外落糖嘅 不過始終芒果汁比較甜 所以一開頭飲會有啲太甜 但係之後啲冰融左個甜度就差唔多啦😌佢個芒果汁都幾好飲 而且下面真係有啲芒果果肉 都幾有誠意 而且佢超解渴 勁啱而家咁熱飲😎·#rbyeat#rby飲品#rby小黃店#rby長沙灣·📍御茶 (長沙灣昌華街昌暉大廈地下9A號舖)😏

今天晚飯後和家人去御茶買幾杯"黑糖珍珠奶茶"的時候，在裝袋時不小心把其中兩杯打翻了，心想，人家差不多收工了，累了一整天還要處理這一地的珍珠奶茶，真的十分抱歉！但很感動是，沒有一位工作人員埋怨，她們只是埋頭再冲過兩杯給我，也很迅速處理弄污了的地板。以後要多多光顧！希望這高質的台式飲品店可以過渡這艱難的時間，繼續為長沙灣區售賣美味奶茶！

第一次試外賣自取，又快又方便👍唔使去到鋪頭先至落單，一去到鋪頭就已經可以攞。一樣嘅好質素但係可以慳返等嘅時間，又可以用信用卡俾錢，希望可以一直保持外賣自取服務。

未行入舖頭已經見到成間舖貼滿左七彩顏色既memo紙, 每一個角落都係連儂牆📃 舖頭雖然唔大, 但係飲品既選擇都算多👍🏽 店員都好搞笑會同我地吹下水, 成個集氛都好好💯 飲品方面我地分別叫左酸得黎又開胃既檸檬愛玉🍋, 炭燒烏龍珍珠☕️, 呢度既珍珠比平常食開既細粒啲同埋夠煙韌, 茶底都唔錯, 有淡淡炭燒味感覺唔會漏, 最後就係蜂蜜檸檬紅茶加愛玉, 檸檬帶出淡淡既酸, 中和返蜂蜜既甜, 再加埋軟綿綿既愛玉, 感覺好清新🍃 因為我地買左三杯所以有每人一粒puff 送, puff 既質素都唔錯😋 飲得出呢間舖既飲品都係用心製作, 而且價錢唔貴, 黎開長沙灣既話不彷黎試下🙂

食完晚飯，本身頭疼緊長沙灣無好飲嘅連鎖台式飲品店，唯有博一鋪試吓呢間嘢。點知有驚喜！芝士奶蓋紫薯鮮奶 - 強烈推薦！！嗌咗杯芝士奶蓋紫薯鮮奶，先發覺原來香港仲有用料新鮮，又足料嘅台式飲品店！杯嘢充斥著紫薯蓉同粒粒紫薯，仲要完全無雪硬咗嘅口感由於本人唔食得太甜，所以嗌咗微甜。但咁樣反而令鮮奶味即刻出哂黎，推薦大家都咁嗌唯一缺點應該係芝士奶蓋嘅配搭，因為紫薯已經較膩，希望可以加純奶蓋嘅紫薯鮮奶自己就一定會再幫襯，試吓個menu

星期六晚, 一個人食晚飯的時候總要左諗右諗食咩好由美居中心沿途開始覓食, 而家作為一個香港人食嘢唔同以前, 除左價錢同味道外, 又多左一重考慮因素幫唔幫襯果間食肆, 就係要睇下個食肆有冇良心🤔🤔行下行下, 不經不覺已經行到近明愛醫院果邊元洲街。 行去元洲牛肉麵同Fast Taste, 係門口望到入面都好多人, 又唔想等位, 再加上咪去到好肚餓階段, 改為買杯嘢🍹飲濕下喉嚨。 醒起附近有間御茶, 抱著白老鼠的嘗試心態即刻試下。 正所謂好飲就再幫襯, 難飲就當自己唔好彩啦由於本人係好鍾意飲檸檬紅茶, 所以即刻掃下餐單有冇呢樣嘢先, M size$18, L size$21, 還掂都係差果$3, 就叫杯大啦！入口一試, OK喎 因為好多時係出面飲果D一味得個甜字, 御茶㗎反而無咁重味, 清淡得嚟飲到返茶味先。題外話想講, 真係要多D珍惜支持香港人的小店, 比起連鎖店倒模式的冷冰冰鋪面裝潢, 小店真係多一份香港人的人情味係度