御菊日本料理 (已結業)

食過十次左右，拉麵，烏冬，牛扒飯，壽司，刺身，燒物，牛舌。。。壽司Ok，刺身都新鮮，切得有厚道，有咬口，有滿足感，正常水準。拉麵好大碗但味道同餸都一般，丼飯比較有特色，份量足，好味，新鮮，吞拿魚容丼吞拿魚容很均勻，綿綿入口即溶，配飯啖啖落肚。值得一試。壓場講解既牛扒飯大大件手扒，唔硬唔鞋，每次食都有水準，都系咁大塊，唔會好似其他餐廳咁時大時細時薄時厚一時太生一時鞋過柴皮，距仲會切埋件比你，每件平均厚度，有咬口但唔可以話嫩，唔肥實正啖啖肉，成塊可以食晒，務實實在的牛扒。牛舌必食！！

跑完要食返餐好嘅❤️雜錦壽司定食呢間小店雖然稱不上好食，不過用料都算新鮮，而且唔算好貴，平均$100一個人就可以食得唔錯，想平食嘅，都有$60-70嘅選擇，相比起銅鑼灣嘅，性價比較高

又到午飯時間， Office附近嘅嘢已經食到嚴嚴地，今日決定同同事去遠少少落西灣河食午餐。西灣河近太安樓附近出名多嘢食，真係有選擇困難症嘅分分鐘揀都揀半日，最後揀咗去食日本野。金菇肥牛沙律，超正啊。肥牛煎封得恰到好處，嫩滑又多汁，配金菇真係一絕。沙律份量雖然不多，但都好清新配埋沙律醬好開胃。

去西灣河食午餐，呢間日本定食雖然都幾平民feel，但係食物水準都真係幾一流。我今日揀咗一個金菇牛肉卷定食呢個定食除咗煮食有金菇牛肉卷之外，仲跟三片三文魚刺身、中華沙律同埋面鼓湯。金菇牛肉卷煎得好香口，份量都好夠，而作為前菜嘅三文魚都幾肥美。呢間餐廳午餐定食款式都幾多，等我下次試第另一樣再介紹俾大家啦🤗

太耐冇食日本嘢啦！放工去左食壽司。 呢間壽司舖都開咗好多年㗎！同埋款式好多，有鍋物、魚生、定食、壽司… 前菜有一碗麵豉湯同埋中華沙律，麵豉湯冇過鹹啦！一般般啦！中華沙律正常味道。 雜錦壽司定食$78呢度嘅壽司一般新鮮啦， 起碼冇出水，但都冇乜邊一款特別好食令到我印象特別深刻，不過價錢係幾抵食嘅。 鰻魚飯$88鰻魚飯嘅汁同埋佢個味道唔係好夠，而且啲鰻魚有骨，雖然都勉強吞得落，但感覺上好似退步咗，而且白飯份量好少，又唔係用珍珠米。

西灣河 • 性價比高的日本菜 平時在西灣河食開另一家日本菜•旭川水準不錯 但座位就比較少和擠迫今次走到御菊這家日本菜 很有驚喜門面很有日本格調的感覺價錢十分合理 點了一個2人餐 👅👅2人套餐👅👅前菜選一款選了三文魚壽司👍串燒選兩款主菜可選兩款:1.) 牛肉火鍋整體味不錯 但牛肉有點銀 比較難咬2.) 銀雪魚西京燒👍👍仲有兩碗麵豉湯、白飯、汽水或甜品奉送炒雜菜一碟除此之外 仲有一碟炒菜送添兩個人一定會吃得飽😊

試過牡丹蝦、帶子、火灼三文魚壽司、海膽，用料均十分新鮮，配菜伴碟不戲場，感覺認真有誠意。熟食方面有燒雞扒拉麵、牛舌串燒、牛柳粒、燒魷魚、雜錦天婦羅. 味道都十分好！這個小店食品種類很多，也很新鮮，適合吃刺身或熟食的朋友，一家大小來吃飯也合適，值得推介支持！

情人節當天，因為男朋友9點多才下班，所以就在家裡附近隨便找吃的，剛好這一間沒吃過，而且有2人套餐，價錢挺化算的，所以就想試試看。進去的時候跟我們說last order，而且飯已經沒有了，不過我們已經決定好要點套餐，所以沒所謂。前菜選了鮭魚刺身，串燒則選了牛舌和帶子，主菜選了牛肉照燒，燒鯖花魚，汽水跟冰淇淋二選一，我們選了冰淇淋，套餐裡本來有飯，因為賣完了，所以可以免費換成烏冬或拉麵，我們選了要烏冬。雖然我們這麼晚才到，但食物的味道都很好，尤其是牛肉照燒和鯖花魚，前者入口即溶，後者燒得剛剛好，油脂很多，很香，很好吃。但牛舌串燒就燒得太乾，變得有一點太硬，帶子串燒就還好。熱熱的烏冬很好吃，男朋友說是稻庭烏冬。最後值得一讚是紅豆冰淇淋，紅豆味很濃，很好吃。

男友係ikea 買左野，要去ikea 西灣河自取店攞貨，攞貨前就係西灣河地鐵站周圍行下，見呢間日本野唔使排隊，係門口睇完本menu見價錢都平民化，再裝下鋪頭入面都坐到八成滿，咁我地咪膽粗粗去試食下。（我係前一篇亦有提到小妹就來去東京旅個行，所以想係出發前食多啲香港水準既拉面到時可以同日本既比較一下）晚餐set 就七十幾蚊就有得食。我減肥中就唔食咁多喇。我嗌左個牛肉拉面，但我無諗過來到我面前既竟然係一碗肥牛拉面！仲要非一般咁肥，唔知係呢間餐廳既一貫水準定係我黑仔啦，我分到既肥牛全部每一片都係七成脂肪三成肉！減肥大忌呀大佬！結果我咬走晒啲肥肉先擺到落口。唉。仲有就係食完碗面勁口渴。應該都落左好多味精。不過呢碗野先55蚊，有咁既水準，我唔會話佢差。

食物味道及份量ok。但服務水準真係好唔掂，我明白有其他人等位，如果你真係想客人食完離開可以直接講，不需要在我的座位不停推對面的空椅，而且冇出聲就放張單催人埋，極冇禮貌。真係冇下次！

睇左陣menu，野食岩食，價錢合理一於試下！我地total兩個人，叫左兩個餐！一個叫左汁燒牛扒套餐另一個係汁燒雞扒套餐每個餐有三文魚刺身~~ 三片白飯，麵豉湯同漬物刺身有三片，都唔薄架，唔會一啖就食晒今日漬物係中華沙律呢兩樣唔記得影相就九秒九食左😂😂呢個係汁燒雞扒，好大塊架，隔離仲有啲沙律，絕對夠份量！牛扒都唔細架，一樣有配埋沙律👍麵豉湯就無咩特別啦…其實呢個二人餐都好似幾多野食，下次會試下！唔想食飯既有拉麵，烏冬再唔係可以試下刺身😍

happy friday 食好d，行了去西灣河炸豬扒咖哩飯,略甜的日式味道，但薯仔煮到爛曬。炸豬扒好脆，唔會厚粉算不錯，但肉就厚身。包了麵豉，有豆腐海帶。Taste Average

是日到了西灣河文娛中心看一齣話劇，中午時間便來到西灣河找東西吃。本來友人是推介另一忠記咖啡屋的，但看附近這間御菊好像不錯，又想吃日本菜，便試試。看這間餐廳的評價不過一失，但價錢十分合理。星期一至五不用加一，星期六日仍維持有lunch set不過就有加一。內裡裝璜都算係咁，雖然有啲舊，而且燈光昏暗。餐牌上的都是十分常見的set，叫了一個吉列豬扒飯。Set沒有包餐飲，但跟三文魚刺身三片，漬物和麵鼓湯。麵鼓湯味道很濃，濃到有點咸。漬物一般，三文魚刺身賣相算靚，薄薄幾片，十分不錯。吉列豬扒剛炸起，不算厚切，但還可以。炸漿比較薄，豬扒的紋理清晰可見。份來來說是適中的。不過要提的是飯不是日本飯，較接近平時在家吃的泰國米一類，而且煮得很糊，非常影響口感。也許是港式日本菜吧，要求不能太多，但在附近區來說還是一家午飯時間可以考慮的小店。

放工係西灣河練歌,練之前梗係要食野啦~朋友話想食日本野,西灣河一出地鐵站就有一間,係出面望入去都幾企理,就你啦~望完個餐牌,突然想食刺身飯,所以最後就叫左呢個角切魚生飯,朋友叫左雜錦刺身飯,因為可以一塊塊咁食~等左陣個角角切魚生飯就黎啦,比我想像中多魚生,而且亦都大大粒,刺身有三文魚,吞拿魚,八爪魚,好似仲有希靈魚,一PAT蟹子,加少少薑,自己再加少少芥辣,咁已經好好味~係咁熱既天氣食碗涼涼地既魚生飯就係有D心曠神怡~之後再多個燒魷魚筒,都幾大條,亦燒得好香,少少脆既感覺都唔錯~100蚊食到兩樣唔錯既野都算係幾好GA啦~

比起同區的其他日式餐廳，我差不多10餐中9餐會去翻哩間。點解？因為企理，質素好。$78一個ok豐富的刺身set，無一間做到哩個性價比。部份同意其他會員的意見，我所有時段都幫趁過，午餐真係抵食又好食，但晚餐的確偏貴。服務方面可能比較呆滯，做足但唔會有驚喜，我寧願誠實的表情好過同區幾間日式餐廳硬擠出來的笑容。